تصفح
دخول
تسجيل
نسيتها؟

دراسة كمية ذات وزن حول مواد السنة الرابعة ... إلى جميع السنوات .. ادخل ادخل ^_^ مالح تندم


دراسة كمية ذات وزن حول مواد السنة الرابعة ... إلى جميع السنوات .. ادخل ادخل ^_^ مالح تندم

السلام عليكم .. شلونكم يا حبايب ...

مشان ما ثبت على حالي لقب اللتات الأكبر ومشان ما تملو ... لح اختصر بالحكي .. ( كلام عدوين لا تصدقوا هالحكي ^_^ ) ...

المهم .. مالكم بالطويل ...

بعد فترة طويلة من المماطلة والأخذ والرد ووضع الأعذار والحجج ... رضخت للأمر الواقع وساويت شو كان بدها أمي ...

من وقت ما خلص الفحص وأنا لاحش الكتب والمحاضرات تبع السنة كلها بالأوضة الصغيرة ... وكل ما تقللي ماما قوم هللق ضبهم .. أنا قلها بكير لسا .. هللق لح يلزموني .. وبدي راجع فيهم .. واليوم تعبان وبكرة مالي فاضي ... ومن هالحكي الظريف يللي بتعرفوه ...
المهم بالآخير .. سحبتني أمي .. وقالتلي .. هللق بدك تضبهم .. ومو على كيفك .. طبعاً ما عاد بقي خيار .. وقررت فوت رتبهم وطبقهم وانتعهم إلى مثواهم الأخير على السقيفة ...
كنت متخيل أنو الموضوع لح ياخد مني شي أبو ساعتين مو أكثر .. طبعاً فتت وشفلكم هالشوفة .. وعينكم ما تشوف إلا النور ...
مالكم بالطويل ...
رحت والله وصرت امسك بالأرطال الكتب والمحاضرات والحش بالأرض .. وصرت رد رتبهم ورا بعض حسب المادة ...

بالآخير ... طلع معي الشكل الآتي ...


By ahk_group at 2010-08-05

صورة جانبية ... مشان تبين شوي السماكات ...


By ahk_group at 2010-08-05

شايف يا حبيبي .. هذا يللي بياخدوه طلاب جامعتنا بسنة واحدة بس ...
يعني لو عقولنا مكنة .. لكانت خربت .. بس ما في غير الله بيعرف شلون عم تتحمل ...

مو مشكلة ...
مقرر الباطنة فصل ثاني ..


By ahk_group at 2010-08-05

وهي من على جنب ...


By ahk_group at 2010-08-05

طيب .. إذا كانت الباطنة فصل ثاني مكبوسة على الحيط هيك شكلها ...


By ahk_group at 2010-08-05

لح يكون شكل الباطنتين – فصل أول وثاني – شلون ... ؟؟
طبعاً ما كان طايل لإيدي أي وسيلة مقارنة غير ...


By ahk_group at 2010-08-05

أووووه كتير كتار .. مو هيك ... طبعاً هي الشحاطة أكبر من رجلي .. مو شحاطة ولد صغير ...

طيب .. إذا كنت مفكر أنو المشكلة بس بالباطنة .. لا يا سيدي .. هي الأطفال ...


By ahk_group at 2010-08-05

طيب .. الآن ننتقل إلى الفقرة الأكثر تشويقاً ... وهي الدراسة الوزنية للمحاضرات ..

سأستخدم ميزان بني آدمين .. حاكم مافي داعي للميزان الحساس منوب ...

أول شي .. اختبار الجهاز ..


By ahk_group at 2010-08-05

أي الحمد لله شغال ...

طيب .. وصلنا إلى القسم الأكثر حساسية بالدراسة .. شلون بدك تخلي كل هدول البلاوي يضللوا متوازنين على سطح الميزان ...
المهم .. حطيتهم شوي شوي ..
وكانت النتيجة ...


By ahk_group at 2010-08-05

من الأمام ...


By ahk_group at 2010-08-05

ربما أنتم بحاجة إلى لقطة من الجانب .. مشان تبين معكم هالسماكات الظريفة ...


By ahk_group at 2010-08-05

طبعاً .. كلله صار بدو يعرف قديش طلع الوزن ... في الحقيقة .. عن جد مو كتير ...


By ahk_group at 2010-08-05

على فكرة .. عند النظر إلى الميزان من فوق بشكل عامودي كان أقرب للـ 18 كغ ...

ما علينا ...
بالزور خليت أمي تجي لتشوف شو عم ساوي .. طول الوقت صارت تقللي >> الله يكبر عقلك .. حاجة سطله << .. بالآخير إجت .. ورضيت تصورني ناح الكتب والمحاضرات ...

وهي صورتي وأنا بالبيجامه ...


By ahk_group at 2010-08-05

أنا متربع .. وصل إرتفاعهم لأعلى من كتفي ...


By ahk_group at 2010-08-05

ومشان تكون دراستنا ذات مصداقية ودقة عالية .. رحت وجبت المتر وقست ارتفاع هالبرج الظريف ...


By ahk_group at 2010-08-05

أخر شي صورة توديعية .. قبل ما قوم بنتعهم إلى المطبخ .. المحطة قبل الأخيرة في مثواهم الأخير حسب خطة الحجة ...


By ahk_group at 2010-08-05

وبلشتلكم نتع روحة رجعة ... ورديت صغرت عقلي مرة تانية وصفيتهم بالمطبخ .. قال على أساس مشان ما يتخربطوا .. ومشان ما اتعذب وقت بدي دور على محاضرة ...


By ahk_group at 2010-08-05

المهم والله ما كذبت خبر ... وحطيت السلم وبلشت اطلع لفوق .. وإذ بلاقي أمامي بحر من الكراكيب ... بالزور طلع بإيدي حط رجلي فيه .. لك شو نعمل يا ماما ... ماما بكل بساطة .. ضب السقيفة .. لك إيمك حطك دبريها ... والله مافي مجال ... فوق منها ضبينا السقيفة بالأجواء الشاعرية فوق والنسائم العليلة ... والقعدة الصحية المريحة على ركبي ...
بالآخير .. وصلت لمحل الصندوق يللي ماما على أساس مخصصته للمحاضرات ... فلقيته .. كومبلييييييه تماماً ...

حسبي الله ونعم الوكيل .. ما كنا ضبينا السقيفة ...

نزلنا والله .. ولح جن وسين بدي روح بقا بهالمحاضرات ... ما بدي الحشهم لأراني بعيدة لأنو فعلاً عم يلزموني .. وما فيني حط كل هدول بوجه أمي ..

بالآخير ... وصلت لحل توافقي .. عبيت المحاضرات بكياس .. وحطيت المحاضرات يللي ممكن تلزمني تحت المكتب والباقي لحشته على السقيفة ... وتوتة توتة خلصت الحتوتة ...

بس ملاحظات بسيطة بمعيتكم شباب ..

أول شي .. بتصور أنو الكل لح يتساءل .. كم صفحة بيطلعوا هدول ...
أنا بصراحة حاسب كلشي بيتعلق بالمادة من ضمن المجموع .. بمعنى نوط العملي وملخصات النظري وأسئلة الدورات وغيرها ... لأنو تقريباً كلياتها غالباً مرينا عليها يا بقلب السنة يا بالامتحان ..
أكيد في نسبة من هدول قد ما نكون لحقناها ... مثلاً أسئلة الدورات كل مرة منجيبها .. ويا دوب منلحق دورتين من أصل شي خمس دورات ... وعلى هذا فقس ...

حتى كتاب الجلدية القديم والجديد .. للأسف أنا قرأت من الإثنين – طبعاً مو كلشي ولا بكون عندها ......... – لذلك حسبت أنو الكتابين من ضمن بلاوي هالسنة ...

على حل كال ... وبالرغم أنو أمي ما عادت استحملتني كتير لحتى اجمع صفحات المحاضرات .. فصرت قدر الأقسام تقدير ... بالنتيجة .. طلع المجموع أكثر من 9000 صفحة .. بحوالي 400 صفحة ... قلت هذول بلاهم ... خلينا على ديعاية الـ 9000 صفحة .. لكن كنت كتير عم حط قيم تقديرية غالباً أقل من اللازم ..

بدي قول شغلة تانية ... ما بدي اخواننا طلاب السنة الرابعة الجدد يصابوا بالذعر ... حقيقة .. عن جد .. السنة الرابعة من أمتع وأنفع السنوات يللي حتمر عليها بالطب .. بس بدها شوية دراسة زيادة ... وبإذن الله بتصير السنة الرابعة بامتياز سنة معدل ...
يكفي إنك بتحس حالك صرت ..... تور ( طبعاً الفراغ هو نص دك )
-----------------

كلمة أخيرة ... أنا جبت محاضراتي من عند الأنوار ... بس الله يكون بعون يللي محاضراته من عند العائد يشلون بدو يدبرهم .. لأنو على الأقل .. ضعف الحجم و الوزن ... بالنظر إلى الفرق الكبير في سماكة الورقة الواحدة ...

قمت بضغط الصور مشان تصغر مساحتها وما تتعذبوا بفتح الموضوع ... يللي بدو الصور بدقتها الأصلية .. موجودين ..

يا رب يعجبكم الموضوع ... ^_^

والسلام عليكم ورحمة الله تعالي وبركاته ...

بانتظار ردودكم الحلوة ...

AHK's picture
by
طالب دراسات عليا


Shocked Shocked Shocked Shocked Shocked Shocked Shocked Shocked Shocked Shocked

الحمد لله على نعمة طب الأسنان Laughing out loud Laughing out loud

shinno
بعد التخرج


Shocked

heart beat's picture
heart beat
السنة الخامسة


confused confused confused confused Shocked Shocked Shocked Shocked

Dr.Azooz's picture
Dr.Azooz
السنة الرابعة


Shocked Shocked Shocked Shocked

heart beat's picture
heart beat
السنة الخامسة


Shocked Shocked Laughing out loud Laughing out loud

Quote:
ما بدي اخواننا طلاب السنة الرابعة الجدد يصابوا بالذعر

لا أعوذ بالله أنو ذعر هاد Shocked Shocked

عاشق سورية
السنة الخامسة

Quote:
طبعاً ما كان طايل لإيدي أي وسيلة مقارنة غير ...

Laughing out loud Laughing out loud

Quote:
ماما بكل بساطة .. ضب السقيفة .. لك إيمك حطك دبريها ... والله مافي مجال ... فوق منها ضبينا السقيفة بالأجواء الشاعرية فوق والنسائم العليلة ... والقعدة الصحية المريحة على ركبي ...

Laughing out loud Laughing out loud

Quote:
المجموع أكثر من 9000 صفحة ..

confused

Quote:
ا رب يعجبكم الموضوع ... ^_^

اي لكنVery Happy ...بس شو ارتفعت معنوياتي الله لا يورجيكنconfused Sad
بس عنجد الله يعطيك العافية... Laughing out loud

heart beat's picture
heart beat
السنة الخامسة


يمكن كل الوزن من كتاب علم الجلد السريري Laughing out loud Laughing out loud يمكن هاد مرجع خارجي مو هيك Rolling Eyes

و تصديقا لكلامك من كم اسبوع كنت عم حضر مكان لمحاضرات السادسة لهيك قمت بالتخلص من كل محاضرات أول 3 سنين

أما الكتب تركتهم للذكرى Cool

المهم مجموع المحاضرات عبوا أي ملؤوا Eye-wink كيس طحين فاضي أي شوال طحين

و الوزن كان 16 كيلو

و صورتهن للذكرى و أنا منزلهم الى الحاوية كان منظري متل المشردين بالأفلام الاميريكية لهيك مارح نزل الصورة Eye-wink

في انتظار دراسة خارقة حول مجموع مواد السنة السادسة Eye-wink

سلام

Dr_Glory87's picture
Dr_Glory87
بعد التخرج

وسيم عبيد wrote:
Shocked Shocked Laughing out loud Laughing out loud
Quote:
ما بدي اخواننا طلاب السنة الرابعة الجدد يصابوا بالذعر

لا أعوذ بالله أنو ذعر هاد Shocked Shocked

لك طول بالك حبيبي وسيم ... كلنا على هالطريق ^_^

AHK's picture
AHK
طالب دراسات عليا

heart beat wrote:
Quote:
اي لكنVery Happy ...بس شو ارتفعت معنوياتي الله لا يورجيكنconfused Sad
بس عنجد الله يعطيك العافية... Laughing out loud

الله يعافيكي ...

AHK's picture
AHK
طالب دراسات عليا


زميل Dr_Glory87 .. شكراً لك ..

لك حط الصورة .. يسترجي حدا يضحك .. هي أنا بالشحاطة والبيجامة ... Laughing out loud

AHK's picture
AHK
طالب دراسات عليا

Quote:
يسترجي حدا يضحك

Eye-wink

heart beat's picture
heart beat
السنة الخامسة


الحمد لله لسى معي سنتين لحتى وصل لها السعادة Laughing out loud Laughing out loud Laughing out loud Laughing out loud Laughing out loud Laughing out loud

goal's picture
goal
السنة السادسة


Shocked Shocked Laughing out loud Laughing out loud Laughing out loud Laughing out loud
الله على هالحالة شو ناطرتنا ايام حلوة Laughing out loud
بس حلوة الفكرة Eye-wink

دعاء's picture
دعاء
السنة الثالثة


أي بس والله بيمرقوا Eye-wink

AHK's picture
AHK
طالب دراسات عليا


Laughing out loud Laughing out loud Laughing out loud
أكتر شي عجبني هوي منظر الكتب فوق الميزان (كتييييير حلو )
بس بصراحه .......الله يستر .

sweet flower's picture
sweet flower
السنة الرابعة


Laughing out loud Laughing out loud Laughing out loud Laughing out loud
أكثر ما أعجبني طريقة عرض الصور وتقدير الحجوم والمقاسات و الاستعانة بالوسائل الإيضاحية Cool
الله يعطيك العافية

Diamond-in-rough's picture
Diamond-in-rough
السنة الرابعة


الله يعطيك العافية أحمد ورح نستنى تعملنا presentation عن هالدراسة بمؤتمر الكلية الجاي Very Happy
بس على فكرة عدد الصفحات بيطلع بين 8000 و 9000 علماً انو محاضرات الفصل الأول من العائدي والثاني من الأنوار
بانتظار دراسات أخرى عن عجائب كليتنا العتيدة Laughing out loud

The black star's picture
The black star
بعد التخرج

The black star wrote:
الله يعطيك العافية أحمد ورح نستنى تعملنا presentation عن هالدراسة بمؤتمر الكلية الجاي Very Happy
Laughing out loud

خلص أبشر ...

AHK's picture
AHK
طالب دراسات عليا

AHK wrote:
ما بدي اخواننا طلاب السنة الرابعة الجدد يصابوا بالذعر ...

وقف شعر راسنا

mohamad-b's picture
mohamad-b
السنة الثالثة

Quote:
وقف شعر راسنا الابيض
heart beat's picture
heart beat
السنة الخامسة


لك طولوا بالكم .. شو إنتو أول الناس يللي لح تخوضوا هالتجربة الظريفة ... ليكها العالم نجحت وغيرهم تخرج ... صدقوني كلها بتمرق .. ومثل ما قلتلكم ...

السنة الرابعة ممكن أن تكون سنة معدل بامتياز Eye-wink

AHK's picture
AHK
طالب دراسات عليا


ياربSad

heart beat's picture
heart beat
السنة الخامسة


رهييييييبShocked Shocked Shocked Laughing out loud

Light Angel's picture
Light Angel
السنة الخامسة

Quote:
... يللي بدو الصور بدقتها الأصلية .. موجودين ..

بمعيتك أبو حميد ابعتلي صورتك تبع البيجاما بدي حطها خلفية شاشة Twisted Evil Twisted Evil

Dr. M's picture
Dr. M
السنة السادسة


لك الحمد لله ما كنا مكنات نحنا بشر وماعم نشوف طلاب الطب(رفقاتنا)...............والله لو كانو مكنات كنا اضطرينا ندور عليهن بكل مصانع سورية

to be or not to be
السنة الرابعة


Laughing out loud Laughing out loud Laughing out loud Laughing out loud Laughing out loud Laughing out loud Laughing out loud
حرق الله حريشك يا معاذ
Laughing out loud Laughing out loud Laughing out loud Laughing out loud Laughing out loud

يعطيك العافية ابو حميد

للأمانة من كل محاضرات السنة الرابعة ما في غير الجراحة قلبية شي مختلف عن باقي السنوات , كل المواد منيحة طبعا ( من شان ما حدا يزعل )

بس أشدهم مناحة هي الجراحة قلبية اللي كان عم يكتبها ابو حميد المغوار

سلام

X-man
السنة الرابعة


هلأ عنجد شو ضل براسك أبو حميد من معمل البلوك الي عارضو عندك بالبيت؟؟؟؟؟؟؟؟؟؟

to be or not to be
السنة الرابعة


نصحية زميل قدم دراستك للـ BMJ وأنا بضمنلك النشر Eye-wink

موضوع ظريف للغاية Very Happy Very Happy

DR_BJ
السنة الثالثة


هروا الكام شعرة اللي كانو بقيان براسي الله يسامحك هلأ ما عاد حدا يقبل فيني

anooosa's picture
anooosa
السنة الخامسة


ما خبرتنا بقديش الكيلو هاليومين Laughing out loud Laughing out loud Laughing out loud Laughing out loud Laughing out loud Laughing out loud

goal's picture
goal
السنة السادسة
ابق على تواصل مع حكيم!
Google+