سأل مجرب ولا تسأل ..............

وعليكم السلام أخي أهلا وسهلا فيك
أنا بعرف شغلة معينة وهي أنو شهادة البكالوريا السعودية يتم تعديلها عندنا لتستطيع التقدم إلى المفاضلة
وأثناء هذا التعديل بيطير شي 10-15 علامة هيك عالبيعة يعني
وإذا تم هالشي فلو كان مجموع علاماتك بالسعودية 100% فما حتقدر تدخل طب بشري هون
لأنو الطب البشري السنة الماضية كان ناقص 5 علامات فقط عن المجموع التام
ولذلك بنصحك إذا بدك تفوت طب بشري عنا أنو أول شي تنزل تقدم البكالوريا هون

عفواً زميل طارق.... بس في مفاضلة خاصة بالسوري غير المقيم ، يعني بنزلولهم العلامات ومابتضل متل ماهي بالنسبة إلنا - يعني ناقص 5 علامات بس -

بس يمكن إنو الدراسة بالموازي مو ببلاش ، والموازي بدك تدفع 160 ألف ليرة سوري ..

هادا يللي بعرفه

و مشان المعلومات يللي لازم تكون عندك ، بظن إنو ماكتير فارقة يكون عندك شي من المنهاج السوري تبع البكالوريا أو لأ ، عادي ، و لو إنو في شي من منهاج البكالوريا بالطب بالسنوات الأولى بس ،، يعني ما كتير مهم ..

هادا يللي عندي ، و إن شاء الله أكون فدتك ..

كمان بتقدر تفوت ع موقع وزارة " التعليم العالي " و تشوف مفاضلة السنوات الماضية و شروط التسجيل ل السوري غير المقيم ....

www.mhe.gov.sy

بالتوفيق .........

و هي كمان مشان الإفادة :

مفاضلة الطلالاب السوريين غير المقيمين:

تصدر وزارة التعليم العالي بعد صدور نتائج المفاضلة العامة إعلان المفاضلة الخاص بالطلاب السوريين غير المقيمين وفق الشروط
التالية:
أن يكون الطالب حاملا جنسية الجمهورية العربية السورية أو من في حكمه.

عفواً !

مدري ليش هيك طلع !!

هادا الصح :

مفاضلة الطلاب السوريين غير المقيمين :

تصدر وزارة التعليم العالي بعد صدور نتائج المفاضلة العامة إعلان المفاضلة الخاص بالطلاب السوريين غير المقيمين وفق الشروط
التالية:
أن يكون الطالب حاملا جنسية الجمهورية العربية السورية أو من في حكمه.

لك يييي علينا !! ما عم يرض بنسخ منيح ما بعرف ليش !!!

أخي .. فوت إنت على الموقع يللي حطيتلك ياه ، و ابحث عن السوري غير المقيم بيطلع معك الشروط والوثائق المطلوبة ..

موفق ...

و عليكم السلام...
أول شي في مفاضلات كتير.... يعني إذا ما كنت سوري ففي إلك مفاضلة العرب و الأجانب و هي بيكون الطب فيها تقريباً بال215 من 240 (ما لي متأكدة) بس بدك تدفع 250000
ليرة سورية كل سنة حتى لو كنت جايب المجموع التّام!!!
أمّا إذا إنت سوري غير مقيم ففي مفاضلة خاصة إلكن فيك تشوفها من موقع وزارة التعليم العالي.......

صحيح أنا لساتني سنة أولى.. بس بتوقع أنو كل شي بالدراسة و المتابعة بصير.....يعني بيجوز تتعذب شوي بس بعدين بتتأقلم...يعني لا تشغل بالك بهالقصة بالمرة.

أول شي الله يسرلك الخير..... تاني شي ادخل الفرع يلي فيه رغبتك (و لو أنو بكير على هالحكي شوي) و الفرع يلي بيحققلك السرور بحياتك
تالت شي إذا بدك تسأل حدا من الناس فإسأل أهل العلم و الخبرة....لأنو النّاس بتحكي كتير و قليل و عندا أفكار مسبقة عن كل شي!!!!!!

أما الشي المهم يلي حابّة إلك يا:
لا تفكر كتير بهالتفاصيل لأنو بكير عليها شوي و ركز على دروسك كتير منيح و بس تضمن المحموع العالي ساعتها فكر بكل شي أد ما بدك........و ادعي الله سبحانه و تعالى يخترلك الخير وين ما كان ....لأنو ما حدا بيعرف وين الخير إلو... و نشالله الله بيوفقك و بيحققلك يلي بتحلم في و ما بيضوعلك تعب.

اتّخذ كل الأسباب يلي الله سبحانه بيقدرك عليها و توكل على الله و سلم أمورك كلها للباري القادر على كلّ شيء
بالتوفيق

الله يعطيك ىلعافية على الردود وانا اكثر شي ريحني بالردودكم اني اسلم امري لله
ودعولي السنة الجاية اكون معكم بالمنتدى بس ادخل الطب

السلم عليكم.......
عرفت بعض المعلومات حبيت فيدك فيها:
إذا كان الطالب سوري غير مقيم و مقدم البكالوريا بسعودية فحتى يدخل كلية الطب البشري بدمشق يشترط:
أن يكون معدله بالبكالوريا100% و بالصف الثاني الثانوي (الحادي عشر) 99%.... بالإضافة إنو لازم يدفع 160000 ليرة سورية كل سنة....
طبعاً هاد الكلام كان عن هذه السنة...... و بيجوز يتغير كتيييييييييييييييير شغلات من هون للسنة الجاية...... فلا تحط ببالك
{ يخلق الله ما لا تعلمون}
بالتوفيق