تصفح
دخول
تسجيل
نسيتها؟

هل الإختصاص بأمريكا أو ألمانيا سهل الى هذه الدرجة!!!!!!


هل الإختصاص بأمريكا أو ألمانيا سهل الى هذه الدرجة!!!!!!

مرحبا شباب وصبايا
كتير عم أسمع طلاب بقولو بس نخلص سنة سادسة بدنا نختص برا "حصراً يا أمريكا يا ألمانيا"
سؤالي :
اذا كان كل طالب طب ثادر على السفر إاى أمريكا مثلاً للإختصاص وبراتب شهري وإختصاص ببلاش وبأمريكا والخ ... فليش في ناس بتختص هون؟؟؟ ليش مو الكل يروح لبرا ويخلص؟؟ اذا كل هالئد سهلة القصة؟؟

by
المرحلة الثانوية


القصة مو سهلة... القصة صعبة!
يلي بدو يطلع على امريكا مثلا، بدو ينتظر سنتين او اكثر قبل ما يحسن يبلش اختصاص... بهالفترة بدو يقدم فحوصات طبية امريكية مشان تتعدل شهادته، وبده يساوي ستاجات زيادة بأمريكا، وبده يتعلم انكليزي منيح، وبده يسافر ويبعد عن أهله.... اضافة انه الاختصاص هنيك اصعب من هون بكتير، وبتكون عايش بمجتمع غريب عاداته غريبة عنك....

الشغلة متل موضوع البكالوريا.... اذا كانت الاختصاصات المحبوبة هي طب وهندسة.... ليش ما الكل بيفوتوا بهالفرعين؟؟ لانو ببساطة واحد درس واشتغل وتعب... والتاني ما حب يعذب حاله... او ما درس بما فيه الكفاية...

طبعا هاد مو تثبيط عن السفر، لأنو كل سنة في عشرات الطلاب بتبلش اختصاص خارج سوريا Eye-wink

Angel Anas's picture
Angel Anas
السنة الثالثة


طيب بالنسبة للتكلفة أخ أنس , كم كلفة الإختصاص بأمريكا كاملة لحد مالواحد يخلص ويرجع ع سوريا.
وبالنسبة لسنتين التحضير , هدول ايمتا بعد مايخلص الواحد 6 سنين ولا وانت عم تختص بسوريا بتعملن؟؟

yasseraak
المرحلة الثانوية


تكلفة الاختصاص نفسه... سالبة Cool
يعني وقت الاختصاص بتكون عم تقبض مصاري... مو كتير... بس مو قليل... بس شي يخليك تعيش عيشة متوسطة
بينما الوصول الى الاختصاص يحتاج الى دفع... في احسن الاحوال بدك تدفع شي مليون وشوي ليرة
المتوسط بيوصل للمليونين يمكن (هاد بعد انخفاض قيمة الليرة طبعا)

ألمانيا وضعها مختلف حسب علمي

------------

هو عادة في 3 سنوات تحضير... سنة خلال السنة السادسة (الاخيرة) من الطب
وسنتين بعدها
كل واحد له خطة خلال هذه السنوات... ناس بتأجل تخرجها سنة... ناس بتقضيها بأمريكا عم تدرب بالمشافي او تساو ابحاث طبية.... ناس بتبلش اختصاص... وناس (البنات او الوحيد يلي ما عنده عسكرية) ممكن ما يتخرجوا ويتفرغوا للدراسة بالبيت
بس طبعا الكل لازم يسافر خلال هذه الفترة عدة اشهر من اجل تقديم بعض الفحوص، ومن اجل اكتساب بعض الخبرة من مشافي أمريكا....

Angel Anas's picture
Angel Anas
السنة الثالثة


كتير سهل الاختصاص باميركا ... كلون 2-3 سنين دراسة وفحوص وسفر وشنططة وقلق وهم وتوتر وعايش على اعصابك اكتر الايام و تقريبا انسى شي اسمه نشاطات وهوايات الا ما ندر ... وفوقها شي مليونين ليرة ... وبعدين اذا في شوية حظ وتوفيق بتصير باميركا. اسهل من هيك مافي. واذا ما في حظ وتوفيق فعوضك على الله واستروا ما شفتوا منا.

انت ما بدك تاخد الحكي من يلي بيقول "انا ناوي اطلع على اميركا" ... خود الحكي المزبوط من يلي طلع على اميركا .. هاد بيحكيلك اديش كانت سهلة وسلسة القصة.

Nostradamus


الاختصاص بألمانيا ليس بهذه السهولة ولكن قياسا بأمريكا اسهل ولكن اللغة صعبة والعقلية اصعب
بالتوفيق

hevind's picture
hevind

Nostradamus wrote:
كتير سهل الاختصاص باميركا ... كلون 2-3 سنين دراسة وفحوص وسفر وشنططة وقلق وهم وتوتر وعايش على اعصابك اكتر الايام و تقريبا انسى شي اسمه نشاطات وهوايات الا ما ندر ... وفوقها شي مليونين ليرة ... وبعدين اذا في شوية حظ وتوفيق بتصير باميركا. اسهل من هيك مافي. واذا ما في حظ وتوفيق فعوضك على الله واستروا ما شفتوا منا.

انت ما بدك تاخد الحكي من يلي بيقول "انا ناوي اطلع على اميركا" ... خود الحكي المزبوط من يلي طلع على اميركا .. هاد بيحكيلك اديش كانت سهلة وسلسة القصة.

ماأنا هاد قصدي كل مابشوف طالب طب بئلي طالع اختص بأمريكا وببلاش بدون ماادفع فرنك وفوق هيك بدو يوفر مصاري هنيك مشان بس يرجع يشتري عيادة فأنا كتير كنت مستغرب ليش مو كل طلاب جامعة دمشق بيطلعوا يدرسوا برا.

yasseraak
المرحلة الثانوية


توفير المصاري بامريكا بيصير بعد الاختصاص غالبا، وقت يلاقي شغل هنيك
وشغلة انو الاختصاص ببلاش، بس يبلش الاختصاص بيصير في راتب
اما ليوصل للاختصاص بده شي مليونين ليرة

Angel Anas's picture
Angel Anas
السنة الثالثة

Quote:
ماأنا هاد قصدي كل مابشوف طالب طب بئلي طالع اختص بأمريكا وببلاش بدون ماادفع فرنك وفوق هيك بدو يوفر مصاري هنيك مشان بس يرجع يشتري عيادة فأنا كتير كنت مستغرب ليش مو كل طلاب جامعة دمشق بيطلعوا يدرسوا برا

ايه ببلاش!
و بيدفعولك فوقها مليونين ليرة و حق بيت و سيارة (و بيزوجوك لو في مين يرضى يزوج بنته هالأيام بمليونين ليرة) و بعدين، لما انت تتفضل عليهن و ترضى، بيدفعولك راتب.

طلاب الطب مو كلهن بيختصوا بأمريكا لأنهن بطرانين بهيك منح، و هيك هبات و عطايا، أو من باب الممانعة و الله أعلم.

---
العبرة من سخريتي: سألت و جاوبوك، ليش تصر على رأيك اذا جاي تسأل!

Ahmed.AlHalabi's picture
Ahmed.AlHalabi
معيد


وانت ريزيديننت باميركا راتبك بيكون 2000- 3000 دولار بالشهر, ثلثها بيروح على السكن (حسب المنطقة بس هاد المتوسط) و في مصاريف كتير غير, بس اذا مالك ساكن بمنطقة غالية بتوقع فيك توفر, بس لتخلص اختصاص راتبك بينط 3-4 اضعاف (كمان الحكي نسبي).
المرحلة قبل بدء الاختصاص كانت تكلف حوالي المليون ليرة و دراسة ليوم الدراسة لما كان الدولار ب 47.

.b's picture
.b
بعد التخرج

To reach residency at the US:
• Excellent English skills; so it means that you have to work in that since you start medical school
• Money; the journey to find residency position will cost you about $20,000, this will include exams, books, elective “esp right now electives are costing tons of money”, Match fees
• Dedicated to study like you have never studied before, without decent scores right now and decent scores means double 99 with average three digits, it will be very difficult to find a residency position
• Residency is very limited to Internal medicine and Pediatrics. Surgery, Radiology and other specialties are very competitive right even for the American medical graduates.
• After going through all of that, you destiny will be dependent on the visa, whether you get it or not.
• Last, nothing is impossible, but every path you will face obstacles, and those are that I have listed above are the major issues you will face.
Good Luck
Hot sauce's picture
Hot sauce
طبيب مقيم


طبعا اللي بدو يطلع لأميركا بدو يقدم عدة امتحانات طبية غير اللغات
بألمانيا لسا المطلوب فقط فحص اللغة حالياً بس في حكي إنو ع 2014 بدو يصير في فحص طبي لتعديل الشهادة والله أعلم Rolling Eyes

بكل الأحوال كله بدو شغل كتيير وتوفيق من رب العالمين وطموح عالي Twisted Evil

allo le monde's picture
allo le monde
بعد التخرج
ابق على تواصل مع حكيم!
Google+