تصفح
دخول
تسجيل
نسيتها؟

دراسة كمية ذات وزن حول مواد السنة الرابعة ... إلى جميع السنوات .. ادخل ادخل ^_^ مالح تندم


دراسة كمية ذات وزن حول مواد السنة الرابعة ... إلى جميع السنوات .. ادخل ادخل ^_^ مالح تندم

السلام عليكم .. شلونكم يا حبايب ...

مشان ما ثبت على حالي لقب اللتات الأكبر ومشان ما تملو ... لح اختصر بالحكي .. ( كلام عدوين لا تصدقوا هالحكي ^_^ ) ...

المهم .. مالكم بالطويل ...

بعد فترة طويلة من المماطلة والأخذ والرد ووضع الأعذار والحجج ... رضخت للأمر الواقع وساويت شو كان بدها أمي ...

من وقت ما خلص الفحص وأنا لاحش الكتب والمحاضرات تبع السنة كلها بالأوضة الصغيرة ... وكل ما تقللي ماما قوم هللق ضبهم .. أنا قلها بكير لسا .. هللق لح يلزموني .. وبدي راجع فيهم .. واليوم تعبان وبكرة مالي فاضي ... ومن هالحكي الظريف يللي بتعرفوه ...
المهم بالآخير .. سحبتني أمي .. وقالتلي .. هللق بدك تضبهم .. ومو على كيفك .. طبعاً ما عاد بقي خيار .. وقررت فوت رتبهم وطبقهم وانتعهم إلى مثواهم الأخير على السقيفة ...
كنت متخيل أنو الموضوع لح ياخد مني شي أبو ساعتين مو أكثر .. طبعاً فتت وشفلكم هالشوفة .. وعينكم ما تشوف إلا النور ...
مالكم بالطويل ...
رحت والله وصرت امسك بالأرطال الكتب والمحاضرات والحش بالأرض .. وصرت رد رتبهم ورا بعض حسب المادة ...

بالآخير ... طلع معي الشكل الآتي ...


By ahk_group at 2010-08-05

صورة جانبية ... مشان تبين شوي السماكات ...


By ahk_group at 2010-08-05

شايف يا حبيبي .. هذا يللي بياخدوه طلاب جامعتنا بسنة واحدة بس ...
يعني لو عقولنا مكنة .. لكانت خربت .. بس ما في غير الله بيعرف شلون عم تتحمل ...

مو مشكلة ...
مقرر الباطنة فصل ثاني ..


By ahk_group at 2010-08-05

وهي من على جنب ...


By ahk_group at 2010-08-05

طيب .. إذا كانت الباطنة فصل ثاني مكبوسة على الحيط هيك شكلها ...


By ahk_group at 2010-08-05

لح يكون شكل الباطنتين – فصل أول وثاني – شلون ... ؟؟
طبعاً ما كان طايل لإيدي أي وسيلة مقارنة غير ...


By ahk_group at 2010-08-05

أووووه كتير كتار .. مو هيك ... طبعاً هي الشحاطة أكبر من رجلي .. مو شحاطة ولد صغير ...

طيب .. إذا كنت مفكر أنو المشكلة بس بالباطنة .. لا يا سيدي .. هي الأطفال ...


By ahk_group at 2010-08-05

طيب .. الآن ننتقل إلى الفقرة الأكثر تشويقاً ... وهي الدراسة الوزنية للمحاضرات ..

سأستخدم ميزان بني آدمين .. حاكم مافي داعي للميزان الحساس منوب ...

أول شي .. اختبار الجهاز ..


By ahk_group at 2010-08-05

أي الحمد لله شغال ...

طيب .. وصلنا إلى القسم الأكثر حساسية بالدراسة .. شلون بدك تخلي كل هدول البلاوي يضللوا متوازنين على سطح الميزان ...
المهم .. حطيتهم شوي شوي ..
وكانت النتيجة ...


By ahk_group at 2010-08-05

من الأمام ...


By ahk_group at 2010-08-05

ربما أنتم بحاجة إلى لقطة من الجانب .. مشان تبين معكم هالسماكات الظريفة ...


By ahk_group at 2010-08-05

طبعاً .. كلله صار بدو يعرف قديش طلع الوزن ... في الحقيقة .. عن جد مو كتير ...


By ahk_group at 2010-08-05

على فكرة .. عند النظر إلى الميزان من فوق بشكل عامودي كان أقرب للـ 18 كغ ...

ما علينا ...
بالزور خليت أمي تجي لتشوف شو عم ساوي .. طول الوقت صارت تقللي >> الله يكبر عقلك .. حاجة سطله << .. بالآخير إجت .. ورضيت تصورني ناح الكتب والمحاضرات ...

وهي صورتي وأنا بالبيجامه ...


By ahk_group at 2010-08-05

أنا متربع .. وصل إرتفاعهم لأعلى من كتفي ...


By ahk_group at 2010-08-05

ومشان تكون دراستنا ذات مصداقية ودقة عالية .. رحت وجبت المتر وقست ارتفاع هالبرج الظريف ...


By ahk_group at 2010-08-05

أخر شي صورة توديعية .. قبل ما قوم بنتعهم إلى المطبخ .. المحطة قبل الأخيرة في مثواهم الأخير حسب خطة الحجة ...


By ahk_group at 2010-08-05

وبلشتلكم نتع روحة رجعة ... ورديت صغرت عقلي مرة تانية وصفيتهم بالمطبخ .. قال على أساس مشان ما يتخربطوا .. ومشان ما اتعذب وقت بدي دور على محاضرة ...


By ahk_group at 2010-08-05

المهم والله ما كذبت خبر ... وحطيت السلم وبلشت اطلع لفوق .. وإذ بلاقي أمامي بحر من الكراكيب ... بالزور طلع بإيدي حط رجلي فيه .. لك شو نعمل يا ماما ... ماما بكل بساطة .. ضب السقيفة .. لك إيمك حطك دبريها ... والله مافي مجال ... فوق منها ضبينا السقيفة بالأجواء الشاعرية فوق والنسائم العليلة ... والقعدة الصحية المريحة على ركبي ...
بالآخير .. وصلت لمحل الصندوق يللي ماما على أساس مخصصته للمحاضرات ... فلقيته .. كومبلييييييه تماماً ...

حسبي الله ونعم الوكيل .. ما كنا ضبينا السقيفة ...

نزلنا والله .. ولح جن وسين بدي روح بقا بهالمحاضرات ... ما بدي الحشهم لأراني بعيدة لأنو فعلاً عم يلزموني .. وما فيني حط كل هدول بوجه أمي ..

بالآخير ... وصلت لحل توافقي .. عبيت المحاضرات بكياس .. وحطيت المحاضرات يللي ممكن تلزمني تحت المكتب والباقي لحشته على السقيفة ... وتوتة توتة خلصت الحتوتة ...

بس ملاحظات بسيطة بمعيتكم شباب ..

أول شي .. بتصور أنو الكل لح يتساءل .. كم صفحة بيطلعوا هدول ...
أنا بصراحة حاسب كلشي بيتعلق بالمادة من ضمن المجموع .. بمعنى نوط العملي وملخصات النظري وأسئلة الدورات وغيرها ... لأنو تقريباً كلياتها غالباً مرينا عليها يا بقلب السنة يا بالامتحان ..
أكيد في نسبة من هدول قد ما نكون لحقناها ... مثلاً أسئلة الدورات كل مرة منجيبها .. ويا دوب منلحق دورتين من أصل شي خمس دورات ... وعلى هذا فقس ...

حتى كتاب الجلدية القديم والجديد .. للأسف أنا قرأت من الإثنين – طبعاً مو كلشي ولا بكون عندها ......... – لذلك حسبت أنو الكتابين من ضمن بلاوي هالسنة ...

على حل كال ... وبالرغم أنو أمي ما عادت استحملتني كتير لحتى اجمع صفحات المحاضرات .. فصرت قدر الأقسام تقدير ... بالنتيجة .. طلع المجموع أكثر من 9000 صفحة .. بحوالي 400 صفحة ... قلت هذول بلاهم ... خلينا على ديعاية الـ 9000 صفحة .. لكن كنت كتير عم حط قيم تقديرية غالباً أقل من اللازم ..

بدي قول شغلة تانية ... ما بدي اخواننا طلاب السنة الرابعة الجدد يصابوا بالذعر ... حقيقة .. عن جد .. السنة الرابعة من أمتع وأنفع السنوات يللي حتمر عليها بالطب .. بس بدها شوية دراسة زيادة ... وبإذن الله بتصير السنة الرابعة بامتياز سنة معدل ...
يكفي إنك بتحس حالك صرت ..... تور ( طبعاً الفراغ هو نص دك )
-----------------

كلمة أخيرة ... أنا جبت محاضراتي من عند الأنوار ... بس الله يكون بعون يللي محاضراته من عند العائد يشلون بدو يدبرهم .. لأنو على الأقل .. ضعف الحجم و الوزن ... بالنظر إلى الفرق الكبير في سماكة الورقة الواحدة ...

قمت بضغط الصور مشان تصغر مساحتها وما تتعذبوا بفتح الموضوع ... يللي بدو الصور بدقتها الأصلية .. موجودين ..

يا رب يعجبكم الموضوع ... ^_^

والسلام عليكم ورحمة الله تعالي وبركاته ...

بانتظار ردودكم الحلوة ...

AHK's picture
by
طالب دراسات عليا

heart beat wrote:
Very Happy Very Happy
شكرا سلفا

عفواً سلفاً ..

وكمان عفواً على تأخير الرد ...

AHK's picture
AHK
طالب دراسات عليا


سلام قولا ً من رب رحيم ....

أبو حميد ... عزيزي الغالي سؤال واحد ؟؟؟ أديش نمرة رجلك حبيبنا ؟؟؟؟؟؟ ....

لأنو نمرة رجلي 46 و أحيانا ً ما بتزبط ...... الله يعين بس تعرف خطرت ببالي فكرة في حدا من شباب محتفظ بكل محاضرات و كتب السنوات كلها ...

يا ريت تصورهن لحتى أستخدمهن وسيلة رعب للي بدو يدرس طب من معارفي هههههههههه ...

د.عبد الجبار حجي محمد's picture
د.عبد الجبار حج...
السنة الأولى

Hassoon wrote:
على هالأحصائية رح يكون الفصل الأول بالسنة الأولى يساوي :

ربع شحاطة إلا اصبعين أبو حميد

شكراً أبو حميد عنجد موضوع كتييير رائع ..

و الله يكون بالعون ..

و الله ما كان بدي فوت طب ..Crying or Very sad

أي تقريباً ... ربما بيصلوا لربع شحاطة كاملة إذا خلصلكم السطلي كل الكتاب Twisted Evil

الله يكون بعونا جميعاً ..

لا حبيبي .. الحمد لله يللي فتت طب .. لكان شلون كنا بدنا نشوف هالوجوه الحلوة Smiling

AHK's picture
AHK
طالب دراسات عليا


نمرة رجلي ؟؟ Twisted Evil Twisted Evil Twisted Evil

شو بدك بنمرة رجلي ... Laughing out loud المهم نمرة الشحانة 42 Eye-wink

AHK's picture
AHK
طالب دراسات عليا


يا زلمة شو صاير عليك 55 كيلو بسسسسسسسسسسسسسسسس
و النضارات بيطلعو وقية بتصفي 55 إلا وقية
تغذى حبيبي

د.أبقراط's picture
د.أبقراط
السنة الثالثة

د.أبقراط wrote:
يا زلمة شو صاير عليك 55 كيلو بسسسسسسسسسسسسسسسس
و النضارات بيطلعو وقية بتصفي 55 إلا وقية
تغذى حبيبي

قصدك 54 .. إذا بتريد ... Laughing out loud

بتعرف عفوني مرتين من التبرع بالدم ... وحدة مشان دفتر الجيش ووحدة مشان شهادة السواقة Cool

AHK's picture
AHK
طالب دراسات عليا


على فكرة بهنيك عن جد على هالإبداع
عن جد ضحكتني من قلبي
بس شو بدك بالحكي عن جد السنة الرابعة فيها بلاوي بلاوي
يعني بتقدروا تعتبروها بشارة لجماعة الرابعة الجدد Eye-wink

nice monamoor's picture
nice monamoor
بعد التخرج

nice monamoor wrote:
على فكرة بهنيك عن جد على هالإبداع
عن جد ضحكتني من قلبي
بس شو بدك بالحكي عن جد السنة الرابعة فيها بلاوي بلاوي
يعني بتقدروا تعتبروها بشارة لجماعة الرابعة الجدد Eye-wink

الله يكرمك .. ويهني قلبك ..

إن شاء الله بشارة خير Twisted Evil

AHK's picture
AHK
طالب دراسات عليا

Knighty0 wrote:
Quote:
قصدك 54 .. إذا بتريد ...

بتعرف عفوني مرتين من التبرع بالدم ... وحدة مشان دفتر الجيش ووحدة مشان شهادة السواقة

Laughing out loud Laughing out loud Laughing out loud

--

أحمد, انت زلمة فظيع بكل ما للكلمة من معنى !! Eye-wink Eye-wink

لك إنته الفظيع Eye-wink ... سررت لمرورك حبيبي فارس Smiling

AHK's picture
AHK
طالب دراسات عليا


Laughing out loud
لا ... دراسة تفصيلية تصلح لأن تكون مرجعاً في المناهج الجامعية لوزارة التعليم العالي
Laughing out loud

loloslayer's picture
loloslayer
طالب دراسات عليا

loloslayer wrote:
Laughing out loud
لا ... دراسة تفصيلية تصلح لأن تكون مرجعاً في المناهج الجامعية لوزارة التعليم العالي
Laughing out loud

لا لا ... حقوق النشر محفوظة Twisted Evil

AHK's picture
AHK
طالب دراسات عليا


Shocked Shocked Shocked Shocked
Crying or Very sad Crying or Very sad Crying or Very sad Crying or Very sad Crying or Very sad
يا ربي ما تجي هالسنة ابدا
والله حرام نحنا بشر
مع انو عنا فكرة عن بلاوي الرايعة بس مع الصور والوثائق بتصير المصداقية اكبر
الله يعينا
والله شكلنا فايتين عحرب السنة يا جماعة

nuwar's picture
nuwar
السنة السادسة

nuwar wrote:
Shocked Shocked Shocked Shocked
Crying or Very sad Crying or Very sad Crying or Very sad Crying or Very sad Crying or Very sad
يا ربي ما تجي هالسنة ابدا
والله حرام نحنا بشر
مع انو عنا فكرة عن بلاوي الرايعة بس مع الصور والوثائق بتصير المصداقية اكبر
الله يعينا
والله شكلنا فايتين عحرب السنة يا جماعة

الله بيعين Smiling

AHK's picture
AHK
طالب دراسات عليا

Quote:
والله شكلنا فايتين عحرب السنة يا جماعة

Sad

heart beat's picture
heart beat
السنة الخامسة


Laughing out loud Laughing out loud Laughing out loud Laughing out loud Laughing out loud Laughing out loud Laughing out loud Laughing out loud Laughing out loud Laughing out loud Laughing out loud Laughing out loud
I like it Laughing out loud Laughing out loud
thaaaank Laughing out loud
بس مو بشارة حلوة.....الله يجيرنا شو جايينا هممم هممم shut Crying or Very sad Nerd Rolling Eyes yekh

battoula's picture
battoula
السنة الرابعة


Laughing out loud Laughing out loud Laughing out loud Laughing out loud Laughing out loud Laughing out loud Laughing out loud Laughing out loud Laughing out loud Laughing out loud Laughing out loud Laughing out loud
I like it Laughing out loud Laughing out loud
thaaaank Laughing out loud
بس مو بشارة حلوة.....الله يجيرنا شو جايينا هممم هممم shut Crying or Very sad Nerd Rolling Eyes yekh

battoula's picture
battoula
السنة الرابعة


أبو حميد عنجد صار بدك شي مشوار القعدة بالبيت ما عم تواتيك

GHN's picture
GHN
طبيب مقيم
ابق على تواصل مع حكيم!
Google+