تصفح
دخول
تسجيل
نسيتها؟

حكيم...في يوم عادي!


حكيم...في يوم عادي!

حكيم...في يوم عادي!

شو ممكن توصفو هالحالة؟!

yazoo's picture
by


بالنسبة لي ... واقعية كان ح يكون وصفها بس لو كان غطى التخت منبوش، والكتب والدفاتر الأوراق والأقلام -فوق وتحت- أكتر شوي!
الرسم جميل ومميز، وفقك الله

S.AMH's picture
S.AMH
بعد التخرج


هالحالة ببساطة يومية Cool

بالنسبة للرسم .. ~ مبدع ~ Surprised

الله يعطيك الف عافية صديقتي Surprised

rawda.m's picture
rawda.m
السنة الثالثة


شاعرية .....

بتشهي الواحد يدخل كلية الطب.....

الله يسلم ايديك...

MoonLand


عنجد رائعة …

بس الوردات يلي بالمزهرية ليش دبلانين ورايحين عالأخير؟

black_black
السنة الخامسة


لوحة معبرة و بنفس الوقت رائعة متل اللي رسمتها Eye-wink الله يسلم ايديكي ..مبدعة كالعادة Cool

اهتمامك بالتفاصيل مثير بجد ..يعني حتى كمان شوفو شلون الشاحن موصول باللابتوب Nerd

تشخيصي للحالة :

لون ملل يسيطر على اللوحة ، يتجلى ذلك في عيون الفتى .. و في ورود المزهرية الذابلة وحتى في الوجه الحزين الذي يظهر من زاوية النافذة.

حاسستو طفشان من الدراسة ومن حكيم .

شايفة كتاب عالأرض بيشبه كتابنا تبع النسج بس المشكلة انو روح السنفرة تسيطر على الغرفة ، فما عرفت هالطالب سنة تانية لما اولى .

(العصفور حلو كتير Eye-wink )

قطرة مطر's picture
قطرة مطر
السنة الثالثة


سلام رفاق:

Quote:
S.AMH:
واقعية كان ح يكون وصفها بس لو كان غطى التخت منبوش، والكتب والدفاتر الأوراق والأقلام -فوق وتحت- أكتر شوي!

أكيد...بس يمكن لو بدي ارسم فوضى رسمية كنت ما لحقت انشر الصورة على حكيمP:

Quote:
د.روضة:
الله يعطيكي ألف عافية

الله يعافيكي، شكراً كتير لمرورك اللطيف.

Quote:
moonland:
بتشهي الواحد يدخل كلية الطب.....

Shocked
ايه...الله يطعمها لكل مشتهي!
شكراً مون لاند...تحياتي لأبطال البكالوريا (اللي شايفين معاناتنا شاعرية مقارنة بمعاناتهمsmart )

Quote:
Black-Black:
بس الوردات يلي بالمزهرية ليش دبلانين ورايحين عالأخير؟

امم...يمكن من الهم...ماعندو وقت يفكر بالوردات ويعتني فيهن...شو رأيك أنت؟

Quote:
قطرة مطر:
اهتمامك بالتفاصيل مثير بجد

اهتمامك أنت بالتفاصيل هو المثير، دائماً بتغني الفكرة بتحليلاتك الرائعة متلك!
طيب لاقي 3 تفصيلات تانية ما بتباين للوهلة الأولى، وإلك حلوان: )

Quote:
وحتى في الوجه الحزين الذي يظهر من زاوية النافذة.

طبعاً هاد "الطالب"بذاتو رسمو عالبلور اللي عليه متل الضباب...وبدك تتخيلي الجو دافي بالغرفة لدرجة أنو الوجه محمر قليلاً وبرا الدنية عمتشتي...

Quote:
العصفور حلو كتير

شكراً بس للتنويه هي صورة جاهزة

yazoo's picture
yazoo

Quote:
وبدك تتخيلي الجو دافي بالغرفة لدرجة أنو الوجه محمر قليلاً وبرا الدنية عمتشتي...

حلو كتير...
رسم مميز بالفعل!

بس شو هي الحبوب يلي عم يتعاطاها Nerd

يم
بعد التخرج


رسمك كثير كثير كثييييييييييييييييييييييير حلوة:eek
بس يا ريتو كان هالحكيم مبسوط والوردات مفتحين وفي شي أكلة طيبة على الطاولة بدل علبة الدوا وكان فاتح على حكيم وماحقول بلا كتب بالمرة بس يعني محطوطين عالطاولة ومو بس هيك يا ريت كان في برنامج دراسة عالحيط وهو ماشي في كل يوم بيوم Shocked ومبسق كمان Shocked يا ريت كان رسمو عاللبلور مبتسم Cool متفائل فرحانSurprised ومو عاطي فرحتو لحدا Very Happy
يمكن هدا حكيم مثالي ومو موجد منو كتير ....وحتى اذا بدنا نرسمو ما منقدر...
ومشان المقهى انشاء الله قريباً لحنفتحو بس عم نتفق على كلمة البداية وشكرًا على مشاركتك بمناقشات السنافر وبيشرف السنافر كلن (من سنفورة......................... لسنفورمشاكس )تهدينا شي رسمة من رسماتك الكتير كتير كتيييييييييييييييييييييييييييييير حلوة عالمقهى
وانشاء الله تكوني عرفتيني واليوم انت كنت جنب مدرجكم وأنا جنب مدرجي ورفعنا الأيادي وتبادلنا السلام ...Eye-wink

Dr.RAGHAD-E's picture
Dr.RAGHAD-E
السنة الأولى


رسمك رائع فعلاً Eye-wink
--
في كتير تعديلات كنت حابب ضيفها عالصورة بس للأسف لا أملك هذه الموهبة لا من الناحية الفنية ولا التقنية
بس حاولت شوي Cool

Dr.TH's picture
Dr.TH


يازو كالعادة مبدعة
لك مني اطيب تحية Eye-wink
الله يوفقك

Dr.Romeo
السنة الثانية


تحسيييييييييييييين Laughing out loud Laughing out loud Laughing out loud

ETERNITY's picture
ETERNITY


فعلاً معبرة..
لفتني منظر كتاب النسج كيف مشلوف عالأرض Laughing out loud ...و لا المريول الأبيض كيف محطوط على الكرسي!!
أحلى شي النت تبعو 3G ...و لا الفلاشة يلي ما عم نقدر بدونها هالأيام!!
بس هو مريض...الدوا و كاسة المي!!Sad (مو لهالدرجة بتكون مأساتنا..Sad )
مهتمة بأدق التفاصيل يازو...روعة...Eye-wink

noumeh

Quote:
يم:
بس شو هي الحبوب يلي عم يتعاطاها

إذا قصدك الحبوب اللي جنبو فهو مسكّن وحسب!
هديك الحبوب الفلانية إلها صحاب غيرنا ^^

السنفورة رغد^^
مارح اقدر اقتبس كل تعليقك، مشكورة كتير، الله يديم الأمل والتفاؤل:")
بس للصراحة أنا قد ما لفيت ودرت بعبّر بالنهاية عن شي جواتي،
وبالمناسبة رفاقي جميعاً بدكن تعتبروا أنو مع كل رد في سمايلات وصدقاً ردوركن عمتخليني أتفاءل وأحياناً أبتسم رغماً عني وأحياناً أضحك عالعالي بدون قصد لما شفت هي:

Quote:
Dr.TH:
في كتير تعديلات كنت حابب ضيفها عالصورة بس للأسف لا أملك هذه الموهبة لا من الناحية الفنية ولا التقنية
بس حاولت شوي

اممم....بس كيف عميروح عالجامعة لكن؟ وإذا كان هيك بيوم عادي...كيف حيصير أيام الامتحانات><
أنتو أدرى على كل حال D:
شكراً عالمحاولة!

صديقتي مريوم شكراً إلك والله يحميكي دائماً.

ETERNITY:
شكراً عالمرور...إذا حدا حابب يضيف تعديلات (معقولة )كمان فالباب مفتوح P:

yazoo's picture
yazoo

Quote:
وأحياناً أضحك عالعالي بدون قصد لما شفت هي:

Shocked Laughing out loud

Quote:
اممم....بس كيف عميروح عالجامعة لكن؟ وإذا كان هيك بيوم عادي...كيف حيصير أيام الامتحانات><
أنتو أدرى على كل حال

بيروح عالجامعة وعنده لحية بيوم عادي وين المشكلة؟ Cool Eye-wink
بالنسبة لأيام الامتحانات ذكرتيني بفحص الـ 15 يوم هممم .. ينذكر وما ينعاد yekh .. كان المنظر هيك تقريباً

Dr.TH's picture
Dr.TH

Quote:
ETERNITY:
شكراً عالمرور...إذا حدا حابب يضيف تعديلات (معقولة )كمان فالباب مفتوح P:

الرسمة الأصلية رائعة.. شغل إبداع عنجد

بس يلي لفتني برسمة تحسين هو أنو تطويلة الدقن جعلت من الشخصية واحد بعرفو منيح اسمو تحسين Cool

ETERNITY's picture
ETERNITY


نومة عزيزتي...مشكورة كتير، اكتشفتٍ أمر ال3J برافو عليكي ،وفي شغلات تانية بس بظن جودة الصورة بعد الرفع ما بتساعد على اكتشافها.

Quote:
بيروح عالجامعة وعنده لحية بيوم عادي وين المشكلة؟
Quote:
بس يلي لفتني برسمة تحسين هو أنو تطويلة الدقن جعلت من الشخصية واحد بعرفو منيح اسمو تحسين

أيواا...O.O
رغم إني لاحظت أنها مو مفشكلة متل ما بيرسمها فنان الكاريكاتير Ji-B-M
بس فكرت بالمعنى الأقرب أنها علامة بتميز طالب الطب المهموم اللي ما بيلاقي وقت ليهتم بالمظهر
شكراً عالإيضاح وتقبلو اعتذاري.

yazoo's picture
yazoo


اعتذار شو Shocked .. الله يسامحك، عادي Eye-wink

Dr.TH's picture
Dr.TH


هاد طالب وبتسليط حالته على حالتي:
زهق من الدراسة ومن الطب ومن الكلية ومن الكتب والمواد ..

وصل لمرحلة من فوضى الأفكار والمشاعر بطريقة انعكست عى اسلوب حياته..دراسته حتى غرفته

كل ما يجي ليحط عقلو براسو ويتقوقع بتجيه صدمةشعورية جديدة وخبر اسوأ من الذي قبله.

فاذا به يقضي نهاره بتلقي الصدمات والأخبار Shocked ويسهر ليلا "محاولا الدراسة"فاذا بالزهقان والفوضى تدفعه من جديد...
فقط الى الوقوف امام النافذة طيلة الليل ..عله يجد حلا يعيد اليه تلاؤمه مع نفسه..دراسته ..كليته..مجتمعه

عم يحلم انو يصير طبيب ناجح ومتمسك لذلك دوما غرفته بأجواء طبية بحتة.."للتمويه" وخداع نفسه Cool حتى نظاراته "تمويه"..لكن يعلم جيدا ان عقله في عالم آخر
وهكذا..........

redsun
السنة الثالثة


لا إذا بدك أحكيلك بالتفاصيل هيك شي تاني..Cool
يعني حسب ماني شايفة الأخ فاتح على حكيم و على المشاركات الحديثة حصراً...بس للأسف مو
ملتفتلو بنوب!!! و في شخبرة على الحيط فوق المخدة.......بصراحة ما فهمتها!!
و في صورة شخص....بظن صورة الأخ قبل ما يكون حكيم...لأنو مظبط شعراتو...Cool
و كيس شيبس فاضي مشلوف ما بعرف أي نوع شيبس هيك منظرو؟؟
و إضافة لورقة......يمكن شي رسالة من حدا مزعلتو هالقد!!
هاد كل شي عندي.....بدي تخبريني الباقي بس شوفك..Eye-wink

noumeh

Quote:
في شخبرة على الحيط فوق المخدة.......بصراحة ما فهمتها

توقيعيهممم
كلامك كلو صحيح...
بس فيكي تعتبري الورقة وصل الإيجار
أما اللي مزعلو فشي مختلف.

Quote:
redsun

تماماً، متل ما شرحت بالضبط
بعد آخر: هو بعيد عن أهلو وهكلان همن، وحاسس أنو بدو يرجع لحضن أمو بالتو واللحظة
لأنو إحساس القلق والخوف وشعوره بالفراغ والغثيان بداخلو ما بيروح إلا بضمة حنونة من أمو الحبيبة:"(

وأمر آخر: ما بظن أنو عميمنّي نفسو أنو يصير طبيب ناجح، شايف برا سواد ومطر ومدينة غافية لذلك المستفبل أمامه وهم...عبر عن مشاعرو بإصبعه عالبلور وما قعد رسم على حواشي المحاضرات متل ما بيعمل بالعادة.
والمفكرة فوق السرير للتأريخ للمذاكرات وأيام الشدة.

لكن الأمل بالله لا ينقطع:")

yazoo's picture
yazoo

Quote:
توقيعي

Shocked Shocked .....عن جد آسفة كتير بس ما بعرف أنو هيك توقيعك لا تواخذينا!!Embarrased
بس فعلاً معبرة و هالشي يلي حكيتي كلو محسوس بالصورة من أول ما شفتها...أهنيك يازو..Eye-wink

noumeh

Quote:
إذا قصدك الحبوب اللي جنبو فهو مسكّن وحسب!
هديك الحبوب الفلانية إلها صحاب غيرنا ^^

Laughing out loud
بس جد ما شاء الله رسم متميز Eye-wink

يم
بعد التخرج


إبداع رائع Very Happy Very Happy

Arther's picture
Arther
السنة الثانية


شو مشان المريول مو مكوي ...........ولا "عادي "
يسلمو كتير

محمد100
السنة الخامسة

Quote:
رغم إني لاحظت أنها مو مفشكلة متل ما بيرسمها فنان الكاريكاتير Ji-B-M

(مفشكلة=مو مشذبة)،أما رسم زميلنا جهاد مافي عليه كلام.

د.مجد شكراً لمرورك

Quote:
محمد100:
شو مشان المريول مو مكوي ...........ولا "عادي "

ما بيتذكر المريول غير هو وطالع من البيت ومتى ما رجع لحشو عالكرسي...فإيمتى رح يلحق يكوي؟
كنت رح ارسم عليه بقع دم صغيرة من دم ضفدع الفيزيولوجيا بس خفت تنفهم غلط"..."

yazoo's picture
yazoo


lots of details Surprised
it looks so real

Quote:
بالنسبة لي ... واقعية كان ح يكون وصفها بس لو كان غطى التخت منبوش، والكتب والدفاتر الأوراق والأقلام -فوق وتحت- أكتر شوي!

same here Cool

Inspector's picture
Inspector
السنة السادسة


عنجد رسمك مميز عندك ابداع ما شاء الله.. Surprised
حبيت اهتمامك بكل التفاصيل الصغيرة Eye-wink

هالصورة تمثلني بس مع محاضرات أكتر ومبعثرة بكل الغرفة وكوشة أقلام يمين وشمال..^^

barbie girl's picture
barbie girl


كيف ما كنت شايفها قبل!

عنجد الرسمة روعة Eye-wink ... والاهتمام بالتفاصيل الصغيرة يلي فيها كمان روعة... ما شالله عليكي Very Happy

Ji-B-M's picture
Ji-B-M
مدرس


جميلة جداً Eye-wink

loletaa
السنة الثالثة


سرّني مروركم Very Happy
شكراً

yazoo's picture
yazoo
ابق على تواصل مع حكيم!
Google+