تصفح
دخول
تسجيل
نسيتها؟

فرط تنسج في الخلايا الجدارية لرجل مصاب بقرحة، ما السبب حكيم ؟


فرط تنسج في الخلايا الجدارية لرجل مصاب بقرحة، ما السبب حكيم ؟

المعلومة

رجل بعمر 32 سنة تعرض لعملية استئصال معدة بعد إصابته بقرحة معندة . بفحص العينة في مخبر التشريح المرضي لوحظ تضخم واضح في الطيات المعدية كما لوحظ أيضاً وجود فرط تنسج في الخلايا الجدارية لمخاطية المعدة المستأصلة .
أي مما يلي هو السبب برأيك في حدوث فرط التنسج المذكور في الخلايا الجدارية؟
1- الأسيتيل كولين.
2- السيروتونين.
3- السوماتوستاتين.
4- الغاسترين.
5- السيكريتين.
6- Transforming growth factor-a

المرجع

لاحقاً

Surgeon90's picture
by
السنة الرابعة


أنا كنت محتارة بين الاستيل كولين والغاسترين
أما بالنسبة للTransforming growth factor alphaماعندي معلومات عنهRolling Eyes

Light of sun's picture
Light of sun
السنة الرابعة


تمام طارق
فكرة عن ال TGF-a: السبب الأساسي في إفرازه هو الأورام... ولكن يمكن أن يتم إفرازها من الخلايا البالعة والخلايا الظهارية.
وبالنسبة للمعدة، يؤدي ال TGF-a إلى تضخم خلايا مخاطيتها، ولكن له تأثير قليل على الخلايا الجدارية المفرزة للحمض المعدي... لذا ليس هو الخيار المنشود.
كملوا Very Happy

بقي الخياران 1 و 4.

ETERNITY's picture
ETERNITY

Quote:
هلأ السوماتوستاتين والسيروتونين و السيكريتين مثبطات لإفراز الحمض المعدي...فما بعتقد أنها هي سبب فرط التنسج(لأنو الزلمة كان عندو قرحة)

صح الزلمة كان عندو قرحة بس ممكن تكون القرحة تبعه مو ناتجة عن زيادة الحمض
يعني ممكن تكون ناتجة عن جزر عفجي معدي يحوي أملاح صفراوية مخرشة مثلاً .
ممكن تكون ناتجة عن نقص في إفراز المادة المخاطية Rolling Eyes
خلي ببالك فكرة أنو المرض مو شرط ناتج عن مشكلة وظيفية وحدة يعني ممكن يجيك مريض معه أعراض فرط نشاط درق ومشكلته اللي جاية فيها هي عسرة بلع علوية (حالة سرطان درق) Eye-wink

Surgeon90's picture
Surgeon90
السنة الرابعة


أعتقد ان الجواب الصحيح هو الغاسترين Rolling Eyes Rolling Eyes

MANAL.N
السنة الخامسة


غيّرت رأيي الجواب الصحيح على الأغلب هو الأستيل كولين...(جواب نهائي)Cool

MANAL.N
السنة الخامسة

Quote:
أعتقد ان الجواب الصحيح هو الغاسترين
Quote:
غيّرت رأيي الجواب الصحيح على الأغلب هو الأستيل كولين...(جواب نهائي)

لك ليش غيرت رأيك ... الله يسامحك Eye-wink

Nostradamus


لأنو الأستيل كولين إذا ازداد يؤدي إلى زيادة إفراز الهيستامين و الغاسترين و كلها تؤثر على إفراز الحمض المعدي من الخلايا الجدارية ويمكن بتسبب فرط تنسج فيها Rolling Eyes

MANAL.N
السنة الخامسة


الأستيل كولين .... Rolling Eyes
هلأ الغاسترين زيادته تؤدي لفرط تنسج في المخاطية
وما فينا نعتبر الخلايا الجدارية منها ... فبتخيل الاستيل كولين أقرب

Quote:
لأنو الأستيل كولين إذا ازداد يؤدي إلى زيادة إفراز الهيستامين و الغاسترين و كلها تؤثر على إفراز الحمض المعدي من الخلايا الجدارية ويمكن بتسبب فرط تنسج فيها Rolling Eyes

منطقي

Dr.B.A's picture
Dr.B.A
السنة الرابعة


حلو
تفكير منطقي وسليم منال Eye-wink
وين باقي المبدعين ؟ ما في آراء تانية ؟

Surgeon90's picture
Surgeon90
السنة الرابعة


حلو
تفكير منطقي وسليم منال Eye-wink
وين باقي المبدعين ؟ ما في آراء تانية ؟

Surgeon90's picture
Surgeon90
السنة الرابعة


يعني ..صح ...ولا لاء

MANAL.N
السنة الخامسة


تذكرت شغلة تانية بالمحاضرة انذكر أنو القرحة المعدية قديماً كانت تعالج باستئصال الألياف المبهمية المفرزة للأستيل كولين المعصبة للجزء العلوي من المعدة فلو ما كان الأستيل كولين هو السبب ما كانوا استئصلوها Rolling Eyes
مو هيك؟؟؟؟؟؟؟؟

MANAL.N
السنة الخامسة

Quote:
تذكرت شغلة تانية بالمحاضرة انذكر أنو القرحة المعدية قديماً كانت تعالج باستئصال الألياف المبهمية المفرزة للأستيل كولين المعصبة للجزء العلوي من المعدة فلو ما كان الأستيل كولين هو السبب ما كانوا استئصلوها
مو هيك؟؟؟؟؟؟؟؟

طيب خلينا نفكر شوي
في عندنا شغلتين الاولى فرط تنسج والتانية زيادة إفراز الحمض (لانو المريض كان معه قرحة) يعني في عامل سبب التنتين سوا
برأيك مين هو ؟ الأسيتبل كولين بيساوي فرط تنسج شي ؟ Rolling Eyes

Surgeon90's picture
Surgeon90
السنة الرابعة


هلأ انا اول مرة بناقش بقا اذا خبصت...Embarrased
ممكن يكون الغاسترين هو السبب؟

meno's picture
meno
السنة الثالثة


ممكن يكون معو ورم مفرز للغاسترين===تنشيط افراز الحمض المعدي===قرحة!

meno's picture
meno
السنة الثالثة


الاستيل كولين ؟؟

Dr.Laila's picture
Dr.Laila
السنة الرابعة

Quote:
ممكن يكون معو ورم مفرز للغاسترين===تنشيط افراز الحمض المعدي===قرحة!

حلو كتييير Eye-wink
تفكير ممتاز
يعني أنت بتقولي الغاسترين

Surgeon90's picture
Surgeon90
السنة الرابعة

Quote:
حلو كتييير
تفكير ممتاز
يعني أنت بتقولي الغاسترين

لأنو نحنا اخدنا متلازمة زولينغر اليسون انو بتزيد افراز الحمض المعدي وهي ورم وبالتالي تحدث فرط تنسج
؟؟؟؟
نعم ان شاء اللهCool

meno's picture
meno
السنة الثالثة


الجواب الصحيح هو الغاسترين
في متلازمة زولنجر أليسون (ورم مفرز للغاسترين) يحدث تنشيط لافراز الحمض المعدي كما نعلم كما ويحدث ايضاً تنشيط لنمو الخلايا الجدارية في مخاطية المعدة مؤدياً إلى حدوث فرط التنسج المذكور وهذا بدوره سيلعب دوراً في تضخم الطيات المعدية (يمكن هي ما حدا انتبهلها بالسؤالEye-wink )
الأسيتيل كولين يسبب افراز زائد للحمض بس لم يذكر ولم أسمع أنه يسبب فرط في التنسج Rolling Eyes
لذلك فالجواب الصحيح هو الغاسترين

Surgeon90's picture
Surgeon90
السنة الرابعة


Very Happy

ETERNITY's picture
ETERNITY


برافو امنة Eye-wink
منال كان جوابك صح بس بعدين غيرتي رأيك Sad

Surgeon90's picture
Surgeon90
السنة الرابعة

Quote:
هلأ الغاسترين زيادته تؤدي لفرط تنسج في المخاطية
وما فينا نعتبر الخلايا الجدارية منها ... فبتخيل الاستيل كولين أقرب

ليش ما فينا نعتبرها منها ؟Rolling Eyes

Surgeon90's picture
Surgeon90
السنة الرابعة


Cool Cool Cool
Very Happy Very Happy Very Happy
شكرا شي حلو ومشجعVery Happy

meno's picture
meno
السنة الثالثة

Quote:
ليش ما فينا نعتبرها منها ؟

\
صار عندي التباس ... طبقة مخاطية .. خلايا مخاطية ... Nerd
بس تمام وضحت هلأ....
شكرا الكم

Dr.B.A's picture
Dr.B.A
السنة الرابعة

Quote:
في متلازمة زولنجر أليسون (ورم مفرز للغاسترين) يحدث تنشيط لافراز الحمض المعدي كما نعلم كما ويحدث ايضاً تنشيط لنمو الخلايا الجدارية في مخاطية المعدة مؤدياً إلى حدوث فرط التنسج المذكور وهذا بدوره سيلعب دوراً في تضخم الطيات المعدية

Embarrased ..أي والله ...

MANAL.N
السنة الخامسة
ابق على تواصل مع حكيم!
Google+