أنشئ حساباً
سجل عبر فيسبوكسلامات للحكيماوين والحكيماويات... الأوفياء منهم والوفيات 
أكيد هلأ الكل مشغول بالاختصاص وأو التحضير للاختصاص جوا البلد أو برا البلد..
وأكيد غالبيتكم صرلوا فترة طويلة ما فات على حكيم... يمكن نسيتوه, بس حكيم أبدا ما نسيكم
ولا نسي أنشط دفعة وأكثر دفعة طلابها قدمو لحكيم وعملوا نشاطات بالكلية..
شخصياً اشتقتلكم كلكم, ولنشاطاتنا الالكترونية والواقعية..
اشتقت للفصلان على الموقع, وللحظات يلي كنا ننطر فيها حكيم ليفتح ويشتغل بعد كل عطل تقني.. صحيح ما كان يعطل كتير ولا يعلق أبداً أبداً بس يعني ما بيخلى الأمر (تقني لا تسكر حسابي) 
اشتقت للخناقات يلي كانت تصير بالموقع وللمشرف يلي كان إيدو والحذف,
اشتقت للعيلة الحكيماوية الكبيرة... 
ببساطة كان فيني اتحركشكم كلكن عالفيس بوك, بس حبيت يكون ملتقانا ولو بس بهي المرة هون على حكيم, بالمكان يلي اجتمعنا فيه وتعرفنا فيه على بعض..
بالمختصر:
حكيماي دفعة 2011, شاركنا أخبارك واحداثياتك الجغرافية في هذا العالم الفسيح!
عفكرة: زيارة أسبوعية واحدة وكليك صغير على أحد الإعلانات في الموقع يعطي لحكيم أملاً جديداً بالحياة 
بانتظاركم..
Never let me ALONE!
---------------------------------------------
أيّها الشعب ثُر بجلّادك الوغد وهيا بنا نقد الاسارا!
صحيح مالي دفعة 2011
بس حبيت تفقدك دكتور
والله يسرلكم وين ماكنتوا وين ماصرتو بمراتبكم العالية
وأنا حبيت ^^ بس شايفتلك كل الزوار مو من دفعتكم.. انكشهم ع الفيس ليشوفو هون
هلأ انتو أنشط دفعة وهيك قصص؟ ولاهاد تشجيع بس؟ مشان يسايروك؟!
عن جد الله يرحم هديك الايام.. لما كان "حكيم" مايتسكر من قدامنا
أهلاً وسهلاً فيكي غرين... منكون ممنونينلك إذا بتفتحي مشاركة وبتعملي تفقد لطلاب دفعتك.. حكيم بحاجة لزياراتكم
طوق الباسمين: هاد الوش
التقني عم يفكر يحذفوا على كتر ما بتستخدميه 
اي رهف.. نحن أنشط دفعة... إذا مو مصدقة اسألي حكيم
نكشتهم ع الفيس بوك للشعب ورح يسمعوا النداء أكيد ما رح يخيبو حكيم
بالمناسبة انتي كمان تحركشي دفعتكم وخلي حكيم يعمر من جديد..
الله يرحك هديك الايام
لما كنا نقعد ع حكيم قد ما عم نقعد هلأ عالفيس
رحم الله الايام الخوالي ....ما كان على قلبنا هم الا نحضر كم محاضرة والعملي وبس
Research fellow
Beth Israel medical center - Harvard University -Boston US
ممم.. اي كنت عم فكر بالموضوع.. تفرطعنا كتير
ازدياد ملحوظ في عدد التعليقات أثناء تصفحي
أحلى أيام وذكريات الكلية كانت حكيم...
أنا بالنسبة لي مانسيت حكيم، بس المشكلة هي مشكلة الوقت
أحلى حكيم وأحلى أيام ..
وان شاء الله بتجي أيام حلوة لإعادة إعمار سوريا وحكيم كمان
هي الانشغالات أو طبيعة النقاشات أو الظروف
او يمكن مجموع هالامور وغيرها خلت يخف تواصلنا مع حكيم ..
ما مهم السبب طالما قدر الواحد يتواصل مع أعضائه الطيبين
وحلو أنو نرجع نتفاعل عليه من جديد ~ وان شاء الله بالتوفيق للجميع
how can we ever forget our first love
السلام عليكم
ما بعرف كيف بدي اوصف إحساسي خاصة لما شفت صورتي !! يمكن ذكريات الصبا بتكون غريبة هيك و ما بتنوصف . و الله هل كم سنة كبرونا كتير كتير . الله يرحم هديك الأيام و يكتب التوفيق لكل الحكيماوية الجدد .
اييييه... يا زمن
اياااااام...ايييه
من 5 سنين ما كتبت شي بحكيم ...منيح شغال الحساب لساته
شغال بس متراكم عليه فواتير
أكرمونا بالضغط على الإعلانات
على راسي أحلى هيرو وأحلى شباب والله،وتحية خاصة لغيث
أنا هلأ دراسات تشريح مرضي بجامعة دمشق،وعم حضر ستيب1 بعد ما قدمت ستيب2
بالتوفيق لكل الشباب بالحياة العلمية والعملية،والشخصية كمان "شنو هلأ دورها عن جد"
الله يعطيكم العافية يا شباب ، انا مو من هي الدفعة بس يعني اطول من كل الدفعات السابقة
تحياتي هيرو العزيز وللشباب كلها
.. بعد زمااااااان والله يا حكيم ويا حكماء
واو... كل هاد العدد على حكيم
مالي مصدق
خلونا نعمل موعد كل أسبوع أو شهر لزيارة حكيم... بحيث منرجع منجتمع في ساعة محددة على حكيم.. وبيشتغل الفصلان
تحياتي للجميع
عجبني كتير هالتفقد وفتحت حكيم وارجعت لهديك الأيام اللي كان فيها حكيم ملتقانا اليومي... سواء لمناقشة المشاكل اللي كانت تواجهنا كطلاب طب بالكلية أو لتبادل المعلومات والخبرات مع السنوات الأخرى.. وبغالب الأحيان لتغيير جو وتخفيف الضغط والستيريس اللي كنا عم نعيش فيه
بتمنى الازدهار لحكيم
بس ياريت يصير في تطبيق Application للهواتف الذكية... بهالحالة بكون التفاعل مع حكيم أسهل بكتير
بالتوفيق للجميع
ياااااااااااااااااااااااااااااااااه
سقى الله تلك الايام .. شكرا من القلب عمار .. شكرا كتييييييييييير ...
يمكن نحنا بحاجه دائما لنعرف روعه سنين من عمرنا و روعتها وروعه الناس يلي جمعتنا فيهم
شخص شخص و حكيماوي حكيماوي ..
ربي يعطيكم ليرضيكم و يجبر خاطركم من عااااااااااالي سماه
تسلم ANSA 87 على هاللفتة الحلوة و إن شاء الله موفق بطريقك . و شكراً لهيرو يلي جمعنا هون
شكرا هيرو..
شكرا عاللفتة الحلوة
الله يسعدكم يارب جميعا"..
شكرا hero
شكرا هيرو