ملخص للباطنة الصدرية

جزاك الله خيراً أخ طارق

الله يعطيك العافية
ايا كان العمل فهو في سبيل العلم وان تصل المعلومة الصحيحة للجميع
شكرا لك

الله يجزيك الخير طارق ويعطيك ألف عافية..على ثقة من انو شغل كتير مرتب متل العادة..
شكراً

مشكورين...ويعطيكم لعافية

شكرا” كتير
جزاك الله خيرا”

أكيد شغل ممتاز متل العادة .... أنا هلأ نازل جيبو

شكراً لكم جميعاً.. سأحاول جاهداً أن يحصل من يسجل على الملخص هذا الأسبوع.. في بداية الأسبوع القادم على الأكثر..
والشكر الأكبر لكتبة الباطنة الصدرية في vista team ليس فقط على مساعدتي في العمل، بل على رحابة صدورهم، وسماحة نفوسهم..

تصحيح في الحاشية صفحة 79: بس اعكسو بين الودي ونظير الودي
إذا حدا عندو أي تعليق يخبرني

.. عنجد يعطيك العافية .. أنا ناوي بلش دراسة بالملخص بعد نص ساعة .. كم بدو يوم ليخلص تقريبا إذا مو دارس شي بالمادة
ويسلمو ايديك مرة تانية وانشالله بتضربها 100 ..

شكراً يوسف
بصراحة ما بعرف جاوبك بدقة،.. جرب ادرسلك منو كم صفحة، وشوف أديش بياخدو معك.. علماً إنو الملخص فيو 170 صفحة صافي تقريباً..
بتوقع (مجرد تقدير) بدو شي 3-4 ايام إذا كنت مبلش من الصفر..

هوي هيك
taanx U.F.O

أعتذر مجدداً عن الأخطاء المزعجة:
صفحة 36.. سطر 8 .. (مخطط صـ 7)
صفحة 38.. سطر 13.. تصبح الجملة (في بعض الحالات القليلة، لا توجد حرارة عالية، بسبب نقص قدرة الجسم على الارتكاس.. ............. إلخ)
صفحة 56.. سؤال 19.. شيل التحشيش الموجود في الاحتمال C..
ببحث اختبارات وظائف الرئة (صـ 69-70-71-72-73),, الصور المرفقة موجودة في مجلد البحث الأول (تمهيد)

إذا حدا طلع معو شي مو مفهوم يقللي (هدا إذا حدا كان عم يدرس)

وأعتذر نيابة عن زميلنا طارق عن الخطأ الواضح للجميع في الملاحظة في المستطيل تحت بالصفحة 29...
حيث أن مركز التنفس يتنبه بانخفاض الPH وليس بارتفاعه كما ورد...
واضحة وناكتة بس للأمانة العلمية...

تصحيح آخر...
صفحة 32 السؤال 3 بالدورات...
يترافق نفث الدم مع كل من الحالات التالية عدا:
التهاب رئة حاد.
ميزوثليوما.
توسع قصبي.
صمة رئوية.
متلازمة غود باتش!!
الكل صح عدا آخر جواب يلي هو متلازمة ما بعرف شو...
المهم أنو بنسبة كبيرة جدا هي الجواب وليست الميزوثليوما لأنها ببساطة ورم ويجب أن ينزف بناء على معلوماتنا المتواضعة...

كم عدد صفحات هذا الملخص ؟

عدد الصفحات الكلي 203 .. منها 31 صفحة أسئلة دورات .. و31 صفحة الأولى أعراض وتشخيص ومعلومات سهلة مارة معنا قبل .. يعني الصفحات الأصلية تبع الحفظ 141 صفحة ...
بس عندي سؤال منشان "الخراخر القصبية" المكتوب أنها "ناعمة" بالجدول ص12 ..
بتذكر د.مسالمة بالستاج قال انها خشنة .. وكمان طلاب السادسة بدورة المهارات السريرية علمونا انها خشنة ..
أما الملخص والمحاضرات ذكرت أنها ناعمة !!
شو مشان ?

السلام عليكم...
هو صحيح مالي علاقة بالموضوع بس لفت نظري:

إذا كان المقصود بالمتلازمة Good Pasture أو anti-GBM antibdoy disease فالجواب دون شك ليس هذه المتلازمة... لأن من مظاهرها الرئيسية نفث الدم

بالإضافة لأن الميزوثليوما صحيح أنها سرطان خبيث لكن تظاهراتها المعهودة تتعلق بالجنب أكثر مما تتعلق بالطرق الهوائية

أما إذا كان المقصود بلمتلازمة شيء آخر .....

.......والله أعلم

كلامك مزبوط..
هلأ فتحت ديفيدسون، وويكيبيديا، وتأكدت:
fine crackles: يعني السنخية (ناعمة)، صوتها بيشبه فرك الشعر.. وهي جافة
coarse crackles: يعني القصبية (خشنة).. صوتها متل الفقاقيع بالأركيلة.. وهي رطبة

الحقيقة إنو الكتاب عاكس بين كلمة ناعمة وكلمة خشنة، وكتبة المحاضرات والملخصين ناقلين نفس الخطأ على مر التاريخ..

شكراً جهاد، يوسف، lifespring

عنجد إذا طلع معكن شي تاني نبهوني..

سؤال 7 صـ 55: الإجابة هي A (خطأ)، وليست E (آسف)

بعد نقاش مطول مع جهاد.. والرجوع إلى إمهات الكتاب (وليس زبالتها).. طلع معنا فتوى بالسؤال 7، الجواب هو E
محطوط صـ 39: إنو إذا شفنا انصباب جنب: نستبعد الميكوبلازما (حكي مناقض للـ up to date).. والخيار A صح، وكذب سلايد الدكتور (بتوقع إني ناصحكم بهالصفحة إنو ما تقرو العلاك المصدي)
ولازم نعرف إنو الميكوبلازما غير حساسة للأمبيسلين (they are unaffected by many common antibiotics such as penicillin or other beta-lactam antibiotics that target cell wall synthesis)
لذلك.. علمياً.. الجواب هو E..
بس ملاحظة هالعلاك كلو موجود بالدورات.. ولا الدكتور شارحه، ولا موجود بالسلايدات.. بئا

عفواً.. عم يطلع أخطاء مزعجة..
صفحة 59، سطر 16: بدل 33، ضع 34
صفحة 74: حل أسئلة الدورات:
1. B
2. E (حسب رأيي)
3. D (حسب رأيي)

صفحة 104: الحاشية 1: انظر للشكل صفحة 7
صفحة 107: الحاشية 1: انظر ملاحظة صفحة 1

صفحة 116: السؤال ب5: الأجوبة بدقة هي:
A. صح ببعض حالات متلازمة لوفلر (وليس غالبيتها).. بس عند الدكتور عمار الزين هذا الخيار صحيح.. لإنو الدكتور عندو سلايد قديم، كانت المتلازمة فيه مجهولة السبب.
B. خطأ
C. صح

صفحة 120: في المربع: التهاب النسيج الخلوي يتبع للحاشية 4

صفحة 166: سؤال 7: ما بعرف جوابه.. بيجوز احمرار الدم
صفحة 167: السؤال 13: جوابه C

يعني قد ما تشكرتك قليل...
جزاك الله خيرا...و لكل مين تعب معك بكتابة النوطة..
أكثر أكثر أكثر من رائعة...
شكرا...

شكراً رنيم
بصفحة 159: باستطبابات المنفسة للقصور التنفسي الحاد: أول سطر: PaCO2 أكبر من 45
بصفحة 164: بمعايير الفطام: 2) PaCo2 أصغر من 50 و FiO2 أصغر من 50%.. (على فكرة، معايير الفطام هامة)

عنجد لا تآخزونا.. كان المفروض أحدهم يدقق الملخص قبل ما ينزل.. بس

شوية أخد وعطا بالدورات بعد مناقشة صاحب الملخص...
الدورات تبع بحث الوذمة: صفحة 136...
السؤال 3:
علامات الوذمة قلبية المنشأ كل ما يلي ما عدا:
a. انقلاب التوعية (يمكن قصدن من الفصوص السفلية إلى العلوية).
b. خطوط كيرلي.
c. احتقان السرتين.
d. ارتشاحات محيطية عالصورة الشعاعية.
e. الزجاج المغشى.
الجواب d لأن الارتشاحات تكون مركزية..

السؤال 19:
تتضمن متلازمة الكرب التنفسي عند الكهول ما يلي:
a. ضغوط منخفضة جدا في الطرق الهوائية.
b. التوافق بين التهوية والتروية.
c. ازدياد مطاوعة الرئة.
d. ازدياد المسافة الميتة (وليست المتينة ) الفيزيولوجية.
الجواب a لأنو برأيي الوذمة المتشكلة بتخفض نسبة الأكسجين الداخل للأسناخ وبالتالي الضغوط فبيصير عنا شنت (بناء عالحكي يلي لازم ينكتب بماء الذهب صفحة 149) أما المسافة الميتة فلا تزداد لأن التروية سليمة ولا مشكلة فيها...

والله كان بودي وبقوة...
بس اضطريت روح مشوار ضروري مو بإيدي لمدة أسبوع زمان...الله يلعن يلي كان السبب..

عذرا لتدخلي.. لكن جميع الخيارات خاطئة هنا، والجواب الصحيح الوحيد هو D

فالخيار a خاطئ لأن الضغوط في الطرق الهوائية تكون مرتفعة، وكذلك المقاومة الرئوية في متلازمة الـ ARDS

أما الخيار D فهو صحيح، فرغم أن عدم التوافق بين التهوية والتروية في الـ ARDS يتجلى بشكل رئيس بزيادة الشنت (نتيجة نقص تهوية الاسناخ المصابة) إلا أن القضية ليست "يابيض ياسود" ويترافق ذلك ايضاً بزيادة المسافة الميتة السنخية

ووفقا للانغ، قد يعود ذلك لضغط الأسناخ الممتلئة بالسوائل، مسببة نقص التروية عن أسناخ اخرى ذات تهوية طبيعية

الآب توديت واللانغ مفصلين أكثر بشرح الموضوع

متلازمة غود باتش Goodpasture's syndrome : وجود أضداد ضد الغشاء القاعدي الكبي، تتظاهر بالتهاب كبب وكلية، ونفث دموي رئوي.

الميزوثليوما لا تسبب نفثا دمويا

--------
الله يعطيك العافية طارق.. النوطة بجد Peace of Art

شكرا عالتوضيح زميل خالد ...
بس حبيت وضح رأيي وليش هيك انا حطيت الجواب...
حسب ما فهمت من اللانغ الضغوط في الطرق الهوائية تكون مرتفعة بسبب دخول الهواء بالتهوية الآلية والتي الهدف منها زيادة الضغط داخل الأسناخ لمعاكسة نضح السوائل باتجاه لمعة الأسناخ وإبقاء الأسناخ مفتوحة ومنعها من الانخماص...
هلأ أنا فهمت من الكلام السابق أنو لو كان الضغط مرتفع ضمن اللمعة فما كان في داعي للتهوية الآلية السابقة...
وبالنسبة للمسافة الميتة حسب لانغ أيضا أن الضغط على الأوعية يكون بسبب التهوية السابقة الذي يسبب زيادة في تمدد الأسناخ الطبيعية مما يضغط على الأوعية المجاورة لها (فيحدث فيها مسافة ميتة) البين قوسين استنتاجي...حيث تعريف المسافة الميتة هي غياب التروية وبقاء التهوية عكس الشنت الذي هو غياب التهوية وبقاء التروية....
أي (كمان هون استنتاجي) أن المسافة الميتة هي ناتجة عن التهوية الآلية المفرطة للمريض وليست من ضمن السير الطبيعي للمرض...
والله أعلم...

تمام... شكرا عالمعلومات عن المتلازمة هي يلي ما كنت أعرف من وين أصلها...
ومشان الميزوثليوما حصل سوء تفاهم فيها وراح عن بالي أنو هي بتنشأ على حساب المصليات وخاصة الجنب فلا تصل للمعة الأسناخ والقصبات إلا في الحالات المتقدمة جدا...

الله يعطيكم العافية. لازمتني نسخة الكترونية من الملخص كتير ضروري. في مجال حدا يساعدني؟