تصفح
دخول
تسجيل
نسيتها؟

[طلب مساعدة] : مراجع vs مراجع


[طلب مساعدة] : مراجع vs مراجع

السلام عليكم وتحية لكل الدكاترة المواظبين على موقع حكيم

من بعد إذنكم ، حابب أستشيركم بموضوع يوضحه عنوان المناقشة ..
هلأ دخلنا الصيف ، وبدأت معركة استغلال الوقت بالشكل الصحيح .
وكطالب طب ، المراجع الطبية هي اهتمامي الأول بهالمرحلة .
بس ، لما بجي لأقرأ مرجع عن مادة أو موضوع معين ، بلاقي كذا مرجع والاختيار بينهن صعب بدون مساعدتكن .

فبتمنى تساعدوني للإجابة عن هالأسئلة بموضوع المراجع .
1 - مادة التشريح Anatomy ، لهالمادة الأساسية عدد كبير من المراجع : Gray's , Snell , Grant وغيرهن .
أي هو المرجع الأفضل برأيكن للقراءة الكاملة ؟

2 - مادة الفيزيولوجيا ، مادة أساسية كمان إلها مراجع عديدة : Guyton & Hall , Fox Human physiology ، ومراجع جديدة سمعت فيها من هالمناقشةمتل Ganong ، Vander , Rhoades .
ونفس السؤال ، أي هو المرجع الأفضل لي كطالب لأقرؤه قراءة كاملة ؟

3 - لما بدي أختار مرجع ، هل أعتمد المرجع الأكبر والأشمل وإن كان ممل ؟ ولا المرجع الأصغر شوي ؟

4 - بعد نصائحكم السابقة ، يا ترى بتفرق أهمية المرجع في حال كنت عم أدرس المادة لقدمها بالجامعة أو إذا كنت مرفعها ؟ ولا نفس الأهمية ؟

و آخر شي ، بتمنى من اللي عنده خبرة بمراجع مواد أخرى ما يبخل علينا ^_^
وشكراً جزيلاً

يـا رب
s.phoenix's picture
by
السنة الثالثة


هلأ شفت دليل حكيم انت؟
بالعادة بيحطوا آرائهم بالمراجع

نصيحتي انك تختار المرجع الصغير، الكبير شبه مستحيل انك تخلصه، وح تضيع بالتفاصيل
هلأ لما بتخلص المرجع الصغير وبتلاقي عندك وقت، ممكن تتوسع بكم فكرة من مرجع اكبر

ما فهمت سؤالك الرابع
اذا كان قصدك: اي الاهم، دراسة مادة ما قدمتها لسا، ولا قدمتها وخلصت منها...
اذا كنت قدمتها بس ضعيف فيها، اكيد لازم ترجع تدرسها... يعني مثلا قراءة فيزيولوجيا مرة تانية اكيد اهم من انك تدرس مناعة كونها آخدها حقها نسبيا بكليتنا
انت توجه نحو الشي الضعيف فيه... ولو مو مادة كاملة....
يعني انا مثلا حاطط ببالي ادرس ابحاث معينة ضعيف فيها من عدة مواد هالصيف، مو ادرس مادة وحدة فقط

واذا بتحب، في ديفيدي عليه مراجع كتيرة لمواد اول 3 سنين... كان موجود بمكتبة الانوار من زمان
باسم كتلة البراق يمكن
اذا بدك ممكن جبلك ياه كمان

Angel Anas's picture
Angel Anas
السنة الثالثة


شكراً كتير أنس ^___^ ..
يبدو أنو رح ودع Guyton Razz

بشان السؤال الرابع ..
أنو أنت نصحتني بمرجع معين (وهو الأصغر بهالحالة) .. بس أنا كمان حامل الفيزيولوجيا وبدي اقرأها من المرجع مع الدراسة .. فبهالحالة بيختلف المرجع اللي المفروض اقرأه ولا بيبقى نفسه ؟ من مبدأ أنو بعد ما رفع المادة بكون شملت معلوماتها والمرجع الأصغر بيكون تقريباً نفس اللي درسته .

شكراً على عرضك بشان ديفيدي البراق ، بس الحمد لله عندي نسخة Smiling
شكراً مرة تانية Very Happy

s.phoenix's picture
s.phoenix
السنة الثالثة


شو هاد يلي معلوماته نفسها؟ Shocked
اقرأ أصغر مرجع، معلوماتها اكيد مو نفسها، ما في التناقضات او المحذوفات او الاخطاء يلي بمنهاجنا
بعدين يفضل تكون عم تقرأ بالانكليزي طبعا مشان تستفيد من اللغة
وفي افكار بتفهمها احسن

اما بالنسبة لكمية المعلومات، بكليتنا تعطي معلومات زيادة عادة، انت بيهمك تركز بعض المعلومات بس... يعني بيهمك النوعية وليس الكمية
نوعية حفظك وفهمك للمعلومة، وأهمية المعلومة سريرياً وفي حياتك المهنية والاكاديمية
ولا يهمك كم معلومة قرأت Eye-wink

هلأ اذا كنت بدك تقرأ مادة بعد دراستها... كمان بنصحك تجرب تقرأ كتب الستيب... كابلان مثلا... وببعض المواد شوف الفيديوهات... ولما معلومة ما بتفهمها، بترجع لمرجع text book
اما المواد يلي لسا ما درستها، ما ح تفهمها من الكابلان واخواته Cool

Angel Anas's picture
Angel Anas
السنة الثالثة


شوف خيو, باختصار, وبعد ما أكلنا كم مرتب بشراية مراجع مالها طعمة:

المراجع الكبيرة بعد عنها, خليها عندك إليكترونية بترجعلها متل ما قلك أنس إذا بدك موضوع معين.
بس كمان أنا مو مع مراجع الستيب, مراجع الستيب بحسها مختصرة زيادة, وهي لازم تكون مقدم المادة و خالص منها, و ساعتها كتب الستيب حلوة كتير لأنو بتركز على النقاط المهمة سريريا.

إذا بدك تقدم مادة بالصيف, نصيحة اترك المجع لبعد ما تقدمها, مشان ما تتلبك, و بالنسبة للفيزيولوجيا, لا تجيب غايتون, أنا جبتو, رائع كتير, بس بأحسن الأحوال مالح تخلص 25% منو, جيب Fox حلو و دراسي أكثر.

التشريح برأيي أكثر من كتب الستيب مالح تحتاج, إلا إذا إلك مراء بالتشريح, ساعتها فيك تجيب مرجع كبير.

نصيحة كمان, إقرأ الكيمياء الحيوية من مرجع, هي لسا أهم من الفيزيولوجيا لأنو مهضوم حقها كتير, خصوصي إنو الدكتور يوسف يمكن ما عاد عطاكون. عندك ليبينكوت ممتاز, وفي هاربر بس كبير شوي.

السنة الثالثة هي سنة المراجع بامتياز, لذلك لا تلبك حالك كتير بالمراجع هلأ, السنة الجاية كلها مراجع.

و أخيرا, الإنترنت أكبر و أحلى مرجع, و بتلاقي فيها المعلومة بمليون طريقة, و هيك بتفهمها و بتحفظها أكثر.

NEUTRINO's picture
NEUTRINO
السنة الثالثة

Quote:
بس كمان أنا مو مع مراجع الستيب, مراجع الستيب بحسها مختصرة زيادة, وهي لازم تكون مقدم المادة و خالص منها, و ساعتها كتب الستيب حلوة كتير لأنو بتركز على النقاط المهمة سريريا.

انا هيك قصدي طبعا
انو اذا كان دارس المادة وخالص منها، فيه يرجع يقرأ من مراجع الستيب... ووقتها اذا شي فكرة ما فهمها، بيرجع لمرجع كبير يفهمها Eye-wink

Angel Anas's picture
Angel Anas
السنة الثالثة


المراجع الصغيرة طبعاً بس مو كتب الستيب إذا كانت الدراسة لأول مرة.. مع ملاحظة إنو في مواد بكفي تقرأ رؤوس أقلام أو مواضيع محددة منها من المرجع..
هلأ بالنسبة للكتب يلي مجربتا و بنصح فيها دائماً::
التشريح Moore بس طبعاً و متل أي مرجع أو كتاب تشريح تاني ما بدك تضيع وقتك بدراسة التفاصيل الصغيرة.. كله بالأخير لح تنساه و ما لح تحتاجه.. الحلو فيه بالاضافة للصور و الجداول هو الclinical boxes..
الفزيولوجيا.. الغايتون خلي عندك منه نسخة إلكترونية بترجعلا لما تحتاج لتفصيل اكتر بمجال معين.. أما المرجع يلي فيك تدرسه كاملاً و بفهمك بدون ما تفوت بتفاصيل كتيرة فهو FOX.. طبعاً في ديفيديات كتييييييييييييييير مهمة بالفزيولوجيا و ضروري تشوفهم لانو بيختصروا عليك كتيييير هنن A.D.A.M Interactive Physiology.خاصة تبع الجهاز البولي و التنفسي..شي رائع عالآخر..

never_give_up's picture
never_give_up
بعد التخرج

Quote:
A.D.A.M Interactive Physiology

بالفعل رائعين, استفدت منهن كتير

NEUTRINO's picture
NEUTRINO
السنة الثالثة
ابق على تواصل مع حكيم!
Google+