تصفح
دخول
تسجيل
نسيتها؟

طلاب الرابعة معا لإنهاء أزمة برنامج التكميلي....


طلاب الرابعة معا لإنهاء أزمة برنامج التكميلي....

السلام عليكم معشر طلاب الرابعة جميعا.... Very Happy
بداية وقبل عرض المسودة المقترحة من قبل لجنتكم الموقرة أود أن أوضح بعض النقاط الأساسية في النقاش....
1) هذه المسودة كقالب بشكل عام هي المقترحة وليست النهائية وكل تعديل تريدون أن تقومو به سيكون ضمن إطار هذه المسودة فقط.
2) يجب أن يتم تحديد المشكلة ووضع حل بديل منطقي وغير متحيز يحقق المنفعة والرضا للأغلبية....
3) أتمنى أن يتم النقاش بشكل حضاري بعيدا عن الحزازيات، وأن ينظر لكل طالب يعبر عن رأيه ولم يرق رأيه لباقي الطلاب، بأن له ظروف معينة فرضت عليه هذا الوضع.
المسودة المقترحة مع التعليل لماذا وضعنا هذه المادة هنا.....
السبت 6\8 جلدية (نسبة الحملة مرتفعة فيها ومادة كبيرة نسبيا تستحق أن تكون الأولى)
الأحد 7\8 طب شرعي (مادة خفيفة نضيفة تحمل النسبة الأقل بالحملة)
الثلاثاء 9\8 باطنة هضمية (مادة ثقيلة نسبيا وضعناها هنا بعد الشرعي وقبلها يوم زيادة ليكون معها عمليا يومين لمراجعتها لكون الشرعي نسبة من يحملونها زهيدة جدا)
الخميس11\8 جراحة عامة (وضعناها هنا بعد الباطنة الهضمية لنحقق الفائدة لنوعين من الطلاب الأول من يحمل الباطنة والجراحة فستساعده الباطنة كثيرا في دراستها ولا يبقى له سوى شيء يسير ليستذكره في اليوم الفارغ والنوع الثاني من يحمل فقط جراحة وهم كثر نسبيا فلديهم أربعة أيام من بعد الجلدية باعتبار نسبة حملة الطب الشرعي قليلة)
الأحد 14\8 باطنة قلبية (وضعناها هنا لأن نسبة حملتها قليلة نسبيا ومادة تستحق يومين لمراجعتها لمن يحمل جراحة عامة)
الثلاثاء16\8 أذنية ( وضعناها لمراعاة صنفين من الطلاب: الأول من يحملون الجراحة والأذنية وهم نسبة كبيرة جدا وهنا أخذت الأذنية أربعة أيام وهي كافية جدا والصنف الآخر من يحمل باطنة قلبية أيضا وهي مادة فصل تاني وتركت بعدها يوم لمراجعة الأذنية وهي كافية لترفيع المادة وليس لتحقيق المعدل ونتائج الفصل الأول بالأذنية تشهد على ذلك لجميع من درسها خلال السنة)
الخميس 18\8 تشريح مرضي (تعتبر من المواد ذات النسب القليلة إلى المتوسطة في الحمل نسبيا ويكفيها يوم واحد لمراجعة أهم الأقسام فيها لترفيعها)
الأحد 21\8 توليد( من المواد ذات النسبة العالية في الحمل وتركنا لها يومين للمراجعة لمن معه تشريح مريضي وهم نسبة قليلة وأربعة أيام لمن معهم أذنية أيضا وهم النسبة الأعلى)
الاثنين 22\8 جراحة قلبية (من المواد السهلة وذات النسبة القليلة في الحمل ويمكن مراجعة أهم النقاط فيها خلال نصف يوم لمن معه توليد)
الثلاثاء 23\8 أطفال1 (نسبة الحملة متوسطة فيها وهي مادة صغيرة ويكفيها نصف يوم لمراجعتها لمن معه جراحة قلبية ويوم نص لمن معهم توليد وأعتقد انهم النسبة الأكبر)
الخميس 25\8 أطفال2 (مادة نسبة حملتها متوسطة ومادة تستحق يوم لمراجعتها)
هذا هو ما اجتهدنا فيه في لجنتكم الكريمة لجنة السنة الرابعة وأنتظر منكم الملاحظات البناءة مع الحلول المنطقية التي تحقق المصلحة لغالبية الطلاب...
بانتظار آرائكم ليوم السبت المسا...
بالتوفيق للجميع.... Eye-wink

احرص على ما ينفعك

الحمد لله...

Dr.Striving's picture
by
بعد التخرج


أبو حميد ...كأنك ما خبرت عن تمديد البرنامج إلى 28 ؟

Dr.hamdu's picture
Dr.hamdu
السنة الخامسة


أنا مع البرنامج 5

Dr.Faith
السنة الخامسة


طيب ازا كتير عالم بدها البرنامج 5 مو ممكن يكون هادا البرنامج أحسن؟؟؟

يعني ليش هالإصرار من الهيئة مابعرف...

BELLY
السنة الرابعة


أنا مع 2أو 4
بس إذا شايفين 5 حلو وظريف فمع 5واستبعد برنامج 3و1
الله ييسر للجميع......

the sun's picture
the sun
السنة الخامسة

Quote:
أبو حميد ...كأنك ما خبرت عن تمديد البرنامج إلى 28 ؟

بغض النظر عن التمديد...تتبدل الشرعي بالتوليد وتنضاف الايام لمادتين صعبات...
عسى خير...بننتظر وبنشوف...وياريت يتثبت 5 أو تتبدل الاذنية بالتوليد او يتبدل الشرعي بالجراحة القلبية

M.L.B's picture
M.L.B
السنة الخامسة


عفو ومن بعد ازنكون ازا مجال تهدو على راي لانو خوتوني يعني اول شي يارت ماتنسو انو في عالم معها ٨و٩و١٠ مواد بقا يارت تعجلو بالبرنامج مشان العالم هي تعرف شو تدرس وشو تحزف لانو هدول اهم عالم ياريت ماحدا يفكر بانانية كلنا زملا وياريت ما نضر العالم يلي حاملة كتير مواد وازا كان في تصويت فانا ممع البرنامج ٥

red
السنة الثالثة


مرحبا يا معشر الاطباء
انا مو [=red]مع البرنامج رقم 5 بتاتا لسبب رح يقنع الكل
اكبر نسبة حملة للمواد هي مواد فصل اول وما حدا بيختلف ع هاد الشي
لذلك البرنامج رقم 5 لم يراعي مواد الفصل الاول عندما وضع 5 مواد فصل اول وراء بعض ّ!!!!!!!!!!!
يعني مو منطقي يلي حامل مواد فصل الاول بس يقدم موادو كبس ورا بعض (باطنة هضمية جراحة اذنية تشريح مرضي ورا بعض !!!!)
من المفروض حتى ما يزعل حدا تنحط مادة فصل اول مادة فصل تاني مشان نحقق العدل اما شو ذنب يلي حامل مواد فصل اول فقط يضطر انو يقدم موادو ورا بعض ع فرق يومين بينما لوتم وضع مادة بمادة ممكن يرتاح ويحقق فرصة نجاحو بالمادة افضل
شكرا
انا مع برنامج 1 او برنامج جهاد

friendly man
السنة الخامسة


لثلاثاء 9/8 : باطنة هضمية
الخميس 11/8 : أطفال 1
الأحد 14/8 : جراحة عامة
الثلاثاء 16/8 : تشريح مرضي
الخميس 18/8 : أذنية
لاحظو زملائي كيف هالمواد جاية ورا بعض وع فرق يومين هيك منكون ظلمنا يلي حامل هالمواد
يتمنى تاخدو بالبرنامج 1 لانو راعى الجميع
شكرا

friendly man
السنة الخامسة


تم البت يا شباب بالمسودة المقترحة رقم واحد مع التمديد...والتي هي...
الجلدية 6 - 8
الطب الشرعي 7 - 8
الباطنة الهضمية 9 -8
الجراحة العامة 11 -8
باطنة قلبية 14 - 8
الأذنية 16 - 8
تشريح مرضي 18 - 8
توليد 21 - 8
الجراحة القلبية 23 - 8
أطفال1 25 - 8
أطفال2 28 - 8
وذلك بعد الاطلاع على مشاكل ورأي الأغلبية سواء هنا أو عالفيس بوك والذي حاز على رغبة وحقق مطالب أغلبية الطلاب الموجودين هناك...
وسبب تبكيرنا في إنهاء النقاش قبل السبت كون جماعة الهيئة بدن البرنامج على بكير مشان ينسقو التوقيت مع بقية البرامج ليكون جاهزا يوم الأحد بإذن الله...
نشكر لكم مشاركتم الفعالة والودودة ونأمل أن تسامحونا على كل ما بدر منا من تعسف في حق البعض لكن بغير قصد... Eye-wink
وكنت أتمنى من البعض أن يلتزم الموضوعية في النقاش وألا يكون رأيه مجرد خدمة لمصالحه ولكن للأسف غاب هذا الشيء عن البعض وليس الكل, حيث بالمقابل أشكر من تفهم موقفنا الصارم في البرنامج وأحيي فيه ذلك....
وامتحانات موفقة أتمناها لكم... Eye-wink
زميلكم جهاد المصري...

Dr.Striving's picture
Dr.Striving
بعد التخرج


يعطيكن العافية ...
التمديد حل المشكلة ...
بس أكيد اعتمدتو هاد البرنامج موهيك !

youssef's picture
youssef
السنة السادسة

youssef wrote:
يعطيكن العافية ...
التمديد حل المشكلة ...
بس أكيد اعتمدتو هاد البرنامج موهيك !
demo's picture
demo
السنة الخامسة


الله يعطيكن العافية ....
آسفين تعبناكم معنا..... بس ياريت الفصل الجاية تريحونا من التعليق وتقلولنا هادا البرنامج المفروض عجبكن أهلا وسهلا وإن ما عجبكم تصطفلوا مشكلتكن بوضوح دون إخفاء ذلك بين السطور
بس نوكل أمرنا لله هو الموفق وهو وحده فقط أعلم بالنوايا

S-D-S's picture
S-D-S
السنة الخامسة


شكراً ..بالنسبة الي البرنامج مناسب و يعطيكم ألف عافيةSurprised

أرادوس's picture
أرادوس
السنة الرابعة


السلام عليكم Surprised

وإن كنت قررت البارحة عدم التعليق بهذه المناقشة إذ أخذت الكثير من الأخذ والرد why

لكن تعليق صديقة لي فرض علي الرد Eye-wink

* تنويه: أنا معي الأذنية فقط والبرنامج كله برمضان ما بتفرق معي شو ماكان البرنامج Eye-wink

1- كما وضح جهاد مراراً وتكراراً لم يكن الهدف الأول من وضع البرنامج هو التصويت

إنما النقاش بيننا وتوضيحنا لكم الأساس الذي اعتمدنا عليه في وضع هذه المسودة

وهي لم تكن نهائية منذ البداية ...

2- قدمتم اقتراحاتكم وإن كان هناك اقتراح منطقي لا يضر كان سيتم الأخذ به بكل تأكيد Eye-wink

وبعد اقترحاتكم قدم لكم جهاد التبرير الذي لا نستطيع على أساسه الأخذ به ...

3- منكم من يقدم اقتراحه بناء على مواده هو ( لاحظت كلمة بيفيدني وبيناسبني !!! )

لكن تذكر موادك غير مواد زميلك وإن صدفت وكنتم 7 مثلاً هنا على حكيم ... Eye-wink

4- وضحنا منذ البداية أن لدينا نسب وراعينا هذا الشي منذ البداية ربما لن نستطيع إجراء تصويت في المدرج

كما برنامج الفصلين ولن نستطيع الوصول للجميع لكن النسب لا تكذب ...

5- لاحظت أن التصويت أخيراً كان بين البرنامج المقترح وبين البرنامج التالي ...

السبت 6//8 : جلدية
الاثنين 8/8 : جراحة قلبية
الثلاثاء 9/8 : باطنة هضمية
الخميس 11/8 : أطفال 1
الأحد 14/8 : جراحة عامة
الثلاثاء 16/8 : تشريح مرضي
الخميس 18/8 : أذنية
الأحد 21/8 : باطنة قلبية
الثلاثاء 23/8 : طب شرعي
الخميس 25/8 : اطفال2
الاحد 28\8 توليد

كلنا يعلم أن مدة الفصل الأول كانت أقصر وعدد موادها 6 غير المقالب اللي أكلناها

ونسبة حملة الفصل الأول أعلى بكثير من الفصل الثاني فكيف نضع برنامج

يحوي 5 مواد فصل أول متتاليين Rolling Eyes

يعني بيجي هاد الطالب اللي حاملهن بيقدمهن كلهن ورا بعض بأسبوع ويومين

يوم إي ويوم لأ ... هممم

*** بالنهاية حابة قول كلمة ...

من اللجنة طلاب ليس لديهم مواد ( أي ليس لديهم مصلحة شخصية ) ومن اللجنة

طلاب لديهم مواد باختلاف عددها ( أي حالهم من حالكن وحاسين فيكن Eye-wink ) ...

ودار بين اللجنة نقاش طويل حتى تم التوصل لهذه المسودة علها تفيد معظم الشرائح

من الطلاب وشي طبيعي إنو ما يعجب البعض Eye-wink

يعطيكن العافية جميعاً ... بالتوفيق بإذنه تعالى Eye-wink

freesoul_r3's picture
freesoul_r3
السنة الخامسة

friendly man wrote:
مرحبا يا معشر الاطباء
انا مو [=red]مع البرنامج رقم 5 بتاتا لسبب رح يقنع الكل
اكبر نسبة حملة للمواد هي مواد فصل اول وما حدا بيختلف ع هاد الشي
لذلك البرنامج رقم 5 لم يراعي مواد الفصل الاول عندما وضع 5 مواد فصل اول وراء بعض ّ!!!!!!!!!!!
يعني مو منطقي يلي حامل مواد فصل الاول بس يقدم موادو كبس ورا بعض (باطنة هضمية جراحة اذنية تشريح مرضي ورا بعض !!!!)
من المفروض حتى ما يزعل حدا تنحط مادة فصل اول مادة فصل تاني مشان نحقق العدل اما شو ذنب يلي حامل مواد فصل اول فقط يضطر انو يقدم موادو ورا بعض ع فرق يومين بينما لوتم وضع مادة بمادة ممكن يرتاح ويحقق فرصة نجاحو بالمادة افضل
شكرا
انا مع برنامج 1 او برنامج جهاد

اقسم بالله فهمان .. أنا معك يعني الأذنية والجراحة العامة والهضمية والأطفال 1 والتشريح المرضي والتوليد كلون نسبة حملتون عالية بقا كيف 5 منهم بيجوا ورا بعض ؟؟

Eyad_T
السنة الرابعة


يا جماعة أنا وأغلب رفقاتي حاميلن هضمية وجراحة عامة وأذنية وتوليد وفي منهم أطفال 1 !!!!! رجااااااااااااااء ما يجوا ورا بعض خلوا فاصل طب شرعي و جاحة قلبية وبعدا حطوا الأذنية والأطفال 1 ...

رجاااااااااااءً

Eyad_T
السنة الرابعة


بالتوفيق للجميع يا رب ..ان شاء الله بننجح كلنا رغم كل الصعوبات ..وبأعلى العلامات ..بإذن الله ..
مشكورة جهودكم جميعا ..
والأهم هلق نبدأ ندرس (الدراسة بالصيف غير شكل!!Crying or Very sad )..
ادعولنا ما يطلعلنا مفاجآت بأسئلة الامتحان متل العادة ..Rolling Eyes

Child Heart's picture
Child Heart
السنة الخامسة


احكو من الاول انو هاد هو البرنامج ولا تضيعوا وقت العالم على نقاش مافي منو فائدة كنا عرفنا شو نحذف وشو نقدم لانو كتير عالم بيفرق معها اليوم الواحد وياريت السنة الجاية نخلص اخر مادة ويكون البرنامج تبع الصيف بالمكتبة متل الصيدلية مثلااااااااا

red
السنة الثالثة


D.r striving:
انت ظلمت ببرنامجك ثلاثة ارباع الطلاب يلي حاملة اكتر شي مواد الفصل الاول بخمس مواد فصل اول ورا بعض مع انو الفحص 22 يوم
وشكرا الك كتير كتير

realmadred's picture
realmadred
السنة السادسة

Quote:
D.r striving:
انت ظلمت ببرنامجك ثلاثة ارباع الطلاب يلي حاملة اكتر شي مواد الفصل الاول بخمس مواد فصل اول ورا بعض مع انو الفحص 22 يوم
وشكرا الك كتير كتير

يبدو في سوء تفاهم دكتور...
البرنامج يلي اعتمدتو أكتر شي في 3 مواد ورا بعضها فصل أول ويلي هنن أذنية وتشريح مرضي وتوليد!!!!وراعينا فيهه نسبة الحملة ووقت كافي لمراجعة كل منهم...
والبرنامج الذي تتكلمين عنه هو البرنامج الذي طرحته الزميلة freesoul والتي تبين المشكلة التي قلتيها ولذلك رفضته...
وجب علي التوضيح ...
وشكرا... Eye-wink

Dr.Striving's picture
Dr.Striving
بعد التخرج


شكرا كتير للهيئة يعني انا حاملة مواد كتير وكان هادا البرنامج الأنسب يعطيكن العافيةEye-wink
وانشالله بالتوفيق للجميع Eye-wink Eye-wink Eye-wink

Trace.of.hope
السنة الخامسة


أفضل شي نلغي هالفحص و ننجح الطلاب بهالمواد نظرا للتقادم و هك مابقا بنختلف عالبرنامج وتسلسلو هههه
يعني اكتر من ‏5‏ مواد صعب حدا يقدم بهالدورة معانا شهر هلأ يلي عندو مواد كتير مني وجر يدرس ‏5‏ مواد و يتوكل ع الله

Lava4's picture
Lava4
السنة الخامسة

super hakeema wrote:
The Lost Rose wrote:
Lava4 wrote:
شكرا إلكن عجهودكن بتمنى يصير تبديل بالأوقات بين الأذنية والاطفال1‏ لأن حملة الجراحة قلبية قلال والأذنية أصعب من الاطفال1وبدها مراجعة اكتر

انا كمان بأيد هاد الاقتراح

رجاااااااء

ولو بتتبدل مع الأطفال 2 بكون احسن

GABI
السنة الرابعة


يا شباب حطلونا الجلديه بالخير مشان ندرسا علا رواق

honeymoon's picture
honeymoon
السنة الرابعة


يلي عندو مادة وحده مابهمو كيف ما إجت مو هك ‏honeymoon؟
الجلدية كونها اكبر نسبة حملة لازم تنحط أول شي لأن يلي عندو غيرها اذا إجت مواد قدام الجلدية رح يرجع يحملا
ومتل ماقال حازم مو لازم نتصرف ‏
بأنانية في طلاب عندا كتير مواد
أنا اول الناس مابتفرق عندي الجلدية لأن مرفعها بس بدنا نراعي الفئة الأكبر‏!‏

Lava4's picture
Lava4
السنة الخامسة


يلي عندو مادة وحده مابهمو كيف ما إجت مو هك ‏honeymoon؟
الجلدية كونها اكبر نسبة حملة لازم تنحط أول شي لأن يلي عندو غيرها اذا إجت مواد قدام الجلدية رح يرجع يحملا
ومتل ماقال حازم مو لازم نتصرف ‏
بأنانية في طلاب عندا كتير مواد
أنا اول الناس مابتفرق عندي الجلدية لأن مرفعها بس بدنا نراعي الفئة الأكبر‏!‏

Lava4's picture
Lava4
السنة الخامسة


طيب طالما بدك هيك البرنامج ليش ما حطيتو من الأول وبدون ما تعمل مناقشة ويحط الناس رأيون
كنت نزلو فرد مرة وخلصنا

anooosa's picture
anooosa
السنة الخامسة


السلم عليكم يا حماعة انا اؤيد البرنامج رقم 2 الي حطيتو اللجنة Dr.striving مع تبديل التوليد مع الادنية[i][=red] لانو انسب جدول بصراحة للطلاب الي حاملين اكتر من 4 مواد متل حكايتي وفي كتير طلاب انا بعرفهم متلي فيا ريت تاخدو بالحسبان هالشي عالاقل بس لنترفع لانو الي حامل مادة اوتنتين ما راح تفرق معو فارجو اعتماده رجاء شديد لانو جد وضعنا صعب جدا وهذا انسب شي لنا لانو وقتها بكون في ايام نراجع المواد الي عم ندرسها الان ولها وقت كافي .
ارجو من الجميع التعاون والتصويت يا شباب وصبايا لانو في طلاب كتير رايهم متل رايي وما عندهم حسابات على حكيم حتى انا لست من النشيطين على الموقع ولكن حبيت ادخل وابدي رايي ورايي الشباب حملة المواد الكتيرة
شاكرين لكم تعاونكم
أرجو اعتماده أرجو اعتماده أرجو اعتماده أرجو اعتماده.

akf's picture
akf
السنة الخامسة


شكرا Dr striving هاد الجدول الي حطيتو مع التمديد افضل جدول ومناسب للنسبة العظمى من الطلاب خاصة حملة المواد الكتيرة شكرا لك وللجنة السنة الرابعة
يعطيكم الف عافية

akf's picture
akf
السنة الخامسة

super hakeema wrote:
The Lost Rose wrote:
Lava4 wrote:
شكرا إلكن عجهودكن بتمنى يصير تبديل بالأوقات بين الأذنية والاطفال1‏ لأن حملة الجراحة قلبية قلال والأذنية أصعب من الاطفال1وبدها مراجعة اكتر

انا كمان بأيد هاد الاقتراح

رجاااااااء

بكون أحسن

GABI
السنة الرابعة
ابق على تواصل مع حكيم!
Google+