تصفح
دخول
تسجيل
نسيتها؟

يا طلاب دمشق ... أنقذوا طلاب القلمون


يا طلاب دمشق ... أنقذوا طلاب القلمون

مرحبا ...
هي اول مشاركة الي بهل موقع الرائع .. لا بل اكثر من رائع, والعجيب انو تعرفت عليه صدفة اثناء بحثي بخصوص السنة السادسة والتدريب السريري والفحص الوطني ... الخ
واثناء تصفحي للموقع والمنتديات لاحظت القدر الكبير من الوعي والخبرة لدى الاعضاء وتاكدت انكن رح تفيدوني وتفيدو زملائي طلاب القلمون ...

نحنا دفعة 2009 طب بجامعة القلمون وهية اكبر دفعة للجامعة (حوالي 200 طالب )وحاليا بدأنا سنتنا السادسة (بتاريخ 14-6-2014) ..
وللاسف تنقصنا الخبرة الشديدة فيما يتعلق بامور السنة السادسة والفحص الوطني واللي زاد صعوبة الموقف انو الطلاب الي تخرجو قبلنا قلة نوعا ما وكمان عندن نقص بالخبرة ... وكل ما لدينا الان عن الفحص الوطني والسادسة عبارة عن اراء لفلان او خبر من فلان ....
عندي عدة اسئلة ياريت تساعدوني فيا ويصير موضوع متكامل يساعد كل طلاب الجامعات الخاصة
ورح اعتذر منكن سلفا على الاطالة ...

رح لخص الفروقات بين جامعتينا :
من خلال تصفحي لبعض المواضيع الي بتخص السادسة عندكن لاحظت انو بتقدمو مقابلة باخر كل ستاج ..
هادا الشي مو موجود عنا وبيكتفو بالمقابلات تبعيت الفحص الوطني .

نحنا عنا حرية الاختيار باي مشفى نعمل التدريب السريري .. اذ انه اي مشفى تابع لوزارة التعليم العالي يعد مقبول لاجراء التدريب السريري النا ... مع العلم انو المدينة الطبية الحامعية بالقلمون ومشفى 601 بقدمو التدريب مجانا ... اما باقي المشافي فيترتب علينا رسوم اضافية
لذا سؤالي الاول
في اي مشفى تنصحوني ان اجري تدريبي السريري علما اني من اللاذقية

سوالي الثاني والاهم :
من وين ندرس ؟؟؟؟ على بساطة السؤال وبديهيتو عنجد هوي معضلة بالنسبة النا !
فنوط جامعتنا اكيييييييييييييييد غير كافية نهائيا للفحص الوطني
كتب جامعية مافي ... كتبنا عبارة عن المراجع الاجنبية المستوردة كما هي دون تعديل او تلخيص من الدكاترة ... ورح اذكر هون المراجع اللي بتعطينا هية الجامعة و اعتمد الدكاترة اشتقاق المحاضرات منها ...:
1- الباطنية davidson's 21st edition
2- الجراحة bailey and love's 25th edition
3- النسائية والتوليد hacker and moore's essentials of obstetrics and gynecology
4- الاطفال nelson essentials of pediatrics
5- العينية james&born ophthalmology
6- الاذنية oxford hand book of ENT
فياريت تساعدوني من وين بدي ادرس ؟؟ ادرس هل مراجع مثلا ؟؟ او جيب نوط جامعة دمشق كلا وادرسا ؟؟؟ او ملخصات خلف !! ؟؟؟ شو اوفى شي ؟ وهل عندكن كتب بجامعة دمشق لكل المواد وهل هية كافية ؟؟
علما انو نحنا عادة منبلش دراسة للوطني من بداية السنة السادسة منشان نتعود عل اللغة العربية ونرمم النقص ...
بعتذر منكن كتير عل اطالة وركاكة الكتابة ..
وشكرا سلفا Smiling

by
السنة السادسة


أهلاً دكتور
فيني قلك على سؤالك التاني أنو الملخصات يلي حالياً عم يدرسوا منها الطلاب هي friends وخلف و ملخصات 2007 .. وسواءً اخترت أي ملخص فالكل بدّو إضافات كتير لأنو ما في ملخص كامل.
بالنسبة للقلبية والرثوية فهدول الاتنين أكيد ملخصات 2007 لأنو ممتازة .. الباقي friends أو خلف، مع العلم أنو خلف مختصر عن friends ولكن بيتميّز بترتيب الأفكار أكتر.
بدك ترجع تضيف من المحاضرات الشي يلي ناقص بالملخصات، ما بعرف إذا الوقت هلأ بكفي لترجع تضيف بس فيك مثلاً تستعير ملخصات ضايفين عليها صحابها وتضيف منون لأنو الوقت ضيق ..
مشان الإضافة هدول روابط المحاضرات الجديدة للسنة الرابعة والخامسة لجامعة دمشق:
السنة الرابعة فصل أول:
https://www.dropbox.com/sh/eq3f8izr6h914bt/UjsOKwSxPG
السنة الرابعة فصل ثاني:
https://www.dropbox.com/sh/spnqj778istkq79/EBYXAud07
السنة الخامسة فصل أول:
اسأل عنها بهي المجموعة:
https://www.facebook.com/groups/RBCs.med.2015/
السنة الخامسة فصل ثاني:
باطنة تغذية : https://www.dropbox.com/sh/y720icof7cjsg1m/NjcSbWdPgF
باطنة خمجية : https://www.dropbox.com/sh/meueabop5nfifrq/iZCgvQy6hj
باطنة دم : https://www.dropbox.com/sh/lmt49o19kcs4sgz/IZED3t1OED
باطنة غدية : https://www.dropbox.com/sh/4j7fm5n0juqr99k/VsvMIaz3yZ
جراحة أورام : https://www.dropbox.com/sh/qwh39af69vqsfee/vcy5hHsgvY
جراحة تجميل : https://www.dropbox.com/sh/n6ip91g7uaxc73d/XKnF6XbafQ
جراحة عظمية : https://www.dropbox.com/sh/y5g1d5ybjunqovh/IiActlz9br
طب أسرة : https://www.dropbox.com/sh/3z2d8xncjwzytf0/VKUf3isTyG
طب وقائي : https://www.dropbox.com/sh/t5zpshpgn6nms10/_3WRHWAXgC
علم الأشعة : https://www.dropbox.com/sh/pqitwp9kbcf5wn4/Eo6967tk3d
مداواة سريرية : https://www.dropbox.com/sh/dhozdv162g7rylv/CXJMERoQuR
بالتوفيق

Nanny's picture
Nanny
طالب دراسات عليا
ابق على تواصل مع حكيم!
Google+