تصفح
دخول
تسجيل
نسيتها؟

من زميلة جديدة حابة تجي لعندكن من جامعة حلب :)


من زميلة جديدة حابة تجي لعندكن من جامعة حلب :)

السلام عيكم ورحمة الله ...

أول شي حابة أسلم على الجميع وبتمنى تقبلوني بيناتكن أخت جديدة ...

بداية .. أنا طالبة طب نحجت عالرابعة من جامعة حلب وحابة كفي مشوار الطب بدمشق (إذا الله راد وتسيرت القصة) بس هون في شغلات حابة أعرفها بخصوص المواد الخاصة السنين التلاتة الأولى علماً انو أنا ما عندي ولامادة حمل والحمد لله ..

نحن بحلب موادنا عالشكل التالي حسب السنوات :

السنة الأولى :
تشريح 1 (أطراف علوي وسفلي)
علم الخلية النباتية
كيميا عامة لاعضوية
لغة عربية
لغة 1
وراثة
تشريح 2 (صدر وبطن)
علم الخلية الحيوانية
علم الجنين
ثقافة
لغة 2
فيزياء طبية
كيميا عضوية

السنة التانية :
تشريح 3(رأس وعنق وعصبية)
فيزيولوجيا 1
كيميا حيوية 1
إحصاء طبي
نسج 1 (عام)
لغة 3
فيزيولوجيا 2
كيميا حيوية 2
لغة 4
نسج 2 (خاص)

السنة التالتة :
أدوية 1
جراثيم
تاريخ وآداب الطب
أعراض وتشخيص (بالانكليزي)
فيزيولوجيا مرضية
صحة عامة
أدوية 2
طفيليات
تشريح مرضي عام
مناعة
كيمياء مرضية
جراحة صغرى

فحابة أعرف فيما إذا كان عندكن في مواد زيادة عن المواد اللق قدمتن لحد هلأ , والإجراءات اللازمة ....

يمكن حاج لهلأ ما بدي تقل عليكن كتير ... وعذراً من الإدارة سلفاً إذا الموضوع مو بمكانو لأنو أنا جديدة وعبتعرف عالموقع لسا Smiling

وشكراً سلفاً ..

الحمد لله

Ranim.S's picture
by
السنة السادسة


أهلا وسهلا بك ... زميلتنا .... زميلة الدفعة Eye-wink
موادنا كالتالي :
سنة أولى فصل أول:
1- خلية بشرية (ما بندرس حيوان ونباتEye-wink )
2- حياة
3- لغة عربية
4- لغة انكليزية
5- فيزياء طبية

فصل تاني:
1- وراثة
2- تشريح أطراف
3- جنين
4- كيمياء عامة وعضوية
5- ثقافة

Surgeon90's picture
Surgeon90
السنة الرابعة


سنة تانية فصل أول
1- فيزيولوجيا قلبية
2- نسج عام
3- تشريح عصبية
4- لغة طبية 1
5- كيمياء حيويية 1

فصل تاني:
1- فيزيولوجيا عصبية
2- نسج خاص
3- حيوية 2
4- تشريح بطن
5- لغة طبية 2

Surgeon90's picture
Surgeon90
السنة الرابعة


سنة تالتة فصل أول :
1- أعراض وتشخيص
2- أدوية
3- جراثيم
4- فيزيوجيا مرضية (حاملها) Very Happy Very Happy
5- إحصاء
6- صحة عامة

فصل تاني :
1- آداب الطب
2- طفيليات
3- كيمياء سريرية
4- مناعة
5- تشريح مرضي
6- جراحة صغرى

Surgeon90's picture
Surgeon90
السنة الرابعة


ملاحظة : الأعراض والتشخيص عندنا بالعربي بس الصحة العامة بالانكليزي
ملاحظة تانية: نحنا اخدنا الادوية مرة وحدة بس بس في عندنا بالسنة الخامسة مادة اسمها مداواة سريرية هي تكملة لإلها Very Happy

Surgeon90's picture
Surgeon90
السنة الرابعة


بيريحوكي من الأدوية 2 بالخامسة
اهـــــلا و سهـــــلا

masterhopes's picture
masterhopes
السنة السادسة


شكراً أول شي عالاستجابة السريعة Smiling

Quote:
ملاحظة : الأعراض والتشخيص عندنا بالعربي بس الصحة العامة بالانكليزي
ملاحظة تانية: نحنا اخدنا الادوية مرة وحدة بس بس في عندنا بالسنة الخامسة مادة اسمها مداواة سريرية هي تكملة لإلها

طيب حدا بيعرف شي إذا كان بيأثر هالشي ؟؟؟
وهل تعتبرا الأدوية 2 بدال "المداواة السريرية" ؟؟

وبالنسبة لإجراءات النقل بشكل عام مين المفروض أسأل باعتبار أنا بإدلب هلأ وما خرج أنزل عالشام حالياً Sad ؟
علماً انو مجموعي بالبكالوريا وقتا كان بيقبل بالشام ...

Ranim.S's picture
Ranim.S
السنة السادسة

Quote:
طيب حدا بيعرف شي إذا كان بيأثر هالشي ؟؟؟
وهل تعتبرا الأدوية 2 بدال "المداواة السريرية" ؟؟

لا أعتقد أن هناك مشكلة في الفكرة الأولى أما الثانية فأعتقد كما قال الزميل سابقاً سيتم إعفاءك منها ...

بالنسبة للأوراف .... عندما سجلت في الكلية عطوني دليل الطالب وفيو معلومات عن هالموضوع وكتب فيه التالي:
1- يشترط أن يكون المجموع في الثانوية العامة يخول الطالب الدخول إلى الكلية التي يريد أن ينتقل إليها (ما عندك مشكلة هون)
2- يتم الحويل بموافقة عميدي الكليتين حصراً على أن يتم تقديم الطلب قبل بدء الدوام الرسمي
3- لا يسمح بالانتقال للطلاب الذين استنفذوا فرص التسجيل المقررة
4- يحتفظ الطالب بالرسوم التي دفعا والامتحانات التي قدمها فيما لا يتعارض مع أنظمة الجامعة المحول إليها.
5- تعتبر المقررات التي قد يكلف بها الطالب المحول نتيجة اختلاف المناهج الدراسية مقررات غير مرسبة في مطلع العام الدراسي الذي تم التحويل فيه على أن تعتبر مقررات مرسبة في نهاية العام المذكور

Surgeon90's picture
Surgeon90
السنة الرابعة


لحظة وفي كمان فكرة ...
كتب في الدليل ما يلي :
الأوراق المطلوبة والجهة التي تقدم إليها الطلبات :
1- يتقدم الطالب بطلب خطي وفق النموذج المعد في الجامعة لهذا الغرض ويلصق عليه الطابع القانوني ويقدمه الطالب إلى ديوان الجامعة التي يرغب التحويل منها وبعطى مقدم الطلب إشعاراً بذلك.
2- موافقة عميد الكلية المحول منها أو رئيس الجامعة
3- صورة عن وثيقة الشهادة الثانوية التي حاز عليها الطالب
4- صورة عن وضع الطالب المفصل مع كشف علامات مفصل.
5- براءة ذمة من الجامعة المحول منها
6- يستكمل الطلاب الذين تمت الموافقة على تحويل دراستهم مراحل تسجيلهم خلال فترة تسجيل الطلاب القدامى التي تحدد مطلع كل عام دراسي

Surgeon90's picture
Surgeon90
السنة الرابعة


الرابط التالي فيه موقع الكلية
http://www.damasuniv.edu.sy/home
في خدمات الطلاب هناك دليل الطالب ... قومي بتحميله وستجدين في الصفحة 21 منه ما تريدين Eye-wink

Surgeon90's picture
Surgeon90
السنة الرابعة


هاني كفّى ووفى ..
بس نقطة .. يمكن موضوع حمل المواد (( هي كل سنة متغيرة!))
حيث أنه أحيانا في سنوات يتم الاشتراط على الطلاب أن يكونوا غير حاملي مواد .. وفي سنوات أخرى .. يتم الاشتراط بعدد معين من المواد !
كما ذكرت ... هذا الشرط يختلف من عام إلى آخر Eye-wink
بالتوفيق في عملية الانتقال ... و أهلا بك أخت جديدة في عائلتنا الحكماوية Surprised

Ji-B-M's picture
Ji-B-M
مدرس


قبل ما تجي عالشام
جيبي معك
1_ كشف علامات من جامعة حلب
2_ موافقة عميد جامعة حلب على النقل
هدول أهم شي قبل ما تجي عالشام

masterhopes's picture
masterhopes
السنة السادسة

Quote:
الرابط التالي فيه موقع الكلية
http://www.damasuniv.edu.sy/home
في خدمات الطلاب هناك دليل الطالب ... قومي بتحميله وستجدين في الصفحة 21 منه ما تريدين
Quote:
هاني كفّى ووفى ..
بس نقطة .. يمكن موضوع حمل المواد (( هي كل سنة متغيرة!))
حيث أنه أحيانا في سنوات يتم الاشتراط على الطلاب أن يكونوا غير حاملي مواد .. وفي سنوات أخرى .. يتم الاشتراط بعدد معين من المواد !
كما ذكرت ... هذا الشرط يختلف من عام إلى آخر
بالتوفيق في عملية الانتقال ... و أهلا بك أخت جديدة في عائلتنا الحكماوية
Quote:
قبل ما تجي عالشام
جيبي معك
1_ كشف علامات من جامعة حلب
2_ موافقة عميد جامعة حلب على النقل
هدول أهم شي قبل ما تجي عالشام

شكراً جميعاً عالمساعدة والاستجابة وادعولي تكمل معي ...

بس بالنسبة لموضوع حمل المواد قصدكم اللي حاملتها من جامعتي الحالية ولا اللي رح أحملها لا بنتقل ؟؟ لأنو أنا بجامعتي مقدمة الكل ...

وسؤال كمان طلبات النقل بينزل فيها إعلان بوقت محدد كل سنة ولا فيني أقدم طلب لعميد كليتي هلأ ؟؟

Ranim.S's picture
Ranim.S
السنة السادسة

Quote:
وسؤال كمان طلبات النقل بينزل فيها إعلان بوقت محدد كل سنة ولا فيني أقدم طلب لعميد كليتي هلأ ؟؟

الجواب هنا

Quote:
يتم الحويل بموافقة عميدي الكليتين حصراً على أن يتم تقديم الطلب قبل بدء الدوام الرسمي

يعني فيكي هلأ

Surgeon90's picture
Surgeon90
السنة الرابعة


عادة الطلبات تقدم بين منتصف آب و حتى منتصف ايلول

masterhopes's picture
masterhopes
السنة السادسة


عادة الطلبات تقدم بين منتصف آب و حتى منتصف ايلول

masterhopes's picture
masterhopes
السنة السادسة


أهلاً وسهلاً بك بيننا،Eye-wink
الشرط الاساسي للنقل حسب معلوماتي انو يكون طالعلك بالشام لما سجلتي بحلب يعني جايبة 237 فما فوق

moon lover's picture
moon lover
السنة الرابعة


الشروط هي السنة أنو ما يكون الشخص حامل ولا مادة, معدلو فوق 70%, والأولولية بقبول طلبات النقل لجامعتي الفرات والبعث

Dr.Ahmed-m's picture
Dr.Ahmed-m
السنة الرابعة


237 Shocked
wallah bravo 3alekon Smiling

Dr.Syrian's picture
Dr.Syrian
طبيب مقيم


أنا بعرف وحدة كانت بسنة 2007-2008 كان بالمفاضلة العامة مقبولة بحمص
وبالموازي بتنقبل بدمشق
المهم السنة الماضية قدمت طلب نقل عدمشق وانقبلت موازي لأنو بالبكالوريا كانت بتنقبل موازي بدمشق
بس داومت أسبوع ورجعت قال عنا صعب Shocked Shocked Shocked
يعني القبول بالنقل على هوا إذا كنتي بتنقبلي بدمشق بسنة البكالوريا ( سواء موازي أو مفاضلة عامة )
وأهلا وسهلا فيكي Very Happy Very Happy Very Happy

Dr.romeo91
السنة الثالثة

Quote:
الشروط هي السنة أنو ما يكون الشخص حامل ولا مادة, معدلو فوق 70%, والأولولية بقبول طلبات النقل لجامعتي الفرات والبعث

معدلي لهلأ حوالي 85% , وبالنسبة لشغلة الأولوية بتصور هي تيسيير من الله ... بس ما حدا من حلب قبل هالمرة انتقل ؟؟؟

Quote:
الشرط الاساسي للنقل حسب معلوماتي انو يكون طالعلك بالشام لما سجلتي بحلب يعني جايبة 237 فما فوق

بالنسبة لهالشرط فما في مشكلة لأنو مجموعي كان وقتها 238 ...

على كل حالياً ما فيني طالع كشف العلامات لأنو عنا الشؤون ما بيطالعو أثناء الدورة التالتة ( يعني راحت لـبعد 8/9 ) Sad

بس ادعولي يمشي الحال وما تمنعني الظروف بحيث ما بقا أقدر أعمل هالخطوة ... وشكراً الكن جميعاً والله ما قصرتو أبداً

Ranim.S's picture
Ranim.S
السنة السادسة

Quote:
بس ما حدا من حلب قبل هالمرة انتقل ؟؟؟

أحد أصدقائي انتقل من حلب إلى دمشق السنة الماضية

moon lover's picture
moon lover
السنة الرابعة


صدقيني بلاها لهل نقلة .. سألي مجرّب !!!confused

Eyad_T
السنة الرابعة

Quote:
صدقيني بلاها لهل نقلة .. سألي مجرّب !!!

ليش؟؟؟ ... ممكن توضحلي

Ranim.S's picture
Ranim.S
السنة السادسة


النصيحة كانت بجمل.....ما بدك هالنقلة

لأنو كلية الطب بجامعة دمشق....مأساة حقيقية

من ناحية ضخامة المنهاج.....نفسيات الدكاترة......أسئلة الفحص...

والله شرينا السم من هالكلية

فخليكي بحلب...وجيبي معدل ممتاز ما بيحلم في ولا طالب بدمشق .....وبعدين ساوي متل ما بساوي

غيرك بيجي بفاضل على الدراسات بدمشق....وبتاخدي فرصة شي حدا طالعة روحو بالدراسة بدمشق

يعني مصير طلاب غير جامعة دمشق معروف.....

فلا تخالفي الطبيعة ....لان مخالف الطبيعة مهزوم

دكتور عالفاضي's picture
دكتور عالفاضي

Quote:
الشروط هي السنة أنو ما يكون الشخص حامل ولا مادة, معدلو فوق 70%, والأولولية بقبول طلبات النقل لجامعتي الفرات والبعث

بفهم من هاحكي انو شروط النقل كل سنة بتتغيير
____________________________
يعني رفيقتي السنة الماضية كان مجموعها 232 وعم تدرس طب بشري بالفرات ممكن تنقل ع جامعة دمشق Question

D.H.A's picture
D.H.A
السنة الثالثة

D.H.A wrote:
يعني رفيقتي السنة الماضية كان مجموعها 232 وعم تدرس طب بشري بالفرات ممكن تنقل ع جامعة دمشق Question

إذا كان بيطلعها بالشام و قتا فيا تنقل

masterhopes's picture
masterhopes
السنة السادسة

Quote:
يعني رفيقتي السنة الماضية كان مجموعها 232 وعم تدرس طب بشري بالفرات ممكن تنقل ع جامعة دمشقعني رفيقتي السنة الماضية كان مجموعها 232 وعم تدرس طب بشري بالفرات ممكن تنقل ع جامعة دمشق

جامعة الفرات وضعها خاص، من يقبل بها يمنع نقله لباقي جامعات القطر , حتى لو جابت 240 وسجلت الفرات أول رغبة وقبلت على أساسها لن يسمح لها بالانتقال لجامعة دمشق ذات الـ236-237 درجة للقبول! الأفضل تتأكد من ناس مطلعين لأن ممكن القرارات تتغير ...

S.AMH's picture
S.AMH
بعد التخرج
ابق على تواصل مع حكيم!
Google+