أنشئ حساباً
سجل عبر فيسبوكتريد القيام ببحث
عن السرطان
أول مرحلة :
نحاول أن نصيغ سؤال بحثي ونحدد هدف حول هذا الموضوع ...
الحكيماويين الأعزاء...نتسلى شوي 
... . فيكن تحاولوا تصيغولنا سؤال بحثي حول السرطان زكاتكم 
؟؟؟؟؟
لك الحمد ربي ..
Thu, 2010-11-18 15:58
HMS
- Login to post comments
راااااااااااااااااااااااااااااااااااااااااااااااااااااااااااائع
آيم إن
سؤال بحثي !!! همممممممممممممممم
طيب شو رأيكم بالسؤال التالي : ما هي نسبة الوفيات من مرضى السرطان في دمشق خلال عام 2009 ؟؟
البحث لطلاب السنة التالتة فما فوق
أو مفتوح ؟
بس إلنا
مفتوح
....
))
((بس مشان ما يصير سوء فهم .. البحث قد يتحقق وقد لا يتحقق في المستقبل ... الفكرة الآن أننا سنبني نموذج الكتروني للبحث
حيو
...
هلأ هون شو المتغيرات ؟؟فينا نحط متغيرات أكتر ؟؟
شو الجمهرة حتكون ..؟
ووين ممكن ناخد العينة ؟؟
-----
الباب لسا مفتوح للأسئلة بحثية ... ثم نتابع بأحد الأسئلة المطروحة ان شاء الله
خلص دي نقطة اي اطنعش
....... حاااااااضر متل ما بدك 
.......يللا بس اذا طلع عندكون سؤال اسألوني .... لا تستحو ها .... 
بس كنت حابة ساعد
شكراً HMS وصلت ...
تجربة
ما هي نسبة الأشخاص المصابين بالسرطان (بكافة أنواغه ) بسبب التدخين لعام من الأعوام ؟
تعديل :
ما هي نسبة الشباب (من عمر 18 لل 30 ) المصابين بالسرطان (بكافة أنواعه ) بسبب التدخين لعام 2009 ؟
ليش التشاؤم ؟؟
خلوها: ماهي نسبة الحالات الشافية من السرطان (نوع معين مشان سهولة البحث) في دمشق خلال 5 أعوام
له له يا آ دوت إم دوت إم ..... عم امزح أكيد .... أهلاً و سهلاً بك ..... و حيو همة ^_^.....
هيك غيرتي بسؤالي البحثي تبعي
يعني ما عاد في متوفين
.... حددوا بدكن متوفين و لا بدون متوفين مشان نكمل الشغل
حلو كتير ................. شو رأيكن نعمل تصويت ؟؟؟ ^_^
ما حلو موضوع سرطان الثدي ..... أنا شخصياً بكرهو
حلو كتير
... بداية جميلة .. بس في تحفظ صغير :
لما نعمل نبلش بهاد البحث ... شلون بدنا نعرف أنه سبب السرطان عند هذا الشخص هو التدخين ؟؟ .... حقيقة ما فينا نثبت هالشي ...
فممكن بس نغير الصياغة ... نسبة المدخنين المصابين بالسرطان بكافة أنواعه في عام 2009 من الشباب ( عمر 18 إلى 30 )... و ما نقول بسبب التدخين ..
..
؟؟
ولما تطلع النسبة كبيرة بين المدخنين أكبر منها عند العادين ساعتها ممكن نستنتج أنه التدخين هو سبب للسرطان
بس شو منهدف من هالدراسة ؟؟ نحنا ما منعرف أصلا أنه التدخين عامل مساعد لحصول السرطان
---
كمان حلوة ... بس هي احصائية أكثر من كونها بحث طبي...
...
ونفس الشي نسبة الوفيات ...
عدد متغيرات قليل ... بس توفي أم لم يتوفى ... مصابة أم غير مصابة
---
طيب أنا بقترح نكمل بفكرة مسبب للسرطان .. بس ممكن شي تاني غير التدخين ... شي ما منعرف أنه مسبب للسرطان ..
... شوفي شغلات تانية ممكن نبحث تأثيرها في حصول السرطان غير التدخين ... تكون شغلة ما منعرفها لسا بس شاكين فيها ؟
تأثير أبراج الاتصالات الموجودة في المناطق السكنية في حدوث السرطان
ممكن ..علاقة الغذاء المتناول بمرضى السرطان !!!!
نسبة الأطفال (المستخدمين للموبايلات) المصابين بأورام الدماغ
من فترة أثبتت الأبحاث..أن استخدام الموبايل لا يسبب السرطان((هل هي دعاية من شركات الموبايلات..ام..أم..أم.....الله عالم بالنهاية))
ممكن..
مقارنة بين االشعوب المستخدمين لأكياس النايلون..والشعوب التي لاتزال تستخدم الأكياس الورقية.
وهادا هدف البحث
فكرتين راااائعتين ممكن تنصاغ بسؤال بحثي بشكل جميل جدا ...
....
بس باعتبارك Dr.D.A12راحت مشوار
وباعتبار the prince of generation سبقك و الدكتور طارق كمان سؤاله عن الموبايل والسرطان
وredsun كمان جابت سيرة الموبايل ...فخلونا عليها
هلأ هي فيها مشكلة وحدة بس ... أنه الطفل المستخدم للموبايل هل ممكن بسبب استخدامه للموبايل وهو طفل أنه يلحق يصير معه سرطان ؟
هون مشكلة صغيرة ... أنه إن كان بده يصير معه سرطان بسبب استخدامه للموبايل ... فبده يصير معه السرطان بعد سنين غالبا ..
ممكن ندمجها مع هي ..
بس مشان تندمج معها ... كيف لازم نصيغ السؤال ؟؟؟
يعني بدنا ياها عند الأطفال ... وبدنا ياها ...أبراج الاتصال ... وأثرها في حصول السرطان ...
بس [b]شلون بدنا نتجاوز مشكلة أنه الطفل بعد ما ولد لح يتأخر ليتأثر فيها ويصاب بالسرطان ممكن قبل ما يولد ؟ [b]
شو رأيكم .. صيغولنا ياه ؟
http://www.ncbi.nlm.nih.gov/pubmed/20570864
http://www.bmj.com/content/340/bmj.c3015.long
بدمج السؤالين معناها العلاقة بين انتشار أبراج البث الخلوي وانتشار السرطان لدى الأطفال ..
شو السؤال منيح هيك ؟؟؟؟؟؟؟؟
نكمل فيه ؟؟
كمل
مثلا ممكن : نسبة الأطفال بعمر (من 6 الى 12سنة ) المصابين بالسرطان من الساكنين حول مناطق ابراج اتصالات في مدينة دمشق عام 2009 ؟
و الله و أنا عم بمزح
.. شبنا 
اذا كانة الشاب المدخن مصاب و لايوجد اسباب واضحة أخرى ما فينا نقول انو السبب التدخين ؟
طبعاً لأ
تمام دكتورة A.M.M حددتي العمر وهذا ضروري جدا للبحث
وصغتي هدف رئيسي ممتاز للسؤال الذي وضع ..
بس ليش اخترتي عام 2009 ؟؟
وشو رأيك إذا قلبناها ...>> نسبة الأطفال (بعمر 6 - 12 ) الساكنين حول مناطق الأبراج في مدينة دمشق ..من بين الأطفال المصابين بالسرطان .<<
شو فرقت لما قلبناها ؟؟؟
و كمان شو ممكن نحط أهداف تانية .؟؟
http://www.ncbi.nlm.nih.gov/pubmed/20570864
شوفوا الروابط.
******
طيب أول شي..نحدد العمر..((بمعنى))..ما هي فترة الطفولة؟؟
ثم منكون نحنا هيك ما تجاوزنا مشكلة:
الدراسة خلال فترة الحمل..أمر ممكن منفصل عن التعرض بعد الولادة..كل منها دراسة لوحدها..ربما..
مندرس التغيرات على الجنين..لوحدها؟؟؟
ما شفت تعليقك همس...
بالبداية.أخدنا الأشخاص الساكنين ((حول الأبراج))ككل..وشفنا مين منهن مصاب بالسرطان...((وهي مو شرط تحدد أنو المسبب الأبراج))....
لما قلبناها..حددنا المسبب ..بمعنى أخدنا المصابين بالسرطان بمختلف مناطقهم..وحددنا العينة يلي بدنا ياها((الساكنين حول الأبراج))
وصلت الفكرة..؟؟
نحدد ما معنى ساكنين..حول الأبراج..((مسافة))
ممكن تصير
نسبة الأطفال (بعمر 6 - 12 ) الساكنين على بعد 500 م من أبراج البث الخلوي في مدينة دمشق ..من بين الأطفال المصابين بالسرطان ؟؟
نكتفي بهذا الحد من التحشيش.
أكيد صار البحث أسهل لأنو انحصر بالبحث بين الأطفال المصابين بالسرطان ..... يعني سؤالهم عن سكنهم فقط .. أما في سؤالي الأول بدنا نشوف كل الأطفال الساكنين حول الابراج و نحذف المصابين بالسرطان لأسباب تانية معروفة ... يعني الشغل أصعب يمكن
صح اختلفت العينة لما قلبناها ... بالأول كانت الساكنين حول الأبراج و هم عينة واسعة يصعب الحصول عليها .. (( نحتاج لطرق أبواب بيوتهم و معرفة من منهم أصيب بالسرطان إلخ ... ))
لما قلبناها صارت العينة هم مرضى السرطان بنفسهم.. عينة محدودة يسهل الحصول عليها ...
تمام
--
جميل جدا ... تقصدين إدخال بعد سكنهم عن الأبراج في بحثنا ... كتير مفيد أثناء دراستنا للمصابين أن ننظر إلى بعد سكنهم عن الأبراج
...
... ونكمل بموضوع طرائق البحث المثلى لبحثنا هذا و كتابة مقدمته في يوم أخر ان شاء الله
ممكن من كلامك ناخد هدف ثانوي للبحث ... البحث عن علاقة نسبية بين بعد سكن الأطفال عن الأبراج و إصابتهم بالسرطان .
الحمد لله اليوم وصلنا إلى السؤال البحثي :
العلاقة بين انتشار أبراج البث الخلوي وانتشار السرطان لدى الأطفال
و الهدف الرئيسي من البحث :
معرفة نسبة الأطفال (بعمر 6 - 12 ) الساكنين حول مناطق الأبراج في مدينة دمشق ضمن اطار 500 م من بين الأطفال المصابين بالسرطان
هدف ثانوي :
البحث عن علاقة نسبية بين بعد سكن الأطفال عن الأبراج و إصابتهم بالسرطان .
اخترعولنا أهداف ثانوية أخرى