تصفح
دخول
تسجيل
نسيتها؟

إجراءات الستاج في المانيا عن طريق عمان


إجراءات الستاج في المانيا عن طريق عمان

تحياتي

كنت قدمت على فيزا شنغن لاجراء ستاج في المانيا وأخدت الفيزا واحببت ان اذكر لكم تجربتي للاستفادة :

1- بالنسبة للحجز في السفارة الالمانية في عمان : غالبا يتواجد حجز للسوريين أيام الاحد والاثنين وأحيانا الثلاثاء في تمام الساعة الواحدة ليلا بتوقيت دمشق على الرابط التالي :
https://service2.diplo.de/rktermin/extern/choose_category.do?locationCode=amma&realmId=16&categoryId=382
وتختار من ضمن خيار مقدمي الطلبات السوريين ولاتوجد أية طريقة أخرى للحجز والمواعد بيتاخدو بعد حوالي شهر

2- تجهز أوراقك في سوريا وتترجمها وتصدقها من العدل والخارجية ولاتحتاج هذه الاوراق لتصديق السفارة او القنصلية بحلب ، الاوراق المطلوبة بشكل عام هي :

1-اخراج قيد خارجي (رجعولي ياه وما اخدوه ولكن احتياطا دعه معك )
2- دعوة المشفى
3- التأمين الصحي ( أنا استخرجته من شركة الثقة السورية بشارع بغداد-اياب - مقابل سجاد صيدا )شهرين بتكلف حوالي 2100 ليرة او وقت بتروح عالموعد روح بكير شوي في مندوبين لشركات تأمين بيكونو على باب السفارة أحيانا .
4- ورقة من قسم الدراسات تثبت انك باشرت ولازلت على رأس عملك ( لايهم انك تختص داخلية بسوريا مثلا وطالع جراحة أو العكس )
5- كشف حساب بنكي في سوريا ( وسطيا شهريا الف يورو)
6- أية أملاك في سوريا باسمك او اسم والدك او والدتك (سيارة - عقار - ارض - محلات ....) علما انه مهما كان مبلغك بالبنك يجب ان تقدم هذه الورقة .أو ترجمة دفتر العائلة للمتزوجين
7- صورة عن جواز السفر
8- صورتان شخصيتان قياس 45*35 ( خبر المصور انك بدك ياها للسفارة الالمانية ) ويمكن الاطلاع على مواصفات الصور من الرابط التالي :
http://www.amman.diplo.de/contentblob/1991204/Daten/208595/DD_Anforderungen_an_die_Passfotos_ar.pdf
9- استمارة فيزا شنغن تعبأها على نسختين تستطيعون تحميلها من الرابط التالي وتعبأتها :
http://www.amman.diplo.de/contentblob/534086/Daten/734622/DD_antragsformular_langfristig.pdf

كما يجب تعبئة الطلب التالي :
http://www.amman.diplo.de/contentblob/2012550/Daten/222292/DD_sicherheitsfragebogen.pdf
10- شهادة اللغة الألمانية التي تحملها .
11- مصدقة التخرج
12- مصدقة البكالوريا
13- توصية من العمادة
14- حسن سلوك من وزارة الصحة ( بيعطوها بالانكليزي وفيك تقدمها متل ماهي )

علما ان الاوراق السابقة أنا قدمتها يعني تجربة شخصية

3- السفارة الالمانية : تقع في شارع بنغازي بعمان ( اغلب الشفيرية تبع التكاسي بيعرفوها واذا ماعرفها خبرو انو هي بين الدوار الرابع والخامس )مشان ماتتأخر عن الموعد يفضل تروح قبل بيوم تنام بفندق علما ان الفنادق بتكلف 30 دينار باليوم ( حوالي 3 الاف ليرة ) والاسعار بعمان بشكل عام غالية
تكون المواعيد للسوريين موعدين موعد من 10 - لل 10 ونص والثاني من 10 ونص لل 11 ممكن يأخروك عالباب شوي لتفوت

كالعادة تفتيش وبتفوت بيعطوك رقم وبتستنى ليجي دورك بتكون بهاد الوقت ظبطت وراقك منيح . .
بيطلع رقمك بتروح عالشباك بتسلم الموظفة الاوراق وهي بتدققهم شغلة 10 دقايق وبعدين بتطلب منك 60 يورو حصرا بالدينار الاردني ( بيطلعو شي 56 دينار اردني ) وبعدين بتعطيك وصل وبترجعلك الجواز وبتقلك تعال بعد حوالي اسبوع لل 10 ايام

بترجع بعد حوالي اسبوع ( حاول تأخر حالك يومين يعني ليصيرو شي 10-12 يوم مشان يكون طلبك خالص ) بتحط عندهم الجواز بالسفارة الساعة 8 الصبح وبيقولولك بتاخد جوازك من مكتب الخدمات الالماني الساعة 2ونصف ( المكتب صاير بدوار الكيلو تقاطع الحرمين ) بتستلمه مقابل دينارين اردني (200 ليرة ) وانشالله بيكون مفيز

يلي شفتو غالبا انو بعمان بيفيزوا للسوريين واذا الطلبات ناقصة كتير بيقولولك روح كملها وتعال احسن ما ينختم رفض على جوازك .

بالتوفيق لكل الشباب ..

hevind's picture
by


رائع!
شكراً جزيلاً لك لمشاركتنا خبرتك.

Ahmed.AlHalabi's picture
Ahmed.AlHalabi
معيد


الشكر الجزيل لمشاركتنا تجربتك هذه Surprised

Green-Foreigner's picture
Green-Foreigner
بعد التخرج


شكراااا على المعلومات القيمة Very Happy

dr.rim
بعد التخرج


تعقيب صغير .. بالنسبة للفنادق هناك فنادق بوسط البلد قريبة من الجامع الحسيني بتاخذ من 10 ل15 دينار واذا كنت مع شخص تاني بتوخذ من 7 ل 10 دنانير .. كل الشوفيرية بعرفوها .. قلهم فندق نجمتين بوسط البلد ..

dr.othman's picture
dr.othman


صحيح بس مافيها واي فاي (:
والاسعار غليت بسبب اللاجئين

hevind's picture
hevind
ابق على تواصل مع حكيم!
Google+