مساعدة لو سمحتو بفرط نشاط الغدة الدرقية

يعطيكم العافية

بداية انا مو طبيب أنا مهندس مدني بس عندي علم بموقعكم المفيد من زمان

و محتاج رأيكم بحالتي المرضية

من شي 3 أشهر و انا عم عاني من حالة ارق رهيبة رحت شفت دكتور عصبية عطاني مضاد اكتئاب و مهدئ

ما مشي الحال رحت شفت دكتور داخلية غدد صم (و هو استاذ بكلية الطب) و بعد التشخيص و التحاليل طلع معي فرط نشاط بالغدة الدرقية

بتحليل الدم هرمون ال TSH ضمن الحد المسوح = 1.82 مع انه عملت ومضان للغدة و طلعت زايدة بالحجم زيادة متوسطة و قبط اليوم المشع 45% اكبر من المسوح 40% و في فرط نشاط بالغدة و هيك اجا بتقرير الومضان !!

الدكتور تعجب انه لازم بهيك حالة ينقص ال TSH مو يضل طبيعي

المهم وصفلي PropylThioUracil P.T.U و كورغارد

و بعد شهرين رحت لشوف دكتور تاني لاطمن اجتمعت بدكتورة من الاسد الجامعي قالتلي انت ما معك شي و الومضان ما بيتاخد عليه و الاساس كمية الهرمون بالدم و اللي هي طبيعية

نسفت كل حكي الدكتور الاول

انا هلأ كتير مشوش ياريت تفيدوني شو ساوي و شو التشخيص الصحيح لحالتي

و مشكورين كتير سلفا

http://www.altibbi.com/%D9%85%D9%82%D8%A7%D9%84%D8%A7%D8%AA-%D8%B7%D8%A8%D9%8A%D8%A9/%D8%A7%D9%85%D8%B1%D8%A7%D8%B6-%D8%A7%D9%84%D8%BA%D8%AF%D8%AF-%D8%A7%D9%84%D8%B5%D9%85%D8%A7%D8%A1/%D9%81%D8%B1%D8%B7-%D9%86%D8%B4%D8%A7%D8%B7-%D8%A7%D9%84%D8%BA%D8%AF%D8%A9-%D8%A7%D9%84%D8%AF%D8%B1%D9%82%D9%8A%D8%A9-672