تصفح
دخول
تسجيل
نسيتها؟

الحلقة الأولى: كيف أكتب سؤالي البحثي؟


الحلقة الأولى: كيف أكتب سؤالي البحثي؟

السؤال البحثي

تكمن أهمية السؤال البحثي بأنه ناظم الخطى الأول لبحثنا بأسره . لأنه سيكون المرجعية الأولى في حال شعرنا أننا قد تهنا أو خرجنا عن موضوع بحثنا.
ولا بد من الأخذ بالحسبان أنه كلما كان السؤال البحثي أكثر تحديداً كلما كان موضوعنا: واضحاً، سهل المتابعة، وسيكون من السهل جداً وضع خطة لسير البحث والحصول على معلومات عنه في الأدب الطبي في حال كان محدداً.
وتحت عنوان التحديد لا بد أن نأخذ بعين الحسبان ألا يكون سؤالنا البحثي محدداً لدرجة أنه لا يمكن الإجابة عليه..
ومن أهم المعايير التي يجب اتباعها في أي سؤال بحثي هي:
أن يكون محدداً "كما ذكرنا".
أن يكون واضحاً.
أن يضيف معرفة إلى الأدب الطبي "ما نشتغل بحث انشغل من قبل بنفس الظروف والشروط تبع بحثنا"
وأن يكون سؤالاً يثير اهتمام الباحث "كي تساعده غريزته البحثية بالسعي الحثيث للوصول إلى الإجابة التي لا يعلم عنها شيئاً ويتأمل إلى الوصول إليها من خلال نتائج بحثه"
بانتظار أسئلتكم واستفساراتكم حول موضوع السؤال البحثي.

the prince of generation's picture
by
السنة السادسة


طيب فلنوضح كيف يكون البحث واضحا و محددا ؟؟
لنفرض أن شخص قد قال أريد البحث في "أثر عدد ساعات النوم على الطلاب " مالمشكلة في هذا السؤال برأيك ؟Rolling Eyes

HMS


أين السؤال بداية؟

the prince of generation's picture
the prince of g...
السنة السادسة


تمام هذا السؤال غير محدد إطلاقا ... ممكن يتم دراسة مئة بحث عليه
طيب هلأ كيف ممكن يتم صياغة سؤال بحثي عن هذه الفكرة ؟ ؟ كيف ممكن يحدد أكثر ؟؟

HMS


وين طلاب التالتة ؟؟؟؟
ساعات النوم على الطلاب
ما هي الأشياء التي يمكننا دراستها ؟ 
ما هي الخطوة التالية:؟؟؟
أود أن أنوه أننا أغفلنا خطوتين.
أولا اختيار الموضوع: النوم
ثانياً تحديد الموضوع بشكل أوضح : ساعات النوم ، وليس طريقة النوم أو وقت النوم.
ثالثاً وصلنا إلى : ساعات النوم والطلاب.... وما زال السؤال مبهماَ
من يأتي لنا بتحديد بحيث تتحق صفات السؤال البحثي الواردة أعلاه ؟؟

أ

Quote:
ن يكون محدداً "كما ذكرنا".
أن يكون واضحاً.
أن يضيف معرفة إلى الأدب الطبي "ما نشتغل بحث انشغل من قبل بنفس الظروف والشروط تبع بحثنا"
وأن يكون سؤالاً يثير اهتمام الباحث

the prince of generation's picture
the prince of g...
السنة السادسة


طيب أنا مالي مبدعة بتكوين أسئلة بحثية , بس رح حاول ... لنشوف :
السؤال البحثي رح يكون على الشكل التالي ... ماهو تأثير عدد ساعات النوم لدى طلاب السنة الثالثة مثلا على إنتاجيتهم أثناء النهار ( الإنتاجية العلمية فكرية - الدراسية - و الإنتاجية الجسدية - نشاطات فيزيولوجية و حركية - )
صح هيك ?? و لا أكدتلكم فشلي في وضع سؤال بحثي ??
و شكرا لمجهودكم

Dr-D.A12's picture
Dr-D.A12
السنة السادسة

Quote:
ماهو تأثير عدد ساعات النوم لدى طلاب السنة الثالثة مثلا على إنتاجيتهم أثناء النهار

سؤال محدد،واضح،وقابل للإجابة.
صحيح.
من يستنتج سؤال آخر عن تأثير ساعات النوم؟

the prince of generation's picture
the prince of g...
السنة السادسة


سؤال:
حدا عنده شي موضوع لحلقة بحث صغيرة و شغالة؟
ماعدا الرياضة والمنبهات و التمنيع ضد التهاب الكبد ب والتدخين والبدانة والسكري النمط الاول...كلهن رفضن مشرفنا؟

V

Quote:
"أثر عدد ساعات النوم على الطلاب "

ما هو التأثير الذي نريده؟ التأثير من الناحية النفسية أم الدراسة أم الصحية (وبأي مجال من الصحة) أو اي مجال آخر؟
ثم من هم الطلاب؟ طلاب مدرسة ام جامعة ام دراسات عليا ام ماذا؟

Angel Anas's picture
Angel Anas
السنة الثالثة

Quote:
صح هيك ?? و لا أكدتلكم فشلي في وضع سؤال بحثي ??

بل ممتاز Eye-wink

Angel Anas's picture
Angel Anas
السنة الثالثة


up!
اقتراح لسؤال بحثي اذا ممكن !

V


ما التصنيف البحثي للعنوان الذي تريد أن تبحث عنه؟
هل هو بحث سلوكي أم يتعلق بمرض ما ؟

the prince of generation's picture
the prince of g...
السنة السادسة


مابتفرق ...اذا في اقتراح عن بحث مرضي بكون أفضل...

V


تمام.
بحث مرضي...
اذا بدنا ناخد بحث مرضي فبدنا ناخد بالاعتبار الامور التالية
انو العينة عمرها عشرين سنة، وطلاب طب.
شوفي امراض ممكن تصيب عينة بهالعمر؟ ممكن نستفسر عن وعي الطلاب اتجاه مرض معين... ممكن نسالهن عن لقاح معين....
اذا بدك تبحث بتصنيف الامراض فعليك ب:
الاصابات السابقة...كسور الاطراف مثلا.
الامراض المناعية الذاتية
الامراض الوراثية
فينك تستذكر شو اخر سبب زرت من شانو الطبيب...
ولا تنس انو كل الامراض ممكن تسال الطلاب عن الوعي اتجاهها.
فماذا اخترت لنتساعد بالحصول على الاقتراح الافضل؟ Eye-wink  

the prince of generation's picture
the prince of g...
السنة السادسة


انا بحثي عن:
وعي الطلاب تجاه اثار الموبايل الصحية
والمشرف قبله
-كيف بدي اعمل سؤال بحثي؟
-شو بدي اسأل بالاستبيان؟

Dr-O.helfawi's picture
Dr-O.helfawi
السنة الرابعة

Quote:
كيف بدي اعمل سؤال بحثي؟

لما نعمل سؤال بحثي لازم نحط ببالنا الأمور التالية:
بس نحط السؤال البحثي الدقيق والواضح ستصتبح مسألة الاستبيان سهلة للغاية.
موضوعك عن وعي الطلاب اتجاه تأثيرات الموبايل الصحية.
إذا موضوعك يتبين وعي الطلاب اتجاه مخاطر الموبايل.... ما رأيك أن تحدد ما هي المخاطر أو التأثيرات التي تود أن تسأل عنها؟
Eye-wink
وبعدها نتابع مسألة الاستبيان.

the prince of generation's picture
the prince of g...
السنة السادسة

Quote:
انو العينة عمرها عشرين سنة، وطلاب طب.
شوفي امراض ممكن تصيب عينة بهالعمر؟

تماما هي النقطة اللي لبكتنا..
كنت عم اعمل حلفة بهدف البحث و بنفس الوقت نشر الوعي عن التمنيع ضد التهاب الكبد(مناعي)..بين الطلاب..لأنو ضروري كل واحد ياخد اللقاح بس مشرفنا رفض...
كمان عن السكري (وراثي)رفض..
فما ضل ادامي غير..
كسور الاطراف(اصابات سابقة) ...حلوة الفكرة بس شوبدو يكون السؤال البحثي؟ الواحد يانصاب يا لاء؟
قريت بحث بريطاني.."vaccination against influenza in healthy adults"
عم قكر ساويه التلقيح ضد الانفلونزا عند طلاب السنة الثالثة و بستفيد من البحث الاصلي شو رأيك ممكن؟

V

Quote:
كنت عم اعمل حلفة بهدف البحث و بنفس الوقت نشر الوعي عن التمنيع ضد التهاب الكبد(مناعي)..بين الطلاب..لأنو ضروري كل واحد ياخد اللقاح بس مشرفنا رفض...

البحث بحد ذاته بده يكون جمع معلومات ... نشر الوعي بتجي مرحلة لاحقة بعد البحث ...يعني بعد ما عرفت المعلومة يلي بدك ياها عن التلقيح ضد التهاب الكبد ... فينك تحط ضمن التوصيات أنه يتم نشر الوعي عن التمنيع ضد التهاب الكبد بناءا عالمعلومات يلي طلعت معك ..
((هلأ ركز عهالفكرة يلي أنت قلتها ... لقاح التهاب الكبد ... شو بدك تدرس فيه ؟؟ عينتك طلاب سنة ثالثة ... شو الشي يلي راغب تعرفه تماما عن الطلاب ولقاح التهاب الكبد حدده؟؟؟
---------

Quote:
عم قكر ساويه التلقيح ضد الانفلونزا عند طلاب السنة الثالثة و بستفيد من البحث الاصلي شو رأيك ممكن؟

موضوع الانفلونزا صار في فريقين أخدينه ... بس رغم هيك ممكن يطلع معك سؤال بحثي مختلف تماما عن أسئلتهم ... يعني ممكن كمان
بس بحسب ما فهمت أنت اهتمامك في البداية كان بلقاح التهاب الكبد ...والانفلونزا اجا بعدين بسبب الرفض ولأنك لقيت بحث بريطاني عليه ..
ما بنصحك أنه تختار سؤال بس لأنك لقيت بحث عليه ...الأحسن بتختار السؤال يلي بهمك فعلا... وبعدين بتخيل 99% لح تلاقي أبحاث عنه عالانترنت بتفيدك ..
مهم كتير أنه الموضوع يلي بدك تدرسه يكون عن اهتمامك الفعلي .. معناها مهتم فيه ..بما أنك كنت عم تشتغل بالأساس عن التمنيع ضد التهاب الكبد نكمل معك منه
هلأ بدك تسأل عن التمنيع ضد التهاب الكبد ...أنت طلع معك نصف السؤال .... بقي شو المعلومات يلي بدك تعرفها شو الشي يلي بدك تعرفه عن الطلاب بالنسبة للقاح التهاب الكبد ؟
بجواب هالسؤال بيطلع معك السؤال البحثي .. وبتخيل المشرف إذا جبتله سؤال بحثي صحيح وقابل للتطبيق في الجامعة ما بيقدر يرفض Eye-wink ان شاء الله

HMS


اهلا HMS

Quote:
شو بدك تدرس فيه ؟؟ عينتك طلاب سنة ثالثة ... شو الشي يلي راغب تعرفه تماما عن الطلاب ولقاح التهاب الكبد حدده؟؟؟

بدي اعرف مين اخد اللقاح و مين ما أخده ! بشكل أساسي نسبة الطلاب المتلقحين ... هدا بحد ذاته سؤال بحثي ! بس بالكلية عنا رابطين حلقة البحث بانو يطلع عندك 20 سؤال للاستبيان..
بشكل ثانوي
اللي اخده كيف عرف فيه,في عنده وعي شو هدا المرض,بيعرف انه ضروري ياخده........................ وكتير قصص بتطلع معك..بس هلأ مشي الحال راح الموضوع...

Quote:
ما فهمت أنت اهتمامك في البداية كان بلقاح التهاب الكبد ...والانفلونزا اجا بعدين بسبب الرفض ولأنك لقيت بحث بريطاني عليه ..
ما بنصحك أنه تختار سؤال بس لأنك لقيت بحث عليه ...الأحسن بتختار السؤال يلي بهمك فعلا... وبعدين بتخيل 99% لح تلاقي أبحاث عنه عالانترنت بتفيدك ..

لاء انا ماخترت السؤال لأني قريت بحث عنه...متل ماقلت اي موضوع بتلاقي كتير ابحاث عنه...انا قصدي انو استوحيت الفكرة منه.....
موضوع اللقاح ضد الانفلونزا مهم كتير بهالفترة من السنة.... كمان مابهم اذا اتاخد الموضوع نحن شي 600 طالب اكيد حتتكرر المواضيع....
شو رأيكن ممكن؟اذا في تعديل او نصيحة عالفكرة؟

V


لازم تمشي بمنهجية
اعتمد موضوع عريض لحتى نبلش نساعدك بالتفاصيل.

the prince of generation's picture
the prince of g...
السنة السادسة


شكرا
the prince
HMS
انا مشي حالي...
بتمنى تضلو تعملو نشاطات وحركة دائما موبس منشان حلقة البحث...
+ اقتراح
تعملو
online chat
يعني حددو كل يوم او يومين ساعة معينة و عملو لحالكن عنوان الكتروني منضيفه عنا واللي بده شي بفوت بلاقي تفاعل
بالتوفيق

V
ابق على تواصل مع حكيم!
Google+