أنشئ حساباً
سجل عبر فيسبوكالمعلومة
من المنعكسات الطبيعية عند الطفل نذكر ما يلي :
منعكس مورو: الذي يحدث عندما يوضع الطفل على ظهره فانه يقوم بتحريك الذراعين والاصابع للجانب وللخارج كما تحرك الرجلان في نفس الاتجاه ولكن بمقدار اقل ثم تعود الاطراف الى وضع التكــور
منعكس تماسك الرقبة: ويحدث عندما تدور الرقبة الى جهة معينة فان احد الاطراف يمتد لنفس الاتجاه واذا استمر هذا المنعكس لفترة اطول من ستة اشهر دل على وجود خلل في مراكز المخ
منعكس القبض: ويحدث عند لمس راحة الكف او باطن قدم الرضيع، حيث يحدث نتيجة ذلك استجابة انعكاسية تظهر في انثناء اليدين او القدمين. وعندما تكون قوة الانقباض زائدة أو ناقصة فان هناك احتمال وجود خلل في كفاءة الجهاز العصبي.
منعكس الامتصاص (او الرضاعة): يحدث عند لمس شفة الرضيع فإن فمه سيتجه نحو الشيء الذي يلمسه
المرجع
Sat, 2011-10-01 12:05
Surgeon90
السنة الرابعة
- Login to post comments
معلومات لطيفة حقاً.. شكراً جزيلاً..
ربما المنعكسان الثالث والرابع هما الأكثر وضوحاً على الإطلاق.. سبحان الخالق!
إذا حواليكي طفل جربي عليو مورو ... بيطلع كتير واضح ..
امسكيه متل مو ماسكينه بالصورة ... ارفعي لعندك وبعدين نزليه فجأة "بس لا توقعيه" ... بتلاقي المنعكس واضح كتير ... بكرة بتشوفيه بالستاج
المشكلة ما عنا أطفال بالبيت
بس انشالله بأقرب فرصة بجرّب وبشوف.. وبحاول أنتبه للتاني كمان إذا صار..
مشكلة إذا بدنا نستنى الستاج.. لسا سنتين
شكراً كتير ^_^
فعلاً..الله يجزيك الخير يارب
وعن قريب ان شالله رح جرب منعكس مورو..
ابقوا كترولنا من درر "طب الأطفال "
إي والله يااااريت....
شكراً
إذا عندك معلومات و صور عن باقي المنعكسات يا ريت تنزلهن
وشكراً مرة تانية
شكرا عالمشاركة
بديفيديات حكيم تبع الفحص السريري في فيديوهات لهالمنعكسات ومقارنة المنعكسات الطبيعية مع المرضية يلي عندو الديفيديات يشوفن كتير مرتبين
هذا مقطع فيديو قصير جداً "6 ثوان" يوضح منعكس مورو ...
أنا عندي سؤال: كيف منخلي البيبي يمدّ لسانه؟
في دكتور اطفال بعرفه.. كلما حدا من أهلي بياخدوا لعندو شي طفل صغير كتير (عمره أيام فقط) بيجي ليفحصه، بيقلّو "مدّ لسانك!" فالطفل بمدّ لسانه!!!
وكلما بيسألوه شو عم يعملو حتى عم يمدّ لسانه، بيضحك وما بقول شي!
عندكم فكرة كيف من فضلكم؟
على فكرة: كتير حلو الفيديو..
الله يجزيك الخير دكتور ^_^
على حد علمي انو الطفل بالحالة الطبيعية ما بيمد لسانه الا اذا كان بده ياكل يعني اذا كان جوعان ...
ممكن بحالات مرضية متل متلازمة داون أو في حال كان اللسان كبير أو الفم صغير أن يخرج اللسان أيضاً ...
اذا عرفتوا شي من هالدكتور يا ريت تخبريني ...
والله هاني مو مزح! هالشغلة رح تعقّدني! بس ما رح حلّ عنو حتى أعرف شو عم يعمل.. كأنو عم يعمل شي حركة على شي جزء من الجسم..
وبس أعرف رح أجي أكتبها هون فوراً ع المنتدى.. هاد وعد مني.. 
ببجوز يكون عم يستخدم منعكس المص ...
يعني بيقرب خافض اللسان من تم الطفل بيقوم بيفكر الطفل انو اجا وقت الاكل بيفتح تمه وبيمد لسانه ... هد أقرب تفسير
أي فعلاً كلامك منطقي أكتر شي.. انشالله إذا تأكد شي فوراً بخبّركم..
نتابع مع بعض المنعكسات الأخرى ..
منعكس الخطو (المشي): اذ ثبت في الوضع القائم فانه يقوم بحركات خطو تبادلية.
منعكس الزحف: بعمل حركات الزحف مستخدما الذراعين والرجلين.
عفواً.. آخر منعكسين: إيمتى لازم يبدوا يظهروا عند الطفل؟ بأي عمر؟ من فضلك؟
ما شاء الله "Miss Creative" متابعة أكتر من طلاب الرابعة
موضوع جميل بس منعكس مورو ما عجبني حسيت إنه عمل شرير
( إذا كان عطريقة الفيديو)
. وقاله يومها أن السبب الثقل أو ما شابه وما فهمته منيح
هلا أنا شفت مرة ببرنامج إنه منعكس المشي بيختفي بعد 3 أشهر زي ما كتبت فوق ،ليعود مرة أخرى للظهور عند اقترابه للشهر الثامن.
ولكن المفاجئة أنه بهذه الفترة ( من الشهر 3 الى 8) لو غمرنا نصف جسمه بالماء ولامسنا رجليه بالارض فسيظهر المنعكس
فاللي عنده معرفة بهالموضوع يفيدنا
ممكن توضحلي شوي اكتر ؟؟
يعني ملي البانيو بالحمام مي وامسك الطفل وخلي اجريه تلامس ارضية البانيو حتلاقيه بيحاول يمشي
وعلى فكرة هالشغلة مجربها بنفسي وصحيحة بس ما فهمت تفسيرها العلمي
A step reflex is present at birth and should disappear by three or four months of age
so when you talk about a voluntary behavior you should know that it's not a reflex
أنا فهمت عليك من المرة الاولى وحديثي عن المنعكس حيث أنه يكون ظاهرا بالبداية ثم يختفي إلا انه تحت الماء يظل ظاهرا والسؤال هو لماذا؟
شكراً
..........؟؟؟؟؟؟؟
لأنه لم يعد منعكس ... كان منعكس حتى الشهر الرابع ثم اختفى .. الآن هو فعل إرادي في الشهر الثامن .. أما موضوع تحت الماء فلا أعتقد أن دقيق تماماً .. ربما يظهر هذا الفعل تحت الماء لكنه يظهر أيضاً خارجها ...
شكراً...............................