أنشئ حساباً
سجل عبر فيسبوكوالله كل مابقرا منشور قديم عهالموقع هاد بحن لإيام 2008 - 2011 .. شو صار حتى الكل اختفى فجأة
بين حيطان هالموقع ياما في أحلام كبرت وصارت واقع , ياما في ناس زرعت الثقة بقلوب ناس وعلمو بعض كيف يرسمو المستقبل .. ناس جمعتا فكرة أنو تحب بعضا وتساعد بعضا حتى كل واحد حقق حلمو وكتير منن صارو برا البلد 
ايام عم تمشي ورا أيام .. كل فترة برجع وبفوت بلكي بلاقي شي منشور جديد 
بتمنى كل الخير ومن كل قلبي لكل الناس اللي مرقوا من هون وصارو كل واحد بديرة شكل منن اللي اسا بيحن عهالديرة ومنن اللي نسيانا
Sun, 2016-09-18 01:49
Dr.Stragelove
السنة السادسة
إييه... حكيم..
ماتت كتير أشياء فينا.. منها حكيم..
بس في أشياء ما بتموت..
اي والله يمكن انت الوحيد اللي ضليت عم تفوت من هالعيلة
طلعت لبرا ولا لساك جوا البلد ؟
" حـكيـم " الوحيد يلي بقي " وفي " إلنا
جمعنا .. لمنا ..
فمستـحيل ننساه أو نتركو بيتم "البيت الدافي " يلي كل فترة بنرجعلو لما بتضيع فينا هالدنيا
شخصياً سعيدة جدا ً برؤية منشور " جديد " ب حكيم ، كل التوفيق إلك أيضاً دكتور
Green-Foreigner
يا رجل أنت كان الك بصمة بكل بوست نزل هون ... اسمك مو غريب أبداً عليي
اي والله معك حق هو الوحيد اللي كان وفي أحيانا بتمنى لو لحقتو لفترتو الذهبية لحكيم
والله وانا سعيد جداً أنو في عالم لسا عم تفتح حساباتا عليه .. انت كمان كل التوفيق الك يارب
تقصد يا دكتورة؟
شو كنت بتمنى لو ملحقة هالموقع بعزو
مستحيييييييييييييييييل ... مو معقول أبداً
والله بذكر لما كانو يخاطبوها كانو يكتبولا بصيغة المذكر مو المؤنث
كمان الإسم بيخربط
عالعموم أسفين دكتورة
اي والله راح علينا كتيييير إيام حلوة مرقت هون .. أنا لحفتو لفترة قصيرة بس إيام النشاطات اللي كانو يعملوها مالحقتها
مافي شي رح يضل متل ماهو .. بكفي أنو تجارب الشباب اللي مرقو من هون اساتا وفيكي تستفادي منها لحد هلق
هديك الفترة كانت للجيل الذهبي لما كانت الجامعات جامعات بالمعنى الحقيقي الها .. كلشي بهديك الإيام كان حلو وفيه تعاون مو بس هالموقع .. القصة أنو هالموقع هو الوحيد المحتفظ بالذكريات وضجة العالم اللي مرقت فيه لهلا
ولا يهمك دكتور Dr.Stagelove ماصار إلا الخير
يسعد صباااحكن دكاترة
انا تعرفت عالموقع من جديد
ولما عم اقرا التعليقات عم قول ياريت كنت عأيام هالجيل الدهبي هاد..الجيل اللي تعلم علم صح بجامعات كان الهاا مكانتا...مو متل حظنا هﻷ نحنا طلاب اﻷزمة...طلاب التعليم الفاشل والجامعات المتدنيه
ايه حظنا سيئ
حلو انو نشوف التواصل لسه موجود بين البعض
عهاد الموقع وخاصه انو كان الو أثرو وأهميتو عزمانكن
الله يوفق الجميع وين ماكانو ويرجع اﻷمان لبلدنا ويرجع التعليم متل ماكان
وعذرا للإطاله
يسعد صباحك كمان دكتورة ميرنا
اي والله مرق من هون جيل دهبي .. كتير منن صارو برا البلد واللي بقي هون أكيد عم يحن
جامعاتنا كل سنة عم تكون أسوأ من السنة القبلا ..
التواصل ياريت لو بيرجع متل ايام زمان .. الله يرحم سوريا القديمة كانو هون الشباب عيلة وحدة وكل ماحدا عمل انجاز بحياتو كان يكتب تجربتو ليستفيد منها الباقي
بالتوفيق الك وانشالله بتشوفي الأيام اللي بتتمنيها والأحداث الحلوة معك خلال رحلتك
حكيم ما بينتسى
الناس يلي عرفناهم و تعلمنا منهم تركوا أثر كبير فينا
بتمنى التوفيق للجميع
هاد بالذات اشتقتله
اسال الله ان يفرج عن كل اخواننا المسلمين في سوريا وترجع للعلم والازدهار باذن الله
ان شاء الله منرجع يوما ما و منرد حكيم و البلد احسن من اللي كانو
الله يجعل هاليوم قريب يا رب 
ما بتسدق قديش بحب حكيم
وزعلت خير الله وقت بلش ينهجر
بتذكر كنت صف سادس وسابع افتح من النوكيا عالرصيد بس شوف شو عم يحكو بمواضيع
شلون كانو يحكو عن المواد والفحص
هلأ للاسف بفوت مابلاقي حدا
بس في شغلات مابتموت لانها جزء منا
وحكيم هيك بالنسبة الي كان دافع ورح يضل
حكيم ما بينتسى
قد ما طالت غيبتي عنو برجعلو..بسلم عليه وبتذكر ايامو يلي ما بتنتسى
الله يرحم.. حكيم مرحلة تأسيس وبناء، ومتل وطن هجرناه وناطرين نرجعله.
أيام رائعة قضيناها على حكيم ... و راح يظل احلا شي بيجمعنا و بيذكرنا ببعض ...