تصفح
دخول
تسجيل
نسيتها؟

سؤال عن الأوراق اللي بتطلع من الكلية


سؤال عن الأوراق اللي بتطلع من الكلية

ممكن يا شباب حدا يقلنا شو فينا نطلع أوراق من الكلية ممكن تلزمنا بعدين غير مصدقة التخرج لاحقاً وإشعار التخرج قريباً
يعني من الأوراق اللي قارية عنها شو اللي ممكن يفيدنا أو إذا في حدا يشرحلنا ياهن
1- بيان وضع
2- حياة جامعية
3- كشف علامات
وهدول هنن نفسن الأوراق اللي بضمو شرح مفردات المنهاج يمكن! أو الأوراق تبع المراسلات ولا في شي تاني؟!
شكراً كتير Eye-wink

سقط القناع عن القناع عن القناع
سقط القناع... ولا أحد
إلاك في هذا المدى المفتوح للأعداء والنسيان
فاجعل كل متراس بلد

لأن حبِّي لك فوق مستوى الكلام...
قرَّرت أن أسكت..
والسَّلام...

http://loloslayer.webs.com/
http://www.facebook.com/lubna.bakr

loloslayer's picture
by
طالب دراسات عليا


1- بيان وضع هو نفسه وثيقة دوام "يعني ورقة بس مكتوب فيها التزم الطالب الفلاني .... بدوامه كاملا للعام 2012-2013 يلي راح على انه بهذه السنة كان طالب سنة ...."

2- حياة جامعية "هي ورقة عبارة عن جدول فيه كل عام دراسي وجنبو اي سنة كنت فيها
متلا
2006-2007 أولى
2007-2008تانية
2008-2009تالتة
2009-2010رابعة
2010-2011حامسة
2011-2012سادسة

3-كشف علامات طبعاً بدك الأوراق التالية ليتقدم الطلب : وصل تسجيلك للعام الفائت 2012-2013 + طلب من ديوان تكتب أرجو إعطائي كشف علامات للأعوام الستة الماضية من عام 2006 لحتى عام2012 + رسم الكشف كان ب500ل.س يمكن هلأ ع حسب ما سمعت بالوزارة صار ب1000ل.س أو 1500ل.س + ورقة تبرع بالدم "طبعاً إن كانت من نوع الإعفاء فمدتها فقط 3شهور فانتبه للتاريخ
وطبعاً بدو ليطلع أقل الشي شهر زمان

4- وفي رزمة فيها شرح المفردات نفسها المحتوى العلمي"يعني فيها كل سنة شو مواد نظري وشو مواد عملي وشو أسماء المواد وحتى عناوين الرئيسية يلي انعطت بكل مادة " بيسموه هي بتاخدها من قسم البرامج بس طبعاً بعد ما بتطالع ورقة الحياة الجامعية عاساسها بيعطوك المحتوى العلمي

5- هلأ هالرزمة يلي فيها شرح المفردات بتاخد كمان رزمة تانية بس إنجليزي بتاخدها من قسم المراسلات "كلشي أجنبي بالمراسلات"

6-0 وفي ورقة إن بدك للإستزادة كمان "توصية عميد" هي كمان بتطلبها من المراسلات ليعطوك ياها طبعاً هي بس أجنبي مافي منها عربي

Green-Foreigner's picture
Green-Foreigner
بعد التخرج


عنجد شكراً
يعني هدول كل الأوراق اللي ممكن الواحد يطالعها!
قلت بنفس الدورة تبع أوراق التخرج خلي الواحد يخلي كل شي بظرف احتياط أحسن
شكراً كتير Eye-wink

loloslayer's picture
loloslayer
طالب دراسات عليا


معناتو بيان الوضع مالنا شغل فيه بعد التخرج مو هيك؟

loloslayer's picture
loloslayer
طالب دراسات عليا


بظن بظن هدول كلشي وراق بتتطالع من الكلية
ومشان ورقة بيان الوضع مابعرف بس يعني زيادة احسن من نقصان "رأي شخصي"
والعفو دكتور Surprised

Green-Foreigner's picture
Green-Foreigner
بعد التخرج
ابق على تواصل مع حكيم!
Google+