تصفح
دخول
تسجيل
نسيتها؟

[تم تعديل العنوان] سؤال عن الفرق بين جامعة القلمون و دمشق -ما الفرق!!


[تم تعديل العنوان] سؤال عن الفرق بين جامعة القلمون و دمشق -ما الفرق!!

سؤال امحيرني اكثيييير
اذا المتخرج من جامعة دمشق هيسو ايستبات بشان الاختصاص في امريكا مثلا
والمتخرج من القلمون هيسوي برضو ايستبات في امريكا

طيب النتيجة شو الفرق بين جامعة دمشق والقلمون ..اذا الخربج من كلا الجامعتين رح الاقيهم في المستقبل في امريكا عم يختصو ؟؟؟؟؟؟؟؟؟؟

by
السنة الأولى


واحد جاب علامات منيحة بالبكالوريا وفات طب ببلاش
والتاني علاماته اقل واضطر يدفع كم مليون ليرة

Angel Anas's picture
Angel Anas
السنة الثالثة


وكمان بالقلمون العدد قليل >>> الفائدة العملية أكبر
.........
وعندهم في " برادة مي " بالكلية.. عنا مافي .. بدك تجيب قنينتك معك Eye-wink

Ji-B-M's picture
Ji-B-M
مدرس


الشغلة مو هالبساطة,
جامعة دمشق على الاقل الها سمعة باميركا من ورا الشباب اللي عم تشتغل منيح هنيك (منيح ما بيعرفوا جامعتنا على حقيقتها), و بعدين التسيب بجامعة دمشق بيعطيك فرصة لتدرس للتسيبات و تعمل ستاجات باميركا, بالقلمون بتوقع صعب هالشي و ما بتقدر تساويه وانت طالب.
صحي حدا بيعرف قديش عم يجيبوا جماعة القلمون بالستيبات؟

.b's picture
.b
بعد التخرج


بالعكس أظن بالقلمون مناهجهم تكون بالأصل قريبة من الستيب وبالتالي ما بيتعذبوا كتير بدراسة الستيب

abooofaroook
بعد التخرج


مرحبا شباب
من بعد تجربة (انا سنة سادسة ٣ سورية دولية و ٣ قلمون) الجامعات الخاصة ضغط وتدقيق عالدوام وقوانين عالفاضي ناهيكم عن القسط الفلكي
بالنهاية النجاح بالستيب او بالبفحص الوطني هو جهد شخصي بحت الجامعات الخاصة (و في تجارب للشباب بالسنة الرابعة والخامسة اخدو الستيب 1 و 2 والمعدلات كانت ٩٩ او ٩٨ حد ادنى بس كان الجهد شخصي بامتياز لانو مافي حدا قبلنا حتى نستفيد منو)
طبعا العدد القليل ميزة واللغة الانكليزي ميزة بس بالمقابل ستاجات المشافي بتهوي و اوقات الدراسة كتير ضيقة (مثلا قبل الفحص مافي ولا يوم عطلة وايام الفحص ورا بعضها انا ماعم بالغ وبامكان الجميع يطلعو على البرنامج) وبصراحة الدراسة من الكتب حلوة بس محاضرات جامعة دمشق اقرب للفهم. طبعا انا كنت بتمنى ادرس بجامعة دمشق بس اللغة العربية كانت بالمرصاد
على كلن اي استفسار انا جاهز

mike_mam
السنة الخامسة


النتيجة يلي فهمتها منكم الخاص افضل حاليا من الحكومي

Ahmed H ALrifae
ابق على تواصل مع حكيم!
Google+