تصفح
دخول
تسجيل
نسيتها؟

[تم تغيير العنوان] اشاعة حول الاختصاص بألمانيا و نقاش


[تم تغيير العنوان] اشاعة حول الاختصاص بألمانيا و نقاش

خبر سيء يا زملاء............بس رجاء ما حدا يسبني انا خلقت الله حاسس حالي رح انخنق
يا ضيعان الوقت والمال والنجاح بفحص اللغة حتى المستوى التاسع b2اخبار سيئة للأطباء السوريين. السفارة الألمانية تمنع سفر اي طبيب بمنحة خاصة و المنحة يجب ان تكون من الدولة حصرا و السفر على الحساب الشخصي غير واضح المعالم حاليا للأطباء لرفض مزاولة المهنة بدون منحة مؤكدة 100% و تم تأكيدها من السفارة الالمانية في كل من الرياض و أبو ظبي.
هنالك قرار من ستة أشهر بعدم قبول اي طبيب بمنح خاصة. القبولات تتم عن طريق المنح الحكومية و الدراسة على الحساب الخاص لا نستطيع تأكيد امكانيتها من عدمها.
هذا القرار سياسي متل قرار بريطانيا بال2004 عدم استقبال اطباء من خارج الاتحاد الاوروبي
سيتم طلب منحة من الدولة و حكومية بشكل خاص و لن يتم اعتماد المنح الخاصة أبدا. الموقف غالبا سياسي بحت و سيتم الغاؤه قريبا حسبما نأمل
لمن يحي مراجعة الخبر هاد الرابط
https://www.facebook.com/#!/study.germany

كون مع السبع ولو أكلك ولا تكون مع الضبع ولو حملك.

SoooSooo's picture
by
السنة السادسة


تحياتي لك اخي العزيز : منذ ستة اشهر صراحة اعرف عددا من الاصدقاء سافروا في هذه المدة دون مشاكل ..

الموضوع غير مؤكد ولا يوجد شيء رسمي بهذا الخصوص وخاصة اننا بانتظار تفاصيل فحص المعادلة الذي من المتوقع ان يصدر قريبا .

بالنسبة لهذا الموضوع قد تكون قصة اصدقائك حالات فردية او ماشابه .

هناك حل اخر وهو العقد المأجور منذ البداية ...

على كل من المبكر حاليا الحديث عن هكذا امور محبطة في ظل عدم وجود اي شيء رسمي .. المهم حاليا لكل شخص ينوي الاختصاص التفكير بمسألة اللغة فقط ...

هدوا اللعب اصدقائي ومافي داعي للخوف لانو الله مابينسى حدا (: واذا صار اي شي مؤكد اكيد رح نخبر كل حكيماوي وحكيماوية ((((((:

hevind's picture
hevind


يمكنك الاطلاع على المناقشة هنا ..
https://www.hakeem-sy.com/main/node/44023
ثم بغض النظر عن صحة الأخبار من عدمها .. انظر إلى تعليق الشخص السعودي في الرابط الذي وضعته .. يقول أنه من الرياض ولم يحصل على فيزا لعدم حصوله على منحة حكومية فكيف يقول أنه للأطباء السوريين فقط ؟؟؟
ثم إن صح الكلام يمكنك الحصول على قبول كطبيب مساعد بدلاً من طبيب ضيف وبذلك لا تكون بحاجة إلى منحة ... نعم هو أصعب من القبول كطبيب ضيف لكنه ليس مستحيلاً وهناك الكثيرون يحصلون عليه ...

Quote:
هدوا اللعب اصدقائي ومافي داعي للخوف لانو الله مابينسى حدا (: واذا صار اي شي مؤكد اكيد رح نخبر كل حكيماوي وحكيماوية ((((((:
Surgeon90's picture
Surgeon90
السنة الرابعة


نعم اخي العزيز اطلعت على التعليقات ووجدت ما تتحدث عنه ولكن رغم ذلك يجب ان ننتظر التأكيدات ...

شكرا لك

hevind's picture
hevind


شباب رح احكيلكون قصتي اختصار عسى حدا فيكون يساعدني
أنا طبيب خريج تشرين حصلت ع ال b2 الشهر ال 3 الماضي.....اتفقت مع مكتب يؤاسلي مشان القبول وإزن المهنة
طبعا هالحكي بالشهر الرابع ......كان الاتفاق ع 3 شهور ليكون كل شي جاهز...طبعا لهلأ ما خلص والحجة انو هو جايبلي قبول مكتوب عليه انو في منحة......هو قال انو هالمنحة بدها تصديق من السفارة السورية ببرلين وبعدها من الدااد.....طبعا ولا زال الوضع في أخد ورد من وقتها.....المهم أنا مبارح قرأت خبر أنو السفارة عم ترفض المنحة الخاصة والكفالات وبالنسبة للحساب البنكي الوضع غائم.........أحد أصدقائي شامي كان جايب متلي منحة مصدقة من الدااد وإجاه رفض( بالسفارة قلولو أنو ما ما بيضير تفتح حساب طالما ع قبولك مكتوب في منحة والعكس صحيح) .....صديقتي شامية وكمان جابت كفالة وإجاها رفض
أنا هون سودت الدنيا بوجهي وصرت دور ع حل
الحل كان انو اسمعت انو مكتب اسمو بابللي بحلب بيأمن قبولات مع راتب منذ البداية.....طبعا أنا قلتلو صحيح معي شهادة اللغة بس هاد ما بيعني أنو انا قادر مارس اللغة كحياة يومية او اعمل مقابلات........رد علي وقال أنو هو بيطالعني أول شي دورة لغة مدة شهرين ....هون أنا ما عرفت الفيزا رح تنعطى ع أساس دورة اللغة او عقد العمل .....بس منطقيا لازم ع عقد العمل
طبعا هو طلب مبلغ مرتب .....بس انا ما عندي مشكلة لأني انا ما بعرف راسل لحالي لاحصل ع هيك قبول مع راتب
بقا والله مجتار بأمري
بتفق مع بابللي ولا بروح لعند الشخص يلي اتفقت معو اول وبقلو يجبلي قبول جديد مشروط بوجود فتح حساب وليش راتب
قسما بالله كرهت كل هالقصة بس شو الحل: انا ماسجلت اختصاص هون لأني التهيت بفحوصات اللغة ....صرت خايف اطلع من الجهتين خالي الوفاض

SoooSooo's picture
SoooSooo
السنة السادسة


تصحيح : اتفق مع الشخص الاول واطلب منو قبول جديد مشروط بفتح حساب وليس منحة

SoooSooo's picture
SoooSooo
السنة السادسة


مبلغ مرتب ليجبلك قبول لغة !!!!! حرام هلحكي راسلني علخاص لشوف وضعك بضبط

MH the best's picture
MH the best
بعد التخرج


أخي حرام أنك تدفع قرش حتى شخص يجد لك وظيفة بألمانيا كما قلت لك في شركة تجد لك مكان مجانا

www.medical-assistant.de

أو ممكن تبحث وتراسل بنفسك بهالموافع:

www.bkk-klinik-finder.de
www.aerzteblatt.de
www.kliniken.de

أو أي شخص ممكن يساعدك بالمراسلة بالتوفيق

أحمد83
بعد التخرج


شكراً لك ...
المواقع التي وضعتها مفيدة فعلاً

Surgeon90's picture
Surgeon90
السنة الرابعة


تعلمت شغلة بنفسي انو ما بحياتك تاخد قرارات مهما كان حجمها الا انك تتاكد منها بنفسك .. القصد انو دائماً القصة بتجي قيل عن قال وآخرتها بتطلع اشاعة أو مفهومة بطريقة غلط ...

DR-MAK

DR-MAK wrote:
تعلمت شغلة بنفسي انو ما بحياتك تاخد قرارات مهما كان حجمها الا انك تتاكد منها بنفسك .. القصد انو دائماً القصة بتجي قيل عن قال وآخرتها بتطلع اشاعة أو مفهومة بطريقة غلط ...

اجمل كلام سمعتو لهلا وبالفعل هالفكرة ببالي من زمان ...

شكرا DR-MAK

hevind's picture
hevind


كلامك حكيم بيعتمد ع التجربة الذلتية وهي لا شك ضرورية.....ولكن الحكمة المعروفة بتقول العاقل من اتعظ بغيره
من هالمنطلق أنا لا آرى عيبا ان نرى تجارب الآخرين ونستفيد منها
ورب شائعة نافعة

SoooSooo's picture
SoooSooo
السنة السادسة


بهالموضوع بالذات رح تصير تسمع حكي كتير .. فمافي اتعاظ وقت تسمع واحد سمع من واحد سمع من واحد وهلم جرا
بعدين اخي بهالموضوع بدك تلاقي كتير variations بين الناس يعني بجوز واحد تعب واشتغل ومدري شو وآخر شي بجوز عشغلة تافهة ما ياخدوه والتاني بالعكس .. فانت عليك تتأكد من القوانين وتجارب الآخرين بنفسك ... فيك تتجنب شغلات غلط وقع فيها غيرك ... بس ما فيك تسكر الاختصاص ببلد كامل عاساس قيل عن قال يا صاحبي ..

DR-MAK


الوداع لفكرة التخصص الطبي في المانيا Laughing out loud Laughing out loud Laughing out loud Laughing out loud Laughing out loud

شو يعني لازم ارجع هلق عالبلد ولا كيف

بلا حشيش بلا حكي فاضي

صرلي سنة ونص عم اختص وما بسمع بالشائعات عن ألمانيا إلا بحكيم وكأنو وزاة الداخلية الألمانية هون

بدك تختص بألمانيا يعني بدك توفيق من رب العالمين و لغة نارية وشوية شغل لآنو محدا رح يدق على باب بيتك ويقللك مشان الله تعا اختص بألمانيا أو هون أو هونيك

عندك سؤال معين بتدرو بالإنترنت عن الجهة المختصة وبتفتح تلفون وبتسال بنفسك وشيلك من القيل والقال والحكي المصدي وعلاك الدجالين ومكاتب النصب والإحتيال

في عدة مشاركات لـ Roamer, Der Fuehrer, M.Q.Almerie, ولي شخصيا ونحنا كلنا خريجين دفعة وحدة وهلق صرلنا بين السنة ونص والسنتين عم نشتغل كأطباء مقيمين نظاميين مع راتب من أول يوم عمل مع أنه لما كنا ندرس موضوع ألمانيا كان كل زملائنا من الخواريف (مع فائق الإحترام) بين أيدي مكاتب النصب ويدفعون مبالغ خيالية للحصول على قبول طبيب ضيف بدون راتب (أو احترام)

ممكن تراجعو المشاركات وتستفيدو من المعلومات اللي فيهون وبالأخير ما في حدا بياخد بإيدك وبيمشك دادي دادي, اشتغل اللي عليك والباقي على رب العالمين

Herr_Matter
بعد التخرج


herr -Matter ما عندك أسلوب ألطف للكلام ؟

جيانا's picture
جيانا
السنة السادسة


طيب ممكن يتغير عنوان المشاركة , لانو يلي انجلطوا من ورا العنوان كتار Laughing out loud Laughing out loud وانا واحد منن Nerd

Dr .Hazem's picture
Dr .Hazem
طبيب مقيم


أخ Herr matter طيب لو سمحت اذا فيك تبعتلنا عن تفاصيل المعيشة هناك لأن عقولك أكتر من الاشاعات مافي وكل واحد بيحكيلنا قصة عن المدن والمشافي والاختصاصات المتاحة والسكن والمواصلات والكفالة بالبنك
حتى لو عذبناك ياريت ضروري تخبرنا عن كل هالشغلات ومشكوووور كتير

brave0_0_7
السنة الرابعة

Quote:
طيب ممكن يتغير عنوان المشاركة , لانو يلي انجلطوا من ورا العنوان كتار وانا واحد منن

أنا معك

هممم هممم هممم هممم هممم هممم هممم

DR SAWAN's picture
DR SAWAN
السنة الثالثة


Eye-wink

Ahmed.AlHalabi's picture
Ahmed.AlHalabi
معيد


يعني عنجد ... كيف ممكن الواحد يحصل على اختصاص براتب من أول يوم ... رجاءً .. حدا يحكيلنا شو لازم نعمل .. لأنو عنجد ضايعين و مو عرفانين من وين بدنا نبلش confused

kamel123
السنة السادسة


مشكور جداً دكتور Herr_Matter

انا عجبتني لهجتك بصراحة

كان بدنا هيك رد لحتى يكون فيصل و تبطل الناس تحكي

bvlgari's picture
bvlgari
السنة الرابعة

Quote:
كان بدنا هيك رد لحتى يكون فيصل و تبطل الناس تحكي

Like

Surgeon90's picture
Surgeon90
السنة الرابعة


عنجد شكرا دكتور Herr-Matter رجعتلي شوية امل

dr.rim
بعد التخرج


يعني عنجد ... كيف ممكن الواحد يحصل على اختصاص براتب من أول يوم ... رجاءً .. حدا يحكيلنا شو لازم نعمل .. لأنو عنجد ضايعين و مو عرفانين من وين بدنا نبلش confused

kamel123
السنة السادسة


أحلى herr-matter و الله,من الأول هيك
يا شباب بعرف وحدة طلعت من فترة يعني على 15/9 و صارت هلق بألمانيا
يلي عندو شائعة مو متأكد منها ,و بتفلج ,يخبيها شوي ليتأكد من صحتهاEye-wink

Dr.phill1989's picture
Dr.phill1989
السنة الخامسة

Quote:
يا شباب بعرف وحدة طلعت من فترة يعني على 15/9 و صارت هلق بألمانيا

طيب عندا أقرباء بألمانيا؟
لأنو في موظفة بالسفارة قاتلي أنو يللي عندو أقرباء عايشين بألمانيا بيقدروا يسافروا أسهل من بقية الناس (خاصة خلال الفترة الأخيرة).

drferas's picture
drferas
السنة السادسة


و الله هيك ما بعرف, بس يلي بعرفو أنو سافرت

Dr.phill1989's picture
Dr.phill1989
السنة الخامسة

Quote:
مشكور جداً دكتور Herr_Matter
goal's picture
goal
السنة السادسة


في طبيب سوري سافر من 3 ايام !

hevind's picture
hevind


السلام عليكم ورحمة الله وبركاته

بالنسبة للإختصاص براتب فيتطلب حتميا مقابلة مع رئيس القسم لذلك فالطريق الأفضل والذي سلكته أنا وزملائي هو السفر إلي ستاج ما في ألمانيا وهناك البحث عن اعلانات عمل واجراء المقابلات وبعد الحصول على القبول اتمام ما يمكن من الأوراق بأقصى سرعة ممكنة ثم العودة لسورية للحصول على فيزا عمل واقامة والتي ستصبح تحصيل حاصل عندما يكون لديك عقد عمل نظامي وجميع أوراقك جاهزه
أما في حال حصلت على عقد عمل ولم تنهي جميع الأوراق وأنت في ألمانيا فستعاني الأمرين وأنت تحاول انجازها من سورية وقد تخسر عقد العمل اذا تقدم للوظيفة نفسها شي طنبور بلغاري أو بولوني حيث أن أمورهم الإدارية مسهلة جدا رغم عدم كفائتهم العلمية فقط لآنهم اتحاد اوربي

بالمختصر المفيد للحصول على عمل مدفوع في ألمانيا تحتاج لبعض المال في البداية من أجل الستاج وتحتاج لبعض التوفيق بموضوع فيزة الستاج (ستكون أسهل بكثير لو كنت قد سافرت من قبل إلى المانيا ولذلك انصج بعمل ستاج أو كورس لغة في ألمانيا قبل التخرج)

في ألمانيا تحتاج إلى لغة ممتازة وشخصية قوية من أجل المقابلة كما تحتاج إلى شطارة وخفة حركة من أجل انهاء اوراقك بالسرعة الممكنة

بالنهاية الموضوع توفيق من رب العالمين مع شوية شغل (أقل بكثير من موضوع الولايات المتحدة)

كما أن جميع الإختصاصات متاحة

زميلي عينية, الآخر عظمية, الثالث داخلية, وأنا جراحة عصبية

Herr_Matter
بعد التخرج


مواضيع قد تفيدكم

https://www.hakeem-sy.com/main/node/37197

https://www.hakeem-sy.com/main/node/31252

https://www.hakeem-sy.com/main/node/10442

https://www.hakeem-sy.com/main/node/6646

Herr_Matter
بعد التخرج
ابق على تواصل مع حكيم!
Google+