تصفح
دخول
تسجيل
نسيتها؟

[لجنة-رابعة]‬: برنامج التكميلي...طلباتنا:


[لجنة-رابعة]‬: برنامج التكميلي...طلباتنا:

~السلام عليكم ورحمة الله وبركاته~

إخوتي وأخواتي في الهيئة الإدارية...المشاركة موجّهة لصدركم الرحب باعتبار أنّ الديمقراطية هي شعاركم...ف *ـــ^ اسمعونا ^ـــ*

يرجى الأخذ بعين الاعتبار بعض مطالب الشعب من معشر السنة الرابعة "المتواجدة أدناه" وما يلحقها من تعليقات إن وجدت...عند القيام بوضع برنامج امتحان الدورة التكميلية للعام الحالي أو التعديل عليه على حسب ما تقتضيه الحاجة إن كان قد وُلِد.

ملاحظة على الهامش:

على من يرغب من شعب الرابعة بوضع مطلب ما هنا فليتفضل...

لكن أرجوكم:

ربما تكون مطالبي ومطالب صديقاتي لا تنطبق على مطالبك...لكن هذا لا يقتضي أن ألغي لك حريتك أو تلغي لنا حريتنا،،،بل لندمجهما معاًً ولتكن العلاقة بينهما علاقة عامل إجتماع وليس تقاطع مشترك فقط

   

المطالب:

أوّلاً: المواد الأكثر حملاناً »التوليد« أو »الجلدية«  لا سمح الله >>> مكان مناسب بأيام مناسبة قبلها تكفي لدراستها أو مثلاً الابتداء بها كاستفتاحية.

ثانياً: المواد الاكثر حذفاً بالفصل الأوّل »الأذنية« بالمرتبة الأولى و»الأطفال1« بالمرتبة الثانية >>> أيام مناسبة تكفي لدراستها.

ثالثاً: المواد الأكثر حذفاً بالفصل الثاني »جراحة قلبية« ليكسبوها للجلدية أو »الجلدية« كما سمعت من المعظم! >>> أيام تكفي لدراستها.

رابعاً: »الباطنة الهضمية« »الباطنة القلبية« مادتين تصدرتا أول يوم من كل برنامج...لم يحذفهما أحد...الغالب إن شاء الله بيكونو رفعوهم، تقال لكن مدروسين لأنو كما أسلفت بأنهم أول مادة والعطلة أدامهم بتكون طويلة >>> يمكن وضعهم بين المواد التي تحمل صفة ثانياً.

خامساً: »التشريح المرضي الخاص« »الطب الشرعي« مادتين تصدرتا آخر يوم من كل برنامج...لهما عملي...لم يحذفها أحد على الأغلب...إن شاء الله الكل بيكونو رفعوها >>> يمكن وضعهم بين المواد التي تحمل صفة أولاً وثالثاً.

سادساً: وضع مادة فصل أول مادة فصل ثاني بالتناوب...التعليل Cool:

من حذف وحمل مواد من الفصل الأول >>> بيكون شد الهمة على التاني.

من طلع من الأول سليم >>> رخى بدنو بالتاني + الأحداث أثرت على الجميع بدون استثناء "الي فيهم ضمير طبعاً" فمواد الفصل الثاني تأثرت أيضاً.

الي طلع من الأول حامل وبالتاني تضرر بالأحداث >>> أكلها من الجهتين ولا ينفعه البند السادس هذا. Crying or Very sad

---

والنصر لطلاب السنة الرابعة على هذه الجبهة الصعبة...

دعاؤكم لنا بالتوفيق..*

 

 

 

 

 

الحمدلله...
وردةٌ واحدةٌ وأنا على قيدِ الحياة، أفضلُ من باقةٍ كاملةٍ على قبري، فإنْ غِبْتُ يوماً... أذكروني بوردة قبل فواتِ الأوان

Dr.Ruba-sweety's picture
by
السنة الخامسة


شكراً ربا....
بنود ظريفة....خاصة الأول
بالنسبة للبند التاني...جراحة عامة محذوفة عند قسم منيح من طلاب, أطفال 1 تلت رباع دفعة حملتها لأسباب معروفة....يعني أغلبنا دارس قسم منيح منها لذلك أرى أن الجراحة العامة هي الأولى من الأطفال ولا تنسوا إنو نوطة الجراحة أكبر من كل محاضرات الأطفال 1
أؤيد ما ذكر سابقاً...مع تحفظي ع البند تاني

يم
بعد التخرج


المهم تمددولنا الفحص قد ما فيكن why

Dr .Hazem's picture
Dr .Hazem
طبيب مقيم


شكر ربا .. بس ولكن Sad
انا هيك ممكن يضيع حقي ...
معي باطنة وتشريح مرضي وتوليد واذيية ...
ما تحطوا ايام قليلة للباطنة .... عنجد حرام وفي متلي كتير بعتقد ومو بللضرورة يكونوا مسجلين بحكيم Smiling

heart beat's picture
heart beat
السنة الخامسة


يم~ هاد البند الي عدلتيه بيفيدني كتير Eye-wink
حازم ~ ياْ ريت والله Surprised
رهام ~ أنا ما عم انزل عالجامعة لقول لجماعة الهيئة هالحكي...لهيك حطيتو هون كأقرب طريق إلي لأنو ما برعف شو وسيلة الاتصال التانية أو إذا في للجامعة موقع لحط رأيي هناك أو أو أو الخ،،، فبديهياً مو كل الدفعة مسجلة بحكيم...بس البنود الي كتبتها مني ومن خلاصة تجربة إحصائية لكم طالب تقريباً وإن شاء الله تكون وصلت Eye-wink وهنن أكيد هلأ بيكونو قرأوا عن تجربتك وإن شاء الله ما بضيع حقك Eye-wink

Dr.Ruba-sweety's picture
Dr.Ruba-sweety
السنة الخامسة


اي هيك ها!! وأخيراً صار في شي اسمه: خود واعطي!!! Eye-wink بأكد على فكرة أنه مو كل الدفعة على حكيم.. وبدكن الصراحة قلة هنن الي على حكيم... بس المشكلة صعب تنحل لأنه ما في مجال نجمع الطلاب ونعمل انتخابات أو أو أو... وبتضل الهيئة أوسع نظرEye-wink
س سؤال: تحددت مدة التكميلي شي؟ يعني بهمنا نعرف شو التاريخ لأنه الشغلة فيها رمضان Nerd

Accolade's picture
Accolade
بعد التخرج


السلام عليكم...

Quote:
يم~ هاد البند الي عدلتيه بيفيدني كتير

Eye-wink
متل ما انحكى أهم شي يتحدد ايمتى رح تبلش التكميلية وايمتى بتخلص...خلينا نشتغل ع نور
بس فكرة ع الماشي.....تلت رباع دفعة ع حكيم, فتحوا قائمة سنة رابعة وشوفوا ! بس للأسف مو كل طلاب بتشاركwhy
مشان هيك عرض فكرة المناقشة ع حكيم شغلة ظريفة...Eye-wink
رهام معك حق...من جهة إنو في ناس رح يروح حقها....بس يعني تخيلي كل واحد يحط المواد يلي حاملهاCrying or Very sad مو لشي...بس حرصاً على أصحاب القلوب الضعيفة
ع كل حال إن شاء الله ينحط برنامج يريح الكل...وترفعوا موادكم بأحلى المعدلات

يم
بعد التخرج


أكثر مادة حذفها الطلاب بالفصل الأول الجراحة العامة
أكثر مادة حذفها الطلاب-نسبة رسوب عالية السنة الماضية- بالفصل الثاني أتوقع الجلدية
يرجى أخذ ذلك بعين الاعتبار وترك أيام مناسبة بين المادتين .

A..D's picture
A..D
السنة الخامسة


اقتراح على توزيع المواد قد يرضي الجميع إن شاء الله :
جراحة عامة
طب شرعي
أذنية
جراحة قلبية
باطنة قلبية
أطفال2
باطنة هضمية
جلدية
تشريح مرضي
أطفال1
توليد
يعني الجراحة العامة وجراحة القلبية والجلدية و التوليد -أكثر المواد حذفا - بعيدة عن بعضها .

A..D's picture
A..D
السنة الخامسة


نرجو من طلاب الهيئة الرد باسرع وقت .
مشكورين سلفا

A..D's picture
A..D
السنة الخامسة


مرحبااا ربا Eye-wink ..
مرحبا هيئة ..
هلا إذا افترضنا Idea انو جماعة الهيئة عندن احصائيات دقيقة عن أكثر المواد حملاsmart‎ ‎
.. بعتقد انو لازم يتحركو عناصر الهيئة فرع السنة الرابعة استنادا للمعلومات المتوافرة وينزلو برنامج ويطرحوه للنقاش Cool ..
يمكن هيك أحسن ما نفوت بالعواطف والمحسوبيات والفساد و ... Exclamation
‏ ‏ Eye-wink

youssef's picture
youssef
السنة السادسة


طولوا بالكم يا جماعة :
بالنسبة الي بفضل يتم المباعدة بين مواد الفصل الاول قدر الامكان لاني ما رفعت منهم غير الجراحةCrying or Very sad
وبعتقد كتير طلاب تضرروا من امتحان الفصل الاول متل ما صار معيconfused
مشان هيك الله يوفقكم لا تحطولنا مواد الفصل الاول ورا بعض والا كارثةMad
بالنهاية الله ييسر مواد هالفصل للجميع.............
ادعولناEye-wink

the sun's picture
the sun
السنة الخامسة


Accolade ~ على ما أذكر إنّي قرأت بالفترة الأخيرة إنها ب 14/8 لكن لاأعلم إن هناك تطورات أخرى.

يم ~ العبي إنتي ورهام سوا Laughing out loud أصلاً رهام ما بضيع حقها بتطبيق "سادساً" مادة ف 1 مادة ف 2 Eye-wink

A..D ~ واللهي أنا حذفتها للجراحة Embarrased بقا ماكنت بجوها بنوب...نزلت على الأذنية نص ساعة وكانت القاعة فاضية ولما طلعت النتائج تبع الأذنية بتذكر كلهن كانو كم ورقة فافتكرت إتها هيي الأكثر حذفاً.
~ وشكراً على برنامجك مع إنك حطيتي مواد الفصل الأول ورا بعضهم بالأخير & مواد الفصل التاني ورا بعضهم بالنص...ففي كتير عالم رح ينضرو Sad ... لحد هلأ الإجماع بالمشاركة صار على تناوب ف1 ف2 Eye-wink

youssef ~ هلا Surprised ،،، هلأ إذا بدنا نعيش "بمثالية" ف المفروض إنو يعملو بعد نتائج الفصل ال2 بسرعة فائقة عملية كعملية إصدار المعدلات...أي يعملو لكل طالب شو هنن المواد الي حاملهم...وبعد هيك يدخلو البيانات على برنامج معين بيعطيهم المسودات الأكثر ملائمة لحالة الطلاب Nerd بس بما إنو نحنا ما منحب نعيش بمثالية...ف كنت عم فكر إنو نعيش "بواقعية" وإنو لو بس يتطلعو (الي رح يصدرو البرنامج) على أوراق نتائج الفصل الأول على حرف الياء الأخير من كل مادة ويشوفو أديه رقمو وهيك بيعرفو المادة الي قدمها عدد طلاب أقل + يطلعو على النسبة ليعرفو المادة الي حملها عدد طلاب أكتر ويحطو البرنامج على هالأساس Twisted Evil لكن بما إنو الدنيا فحص ورح يكبوني جماعة اللجنة من الشباك ف يفضل إني shut وما كمّل حكي هممم

the sun ~ تمام...معناها فكرة "سادساً" التي Twisted Evil تنص Twisted Evil التناوب بين مادة ف 1 ف 2 بتفيدك Eye-wink

---
هي جمعتلكم الأفكار لحد هلأ ما حدا اعترض على شي Very Happy
إلا
بتعديل ثانياً بأن المادة الأكثر حذفاً هي الجراحة العامة والأذنية yekh
&
كنا نسانين قصة رمضان Embarrased ...............................................الله بعين..*

Dr.Ruba-sweety's picture
Dr.Ruba-sweety
السنة الخامسة


ما نحنا اخترناهن جماعة الهيئة لأنن كفوييييين .. ولا بيهمن لا امتحانات ولا شي .. ومصلحة الشعب عندن فوق أي اعتبار أو معدل .. صح ولا لأ .. على كل بنتوقع انن يتحفونا كالعادة بأفكار بتناسب كل المقاسات والأعمار وبأحسن الأسعار كمان ..
بالتوفيق للجميع و لربا كمان ..

youssef's picture
youssef
السنة السادسة


كلام سليم ربا ومنطقي وبتوقع بناسب الغالبية من هالرعيةSurprised فالله يعطيك العافية وييسرلنا جميعا.......
بالتوفيق للجميعEye-wink

the sun's picture
the sun
السنة الخامسة


ربا...خلينا نكون منطقيين وبدون لعب Eye-wink
بهي المشاركة مافي غير 5 مشاركين وأنا وإنتي وإذا رجعتي وقريتي بتلاقي في ناس ما أبدت رأيها بالبنود...هي أول نقطة
ونحن مامنمثل كامل دفعة....هي نقطة تانية
يعني كيف ماكان البرنامج رح يظلم ع الأقل طالب واحد من هالدفعة...
هي الفكرة من الحكي يلي كتبتو "رهام معك حق...من جهة إنو في ناس رح يروح حقها"
فمن بعد إذنك ربا بلا للقمع يلي عم تمارسي ضدي Twisted Evil
من جديد يعطيكي العافية...وإن شاء الله بتتيسر مواد الكل
بالتوفيق للجميع...

يم
بعد التخرج


ههه أضحك الله سنك Nerd
وبرجع بقول مشان العينة الصغيرة التي تتكلم هنا،،، حكيم ليس منبر لاتخاذ قرار نهائيEye-wink ... إنما أنا عرضت اقتراحاتي فقط بنقاش ديمقراطي بعيد عن الصفة الرسمية smart
الي بدو يقترح (من حكيم "ومو حابب يكتب هون اقتراحو" أو من برا حكيم) يروح يحاكي اللجنة...أنا ماني مسؤولة عن شعب صامت! الساكت عن الحق شيطان أخرس...
بقا الي ما رح يطالب بحقو قبل صدور البرنامج...ما إلو حق يعترض بعد صدورو... Idea
وأنا الي عليي إني وصلت الطلبات الي موجودة لحد الآن لرئيس اللجنة...يعني ما سكتت عن حقي وحق من تكرّم علينا برأيه وأنتِ منهم مشكورةً Eye-wink
P.S: حاسة حالي عم إخطب خطاب ^،،،^ ^.:.^ ^،،،^
---
مشان التوفيق... فَ:
آمين يا رب...للكل إن شاء الله Surprised
وعنجد Very Happy : شكراً لمروركم العطِر ولنقاشكم الراقي..* Surprised

Dr.Ruba-sweety's picture
Dr.Ruba-sweety
السنة الخامسة


الله يعطيكم العافية
من المفروض نا يكون السيد جهاد المصري موجود بهذا النقاش كي يفيدكم ويعطيكم الايام التي يمكن لنا ان نأخذها من الجدول وبتصوري : من الممكن ان تكون الهيئة قد وضعت مسودة بدائية ويتم التعديل عليها وفقا لما يأتيها من أراء ورأيت البارحة ان لجنة السنة الثالثة والثانية قد وضعتا برنامجهما التكميلي ولم يبقى سوانا
بالنسبة لي افضل ان تكون المواد الاكثر حملا (كالاذنية) بعد رمضان ليتسنى للكل مجال ترفيعها وان يكون هناك تباعد جيد بالفترات
وحبذا لوتتاكدوا من جهاد كم هي مدة الدورة التكميلية
وشكرا ........

friendly man
السنة الخامسة


مسالخير جميعا... Very Happy
أول شي بشكر الزميلة ربا على تعبيرها عن حقها في المشاركة بوضع برنامج الامتحان بإيصال صوتها عن طريق حكيم... Eye-wink
وأشكر جميع الزملاء الذين عبرو عن رأيهم وطرحو مبادئ عامة لوضع البرنامج على أسس ثابتة لا تضر بأحد بإذن الله...
ولقد تم وضع مسودة برنامج امتحان للدورة التكميلية متضمنة جميع النقاط التي أشار إليها الزملاء تقريبا....
وبما أن حكيم لا يمثل غالبية الشعب من السنة الرابعة لذلك لا أحبذ أن يتم النقاش هنا ويوضع البرنامج على أساس هذا النقاش...
(ملاحظة للدكتورة يم بأن الأسماء الواردة من طلاب السنة الرابعة لاتعبر عن جميع الطلاب الرابعة فعلا فيمكن أن يكون منهم من تخرج ومنهم من لم يغير سنته عندما انتثل لسنة أخرى وبقي حسابه في الموقع كما هو.. Eye-wink ).
لذلك سأعمل جاهدا لعرض البرنامج أولا على اللجنة ثم على عينة من الطلاب في الجامعة لوضع البرنامج الذي يحقق أكبر نسبة من القبول للطلاب ولا يمكن أن أعد بأنه سيرضي جميع الطلاب... Sad
أعود وأشكر المبادرة الجميلة من الزميلة ربا وجميع الزملاء الذين ساعدوني في وضع مسودة البرنامج وخاصة الزميل وسام كيوان.. Eye-wink
وبالنسبة للبرنامج فسوف أدرجه في الموقع في الوقت الذي أراه أصبح مناسبا للجميع... Eye-wink
وأي استفسار أو اقتراح جديد أنا جاهز...Eye-wink
بالتوفيق للجميع.. Eye-wink

Dr.Striving's picture
Dr.Striving
بعد التخرج

Quote:
ما نحنا اخترناهن جماعة الهيئة لأنن كفوييييين .. ولا بيهمن لا امتحانات ولا شي .. ومصلحة الشعب عندن فوق أي اعتبار أو معدل .. صح ولا لأ

صح ... Cool
عدا شغلة ما يبهمن لا امتحانات ولا شي ما حبيتها منك زميل...
أكيد أنا بالنهاية طالب متلي متلك لاعندي واسطة ولا عندي دعم بالعلامات من أي جهة...
وجب التنويه... Eye-wink

Dr.Striving's picture
Dr.Striving
بعد التخرج


شكراً زميل جهاد...يعطيك ألف عافية يا رب..* Surprised Surprised Surprised

Dr.Ruba-sweety's picture
Dr.Ruba-sweety
السنة الخامسة


نسبية خيي جهاد نسبية ..
‏ ‏ smart Eye-wink

youssef's picture
youssef
السنة السادسة

Quote:
وبما أن حكيم لا يمثل غالبية الشعب من السنة الرابعة لذلك لا أحبذ أن يتم النقاش هنا ويوضع البرنامج على أساس هذا النقاش...

طيب ليش ما تناقشه مع الدفعة كلها بعد ما نقدم الباطنة بنفس اليوم 9/6/2011 بالمدرج ...
أو دعنا نناقشه بعد تقديم الشرعي بالمدرج بيكون كل واحد عرف شو بقي له للصيف

شو رايكم ...هيك منكون ناقشناه مع الدفعة كلها ....

cert's picture
cert
السنة الخامسة

Quote:
ملاحظة للدكتورة يم بأن الأسماء الواردة من طلاب السنة الرابعة لاتعبر عن جميع الطلاب الرابعة فعلا فيمكن أن يكون منهم من تخرج ومنهم من لم يغير سنته عندما انتثل لسنة أخرى وبقي حسابه في الموقع كما هو..

أنا ماقلت إنو كل رابعة ع حكيم....وبعرف إنو في طلاب ما بتغير سنتها....ومع هيك لساتني مصرة إنو قسم كبير من دفعة ع حكيم Cool
رغم كل ضغوط دراسة بعدكن عم تشتغلوا وتلبوا طلبات الجماهير الطلابية...جد يعطيكم العافية هيئة Surprised
بالتوفيق للجميع

يم
بعد التخرج

Quote:
طيب ليش ما تناقشه مع الدفعة كلها بعد ما نقدم الباطنة بنفس اليوم 9/6/2011 بالمدرج ...
أو دعنا نناقشه بعد تقديم الشرعي بالمدرج بيكون كل واحد عرف شو بقي له للصيف

جميل جدا...
بركي بشوف بكرا أيهم وأنا نازل عالجامعة وبناقش معو موضوع المناقشة وشو المحاسن والمساوئ لتأخير البرنامج ... Surprised
وخاصة الطب الشرعي بتكون آخر مادة باليوم يعني ما في مادة بعدنا لأي سنة... Very Happy
لنشوف شو الله بيسر...

والله يعافيكم يم وربا.... Eye-wink

Dr.Striving's picture
Dr.Striving
بعد التخرج


مرحباSurprised
هالموضوع معقد شوي لأنو فيه كتير شغلات لازم ناخد بالحسبانwhy
أولاً: مو كل طلاب الرابعة بيفوتو على حكيم وبيشاركو...وحتى اللي عندون حساب عحكيم (وهنون كتار حسب د.يمEye-wink )ما بيفوتو كتير واللي بيفوت ما بيشارك...وهي مشكلة لأنو هيك ما منقدر نعرف رأيونSad
ثانياً: نحنا مستحيل نعرف شو أكتر مادة انحذفت أو انحملت بدون إحصائيات اللي هية تعتبر قطع نادر عنا (متل ما قالت رباEye-wink )...smart
ثالثاً: في ناس حاملة أكتر من مادة....والمواد اللي حاملينها مخربطة...في ناس حملو مواد مو متوقعينها..وفي احتمال تجي هالمواد ورا بعضها بالتكميليةyekh لذلك يجب أخذ رأي الجميع Nerd
رابعاً والأهم: لسا ما قدمنا مواد الفصل التاني....ومتل ما صار بالفصل الأول ممكن يصير هلأconfused ...يعني ممكن نسبة كبيرة من الطلاب يحملو مواد مو متوقعين يحملوهاShocked ...لذلك إذا بدكون تناقشو مواد التكميلية فيفضل ذلك بعد الامتحانRolling Eyes ...ويفضل أكتر إنو تكون بيوم امتحان الشرعي متل ما قال د.cert Eye-wink ....وإذا موافقين عالموعد فيكون تحطو إعلان يوم امتحان الباطنة حتى يشوفوه الكلCool
خامساً (وآسفة على سقالتي وتقل دميEmbarrased Embarrased ): بدي إطلب من بعض الطلاب (خاصة اللي حاملين مادة أو مادتين بس) ما يدللو حالون كتير....كرمال اللي حاملين كتير مواد...وكمان اللي حاملين كتير مواد في وقت للدراسة قبل التكميلية (امتحان التكميلية ما بيبلش للشهر 8) لذلك يحاولو إنو تكون الأيام ورا المادة فقط للمراجعة...مزحة
آسفة عالإطالة والفلسفة تبعتي Nerd
بالتوفيق للجميعVery Happy

Dr.Nights's picture
Dr.Nights
السنة الخامسة


شكرا ليال على المداخلة...
بس فكرة المناقشة لآخر يوم منيحة ليلي ما بيعرف شو بيصير معو...
بس اليوم كنت عم جس نبض بالجامعة...
طلع معي أنو الشباب بيبرمجو حالن عالبرنامج وعم يستنوه لينزل لحتى يعرفو شو بدن يحذفو...
وبما أنو شعبنا بيحب غيرو كتير وبتهمو مصلحة الجميع أكيد مو بس مصلحتو وأولن أنا...
غالبا لح ينحط البرنامج بموافقة اللجنة الإدارية كاملة وبرضاها التام... والتي هي تمثل حضراتكم معشر الطلاب... (ليش هيك حاسس حالي كتير فصيح Cool )
المهم فكرة تأجيل المناقشة مو منيحة برأيي لسببين كمان برأي:
الأول أنو الناس بدها تعرف كيف تزبط أمورها وشو بدها تحمل ولو أنو الوقت متأخر لهالشي... Sad
التاني والأهم أنو بالمناقشة الشباب كل واحد حامل مادة بدو يشد البساط لطرفو... (لأنو متل ما قلت شعبنا بيحب الخير لغيرو كتير.. Cool )
وبإذن الله لح حاول قدر الإمكان راعي النقاط الأساسية يلي انطرحت عليي من قبل زملائي الأكارم.. Eye-wink
وادعولنا بالتوفيق والله يختار يلي فيه الخير...Eye-wink

Dr.Striving's picture
Dr.Striving
بعد التخرج


يعطيك العافية على جهودك وتعبك .....................والله يجزيك كل خير
بالتوفيق للجميع........

the sun's picture
the sun
السنة الخامسة


شكراً جهادSurprised
الله يوفقك ويعطيك على قد تعبكEye-wink

Dr.Nights's picture
Dr.Nights
السنة الخامسة


تصفيق حار لجهاد Eye-wink

Nighty Whisper88's picture
Nighty Whisper88
السنة الخامسة


هممم

Dr.Striving's picture
Dr.Striving
بعد التخرج
ابق على تواصل مع حكيم!
Google+