من زميلة جديدة حابة تجي لعندكن من جامعة حلب :)

أهلا وسهلا بك ... زميلتنا .... زميلة الدفعة
موادنا كالتالي :
سنة أولى فصل أول:
1- خلية بشرية (ما بندرس حيوان ونبات )
2- حياة
3- لغة عربية
4- لغة انكليزية
5- فيزياء طبية

فصل تاني:
1- وراثة
2- تشريح أطراف
3- جنين
4- كيمياء عامة وعضوية
5- ثقافة

سنة تانية فصل أول
1- فيزيولوجيا قلبية
2- نسج عام
3- تشريح عصبية
4- لغة طبية 1
5- كيمياء حيويية 1

فصل تاني:
1- فيزيولوجيا عصبية
2- نسج خاص
3- حيوية 2
4- تشريح بطن
5- لغة طبية 2

سنة تالتة فصل أول :
1- أعراض وتشخيص
2- أدوية
3- جراثيم
4- فيزيوجيا مرضية (حاملها)
5- إحصاء
6- صحة عامة

فصل تاني :
1- آداب الطب
2- طفيليات
3- كيمياء سريرية
4- مناعة
5- تشريح مرضي
6- جراحة صغرى

ملاحظة : الأعراض والتشخيص عندنا بالعربي بس الصحة العامة بالانكليزي
ملاحظة تانية: نحنا اخدنا الادوية مرة وحدة بس بس في عندنا بالسنة الخامسة مادة اسمها مداواة سريرية هي تكملة لإلها

بيريحوكي من الأدوية 2 بالخامسة
اهـــــلا و سهـــــلا

شكراً أول شي عالاستجابة السريعة

طيب حدا بيعرف شي إذا كان بيأثر هالشي ؟؟؟
وهل تعتبرا الأدوية 2 بدال "المداواة السريرية" ؟؟

وبالنسبة لإجراءات النقل بشكل عام مين المفروض أسأل باعتبار أنا بإدلب هلأ وما خرج أنزل عالشام حالياً ؟
علماً انو مجموعي بالبكالوريا وقتا كان بيقبل بالشام ...

لا أعتقد أن هناك مشكلة في الفكرة الأولى أما الثانية فأعتقد كما قال الزميل سابقاً سيتم إعفاءك منها ...

بالنسبة للأوراف .... عندما سجلت في الكلية عطوني دليل الطالب وفيو معلومات عن هالموضوع وكتب فيه التالي:
1- يشترط أن يكون المجموع في الثانوية العامة يخول الطالب الدخول إلى الكلية التي يريد أن ينتقل إليها (ما عندك مشكلة هون)
2- يتم الحويل بموافقة عميدي الكليتين حصراً على أن يتم تقديم الطلب قبل بدء الدوام الرسمي
3- لا يسمح بالانتقال للطلاب الذين استنفذوا فرص التسجيل المقررة
4- يحتفظ الطالب بالرسوم التي دفعا والامتحانات التي قدمها فيما لا يتعارض مع أنظمة الجامعة المحول إليها.
5- تعتبر المقررات التي قد يكلف بها الطالب المحول نتيجة اختلاف المناهج الدراسية مقررات غير مرسبة في مطلع العام الدراسي الذي تم التحويل فيه على أن تعتبر مقررات مرسبة في نهاية العام المذكور

لحظة وفي كمان فكرة ...
كتب في الدليل ما يلي :
الأوراق المطلوبة والجهة التي تقدم إليها الطلبات :
1- يتقدم الطالب بطلب خطي وفق النموذج المعد في الجامعة لهذا الغرض ويلصق عليه الطابع القانوني ويقدمه الطالب إلى ديوان الجامعة التي يرغب التحويل منها وبعطى مقدم الطلب إشعاراً بذلك.
2- موافقة عميد الكلية المحول منها أو رئيس الجامعة
3- صورة عن وثيقة الشهادة الثانوية التي حاز عليها الطالب
4- صورة عن وضع الطالب المفصل مع كشف علامات مفصل.
5- براءة ذمة من الجامعة المحول منها
6- يستكمل الطلاب الذين تمت الموافقة على تحويل دراستهم مراحل تسجيلهم خلال فترة تسجيل الطلاب القدامى التي تحدد مطلع كل عام دراسي

الرابط التالي فيه موقع الكلية
http://www.damasuniv.edu.sy/home
في خدمات الطلاب هناك دليل الطالب ... قومي بتحميله وستجدين في الصفحة 21 منه ما تريدين

هاني كفّى ووفى ..
بس نقطة .. يمكن موضوع حمل المواد (( هي كل سنة متغيرة!))
حيث أنه أحيانا في سنوات يتم الاشتراط على الطلاب أن يكونوا غير حاملي مواد .. وفي سنوات أخرى .. يتم الاشتراط بعدد معين من المواد !
كما ذكرت ... هذا الشرط يختلف من عام إلى آخر
بالتوفيق في عملية الانتقال ... و أهلا بك أخت جديدة في عائلتنا الحكماوية

قبل ما تجي عالشام
جيبي معك
1_ كشف علامات من جامعة حلب
2_ موافقة عميد جامعة حلب على النقل
هدول أهم شي قبل ما تجي عالشام

شكراً جميعاً عالمساعدة والاستجابة وادعولي تكمل معي ...

بس بالنسبة لموضوع حمل المواد قصدكم اللي حاملتها من جامعتي الحالية ولا اللي رح أحملها لا بنتقل ؟؟ لأنو أنا بجامعتي مقدمة الكل ...

وسؤال كمان طلبات النقل بينزل فيها إعلان بوقت محدد كل سنة ولا فيني أقدم طلب لعميد كليتي هلأ ؟؟

الجواب هنا

يعني فيكي هلأ

عادة الطلبات تقدم بين منتصف آب و حتى منتصف ايلول

عادة الطلبات تقدم بين منتصف آب و حتى منتصف ايلول

أهلاً وسهلاً بك بيننا،
الشرط الاساسي للنقل حسب معلوماتي انو يكون طالعلك بالشام لما سجلتي بحلب يعني جايبة 237 فما فوق

الشروط هي السنة أنو ما يكون الشخص حامل ولا مادة, معدلو فوق 70%, والأولولية بقبول طلبات النقل لجامعتي الفرات والبعث

237
wallah bravo 3alekon

أنا بعرف وحدة كانت بسنة 2007-2008 كان بالمفاضلة العامة مقبولة بحمص
وبالموازي بتنقبل بدمشق
المهم السنة الماضية قدمت طلب نقل عدمشق وانقبلت موازي لأنو بالبكالوريا كانت بتنقبل موازي بدمشق
بس داومت أسبوع ورجعت قال عنا صعب
يعني القبول بالنقل على هوا إذا كنتي بتنقبلي بدمشق بسنة البكالوريا ( سواء موازي أو مفاضلة عامة )
وأهلا وسهلا فيكي

معدلي لهلأ حوالي 85% , وبالنسبة لشغلة الأولوية بتصور هي تيسيير من الله ... بس ما حدا من حلب قبل هالمرة انتقل ؟؟؟

بالنسبة لهالشرط فما في مشكلة لأنو مجموعي كان وقتها 238 ...

على كل حالياً ما فيني طالع كشف العلامات لأنو عنا الشؤون ما بيطالعو أثناء الدورة التالتة ( يعني راحت لـبعد 8/9 )

بس ادعولي يمشي الحال وما تمنعني الظروف بحيث ما بقا أقدر أعمل هالخطوة ... وشكراً الكن جميعاً والله ما قصرتو أبداً

أحد أصدقائي انتقل من حلب إلى دمشق السنة الماضية

صدقيني بلاها لهل نقلة .. سألي مجرّب !!!

ليش؟؟؟ ... ممكن توضحلي

النصيحة كانت بجمل.....ما بدك هالنقلة

لأنو كلية الطب بجامعة دمشق....مأساة حقيقية

من ناحية ضخامة المنهاج.....نفسيات الدكاترة......أسئلة الفحص...

والله شرينا السم من هالكلية

فخليكي بحلب...وجيبي معدل ممتاز ما بيحلم في ولا طالب بدمشق .....وبعدين ساوي متل ما بساوي

غيرك بيجي بفاضل على الدراسات بدمشق....وبتاخدي فرصة شي حدا طالعة روحو بالدراسة بدمشق

يعني مصير طلاب غير جامعة دمشق معروف.....

فلا تخالفي الطبيعة ....لان مخالف الطبيعة مهزوم

بفهم من هاحكي انو شروط النقل كل سنة بتتغيير
____________________________
يعني رفيقتي السنة الماضية كان مجموعها 232 وعم تدرس طب بشري بالفرات ممكن تنقل ع جامعة دمشق

إذا كان بيطلعها بالشام و قتا فيا تنقل

جامعة الفرات وضعها خاص، من يقبل بها يمنع نقله لباقي جامعات القطر , حتى لو جابت 240 وسجلت الفرات أول رغبة وقبلت على أساسها لن يسمح لها بالانتقال لجامعة دمشق ذات الـ236-237 درجة للقبول! الأفضل تتأكد من ناس مطلعين لأن ممكن القرارات تتغير ...