تصفح
دخول
تسجيل
نسيتها؟

أنا ولا انتي .. مين بيقعد و مين بيقف ؟؟؟


أنا ولا انتي .. مين بيقعد و مين بيقف ؟؟؟

الفكرة يا شباب انو :
من زمان يوم كنا صغار كنا نشوف انو الرجال لما بيكون بباص النقل الجماعي وكان يطلع رجال كبير أو ست كبيرة أو حتى صبية مالن محل كان يوقف ويقعدهم..
الآن اللي عبيصير :
كبر السن بعدو مقدّر أما اذا طلعت امرأة أو صبية فالفكرة اختلفت شوي ..كيف؟
صار يبقى الشب قاعد وتارك الصبية واقفة حتى لو كان واضح انزعاجها .............. شو تفسير هالشي؟
هل الرجل ينظر إلى المرأة بعين المساواة التي تطلبها , ويريد أن يتساوى معها حتى في هكذا أمور؟؟!!
أم أنه لا يرى في نفسه القدرة على تحمل الوقوف ؟؟ وهذه مشكلة حقيقية تدل على خلو مجتمعنا من الرجال.
أم هل هو تأثرنا بالغرب بلغ هذه الدرجة ؟؟
وهل ترى المرأة أن من حقها الجلوس في مكان قد جهز لها؟؟.

تساؤلات عديدة لا يمكن لشخص واحد جمعها , فهل من مشاركات لبلورة الفكرة...

ألوان بترد الروح (سبحان الله) ........... صورة بين بساتين بلودان

by
السنة الخامسة


والله يا عمي في بنات ما بيستاهلو احترام....طبعا" مو كلهم,بس عموما" أنا مع المساواة,بس مدري شو صاير للبنات ,كأنهم كبران راسهم يا زلمة...يعني من خلال تعاملي هون بالجامعة مع هل البنات تبع الجامعة لاحظت أنهم كتير شايفين حالهم ومافي ذوق بالتعامل أبدا",بعرف كم واحد حينط ورح يقول :مو كلهم..وأنا عبقول من هلق:ثلاث أرباعكم,ومو بس بنات جامعتنا,حتى براتها..فلا دقق على الوقفة والقعدة وتلحش الحق على الغرب حتى بهل الشغلة لأنو البنات هنيك محترمات لأنهم بحترموا الشباب...وسلام

zaid's picture
zaid
بعد التخرج

zaid wrote:
والله يا عمي في بنات ما بيستاهلو احترام....طبعا" مو كلهم,بس عموما" أنا مع المساواة,بس مدري شو صاير للبنات ,كأنهم كبران راسهم يا زلمة...يعني من خلال تعاملي هون بالجامعة مع هل البنات تبع الجامعة لاحظت أنهم كتير شايفين حالهم ومافي ذوق بالتعامل أبدا",بعرف كم واحد حينط ورح يقول :مو كلهم..وأنا عبقول من هلق:ثلاث أرباعكم,ومو بس بنات جامعتنا,حتى براتها..فلا دقق على الوقفة والقعدة وتلحش الحق على الغرب حتى بهل الشغلة لأنو البنات هنيك محترمات لأنهم بحترموا الشباب...وسلام

بدك يانا نحكي بالمواساة!!
ليش فيك تنكر الطبيعة البشرية؟
بأن الذكر مختلف في تكوينه الحيوي والجسدي عن الأنثى

المرتاح
السنة الخامسة


من خلال تجربة شخصية مع " الغرب " .
أنا معتاد هنا عندما أجد سيدة أو آنسة أو رجلاً أكبر من مرحلة الشباب أن أقول له تفضل ، وأجلسه مكاني .

في بريطانيا ( على سبيل المثال ) لديهم من الزحمة ما لدينا (لاسيما في مترو الأنفاق) .
دخلت إلى المترو مع عشرات الداخلين ، ولم أصدق أن رأيت مكاناً خالياً فألقيت بجسدي عليه .
بعد أن استقر اِلأمر وبدأ بقطار بالتحرك ، نظرت إلى نفسي مستغرباً سنيعها وتقليدها لنفوس شباب الغرب ورجالهم الذين ارتصوا أمامي وبجانبي:
انظر البنات واقفات مسكينات .. أجلسهين يا قليلة الذوق !!
هممت بالفعل لكن الحقيقة قدماي لم تحملاني ولم أستطع النهوض بعد أن جلست ، وقلت لنفسي أنت أولى .
تعب اليوم ، وإرهاق العمل ، وكد النهار ، ومادية الغرب => نظرت إليهن وقلت في نفسي عذراً منكن لكن لا مجال وأنتن تقلن لافرق .. فإذاً لا فرق .

DAM's picture
DAM

DAM wrote:
من خلال تجربة شخصية مع " الغرب " .
أنا معتاد هنا عندما أجد سيدة أو آنسة أو رجلاً أكبر من مرحلة الشباب أن أقول له تفضل ، وأجلسه مكاني .

في بريطانيا ( على سبيل المثال ) لديهم من الزحمة ما لدينا (لاسيما في مترو الأنفاق) .
دخلت إلى المترو مع عشرات الداخلين ، ولم أصدق أن رأيت مكاناً خالياً فألقيت بجسدي عليه .
بعد أن استقر اِلأمر وبدأ بقطار بالتحرك ، نظرت إلى نفسي مستغرباً سنيعها وتقليدها لنفوس شباب الغرب ورجالهم الذين ارتصوا أمامي وبجانبي:
انظر البنات واقفات مسكينات .. أجلسهين يا قليلة الذوق !!
هممت بالفعل لكن الحقيقة قدماي لم تحملاني ولم أستطع النهوض بعد أن جلست ، وقلت لنفسي أنت أولى .
تعب اليوم ، وإرهاق العمل ، وكد النهار ، ومادية الغرب => نظرت إليهن وقلت في نفسي عذراً منكن لكن لا مجال وأنتن تقلن لافرق .. فإذاً لا فرق .

هالفكرة عند الغرب موجودة .
وانت يا عبودي تعاملت مع الموقف تبعا للمكان والأشخاص.
وانا متأكد انو ما رح تاخدك العادة وتعملها بالشام..
بس المشكلة بالعالم اللي بتنسى انو رجعت لبلدها وأهلها وناسا:Eye-wink wink: Eye-wink

المرتاح
السنة الخامسة


أنا والله لي وجهة نظر
يمكن ما حدا بيشاركني فيها
هي اذا ما رفضها المجتمع
يعني ليش الشب لازم يعطي مقعدوا للبنت؟؟؟؟؟
بصراحة ليش البنت تطلع وما لها محل؟؟؟؟
أنا رأيي أنو المساواة ما لها علاقة بهاد الموضوع
وانما الذوق هو المسيطر بهالموضوع
لا تفهموا من حكي أني متعنتة
وانما.............

nice monamoor's picture
nice monamoor
بعد التخرج


شرعاً وخلقاً وأدباً :

لازم تحترم المرأة التي يحرمها كل ديانات العالم وأن تتيح لها الجلوس في مكانك ..

شخصياً :

بقوم وما بتفرق معي واقف أو قاعد بس على الأقل بكون ريحت ضميري !!!

DR-MAK

nice monamoor wrote:
أنا رأيي أنو المساواة ما لها علاقة بهاد الموضوع
وانما الذوق هو المسيطر بهالموضوع

هاد رأي كمان
يعني بتلاقي الشباب بدافشو بالبنات على سرفيس دورا شمالي أو على
القرية المتحركة(دوار جنوبي)

لازم يكون في شوية زووق ياعمي

Dr_Hero's picture
Dr_Hero
طبيب مقيم

DR-MAK wrote:
شرعاً وخلقاً وأدباً :

لازم تحترم المرأة التي يحرمها كل ديانات العالم وأن تتيح لها الجلوس في مكانك ..

شخصياً :

بقوم وما بتفرق معي واقف أو قاعد بس على الأقل بكون ريحت ضميري !!!

انا معك,بس يا أخي ما في احترام من قبل المرأة للشب,دائما" رافعات مناخيرهم للسماء,يعني أنا شخصيا" مع احترام المرأة ,بس ياريت نلاقي احترام متبادل..يعني اذا بنت بتصير بتستغل هل الشي لأشياء تانية متل الطحش بدوائر الدولة لك حتى بفرن الفطاير ,وما في عفوا" اذا طيرت أو روحت واجهتك بطريقا. يعني فمنا أنو عطيناها الدور بس مو كمان محللون قلة الذوق!!

zaid's picture
zaid
بعد التخرج


من جهتي ومن يوم دخولي لهذه الكلية اكتشفت انه لا يمكن ان استمر الا ان مشيت على مبدأ: ما حك جلدك مثل ظفرك ...فتول انت جميع أمرك

وهذا بسبب انعدام الذوق والمروءة عند الأكثرية___وليس الجميع____

لن أنتظر ذوق الشباب ورفيع خلقهم حتى أرى المحضر أو أفحص المريض أو أشتري محاضرات أو أقعد أول صف بالستاج .....لأنهم دائما لن يخطر على بالهم انهم بطولهم الفارع وقامتهم الممشوقة قد حجبوا أسباب الفائدة عن الكائنات الأخرى ..هذا ان احسوا بوجود كائنات اخرى!!!!

للأسف حين تأتي الأمور لكرسي الباص نتذكر المساواة ونقر بها اما ان كانت في مجال كسب مصلحة ..........

drpinkypanther's picture
drpinkypanther
بعد التخرج

drpinkypanther wrote:
لن أنتظر ذوق الشباب ورفيع خلقهم حتى أرى المحضر أو أفحص المريض أو أشتري محاضرات أو أقعد أول صف بالستاج .....لأنهم دائما لن يخطر على بالهم انهم بطولهم الفارع وقامتهم الممشوقة قد حجبوا أسباب الفائدة عن الكائنات الأخرى ..هذا ان احسوا بوجود كائنات اخرى!!!!

هل برأيكم من الأفضل الفصل بين الطلاب و الطالبات في الدروس العملية بحيث يأخذ كل فريق راحته أكثر ؟؟

Al Durra's picture
Al Durra
بعد التخرج


طبعاً أخي الدره ..

وأنا على فكرة ضد فكرة الاختلاط كلها بجامعاتنا مع احترامي لكل جامعات العالم .. لأنه الموضوع محرج بكتير من الأحيان ..

أخي زيد :

صدقني أول شي مو كل أصابيعك متل بعضها ..

تاني شي : انت بتعمل اللي بيرضي ربك وضميرك وما همك تصرف الناس حولك ..

هي خلاصة تجربتي بالكلية .. فعلاً لازم تهتم لأمرك ولأمر غيرك أما اذا ما حدا اهتم لأمرك فلازم هالشي ما يزعجك لأنه صدقني أولاً وأخيراً انت بتكون عملت بأصلك وهنن بأصلهم ...

وكل مين بيعرف أصله !!

DR-MAK


السلام عليكم ,
المساواة لاتقف فقط على بسائط الأمور , ولا علاقة للمساواة في موضوع الكرسي والباص ,

هناك بعض شركات النقل حين الحجز تقوم تلقائيا باختيار مقاعد فقط للبنات وحين يصعدن يجدن أرقامهن بجانب بعضهن البعض (Crying or Very sad Crying or Very sad Crying or Very sad هلكتني نون النسوة)

خلاصة العبارة وكما قيل من البعض , كل إنسان يعمل بمايرضيه ضميره
وبالنسبة لطرح بعض الأخوات حول مايجري في الجامعه ,لافرق بين رجل ولا إمرأة وكل منهم قادر على أن يحصل حقوقه بنفسه دون إنتظار مساعدة الآخر ونحن شعب شرقي يحب النخوة ويعمل بها وانا متاكد ان البنت لوطلبت من زميلها في الجامعه ان يفسح لها المجال لتشارك بشيء معين أو طلبت مساعدة فلن يتوانى عن مساعدتها

والسلام مسك الختام

Dr.Syrian's picture
Dr.Syrian
طبيب مقيم


وانا متاكد ان البنت لوطلبت من زميلها في الجامعه ان يفسح لها المجال لتشارك بشيء معين أو طلبت مساعدة فلن يتوانى عن مساعدتها

عزيزي الطالب :

بأكدلك أنه 75 بالمية من طلاب كليتك العتيدة لا يعرفون عن ماذا تتحدث ..

لك يا ابني اذا طالب كان رح يقوم يضرب طالبة بنصف المدرج ونص الشباب قلبوا نسوان وما عادو بينوا بالمدرج ..فكيف بدك الوضع يكون ؟؟؟

DR-MAK

DR-MAK wrote:
وانا متاكد ان البنت لوطلبت من زميلها في الجامعه ان يفسح لها المجال لتشارك بشيء معين أو طلبت مساعدة فلن يتوانى عن مساعدتها

عزيزي الطالب :

بأكدلك أنه 75 بالمية من طلاب كليتك العتيدة لا يعرفون عن ماذا تتحدث ..

لك يا ابني اذا طالب كان رح يقوم يضرب طالبة بنصف المدرج ونص الشباب قلبوا نسوان وما عادو بينوا بالمدرج ..فكيف بدك الوضع يكون ؟؟؟

أخي الكريم :
طبعا هذا مارأيته أنت بأم عينك لايحصل إلا قل ماندر ولذلك لايجب التعميم , وانا تكلمت أيضا بشكل عام ولم أقل 100% أو نسبة أخرى لكني أعرف أن الغالبية أخيار ويساعدون بعضهم البعض ورغم أني لست من الكلية العتيدة كما اسميتها انت لكني اعمم كلامي على كل طبقات مجتمعنا وليس فقط في دمشق بل وفي حلب واللاذقية ووووو....

Quote:
اذا طالب كان رح يقوم يضرب طالبة بنصف المدرج ونص الشباب قلبوا نسوان وما عادو بينوا بالمدرج

وماذا تنتظر من الشباب بالمدرج؟أن يقوموا ويضربوا الشاب الآخر؟Shocked ,ونحن لاندري مالذي حصل , ولكن ليس الكل هرب ؟Question وانا متاكد ان البعض قاموا باصلااح ذات البين بين الطالب والطالبة ومنعوا الشجار ,...

خلاصة القول : الخير في أمتي الى يوم الدين
أو كما قال رسول الله صلى الله عليه وسلم
ودمتم سالمين

Dr.Syrian's picture
Dr.Syrian
طبيب مقيم


بما أني بنت فبرأيي أنو من حق الشب اذا كان قاعد وطلعت بنت أنو يضل قاعد ........لأنو البنت شافت الباص معبا و طلعت؟؟؟؟؟؟؟؟
أما اذا كانت مرة أو خالة كبيرة فلازم الشب و البنت يوقفوا ليقعدوا الكبار.....حتى اذا طلع عمو كبير و أنا كنت قاعدة طبعا بقوم مشانو أصلا أنا من أنصار الوقفة.........
.الشغلة عنجد شغلة ذوق و أخلاق ومافيها شب و بنت.....
بس بصراحة الشب يلي بيقوم للبنت شو ما كانت غير........

lina's picture
lina
السنة السادسة


والله يا اختي يا لينه بأيدك وبخالك بنفس الوقت ..

ليش منعزي كل تصرفاتنا للذوق ..

ليش دائماً منبعد عن الخقيقة لنكون واقعيين فديننا الكريم ومعظم ديانات العالم المنشترة في كل الدنيا تفرض علينا هذا الامر ..

وان موضوع المساواة موضوع يختلف من شخص لآخر حسب نظره لأسسها ومبدائها ومواقفها ومعانيها ...

فهي كلمة شاملة يجب تحديد المراد منها ..

لي أحد الأصدقاء أصلحه الله ينظر للمرأة بأنها المخلوق الذي خلق لعبادة الله وطاعة زوجها فقط ..

لا أحد منّا يؤيد هالكلام ..

بنفس الوقت :

عندي صديق بيعتبر المواساة بين الرجل والمرأة تصل لحدود لا ديننا ولا شرفنا ولا كرامتنا بتوافق عنظرياته ..

so

بالنهاية اعمل اللي بيرضي ربك وبيرضي ضميرك وبخليك تحسن تنام بهدوء آخر الليل ..

DR-MAK


والله با شباب منيح فتحتوا هيك موضوع مشلن فش خلقي
يعني ما بعرف هالبنات شو صايرلن
مجتمعنا صار في غزو نسائي خطير ممكن يقضي او حتى يهمش شخصية الرجل او الشب
المرأة بشكل عام عم تحل محل اللرجل بكل شي وبتحط راسها من راسو بس لما يجي الجد بتتمسكن وبطالب بحقوقها المغتصبة
واخر دراسة بريطانية توقعت انقراض جنس الرجل بعد.........
اما عنا بالجامعة صدقني مو بس بالطب انا فاقد احترامي لكللللللللللل

jagal


أخي jagal

رجاءً لا تغير منحى الموضوع اللي عم نحكي عنه ..

وبعدين عم نحكي وجهات نظر بعتقد بالنهاية ما حدا رح يكتب متل ما كتبت لأنه الله ما فوق سبع سموات بيفرض علينا احترام النساء ..

لا تنس أنك لولا تاريخ الحضارة كله لما استطاع المجتمع بالنهوض بالمرأة التي هي أمك وأختك وأمي وأختي ..
وما مننسى كمان عميدة كليتن المحترمة !!!!!confused confused

DR-MAK


بعدين ا تقلق مشان انقراض الرجال ..

اذا أنا لحالي ان شاء الله بدي أجيب أربع شباب وعزوز لحاله بدو يجيب خمسة ورفقاتي كتار ما هيك يا شباب ؟؟؟

(( المال والبنون زينة الحيوة الدنيا ))

DR-MAK


طبعا" أنا ضد الفصل,فيجب الاختلاط الصحيح الراقي الذي نجده بأماكن العلم كجامعتنا,فمعظم العقد بمجتماعاتنا هي الفصل الذي حصل بسن المدرسة..الاختلاط بالجامعات و الاماكن السليمة افضل من الكبت والذي سيتفجر من قبل أحد الجنسين و بأماكن خاطئة.فنحن نختلط بالجامعة على أساس الزمالة وطبعا" هناك مناظر لاتعجب أحدنا ,فلا تنظر او تقترب من الشيء الذي لا يعجبك ,لكن لا تنهي الشء من أساسه من اجل القلة السيئة بنظرك.

zaid's picture
zaid
بعد التخرج


يا أخواتي طولو بالكم الفكرة مو هيك كانت , ما عمنحكي عن المرأة , وإنما موضوعنا كان عن الرجل ... أين هو في مجتمعنا ؟؟؟

يا شبا ب المرأة تشكل نصف المجتمع , وتقوم بتربية النصف الآخر.
فالشباب اللي عبيتهجموا عالبنات (المرأة)بها الشكل هل نسيو الأم.
والبنات اللي عبيتهجموا عالشباب (الرجل)بها الشكل هل نسيو أن من صنعه الأم أيضا (المرأة), يعني بالأيام الجاية بترضي تربي شب يحكوا العالم عنو وعن سوء تربيتو.

المرتاح
السنة الخامسة


بالنسبة إلي بزعل عالشباب لما يضطروا يوقفوا لبنت ... يعني كتير من الأحيان ممكن يكون الشب تعبان و مو قدران يوقف على رجليه

Quote:
شرعاً وخلقاً وأدباً :

لازم تحترم المرأة التي يحرمها كل ديانات العالم وأن تتيح لها الجلوس في مكانك ..

شخصياً :

بقوم وما بتفرق معي واقف أو قاعد بس على الأقل بكون ريحت ضميري !!!

___________

و هدا بيدل على على ذوقك Dr_Mak

بس بدي أطرح بهالخصوص قضية اتعرضت لألها عدة مرات هي أحيانا بيطلع عالباص رجل كبير بالسن فلما وقفله و أتركله مكاني يرفض و كأني طعنت برجولته!!! و هالموقف بيحرجني كتير...
منطقيا و إنسانيا هو أحق مني بالجلوس و لكن رغم هيك يرفض أنه توقفله بنت لتقعده محلها!! فشو رأيكم؟؟؟

موقف تاني صار معي.. شب مكسورة إيده و طلع عالباص و ما حدا وقفله فلما طلبت منه يقعد مكاني قلي بالحرف الواحد (لأ عيب!!!)
طيب أنت مكسورة إيدك و عاجز عن خلق توازنك بالباص يعني أنت بحاجة للجلوس أكتر مني و رغم هيك رفض!!!
فشو أعمل بهيك موقف؟؟؟؟

Dania's picture
Dania
السنة الرابعة


أختي دانيا ..

شكراً الك ..

الموقف الأول :

الرجل العجوز انسان راقي لأنه لم يرضى أنه يقف سنه حاجزاً بين ذوقه وكرمه ..

الموقف الثاني :

نفس الشي بالاضافة لأنه بيفهم أكتر من الأول لأنه لازم ما ننسى أنه نحن تحملنا أكبر وهذا أمر لازم نقتنع فيه ..

أذكر في إحدى سفراتي الطويلة بالسيارة كنّا نلاحظ دوماً التعب والجهد على أخوتي ووالدتي بينما أنا أحاول قدر الامكان جعل السفرة من أريح ما يكون خاصة أنه الوالد مو معي فاضطريت أسوق كل الطريق (( 20 ساعة )) متواصلة مع تعب الحدود ومسخرة الجمركية ورشاوي الضباط مشان نمرق كم تنكة أكل ..

هو صحيح يومها طفيت أضواء العداد وزدت سرعتي للـ 180 بس الحمد لله ماحدا اشتلأ ووصلنا بخير ..

القصة مو هون القصة الكل فارط وأنا رجعت متل الجني تاني يوم عم كمل أوراقي بالسفارة !!!

هي مجرد مثال صغير بقى كيف بدك من البنات ؟؟

قال - ص- (( أوصيكم بالنساء خيراً )) فكيف أنت الذي يطالب بالمساواة جاي تنكر كلام أفضل خلق الله ..
so
مشان الله خلونا بحدودنا ونعرف نحط roles لحياتنا وحاج ضيااااااع ..

DR-MAK


كلامك سليم أخ ماك , لكن انا عندي ملحوظة صغيرة مالها علاقة بالموضوع وهي كلمة المساواة وانا عم اقرأ كل مشاركاتك عم تكتبها المواساة

Eye-wink شو قصتك مع المواساة؟

فقط للمزاح اخي مااااااااااك
لكن لاغلب طلبة الطب قصص مأساوية مع المواساة

تقبل تقديري لشخصك الكريم

Dr.Syrian's picture
Dr.Syrian
طبيب مقيم


ههههههههه

والله بعرف بس كلما بكون قاعد بخربط بهالكلمة خاصة عاللاب توب بتلبكني الكتابة فيه شوي ..

DR-MAK


لكن DR_mAK المرأة مالها عاجزة جسديا عالوقوف و القصة ما بتتعبها توقف لنص ساعة و خصوصا لما تكون صبية و صغيرة بالسن
يعني كان ممكن هالشي يوقع و يسبب ضرر و أذى كبير لأيده المكسورة من دون سبب مقنع
يعني من الناحية الجسدية أنا أقوى من الرجل يلي عمره 60 و التعب باين عليه
فتحملي أولى ===> أنا من يفترض بها الوقوف و ليس هو

Dania's picture
Dania
السنة الرابعة


نقاش حلو كتير و حساس كتير....
بس بحب وضح نقطة للشباب اللي اشتكو من شوفة حال البنات بالكلية..
انو كل بنت..مقابل كل شب مهذب بتشوفو بالكلية بتشوف 100 سيئين بالشارع... و مقابل كل كلمة بريئة بتسمعها من زميل..بتسمع 10 طلطيشات باليوم.. بالشارع بالباص و وين ما كان..(و للأسف جوات الكلية أحيانا)و صدقوني أنا شفت بعيني شب عم يلطش بنت معروفة بتهذيبها و مو بس هيك ..هالبنت معه بنفس السنة وطب..فشو ببتتوقع من هالبنت تظن بالشباب....
على كل حال أنا بس حبيت أنصف البنات شوي .لأنو صدقني بهالموضوع أنا بآمن أنو الشب عليه مسؤولية يقنع البنت بحاله و بأخلاقه

horizons's picture
horizons
السنة الخامسة


أنا كتير مبسوط بنقاشنا الراقي وان شاء الله ما يجي عدم المؤاخذة (((( خازوقة البحره )))) اللي رح يجي يعيط ويسبنا كلياتنا ويتسكر الموضوع كالعادة ..

أختي دانيا :

أنا مع وجهة نظرك تماماً بالعكس كان لازم تعرضي عليه يجلس مكانك بس ما طرحته كان مجرد توقع لطريقة تفكيرهما اللي بيجوز تكون غلط كما ذكرت بمعادلتك ..

بس سألتيني ليش وجاوبتك يمكن لو كنت محلهم لتصرفت نفس الشي لأنه بيجوز أصلي بيمنعني أقعد وخليكي واقفة .. صح ؟؟

DR-MAK


Have any one noticed that you are discussing many ideas together ....??? be more spicific my friends

Dr.Caesar's picture
Dr.Caesar
السنة السادسة


Have any one noticed that you are discussing many ideas together ....??? be more spicific my friends

choose an idea to talk about ... and we are ready ... ok ??? Eye-wink

Dr.Caesar's picture
Dr.Caesar
السنة السادسة
ابق على تواصل مع حكيم!
Google+