رسالة توصية ؟؟

يفضل رسالة التوصية تكون غير تبع العميد

شوفي اي دكتور بيعرفك خليه يعطيك رسالة
وفي دكاترة بيعطوك رسالة ولو ما بيعرفوك منيح
شوفي عالنت نماذج رسائل وصيغي رسالتك بايدك وخليه يطبعها عنده ويوقعها
بس لا تمدحي بحالك زيادة عن اللزوم
ساويها بالانكليزي مباشرة

طيب في شي لازم اعملو من عند العميد؟
يعني ما لازم اخود رسالة توصية من عندو ؟
ولا بالاضافة لرسالتو بعمل رسالة تانية عند حدا من الاساتذة ؟

up

خدي رسالة العميد
بس هي ما تعتبر رسالة توصية كتير
اسمها
letter of good standing
وليس رسالة توصية حقيقية

لاقي دكتورين يعطيك رسائل

بخصوص رسالة توصية من دكتور بمشفى خاص ,مقبولة؟
ويا ترى بدا شي تصديق من وزارة الصحة ولا ما في داعي

ما بدها تصديق حسب علمي
بس لازم يكون الدكتور أستاذ بالجامعة

يعني من دكتور مو استاذ جامعة بس معو بورد اميركي ما بيمشي الحال ؟
لانو بصراحة رسائل التوصية من اساتذة الكلية كلا بنفس الصيغة ومتشابهة

up

لا ما بيمشي الحال
لازم الدكتور يكون اله منصب بالجامعة او مشفى تعليمي
أنا أخدت رسالة توصية من دكتور خارج الجامعة، كان رئيس جمعية مدنية، الرسالة كانت عن التطوع وليس عن الطب... كل واحد بيكتب على حسب منصبه
اما دكتور خارج الجامعة، بيعرفوا انو بيكون من معارفك

بالنسبة انو كله نفس الصيغة
مين قال هالحكي؟
انت اكتبي يلي بدك ياه بالصيغة يلي بدك ياها
ركزي بكل وحدة على شغلة معينة مثلا
وحدة انك شاطرة ومعلوماتك منيحة مثلاً
والتانية انك بتتعاملي مع المرضى وزمايلك باحترام، وعندك خبرة سريرية جيدة
بس ما تكتبي شي خارق... شي بالمعقول... ما حلوة تكتبي انو بتعرفي انكليزي منيح وانت مستواك متوسط مثلا

بس الرسالة رح تكون مختومة بختم المشفى,يعنى رسمية
ويلي بعرفو انو باميركا ما بيهمون اذا مشفى خاص او حكومي
وخاصة انو رح يكون بالسي في انو داومت بهالمشفى فشي طبيعي انو يكون معي رسالة توصية من حدا من الاطباء بالمشفى ,مو هيك ؟

up