تصفح
دخول
تسجيل
نسيتها؟

شو مشان الأبراج ؟؟


شو مشان الأبراج ؟؟

بسم الله والصلاة والسلام على رسول الله ..

كل يوم صباحاً أدرس على أنغام فيروز ولكن في بعض الاذاعات
يعكّر مزاجي مقاطع عن الأبراج .. لديّ قناعة قد لا تعجبكم
(( كذب المنجّمون ولو صدقوا )) صدق رسول الله - ..

ولكن اجا عبالي اليوم اسمع شو هالعلاك !!!

هلأ أول شي أنا ما بعرف شو برجي بس قعدت سمعت شوي حكي لقيت
بكل الأبراج شي مختلف !!!

فما رأيكم ؟؟؟؟

Idea رجاءً : النقاش يلتزم آداب الحوار وطرح النقاط
ومناقشة الموضوع - وليس الكاتب - ..

وشكراً Eye-wink Eye-wink Eye-wink

لو علِمْتمْ كَيْفَ يُدَبّرُ الرّبُ أمُورَكمْ لذابَتْ قلوبُكمْ مِنْ مَحَبته ♥ .

by


انا معك تماماً إنو علاك

Bellatrix's picture
Bellatrix
بعد التخرج


و الله مرت فترة تابعت فيهاالأبراج و مع انو برجي الجوزاء بس بحس إنو حيالله برج بيزبط عليي ..
مشان هيك ما عاد فكرت فيون ..
بس و الله حلوة للي يأسان يعني هي كلها توقعات و تخريف بس اللي حاسس حالو فايت بالحيط بيجي من الصبح بيسمع برجو اللي بيفائلو شوي (و طبعا كل التوقعات ما بيحطوها غير مفائلة للناس..!!) يعني بركي بيتحسن مزاجو ...

بس لما نجي و تفكر فيها من النواحي التانية..بتغير رأيك ..

مثلا ..إذاعيا: هي فقرة بتشد المستمعين و مسلية ..Very Happy
ماديا للعاملين فيها (المنجمين ) : مربحة يعني بيروح الواحد بيحكي كلمتين بيطلعلو بكم قرش و الله مريحة ..!!
فلكيا : بيقولو انو الانسان بيتأثر بحركة كوكب ما في كل فترة و انو هالكوكب بيعطيه مزاج مختلف و كمان بيحدد التوافقات و الحظ و إلخ...
و لكن لما نجي ( للعقل ):بتلاقيها صعبة و الله أنا انسان ببعد عن الزهرة مدري كم ألف كيلو متر يقوم يغيرلي مزاجي و تاني يوم بتأثر بالمشتري ..

يعني شغلة بتجنن..

أما (بالدين):فهي شغلة حرام قطعا لاني سألت عنها شخصيا ..
و هناك أكتر من دليل إزا بدك تتأكد :
استراق الجن للسمع و اعلام المنجم عن الغيب مع ان العالم هو الله
)وَعِنْدَهُ مَفَاتِحُ الْغَيْبِ لا يَعْلَمُهَا إِلَّا هُوَ وَيَعْلَمُ مَا فِي الْبَرِّ وَالْبَحْرِ وَمَا تَسْقُطُ مِنْ وَرَقَةٍ إِلَّا يَعْلَمُهَا وَلا حَبَّةٍ فِي ظُلُمَاتِ الْأَرْضِ وَلا رَطْبٍ وَلا يَابِسٍ إِلَّا فِي كِتَابٍ مُبِينٍ)(الأنعام:59)
و (كذب المنجمون ولو صدقوا )
و إلحاق الجن السارق للسمع بشهاب
(إِلا مَنْ خَطِفَ الْخَطْفَةَ فَأَتْبَعَهُ شِهَابٌ ثَاقِبٌ)(الصافات:10)
(إِلا مَنِ اسْتَرَقَ السَّمْعَ فَأَتْبَعَهُ شِهَابٌ مُبِينٌ)(الحجر:18)

و إزا بدك تقعد و تقنع فيها المنجمين فما رح يطلع بإيدك شي لإنو هادا الشي بيعتبروا المنجمين متل شي رباني ..ميزة تفضيل اللي هوة ...Idea
المهم نحنا منفكر بالعقل و مندور ع الطريق اللي بيريحنا و بالآخر كل شي بإيد رب العالمين ..

آسفة ع الإطالة ..بتمنا يكون بكلامي فائدة ..

هاموو..

Hamoo's picture
Hamoo
السنة الخامسة

DR-MAK wrote:
بسم الله والصلاة والسلام على رسول الله ..

(( كذب المنجّمون ولو صدقوا )) صدق رسول الله - ..

Eye-wink Eye-wink Eye-wink

قلتها لحالك

Dr.Caesar's picture
Dr.Caesar
السنة السادسة


حلو حلو كتير ..

يعني بفهم أنه تقريباً شعبنا بمعظمه ( مو كله )
واعي من هالناحية .. يا سيدي شي بيبعث للتفائل ..

لأنه بصراحة مجموعة من ( توافه الناس ) يؤمنون ايمان كبير بهالأبراج .. لا حول ولا قوة الا بالله ..

شو رأي باقي الأعضاء ؟؟

DR-MAK


انا اسمي مقتبس من برجي , ولو ما بحبو ما كنت اتخذتو nickname , بس ما فيك تقول اني مع الأبراج ولا ضدها ,
بحس انو فيها شي من العلم , بس العرب كعادتهم أخدو الجانب السيء ,
و بحب برجي لأنو بعبر عن شخصيتي , مو لاقتناعي بالأبراج بل لاقتناعي ببرجي و بشخصيتي

Leo's picture
Leo

Quote:
بس العرب كعادتهم أخدو الجانب السيء

له يا شريك ..

قال ص - (( من أتى كاهناً أو عرّافاً وصدقه بما يقول , فقد كفر بما أنزل على محمد ))

ونسيت (( كذب المنجّمون ولو صدقوا ))

أي علم بهالكفر هاد ؟؟؟

DR-MAK


أنا ما قصدي بالأبراج معرفة مستقبل صاحب البرج , و إنما شخصية صاحب البرج و طباعو , صحيح ما بتكون دقيقة تماما ً , بس أنا مقتنع فيها جزئيا ً عالأقل .
علم الفلك علم موجود , و الأبراج من أحد فروع هالعلم .

Leo's picture
Leo

Quote:
بس أنا مقتنع فيها جزئيا ً عالأقل .

قال ص - (( من أتى كاهناً أو عرّافاً وصدقه بما يقول , فقد كفر بما أنزل على محمد ))

DR-MAK


+ مجرد تسأل وما تصدّق - لا تقبل صلاتك أربعين يوماً -

DR-MAK


الإنسان بطبيعته يسعى لأن يعرف شيئاً عن المجهول، هذا المجهول المقلق له في كثير من الأحيان... و من هنا منذ الأزمان الغابرة بدأ الإنسان بالبحث عن شيء ليملئ هذه الرّغبة الجامحة...
و لكن المشكلة أننا في عام 2007 و لا زال الكثيرون يستمعون إلى مثل هذه الأمور... و السبب هو إمّا الرّغبة في ملء الرّغبة الجامحة السّابقة أو و هو حال الكثيرين لكي يحصلوا على هواية... فالكثيرون يبحثون عن هواية يجدونها في الأبراج لأنّها -مع احترامي لمحبّيها- ليست ناتجة عن موهبة بل عن معلومات مكتسبة بشكل إرادي و بشكل استمراري حوّلها لشكل من أشكال الهوس...
هلّق كل هادا مو شي لأنّه ما حدا بيظبط برجه...
و لكن سأقول لكم هذه القصّة...
مرّة كنت مع أحد أصدقائي في مدينة بانياس و كنّا ننتظر البولمان كي يقلّنا إلى دمشق بعد خمسة أيّام قضّيناها في أجمل أماكن الدنيا و هي ساحلنا السّوري... فانتظرنا البولمان في إحدى القهاوي المطلّة بشكل أو بآخر على البحر...
فإذ بإحدى العرّافات تأتي و تنظر لصديقي و تقول له: "صار لها ثلاث سنوات و هي تعذّبك..." كانت جملة صاعقة له ... ((هي طبعاً جملة قد توافق 75% من النّاس)) فما كان منه إلاّ أن بيّض الفال مثلما قالت و أخذ يعطيها نقوداً و هي تتنبّأ له بأمور سيّئة جدّاً فكانت أوّل نبوءة أنّ هذه الفتاة التي يحبّها سوف ترتبط بإنسان آخر و أنّه في نفس الوقت سيتوفّى إنسان عزيز له بعدها سوف تمرّ عليه سبع سنوات عجاف من المرارة...
المهم بعد فترة حدثت حادثتين و هي أن توفّيت جدّته و الفتاة التي كان يحبّها ارتبطت بإنسان آخر... ((لا زلت أعتبرها صدف))... و لكنّ صديقي دخل في حالة اكتئاب ... و هو الآن لا يستطيع أن يرى النّاس حتّى نحن أصدقاءه لا يرضى أن يرانا...
للأسف لقد صدّق كلّ ما قالت... و ظنّ أنّ البؤس مكتوب عليه...
و للأسف الأكبر أنّه شابّ طيّب القلب و كان ناجحاً في الجامعة... و لكن للأسف... أصبح شبه إنسان...

Dr. Hani Nazha's picture
Dr. Hani Nazha


أنا بتفق شوي معك leo مع أنو ما بحب برجك لأنو طباعه قاسية
على كل حالEvanescence شغلة

papillon-nana's picture
papillon-nana
بعد التخرج


بس كمان بتفق مع Dr.Hani Razz

papillon-nana's picture
papillon-nana
بعد التخرج

Dr. Hani Nazha wrote:
وفإذ بإحدى العرّافات تأتي و تنظر لصديقي و تقول له: "صار لها ثلاث سنوات و هي تعذّبك..." كانت جملة صاعقة له ... ((هي طبعاً جملة قد توافق 75% من النّاس)) فما كان منه إلاّ أن بيّض الفال مثلما قالت و أخذ يعطيها نقوداً و هي تتنبّأ له بأمور سيّئة جدّاً فكانت أوّل نبوءة أنّ هذه الفتاة التي يحبّها سوف ترتبط بإنسان آخر و أنّه في نفس الوقت سيتوفّى إنسان عزيز له بعدها سوف تمرّ عليه سبع سنوات عجاف من المرارة...
المهم بعد فترة حدثت حادثتين و هي أن توفّيت جدّته و الفتاة التي كان يحبّها ارتبطت بإنسان آخر... ((لا زلت أعتبرها صدف))... و لكنّ صديقي دخل في حالة اكتئاب ... و هو الآن لا يستطيع أن يرى النّاس حتّى نحن أصدقاءه لا يرضى أن يرانا...
للأسف لقد صدّق كلّ ما قالت... و ظنّ أنّ البؤس مكتوب عليه...
و للأسف الأكبر أنّه شابّ طيّب القلب و كان ناجحاً في الجامعة... و لكن للأسف... أصبح شبه إنسان...

عفكرة، مرة سمعت محاضرة للدكتور ابراهيم الفقي تتكلم عن توقعات الإنسان لما سيحدث.
و الملخص إنو كثرة تفكير الإنسان بشيء معين تجعله ممكن الحدوث،مثلاً إذا فكرت كتير إنو رح تعمل حادث بتعمل حادث
بقا بتصور إنو كثرة تفكير صديقك بكلام العرافة مع تصديقه لها و لو جزئياً (بعدما جابت سيرة الفتاة التي يحبها) ربما جعلت الامور ممكنة الحدوث.....
الله أعلم

Bellatrix's picture
Bellatrix
بعد التخرج


الأبراج مكان جيد للبصارات والعرافات والبصارين والعرافين لاستغلال أصحاب التفكير السطحي .
ومابخفيكن انو عندي جارة بتقرا فنجان طلعت على اسبانيا قبرت الفقر من ورا الشغلة هنيك و صار عندا مزارع ببلودان وفيلات كمان.
وشكرا ماكو على ذكر الحكم الشرعي الذي يحسم القضية.

roamer's picture
roamer
بعد التخرج

roamer wrote:
ومابخفيكن انو عندي جارة بتقرا فنجان طلعت على اسبانيا قبرت الفقر من ورا الشغلة هنيك و صار عندا مزارع ببلودان وفيلات كمان.

شو هالحكي Shocked إذاً بلا هالدراسة و خليني اشتغل بصارة أحسن لي Laughing out loud

Bellatrix's picture
Bellatrix
بعد التخرج


أنا طبعا ً أتفق مع ماك و مع الدكتور هاني ,
و يمكن فكرتي ما وصلتك محمد , انا ما بسمع الأبراج لأعرف عن المستقبل أبدا ًلأني مقتنع تماما ً بقضاء رب العالمين , و ما الي أي حق إني اعرف الشي قبل حصوله .و لما قلتلك " جزئيا ً " فقصدي الجانب الفلكي منها , لأنو الأبراج مقتبسة فعلا ً عن مجموعات نجوم موجودة بالسماء , أخدت أسماء مختلفة و تم اسقاطها بشكل ما على طباع اللإنسان ..
أنا طباعي بتوافق برجي و لهيك أنا بحب برجي , و ما ممكن اقتنع بانو أي طريقة ممكن تخليني اعرف المستقبل لا الأبراج و لا التنجيم ولا كل هالعلاك الفاضي ..
انت عم تدور تدور , و ترجع للتنجيم و معرفة المستقبل و هاد شي مرفوض تماما ً , وصلت الفكرة ولا لسة ؟؟ Evil

Quote:
أنا بتفق شوي معك leo مع أنو ما بحب برجك لأنو طباعه قاسية .
على كل حالEvanescence شغلة

انت الشلغة !! Eye-wink Eye-wink

Leo's picture
Leo


شكراLeo كلك ذوقEye-wink

papillon-nana's picture
papillon-nana
بعد التخرج

Quote:
+ مجرد تسأل وما تصدّق - لا تقبل صلاتك أربعين يوماً

ومتل ما قلتو علاك

White_Rose's picture
White_Rose
السنة الثالثة

Quote:
عفكرة، مرة سمعت محاضرة للدكتور ابراهيم الفقي تتكلم عن توقعات الإنسان لما سيحدث.
و الملخص إنو كثرة تفكير الإنسان بشيء معين تجعله ممكن الحدوث،مثلاً إذا فكرت كتير إنو رح تعمل حادث بتعمل حادث
بقا بتصور إنو كثرة تفكير صديقك بكلام العرافة مع تصديقه لها و لو جزئياً (بعدما جابت سيرة الفتاة التي يحبها) ربما جعلت الامور ممكنة الحدوث.....
الله أعلم

أنا مقتنعة بهالشي إنو الواحد لما يفكر بشغلة كتيير بتتحقق وصاير معي كتييير شغلات كنت فكر فيها كتييير

أما الأبراج

Quote:
أنا ما قصدي بالأبراج معرفة مستقبل صاحب البرج , و إنما شخصية صاحب البرج و طباعو , صحيح ما بتكون دقيقة تماما ً , بس أنا مقتنع فيها جزئيا ً عالأقل .
علم الفلك علم موجود , و الأبراج من أحد فروع هالعلم .
hw's picture
hw


وبالنتيجة متل ما قال الكل

فعلا هاد كلو علاك فاضي

hw's picture
hw


يعني بتلاقي ملايين المجلات والجرايد ،، اللي في كل وحدة صفحة و زاوية للأبراج ،، وكلهن مخلتفين مع بعضهن ،،، فأي علم هذا اللي متناقض مع بعضه ،، واللي بيتناقض فيه العلماء مع بعضن فيه ،، بحياته ما تناقض عالمين في الرياضيات ، كأن يقول العالم الأول 1+1=2 والثاني يقول = 3 ،، لأنه هذا علم ،، أما الأبراج فهي خزعبلات للاشخاص اللي نفوسن ضعيفة من ناحية هالأمور ومو رضيانين بواقعهن وبدهن حدا يضحك عليهن ويرسملن حياتن ،، وخاصة أنه بتطلع المنجمة وبتقول يوم السعد عندك الخميس بس رح تواجهك بعض المشاكل ،، وهالشي طبيعي أن الانسان بيتعرض لمشاكل وبيعرض للحظات حلوة ،،، فإذا صار شي منيح بنقول اي والله مثل ما قالت تبع الأبراج وإذا صار شي مو منيح بنقول اي والله هيك قالت تبع الأبراج أنه أنه ممكن نتعرض لبعض المشاكل ،، وبعدين المؤمنين بالأبراج ،، بيصيروا يتفاعلوا مع الحوادث اللي بتصير معهن بعواطف الأبراج وبعواطف مرسومة من قبل ،، يعني ما بيتعاملوا معها أو بيحسوا اتجاها باحساس لحظي وقت وقوع الحدث ،، أو بتصير احاسيسهن بتتوزع ما بين اللي سمعوا من الأبراج ،، وما بين الواقع ،، ولكن هنالك علم الفلك اللي ممكن الانسان يقتنع فيه رغم أنه الأبراج جزء من علم الفلك ،، ورح وضح أكثر ،، على سبيل المثال هنالك كواكب مرتبطة بالأرض مثل القمر مرتبط بالأرض وبيؤدي لحدوث ظاهرة المد والجزر في البحر ,وظواهر اخرى ما بنعرفها بعدها مجهولة ،، وهنالك كواكب مسؤولة عن شموخ أو انتصاب الأبنية على سطح الكرة ،، يعني شو سبب أنه الانسان ما بينجذب جانبيا يعني مثل النايم في كواكب مسؤولة عن هالشي ،، يعني الأرض فيها جاذبية نحو المركز وكواكب أخرى الها جاذبية نحو الاعلى ،،وفي كواكب مسؤولة عن توازن الكون وفي حال صار خلل فيها ممكن هالشي يؤدي لحدوث زلزال في منطقة معينة،، من بين هالعلماء اللي قدروا يعرفوا مواقع النجوم اللي الله سبحانه وتعالى قال بالآية الكريمة : ( فلا أقسم بمواقع النجوم وإنه لقسم لو تعلمون عظيم ) ، العالم عمر بن مسعود اللي قدر يعرف طبيعة جميع الكواكب ومواقعها وتأثيرها على الكرة الأرضية ،،هالعالم من سلطنة عمان في مدينة عبري منطقة السليف ،، طبعا كان هالعالم فقيه بالدين وأحد اأولياء اللي الله سبحانه وتعالى خصهن بكرامات ومنها العلم ،، فكان عالم بالكواكب عن طريق القرآن وبكرامة من الله ،، والكتب اللي ألفها موجودة للآن ،، وما حدا بيقدر يفهمها إلا الراسخين بالعلم وأهل الكرامات فقط ،، فوصف الكواكب ومواقعها بشكل لم يصفه أي عالم من علماء الفلك ،، ففي أحد المرات تنبأ هالعالم بأنه أهل عمان رح يهاجرو نحو الغرب ،، في البداية نقول أنه منجم ،، ولكن الفكرة هي كاالتالي ،، لما عرف هاالعالم الفلكي أنه في نيزك رح يسقط في منطقة معينة من عمان أو الكوكب الفلان رح يتغير موقعه وبالتالي رح يأثر على تواجد المياه بهالمنطقة بالتالي رح يؤدي لهجرة أهل هالمنطقة نحو الغرب لأنه من ناحية الشرق مغلقة المنطقة ،، بينما من ناحية الغرب مفتوحة ممكن الهجرة منها ،، بالتالي تنبأ بشي ممكن يحصل عن طريق معرفة بمواقع النجوم ،، فهو ما حكم على اللي رح يصير بشكل مباشر وانما من خلال معرفة بالجفاف أو النيزك اللي رح يسقط بهالمنطقة ،، أما الحرام فهو معرفة مصير الانسان وكأنه ما في قضاء وقدر وانما الكواكب هب اللي بتسير الانسان يعني الانسان بالنسبة لمنجمين مسير وليس مخير ،، واسم الكتاب اللي ألف العلامة عمر بن مسعود (كشف الأسرار المخفية في علم الأجرام السماوية والرقوم الحرفية)

د. أبو عماد's picture
د. أبو عماد

Quote:
شو رأي باقي الأعضاء ؟؟

صحيح الموضوع صرلو أبصر كم أسبوع بس مدري شلون وصلت لهونShocked
أما عن الأبراج فصايرة شغلة اللي مالو شغلة عالتلفزيون والراديو و الجرايد و .... وآخر موضة المنجمات المحجبات يعني شي ببكي Crying or Very sad لأ وبتقلك إن شاء الله هيك بدو يصير Idea
أبسط سبب بخليني ما آمن فيها إني أنا وخالتي خلقانين مو بس بنفس الشهر بنفس اليوم .. وطبعاً في فرق بين حياتها وحياتي, اهتماماتها واهتماماتي, رزقتها ورزقتي, .....
من آخرتا لا يعلم الغيب إلا الله !

Quote:
كذب المنجّمون ولو صدقوا
...Nightingale

Bellatrix wrote:
Dr. Hani Nazha wrote:
وفإذ بإحدى العرّافات تأتي و تنظر لصديقي و تقول له: "صار لها ثلاث سنوات و هي تعذّبك..." كانت جملة صاعقة له ... ((هي طبعاً جملة قد توافق 75% من النّاس)) فما كان منه إلاّ أن بيّض الفال مثلما قالت و أخذ يعطيها نقوداً و هي تتنبّأ له بأمور سيّئة جدّاً فكانت أوّل نبوءة أنّ هذه الفتاة التي يحبّها سوف ترتبط بإنسان آخر و أنّه في نفس الوقت سيتوفّى إنسان عزيز له بعدها سوف تمرّ عليه سبع سنوات عجاف من المرارة...
المهم بعد فترة حدثت حادثتين و هي أن توفّيت جدّته و الفتاة التي كان يحبّها ارتبطت بإنسان آخر... ((لا زلت أعتبرها صدف))... و لكنّ صديقي دخل في حالة اكتئاب ... و هو الآن لا يستطيع أن يرى النّاس حتّى نحن أصدقاءه لا يرضى أن يرانا...
للأسف لقد صدّق كلّ ما قالت... و ظنّ أنّ البؤس مكتوب عليه...
و للأسف الأكبر أنّه شابّ طيّب القلب و كان ناجحاً في الجامعة... و لكن للأسف... أصبح شبه إنسان...

عفكرة، مرة سمعت محاضرة للدكتور ابراهيم الفقي تتكلم عن توقعات الإنسان لما سيحدث.
و الملخص إنو كثرة تفكير الإنسان بشيء معين تجعله ممكن الحدوث،مثلاً إذا فكرت كتير إنو رح تعمل حادث بتعمل حادث
بقا بتصور إنو كثرة تفكير صديقك بكلام العرافة مع تصديقه لها و لو جزئياً (بعدما جابت سيرة الفتاة التي يحبها) ربما جعلت الامور ممكنة الحدوث.....
الله أعلم

في فيلم اسمه The secret حكولي عنو كتير بيحكي عن نفس هالقصة كيف الانسان بعقله الباطن وقت بيتوقع شغلة ممكن تصير وغالباً بتصير ... حدا سمع عن هالظاهرة ؟ وحدا شاف الفيلم ؟

DR-MAK

Quote:
حدا سمع عن هالظاهرة ؟ وحدا شاف الفيلم ؟

أي انا ..هو مو فيلم فيلم ..بس حلو كتير ، و في منه كتاب يمكن !

جيانا's picture
جيانا
السنة السادسة

Quote:
و الملخص إنو كثرة تفكير الإنسان بشيء معين تجعله ممكن الحدوث

اكتر شغلة بتصير معي بحياتي :

امتحان بالسنة الأولى مدري التانية ، نحن عالباب ،

* فلانة ..إنت قاعدة ورايي ..عدي كم ورقة معك و قليلي بخاف يطلعوا ورقاي ناقصين .

- طيب أوك ..

* فلانة ..إنت قاعدة جنبي ..شوفي عدي كم ورقة معك ،والله بخاف يكون وراقي ناقصين

& ما شي الحال

بالقاعة :

* يا شباب كلكم عدوا ورقاكم بالفحص ماشي

&- خلاص فهمنا

* للمراقبة : ممكن تعدي كم ورقة قبل ما تعطينا ياهون .

المراقبة : ماشي

وزعت الأوراق و بكل القاعة الأوراق كااملة عدا أوراقي

و كله اضحك عليه و استغرب مني !

شكلك عارفة اوراقك حيكونو ناقصين؟

* لا والله بس اللي بيخاف من البعبع بيطلعله .

---------------------------------

جيانا's picture
جيانا
السنة السادسة

Quote:
في فيلم اسمه The secret حكولي عنو كتير بيحكي عن نفس هالقصة كيف الانسان بعقله الباطن وقت بيتوقع شغلة ممكن تصير وغالباً بتصير ... حدا سمع عن هالظاهرة ؟ وحدا شاف الفيلم ؟

أنا شفتو هو عبارة عن ناس عميحكو عن تجاربهن بهالمجال حتى أنو أحدهم أًصيب الحبل الشوكي عندو وأصبح مشلولاً لكن -عحد تعبيرو- بإرادتو وأنو حط بمخو ما لح أطلع من المشى إلا ماشي عرجلي فقدر يمشي Rolling Eyes
ما قدرت كتير صدق الحكي
هاد موقع للفلم http://www.thesecret.tv/

Pink-Foreigner's picture
Pink-Foreigner
السنة السادسة


في فلم آخر عن هالموضوع (يقال أنه الجزء الثاني لفلم the secret)
اسم الفلم هو The Opus ..... تقريباً نفس الفلم الأول بس أحلى بكتير .......
هالفلم يتجنب الحديث عن قانون الجذب بالاسم (إلا القليل) ويميل نحو تطبيقه بواقعية أكثر و بأسلوب رائع ...............
حتى لو لم يصدق المشاهد الفكرة الرئيسية منه ...... سترتفع معنوياته بشكل ملحوظ
طبعاً بفلم The Secret أو The Opus اقتنعت بأفكار كثيرة ..... لكن الاعتراض على الطرق المستخدمة في عرض الأفكار وعلى بعض المصطلحات
ملاحظة هامة ......
الترجمة في الفلمين دائماً تكون محرفة بما يتماشى مع مبادئ المترجم وقناعاته ....... إذا أردت المشاهدة ...... أنصحك بعدم قراءة الترجمة .... بل السماع باللغة الانكليزية مباشرة
مشاهدة الفلم لا تضر (خصوصاً الثاني) ....... أنصح الجميع بالتجربة Very Happy Very Happy

tareq145's picture
tareq145
السنة الثالثة
ابق على تواصل مع حكيم!
Google+