أنشئ حساباً
سجل عبر فيسبوكجاءت اللحظة التي يخشاها أي مبتدء غر في أي دورة أو مرحلة دراسية جديدة بسبب الخوف من المجهول فلكي نتمكن من اجتياز هذه التجربة الغير مألوفة لنا يجب أن يسعدنا من هم قد اجتازوها بأنجح الطرق ليس المقصود ماهو موجود على دليل حكيم من كيفية الدراسة ومالمطلوب الامتحان فالموقع حاليا في بداية عصر الانحدار ولايعرف بين أفراد الدفعة الميتجدة إلا منخلال هذا الدليل ولكن ماأقصده هو حيثيات وتفاصيل الأمتحان من مكان القاعات والمراقبين والتدرب على طريقة الامتحان المؤتمت فنرجز كذلك ممن لديه فراغ من أن يحاول أن يكتب تجربته مع أول امتحان وهل فعلا يكون الطالب رغم أنه لاشيء غريب عليه يتستت في المرة الأولى أم كل مهنالك أن الأمر محض إشاعات وترهات وبالمناسبة كيف نستتثمر الأيام الباقية فقد بدء الطلاب الذين لم يكونوا يتابعوا محاضرةبمحاضرة مع الدكتور والذين تراكمت عليهم الصفحاتن يقررون ترك مادة أوأكثر على الرغم مما نسمعه من بساطة مواد الفصل الأول من السنة الأولى
- Login to post comments
ما فهمت شي ؟؟
ممكن لكثرة الامور التي تشغل عقلي ..
ممكن تعيد كتابة الموضوع فوق على طريقة أسئلة بسيطة لاجاوب عليها
فنحن دائما بخدمة السنافر
بس معليش شو هي الموقع في بداية عصر الانحدار
معك حق تتلبك لأنكم جايين على مرحلة جديدة وهاد أول امتحان الكن بدرب الطب
طيب..
بالنسبة للتدرب على نظام الأتمتة:
يمكن طريقة الحفظ ح تختلف شوي .. يعني انت غير مطالب بحفظ تعدادات وتعاريف ومدري شو متل أيام المدرسة وانما لازم تفهم المعلومة وتربط كل معلومة بالعنوان تبعها..
أغلظ شي بالنسبة للأتمتة أنو الاسئلة كتيرة و الوقت محدود لكن بتنحل هالمشكلة اذا عرفت توزع الأسئلة على الزمن بحيث اذا علقت عند شي سؤال ما تبقى فترة طويلة عم تفكر فيه مشان مايروح وقت الأسئلة التانية
اي سؤال بتلاقيه صعب اتركو ونط عاللي بعدو .. حط جنبو اشارة وبترجعو بآخر الوقت
في شغلة كانو ينبهونا عليها وانو نحل مباشرة على ورقة الاجابة بس انا كنت حل على ورقة الاسئلة وانقل الاجابات بآخر الوقت .. بس هالطريقة مو كتير ناجحة لأنو بيجوز يخلص الوقت قبل ما تنقلهن.. لكن احيانا بكونو المراقبين متعاونين وبيعطوك شي دقيقة زايدة لتركز وضعك
جو الامتحان:
متل اي امتحان سابق وانشالله بتلاقيه مريح واهم شي تكون معنوياتك عالية و واثق من حالك مشان تجاوب برياحة
توزيعكن على القاعات:
بيحطو اعلان لتوزيع الطلاب على القاعات حسب رقمك الجامعي.. يمكن تلاقي اسماء قاعات غريبة لأنك جديد بالكلية بس اذا سألت حدا بيدلك .. وحاول تدور على رفقاتك يللي ارقامهن قريبة منك بتدورو عالقاعة سوا وبتفوتو
ومتل أي امتحان سابق:
لازم توصل قبل بوقت لأنهن ما بيفوتو المتأخر ابدا
لاتفوت جوالك معك عالقاعة
أهم شغلة في كلية الطب البشري ونظام الأتمتة هيه المراجعة لكل ماتم دراسته حتى لو كنت مو مخلص (ة)كل شي المهم تراجعو قبل ما تفوتو عالفحص
والدراسة متل ماقالت الزميلة قطرة مطر مو حفظ بصم لأنو هون الخيارات قدامكون بس تعرفوا تفرقوا الاجابة الصح أو الخطأ وطبعا يلي مو ملحق يكفي دراسة نص المادة مع علامة العملي بيمشي الحال
وتدوروا على أكتر الأقسام يلي بيجي منها أسئلة
تأجيل المواد:
ما بنصح ابدا بتأجيل مواد بالفصل الاول.. وايام الامتحان عندكن اكتر من وقتنا السنة الماضية يعني انشالله بتلحقو
مشان اللي ما كان متابع كل محاضرة بمحاضرتها و شايف انو في عندو عدد كبير من الصفحات ومرتعب منهن ومدري شو... لا تقلق ح تتعود انو تمشي على صفحات كتير بوقت قليل لأنتو طريقة الدراسة هون غير المدرسة يعني مو مطلوب منك تحفظ بالحرف والكلمة..
في عندكن فسحة هلأ قبل الخلية انشالله بتلحقو فيها المادة واهم شي انو تتركو يوم للمراجعة مشان تركزو المعلومات بمخكن.. وحط ببالك انو حفظ 80% من الكتاب بتركيز ومراجعتو أهم من حفظ 100% شلون ما كان
لانو بعض الاسئلة تتطلب دقة لتميز الخيارات الصح من الخطأ.
على سيرة تمييز الخيارات الصح من الخطأ. ح قللك طريقة لتحل فيها الاسئلة اذا ما كنت متأكد من كل الخيارات:
اترك الشغلات اللي مو متأكد منها وشوف بقية الخيارات لتحدد فيما اذا كان مطلوب منك الوحيدة الصح او الوحيدة الخطأ وهون بلش تستثني الشغلات اللي متأكد منها هييك لتطلع معك الاجابة المختلفة
يعني احيانا بيمر عليك سؤال فيه خيار مو سمعان فيه.. لاتتلبك.. شوف بقية الخيارات اذا كان فيها 2 خطأ معناها دور على وحدة من اللي بقيانين صحيحة وأهمل الجملة اللي ما عرفتها.. لتقريب المعلومة اكتر ح اضربلك مثال:
سؤال معين:
1- جملة خاطئة
2- جملة مو سمعان فيها
3- جملة خاطئة
4- جملة صحيحة
5- جملة مو سمعان فيها
بتحط الجواب رقم 4 وبتمشي عاللي بعدو
عفوا على تكرار نقطة المراجعة
كنت عم اكتب و ما انتبهت انك 
هذه بعض المواضيع المميزة التي أنشاها زملاؤنا في الموقع لطلاب السنة الأولى:
همسات على طريق الامتحانات
https://www.hakeem-sy.com/main/node/43220
إضــــ(10)ــاءات ... أسطّرها لطلاب السنة الأولى
https://www.hakeem-sy.com/main/node/38184
مشان ما تنزنق بالوقت...
حط ببالك إنو خلال 3\4 ساعة لازم تكون عند سؤال 50 وطبعاً الأسئلة يلي فوقو محلولة كلها تقريبا....يعني نص الوقت نص الأسئلة
بالنسبة لتغميق الأجوبة:
في ناس "متلي" منحط جواب ودغري طمسسسسس ويلي منشك فيه منتركوا فاضي ومنرجعلوا بالأخير بس بدك دير بالك لإنو ممكن تحط جواب سؤال يل بعدو بخانة سؤال يلي تركتو فاضي
وفي ناس بتعلم بنقطة على الجواب الأكثر احتمالا وبتعود بآخر الوقت بتغمق...بس هدول بتوجعن ايدن كتير, يعني عم يغمقوا 100 سؤال دفعة وحدة وبدون راحة..
وأهم شي وقبل ما تجاوب تتأكد من رقم سؤال وإنو مطابق لرقم الجواب...مشان ما يزحلوا معك الأسئلة وخاصة إنو تعليم بالأزرق
بالتوفيق....
انتبه لارقام الاسئلة منيح وطابقون مع الارقام عورقة الاجوبة
لانو الخطأ بهالشي كارثة
كأني أكلت كم كلمة بتعليقي الماضي
:
وما انتبهت انك يا Dr.Sun Light حكيتي عنها
اي وكمان بيجوز يخلص الوقت وما يلحقو يغمقو.. بس مع هيك ما كنت اتجرأ طمس دغري.. مدري ليش
سلام زملاء ....
هلا مو شوي صعب التظليل بالأزرق ؟! ( مو كان التظليل بالرصاص ليش صار بالأزرق ؟!!! يعني بالرصاص الواحد ع الأقل في يغير إجابتو )
و مشان توزيع القاعات , كان عنا امتحان عملي الفيزيا و وزعوا الأسماء ع القاعات , هالتوزيع هو نفسو توزيع الامتحان النهائي ؟
و شكراً
لأ بالأزرق احسن.. بعدين بتعرف ليش
اذا مشان تغيير الاجابة .. مم.. في طريقة بيساووها الطلاب عادة اذا غمقو سؤال بالازرق واكتشفو انو غلط....
بيجيبو دبوس او شي شغلة حدة وبيثقبو الورقة مكان الخيار اللي مغمقينو بالازرق مشان ما يقرأها الجهاز وبيردو بيجاوبو عند خيار تاني
وما دخل توزيع الفيزيا بهاد التوزيع كل واحد شكل
موفقين يا رب بامتحاناتكم
الطريقة غير مثبتة طبعا ..
شلون يعني غير مثيتة
يعني قول لحالي هالسؤال رايح ورايح فشو الخسارة اذا حاولت ركزو بطرية أو بأخرى
بتذكر اني مرة مالقيت شي حد لاثقب الورقة قمت فكّيت قلمي الأزرق وثقبت الورقة من خلال الطرف العلوي للخرطوشة تبعو
طيب خلص بلا هالطريقة العوجا..
اذا شي سؤال مو متأكد منو حط نقطة عليه بالرصاص وارجعلو بالأخير
وركزو... وهيك بتكون ما تركت مكانو فاضي خوفا من انو تخربط بترتيب اللي بعدو ويزحلو معك الاسئلة
لا .. إشاعات
متلو متل هالستميت امتحان اللي قدمتوهن قبل ما تفوتو عالكلية
.. وبالعكس لسا اريح من اللي قبلو.. لأنو هون اذا الواحد -لا سمح الله- ماكان منيح وحمل المادة بيكون عندو فرصة بالتكميلي ، مو متل فحص البكلوريا اللي الخطأ فيه قطع رقبة
وبيتغير مستقبلك و....
على كل هناك من يقول أن سيسمح كالتكميلي باقلام الرصاص لمن رغب ، وبالنهاية بقلم الرصاص ولا بالحبر ، فكله امتحان ولنا فرصة ثانية ان اخفقنا لا قدر الله الخوف من امتحان لا يوجد فيه فرصة ثانية .. اللهم ثبتنا ذلك اليوم..
شكرا ع النصائح
التعليم بالرصاص رجع ...هيك سمعت
يعني في خبر أكيد إنو التعليم بالأزرق ؟؟
طيب ....... سؤال غبي شوي " بس تحملونا لساتنا أولى " في قلم أزرق معين ؟؟
لأني بعرف أنو في أقلام رصاص معينة للتعليم ... فحبيت إعرف إذا هالكلام بينطبق ع الأزرق
مشكورين ......
ايه طبعا في اقلام زرقة معينة
انا الدورة الماضية يعني ( الدورة الثالثة الاضافية ) علمت بالرصاص ورفعت المادة