تصفح
دخول
تسجيل
نسيتها؟

في إحدى المشافي رجل يعاني من ألم بطني


في إحدى المشافي رجل يعاني من ألم بطني


حالة سريرية

الوصف الكامل Background

خلال جولة في إحدى غرف مشفى الأسد الجامعي شاهدت رجل في الأربعينات قبل في المشفى البارحة بسبب ألم بطني ...
لنقم سوية باستجواب المريض لنصل إلى تشخيص لمرضه ...
الإضبارة موجودة لكننا لن نطلع عليها قبل أن نشخص مشكلة مريضنا ...
لنبداً ... Eye-wink

المرجع

Real life book

Surgeon90's picture
by
السنة الرابعة


طيب .... نسأل المريض عن :
1- موضع الألم
2- نوعه
3- شدته ... عوامل تساعد على تخفيفه وعوامل تساعد على زيادته..
4- متى بدأ .. كيف .. بعد شو
هات الأجوبة لنشوف !

Ji-B-M's picture
Ji-B-M
مدرس


السلام عليكم
أول شي منعرف عحالنا
مطلوب هلأ:
الاسم - العمر - السكن - مدخن أم لا - كحولي أم لا - متزوج أم لا - سوابق مرضية - عائلية - دوائية - جراحية

ETERNITY's picture
ETERNITY


مشان نكون منهجيين.. أول شي منسألو عن اسمو وعمرو (ابعينيات) وسكنو.. اذا متزوج واذا عندو ولاد..
الشكوى الرئيسية.. شو اللي جابو ع المشفى.. القصة المرضية..

خليه يجاوبنا لنعرف شو نحكي Nerd

allo le monde's picture
allo le monde
بعد التخرج

Quote:
متزوج أم لا

يعني هي بتفيدك مشان تعرف اذا مرته السبب أو لأ ؟؟ Laughing out loud

Surgeon90's picture
Surgeon90
السنة الرابعة


طول بالك جهاد.. أول شي مناخود الهوية الشخصية.. بعدين حبة حبة Eye-wink

ETERNITY's picture
ETERNITY


ما حاطلع كتير عن سياق الحالة بس بركي كانت مرتو عنيفة وهو مدايقها مثلا Cool

ETERNITY's picture
ETERNITY


طيب سأبدأ بأسئلة عدنان من أجل هوية المريض ومن ثم أسئلة جهاد ورهف ..

الاسم : م . م
العمر : 46 سنة
السكن: بانياس - المطاحن أول دخلة عاليمين.
مدخن
كحولي في المناسبات والأعياد الرسمية ..
متزوج وله ولدان ... مبسوط مع مرته وحماته من أطيب ما يكون وما حدا منهم زاعجه .
لا يوجد سوابق مرضية أو عائلية باستثناء عملية ديسك سابقة ..
موضع الألم: لا يستطيع المريض تحديده بدقة .. وين ما بتحط إيدك بيقلك "أي"
نوعه: بشكل شد ويخف بالأدوية المضادة للتشنج يزداد على التوابل
بدا من سنتين ...

هاتوا لنشوف

Surgeon90's picture
Surgeon90
السنة الرابعة


المدة: أديش بيستمر لما يجي؟

تواتره: مستمر ولا بيروح وبيجي.. شو يلي تغير بعد هالسنتين حتى قرر يجي عالمشفى؟

المرافقات: من الأعراض الهضمية الأخرى, اسهال اقياء امساك ...

هل له انتشارات؟ للظهر, للكتف, أي مكان آخر؟؟

nafartete's picture
nafartete
السنة السادسة

Quote:
أول شي منعرف عحالنا
مطلوب هلأ:
الاسم - العمر - السكن - مدخن أم لا - كحولي أم لا - متزوج أم لا - سوابق مرضية - عائلية - دوائية - جراحية

بفصل بصفات الألم:
البدء, مكانه, انتشاراته, صفاته(طاعن- ناخز-...), تواتره, مرافقاته(اقياء-غثيان-اسهال) شو يلي بزيدو وشو يلي بنقصه.

the gift
السنة السادسة


مدخن بكثرة؟.. مدخن يعني كم سيجارة باليوم (2-3) ولا شو؟

رهف الشكوى الرئيسية هي الألم البطني Eye-wink

هلأ الألم بدى من سنتين فمننفي الأورام لأنو عقولة زادة كانت صارت عضامو مكاحل Nerd

طيب شو علاقة الألم بالأكل "بس بيزيد عالتوابل؟"؟ بيخف عالتبرز ولا مالو علاقة؟
البرد شو أثرو عالألم؟ والتعصيب كمان شو أثرو؟

ETERNITY's picture
ETERNITY


تمام.. شو اللي جابو هلأ؟.. شو شكوتو الرئيسية؟

بما إنو الشغلة ألم.. بدنا.. مكانه (معمم بطن).. مدته (من سنتين).. انتشاراته ؟؟.... مرافقاته ؟؟.... طبيعته (شد ويخف بالأدوية المضادة للتشنج).. مثيراته (يزداد على التوابل) منسأل اذا في غيرو واذا في وضعيات راحة... طيب بدنا لسا.. مخففاته؟؟.. تواتره ؟؟؟

allo le monde's picture
allo le monde
بعد التخرج

Quote:
المدة: أديش بيستمر لما يجي؟

الألم مستمر حتى ياخد المريض "spasmogen" يعني لياخد مضاد تشنج...

Quote:
تواتره: مستمر ولا بيروح وبيجي.. شو يلي تغير بعد هالسنتين حتى قرر يجي عالمشفى؟

\
الألم زاد في الفترة الأخيرة مما دفعه لمراجعة المشفى علماً أن الألم لا يوقظ من النوم ويزداد بالتوايل كما ذكرنا ..

Quote:
المرافقات: من الأعراض الهضمية الأخرى, اسهال اقياء امساك ...

نعم يوجد قصة إمساك ..

Quote:
هل له انتشارات؟ للظهر, للكتف, أي مكان آخر؟؟

لا ... لكن الألم معمم في البطن ككل يعني وين ما بنحط إيدنا بيتوجع

Quote:
مدخن بكثرة؟.. مدخن يعني كم سيجارة باليوم (2-3) ولا شو؟

حوالي نص باكيت يومياً

ملاحظة: وجدت المريض قي اليوم التالي متغطي ببطانية سميكة مع انو مو برد كتير ... قلي انو البرد عم يوجعله بطنه زيادة ..

Surgeon90's picture
Surgeon90
السنة الرابعة


طيب منسأل عن الأعراض العامة: حرارة, عرواءات, نقص وزن, شهية, تعب ووهن؟

وكيف شفت الحالة العامة للمريض؟

الإمساك: من إيمتى بدأ, وشو طبيعته؟ والو علاقة بالألم؟
في شي دم بالخروج؟ واذا في شو شكله ولونه؟

nafartete's picture
nafartete
السنة السادسة


طيب ما جاوبتني أنو شو علاقة الألم مع الطعام.. يعني هل فورا بعد تناول الطعام؟؟

ETERNITY's picture
ETERNITY


الألم يأتي بعد تناول الطعام بفترة ... بس لا توقع بالفخ ..Eye-wink

Surgeon90's picture
Surgeon90
السنة الرابعة

Quote:
طيب منسأل عن الأعراض العامة: حرارة, عرواءات, نقص وزن, شهية, تعب ووهن؟

بالجس كان بطن المريض سخن شوي ... بس ما عنده أعراض تانية وكان كتير متعاون وحالته العامة تقدر بجيد ..

Quote:
الإمساك: من إيمتى بدأ, وشو طبيعته؟ والو علاقة بالألم؟

\الإمساك يرافق الألم يعني من وقت ما كان يجيه الألم كان يصير معه إمساك ولكن قوام البراز طبيعي ولا دم ولا مخاط ولا قيح

Surgeon90's picture
Surgeon90
السنة الرابعة


طيب بالسؤال عن الأجهزة المرافقة بيّن شي غلط؟

ETERNITY's picture
ETERNITY


لا أبداً ... كله طبيعي

Surgeon90's picture
Surgeon90
السنة الرابعة


حلو الكلام.. والفحص السريري؟

ETERNITY's picture
ETERNITY


عدنان خلينا نمشي يمنهجية ...
استجواب
فحص سريري
قائمة تشحيص تفريقي
فحوصات
تشخيص نهائي ومعالجة

Surgeon90's picture
Surgeon90
السنة الرابعة


طيب ... نرتب الأفكار :
وصف الألم: ألم مستمر........ spasmogen مضاد تشنج لتخفيف الألم
الألم زاد في الفترة الأخيرة ... لا يوقظه من النوم ....
يزداد بـ : التوابل ... و بعد تناول الطعام بفترة... يزداد بالبرد !
الألم مبهم في البطن !
التدخين : نص باكيت باليوم .... لوين منتوجه برأيكم ؟؟

Ji-B-M's picture
Ji-B-M
مدرس


بقي شي بالاستجواب؟

أنا مبدئيا شاكك بألم كولوني

ETERNITY's picture
ETERNITY


طيب معناها رح ننتقل للفحص السريري:
بالفحص السريري: المريض بحالة عامة جيدة ومتعاون ... لا شحوب لا يرقان لا زرقة لا ندبات جراحية ..
بالجس : البطن لين متنفس ... جس البطن يسبب ألم في كل البطن .. لا ضخامة كبد أو طحال .. الرج القطني سلبي .. ماك بورني سلبي ... موفي سلبي .. الأصوات القلبية والرئوية وضحة تماماً ولا يوجد نفخات أو وزيز أو صرير أو أي أصوات تنفسية شاذة ..
فحص الجهاز العصبي سليم ... غلاسكو 15 ... قوة ومقوية عضلية جيدة ...

هلأ حطولنا قائمة التشخيص التفريقي

Surgeon90's picture
Surgeon90
السنة الرابعة


أنا الشي يلي ممكن شك فيه هو ال IBS "تشنج الكولون" بس ما في وسيلة لاستقصاؤو غير بالاستثناء

ETERNITY's picture
ETERNITY


طيب معناتو بدو يكون : IBS Rolling Eyes

Ji-B-M's picture
Ji-B-M
مدرس


وغير هيك ؟؟؟ ما حدا عنده شي ممكن ينزله بالقائمة غير الـ IBS

Surgeon90's picture
Surgeon90
السنة الرابعة


بس شو دخل الكولون بالتوابل والطعام؟!..
بعدين بضل متشنج الكولون سنتين؟!!

allo le monde's picture
allo le monde
بعد التخرج

Quote:
بس شو دخل الكولون بالتوابل والطعام؟!..

صحي شو دخل الكولون بالتوابل والطعام ؟

Quote:
بعدين بضل متشنج الكولون سنتين؟!!

إي والله شو بيضل الكولون متشنج سنتين ؟؟؟ Very Happy Very Happy

Surgeon90's picture
Surgeon90
السنة الرابعة

Quote:
بس شو دخل الكولون بالتوابل والطعام؟!..

هو يلي الو دخل
حسب ما قلنا زادة.. كل انسان عندو مادة بيتحسس منها كولونو.. شي شوكولا شي مدري شو
واذا في انسان لسا ما صارت معو هي الشغلة.. فبيكون لسى ما أكل المادة يلي بتحسسو

ETERNITY's picture
ETERNITY

Quote:
حسب ما قلنا زادة.. كل انسان عندو مادة بيتحسس منها كولونو.. شي شوكولا شي مدري شو

مظبوط بس الألم اللي عندنا بيزداد بالتوايل مو بينتج عن التوابل

Surgeon90's picture
Surgeon90
السنة الرابعة
ابق على تواصل مع حكيم!
Google+