تصفح
دخول
تسجيل
نسيتها؟

بذرة أمل (خبرتي في الفحص الوطني)


بذرة أمل (خبرتي في الفحص الوطني)

إذا كنت ممن أصابته الكآبة بسبب ما سمعه من بعض طلاب السادسة الذين قدموا الفحص الوطني فشاركنا في هذا الموضوع و لن تندمالحمد لله الذي يسر أمورنا و فرج همومنا و ختم لنا بالخير 6 سنين من الدراسة كانت من أصعب و لكن من أروع سنين حياتنا.
بداية أود القول أن ما سيرد في كتابتي هو رأيي الخاص و تجربتي التي عشتها و التي قد تختلف عن تجارب كثير من الزملاء الآخرين و أنا لا ألزم الآخرين بالأخذ بطريقتي فلكل قدراته و أساليبه في الدراسة و لكني في نفس الوقت أعتب على زملائي الذين يهولون الأمور ويبثون الكآبة في من يأتي بعدهم من طلاب سواء كان ذلك بقصد أو من دون قصد لذلك سأتناول النقاط الإيجابية و السلبية عسى أن نتمسك بالإيجابية منها و نسعى لتفادي السلبية.
بالنسبة لمصدر دراستي في السنة السادسة (و الذي سيؤثر كثيراً في ما سأكتبه هنا) فهو محاضرات و كتب جامعة دمشق (دون الاستعانة بأي ملخص) +آخر دورات جامعتي حلب و تشرين (دون العينية و الأذنية و الجلدية) التي قرأتها قبل الفحص بحوالي أسبوع + ما قرأته و درسته من مراجع أجنبية خلال السنوات الخمسة الأولى (التي لم أتمكن لضيق الوقت من قراءة و مراجعة معلوماتها خلال السنة السادسة و إنما كانت أرضية علمية اكتسبتها في السنوات السابقة للسنة السادسة) و بالتالي فمصدر الدراسة في السنة السادسة كان فقط محاضرات و كتب جامعتنا (و انوه أنه بدراسة كل مادة مع ستاجها المخصص فقد كانت الفائدة أكبر بكثير من الناحية العلمية و العملية بتحويل المعلومات إلى أمور عملية تراها أمام عينيك و لا تحتاج أن تعصر ذاكرتك في الامتحان لتتذكرها).
بالنسبة للفحص فإليكم أهم النقاط:

أولاً: طلاب جامعة دمشق هم الأقوى من الناحية العلمية سواء من حيث نوعية المعلومات أو كميتها و هم من يملكون الفرصة للتدرب في أفضل مشافي سوريا و على يد نخبة من أفضل الأساتذة.

ثانياً: طلاب جامعة دمشق عندما ينالون علامة في الفحص فهم ينالونها بشق الأنفس و عرق الجبين و دراسة كميات هائلة من الكتب و المحاضرات لا بدورات محلولة أو أسئلة سخيفة أو ملخصات مقتضبة.

ثالثاً: المناهج التي درسناها في الجامعة كما تعرفون جميعاً معظمها مترجم من أمهات الكتب و المراجع التي لا تغطي فقط ما يحتاجه الطبيب العام و إنما تمتد لتشمل أمورا تتعلق بالاختصاص حتى أن طلاب الدراسات يعودون و يدرسون نفس الكتب و المحاضرات خلال فترة اختصاصهم.

رابعاً: تقديمك للامتحان الوطني لا يعني أن تدخل إلى الفحص و تجاوب على كل الأسئلة و إنما هدفك يجب أن يكون أن تجاوب على أكبر قدر من الأسئلة بحيث لا يفوتك سؤال عن موضوع مهم تعرفه و بنفس الوقت لا تندم على سؤال عن موضوع نادر أو سؤال مو كتير مدروس من قبل واضع السؤال.

خامسا:الأسئلة بشكل عام كانت جيدة سواء من الناحية العلمية أو من حيث طريقة السؤال التي كانت أوضح بكثير مما اعتدنا عليه خلال سنواتنا السابقة حيث كان هنالك الكثير من الأسئلة المباشرة التي لا تحتاج أن تقرأ الاحتمالات لتجاوب عليها و كانت هناك قصص سريرية يستطيع أي طالب درس من أي مرجع أو كتاب في العالم أن يجاوب عليها, و لكن بنفس الوقت كانت هناك مجموعة ليس قليلة من الأسئلة و التي قد يصل عددها إلى حوالي 50 أو 60 سؤال تستدعي التفكير و الانتباه و أن يكون الطالب بحق قد درس و فهم الطب لا أن يكون قد حفظ كم مقطع من هون و كم سؤال من هون حتى يستطيع الجواب عليها و هنا و بالذات هنا تبرز قوة طلاب جامعة دمشق و ما يميز هذا الفحص عنا فحص السنة السادسة القديم أنه بتقليص عدد الأسئلة لكل منهاج ووضع الأسئلة من قبل لجان معنية باختيار الأسئلة فإن كثيراً كثيراً من الأسئلة يلي بلا طعمة أو يلي بعض الدكاترة جايبينها مدري من وين لم تأتي في هذا الفحص.

سادساً:الوقت أكثر من كافي للإجابة على الأسئلة و إعادة التأكد من الأسئلة المشكوك بها حيث اعتدنا خلال السنوات السابقة أن نحل 100 سؤال يحتاج كل منها إلى أكثر من دقيقة لقراءة السؤال و احتمالاته خلال وقت قدره ساعة و نصف أما في الامتحان الوطني فلديك ساعتين لتحل 120 سؤال بعضها يحتاج 5 ثواني للقراءة و أطولها لا يحتاج 45 ثانية.

سابعاً: بالنسبة لجو الفحص و ما يرافقه من توتر و قلق و رهبة فإني لست بموضع يسمح لي بتقدير ذلك نظراً لدخولي الامتحان بمعدل عالي في السنوات السابقة و علامة مقابلات عالية فضلاً عن كوني أرغب في الاختصاص خارج سوريا و لكني أستطيع ان أقول أن تقديم الامتحان بهذه الطريقة بحيث ندخل على فحص واحد بيوم واحد لكل المواد كان (بالنسبة لي) أكثر راحة و أقل إرهاقاً من امتحانات الجامعة العادية التي تدوم شهراً كاملاً و تقدم على عدة أيام.

ثامناً: بالنسبة للدورات و ما يفعله الطلاب من إحضارها من جميع الجامعات و دراستها فقد كنت غير مقتنع بجدوى هذه الطريقة في الدراسة و هذا ما ثبت في الفحص حيث لم يأتي إلا مقدار زهيد جداً جداً من دورات باقي الجامعات و طبعاً لم تأتي دورات من جامعة دمشق ولكنننننننننننننننن:أنصح بقراءة الدورات لباقي المحافظات عند الانتهاء من دراسة المنهاج حيث يمكن تعلم بعض المعلومات الجديدة و إعادة تركيز بعض المواضيع التي لم ينتبه لها خلال الدراسة إضافة لاكتشاف القدرات الحقيقية للطالب بحل أسئلة تختلف عما درسه

تاسعاً: أن تدرس المادة قد لا يعني أن تجاوب على كل أسئلتها و أن لا تدرس المادة لا يعني أن تفشل في حل أسئلتها فنظراً لكونك درست كل مادة خلال ستاجها و قدمت فيها مفابلة فهناك مقدار من المعلومات سيبقى عالقاً في ذهنك و هذا ما صادفته حيث أنني لم أدرس الجلدية (علماً أنني درستها خلال العام و لكن قبل الفحص بحوالي 8 أشهر) و درست مادة العينية فكان عدد الإجابات الصحيحة في الجلدية و العينية متساوياً.

عاشراً:عندما تحل السؤال في الفحص الوطني أنت لا تتذكر المعلومة و إنما تحاكم و تفكر في السؤال والاحتمالات و تحذف احتمالاً و تترك آخر حتى تصل إلى الجواب (يستثنى من ذلك الأسئلة المباشرة التي تعرف جوابها حتى قبل أن تقرأ الاحتمالات) علماً أن الأسئلة في الامتحان لم تأتي من أي جامعة معينة و إنما كانت بحق أسئلة توضع لأول مرة حيث لم تأتي دورات إلا نادراً.

أحد عشر:في فحصنا لم يعتمد مبدأ المساواة بين المواد في الحصة من الأسئلة حيث مثلاً لم تأتي أسئلة عصبية أو نفسية أو خمجية و كان الاهتمام اكبر بالقلبية و الصدرية فاحذروا.

اثني عشر:توجد في بعض مناهجنا ثغرات في بعض المواضيع و بشكل عام إليكم التقييم التالي:
النسائية و التوليد .......................ممتازة و كافية و وافية
الأطفال..................................غطت محاضراتنا جميع الأسئلة تقريباً و لكن كانت هناك بعض الأقسام التي تحتاج لبعض الترميم (الخمجية و الصدرية و العصبية و اللقاحات) حيث أنني خلال دراستي للأطفال اضطررت أحياناً للعودة إلى مرجع صغير و ايميت للحصول على بعض المعلومات الناقصة ولكنها لم تأتي في الفحص
الأذنية و العينية و الجلدية.............يعني أذا درستوهم من كتبنا فما لح يجي سؤال من براتهم
الجراحة................................غطت كتبنا و محاضراتنا جميع الأسئلة تقريباً و قد تم التركيز على الجراحة العامة و الأوعية وجاءت بعض الأسئلة المعتة التي لا داعي أن توجع رأسك بدراسة أقسامها فمثلاً أتى سؤال عن تشكل الندبة و احتمالاته كلها أرقام و إلى الآن لم نعرف الجواب الصحيح و أتت بعض المسائل عن المرارة لا تجد لها في محاضراتنا جواباً واضحاً و إنما تعتمد على محاكمتك للسؤال

فالخلاصة إذاً:
ادرس محاضراتك و كتبك + ركز بعض الأمور الناقصة من منهاجنا في جامعة دمشق + حل أسئلة دورات حلب و تشرين قبل الفحص ببضعة أيام

وفي النهاية بقيت بضعة أمور أذكرها لاحقاً و أتمنى للجميع التوفيق و التمتع دائماً بالتفاؤل

Dr.Daaboul's picture
by
بعد التخرج


يا جماعة بغض النظر كانت دورات ولا مو دورات ...

هل كانت هي الأسئلة منطقية لفحص وطني ؟؟؟؟؟؟؟؟؟ أكيد لاء و بقوة ... بس والسلام ....

وقلت واقول مرارا وتكرارا : يا طلاب السادسة ادرسوا بالسادسة كيف ما بدكن .. المهم ترتفع سوية معلوماتكن وتتعمقوا بكل شي .. وتحبوا المعلومة يلي عم تقروها .. أنتوا أطباء مو تجار ..

أما الفحص الوطني ف تحصيل حاصل . لا توجعوا راسكن فيه ... لا يقيمك كطبيب ناجح ... وانما يقيمك كطالب ابتدائي مخلوق للبصم ..

وأنا رغم انو علامتي كانت 81 (وماقريت من الدورات الا دورتين باطنة لتشرين ) مصر عالكلام يلي قلته ... طلابنا جابوا علامات لأنهن متعودين عالأسئلة الغبية ... مو لأنو الأسئلةبتقيم طبيب بدو يتخرج على أساسها ... والدليل : طلاب القلمون لنن مو متعودين على هالأسئلة كانت علاماتهم مو عالية ... هل طلاب القلمون أغبياء ؟ اكيد لاء ...

ولي بدو يقرا دورات يقرا ... ويجيب بنوك اسئلة حتى للبوكمال .... بس تفوووووو و يا حيف على علم بدو يتاخد من الدورات ... ولا تقولولي اسما شطارة وحربقة ... ورجيني كيف بدك توقف قدام مريض و تعالجه من الدورات وتكتبله وصفتين : وحدة حسب تشرين و وحدة حسب دمشق ...

BIG BOSS's picture
BIG BOSS
طالب دراسات عليا


دكتورة يارا يؤسفني قلك انو الاسئلة كلها على بعضها ماكان فيها اكتر من خمس اسئلة من دورات حلب لاني من طلاب حلب وانا شغلتي بالدورات وطبعا رسبت بس مو لاني درست بس دورات لا لانو مو متل ماتفضل صاحب هالمناقشة الاسئلة كانت سهلة ومنطقية وجيدة ومابعرف شو
ماتواخزني دكتور ازا انت حابب تبعت التفاؤل بنفوس طلاب السادس الجدد هاد مابيعني انك تشوه الحقائق او لانك جبت علامة كويسة لاتفرح كتير
الاسئلة كان اكتر من ستين بالمية منها ماالو علاقة بمناهجنا يعني بتلاقي خيار او خيارين موجودين بالمنهاج والباقي مابعرف من وين لسبب بسيط انو المواضيع اللي اجت بالامتحان اغلبها هامشية بمنهاجنا اغلب الطلاب اتبعو سياسة التشليف والعلامات اللي نزلت مو علاماتنا وحياتك وحياتك مزودين لكل طالب علىالاقل عشر علامات وباعتراف اغلب الطلاب اللي تخرجو طبعا اللي عندو وجدان منهن لذلك لاتقلي منطقية ومنهجية ومابعرف شو

3ks_alsaer

3ks_alsaer wrote:
دكتورة يارا يؤسفني قلك انو الاسئلة كلها على بعضها ماكان فيها اكتر من خمس اسئلة من دورات حلب لاني من طلاب حلب وانا شغلتي بالدورات وطبعا رسبت بس مو لاني درست بس دورات لا لانو مو متل ماتفضل صاحب هالمناقشة الاسئلة كانت سهلة ومنطقية وجيدة ومابعرف شو
ماتواخزني دكتور ازا انت حابب تبعت التفاؤل بنفوس طلاب السادس الجدد هاد مابيعني انك تشوه الحقائق او لانك جبت علامة كويسة لاتفرح كتير
الاسئلة كان اكتر من ستين بالمية منها ماالو علاقة بمناهجنا يعني بتلاقي خيار او خيارين موجودين بالمنهاج والباقي مابعرف من وين لسبب بسيط انو المواضيع اللي اجت بالامتحان اغلبها هامشية بمنهاجنا اغلب الطلاب اتبعو سياسة التشليف والعلامات اللي نزلت مو علاماتنا وحياتك وحياتك مزودين لكل طالب علىالاقل عشر علامات وباعتراف اغلب الطلاب اللي تخرجو طبعا اللي عندو وجدان منهن لذلك لاتقلي منطقية ومنهجية ومابعرف شو

أتفق معك 100% أنو ما كان في دورات كما يقال
صحي أنا قلت أنو هدفي بث التفاؤل بنفوس طلاب السادسة بس أنا ما قلت أنو رح كذب عليهم مشان حقق هالشي
أنا نقلت الصورة بكل موضوعية كطالب طب حضر الستاجات و درس المنهاج و قرأ الدورات و مو كطالب طب عم يحضر مثلاً لفحوص أميركا و قرأ المنهاج بأسبوعين أو كطالب عم يضيع وقت طول السنة و تذكر قبل الفحص بشهر أنو لازم يدرس
نحنا بجامعة دمشق درسنا كل مادة مع ستاجها نظراً لنظام المقابلات الذي يتلو كل ستاج و بالتالي فنحنا قاعدين عن ندرس من أول السنة
بعدين أنا مطلع كتير منيح على منهاج جامعة حلب يلي ما بيقل أبداً عن مستوى منهاج جامعة دمشق و أنا بعرف شخصياً الطلاب الأربعة الأوائل على جامعة حلب و رأيهم بالأسئلة ما بيختلف عن رأيي (أصلاً جامعة حلب كانت أحسن جامعة من حيث العلامات على مستوى سوريا) فلذلك بتوقع أنو مشكلتك مع الفحص الوطني كانت مشكلة شخصية و مالها علاقة بطبيعة الأسئلة
هلق هو كان في أسئلة عليها مشاكل س كانت معدودة عل أصابع و مو متل ما عم تقول 60% !!!!!!!
بعدين تقلي تشليف؟؟؟؟؟؟
أو تقلي الجامعة عم تزود علامات؟؟؟؟؟؟
يعني هادا الكلام ما بيقنع طالب صف أول
بعدين نحنا ليش عم نناقش الموضوع بقيل و قال؟؟؟ هي أسئلة الفحص الوطني و صارت معنا و بدك حط الأسئلة سؤال سؤال تنناقشها

بتمنى من جميع يلي عم يشاركوا بآرائهم الموضوعية و المصداقية و ما يكون الهدف من إبداء الرأي تفشيش الخلق و إلقاء اللوم على من وضع الأسئلة و نسب الحظ لمن حصل على علامات عالية في الفحص

Dr.Daaboul's picture
Dr.Daaboul
بعد التخرج


اوك زميل الاسئلة صارت عند الكل تقريبا وانا فتحت منهاجنا وبدون اي مزاودات مانحل منن اكتر من اربعين بالمية وهدول الاربعة الاوائل اللي عم تحكي عنن اكيد مارح يأيدو كلامي لانو بيكونو مقضين حياتهن دراسة ومو بس بمنهاجنا وانا كمان بعرفهن وعلى كل ليش كل هالجدل الاسئلة موجودة والمنهاج موجود وتفضلو شوفو بعينكن الحقيقة
على فكرة هاي مو مشكلة شخصية ابدا وفيك تشوف هون على موقع حكيم كان في بعد الامتحان مناقشة حول اسئلة الفحص الوطني وطلاب الشام كانو اكتر المتذمرين والمؤيدين لكلامي وفيك كمان انت ويلي بدو يفتح موقع سيتامول ويشوف مشاركة عنوانها رايك بالفحص الوطني المعياري
هون بهالمشاركتين رح تشوفو الكلام الحقيقي بخصوص الامتحان الوطني لانو كان هالحكي قبل ماتطلع النتائج وين كانت ارائكن قبل ماتطلع النتائج زميل ليش ماشفت ولا وجهة نظر ايجابية حول الاسئلة قبل النتائج
على كل ماحدا بيعرف شو صار غيري انا وزملائي اللي قدموا
اسف زميل بس ؟؟؟؟؟؟؟؟؟

3ks_alsaer

3ks_alsaer wrote:
هون بهالمشاركتين رح تشوفو الكلام الحقيقي بخصوص الامتحان الوطني لانو كان هالحكي قبل ماتطلع النتائج وين كانت ارائكن قبل ماتطلع النتائج زميل ليش ماشفت ولا وجهة نظر ايجابية حول الاسئلة قبل النتائج
على كل ماحدا بيعرف شو صار غيري انا وزملائي اللي قدموا

ما بعرف أذا لاحظت بس انا مشاركتي حطيتها عل موقع بتاريخ 2.8.2010 يعني قبل ما تطلع النتائج بمدري كم يوم و تجرأت اكتب الحكي بكل موضوعية مع أني لسا ما كنت بعرف علامتي و يلي حتى لو كانت غير ما طلعت لما كنت غيرت كلامي

ومشان الأوائل على حلب (و مع أنو المفروض أنو أنت تدافع عنهم مو أنا) فأكيد هنين جماعة دريسين و شي طبيعي و بديهي أنو طالب دخل كلية الطب مو بس يكون قاضي حياتو بالدراسة و لكن أنو يكمل لسا باقي حياتو عم يدرس و مو بس من الشي يلي بيسمو "منهاج" و إنما من كل وسائل العلم المتاحة و يلي بتعطيك معلومات أحدث من "المنهاج"
بالنسبة "يلي صار" فما صار غير انو نسب النجاح بالفحص الوطني كانت عالية جداً و فوق ال 87% و لولا الطلاب يلي بدهم يطلعوا يختصوا برا سوريا و يلي فاتوا رسبوا حالهم قصداً بالفحص لكانت نسبة النجاح أكتر من 95%

Dr.Daaboul's picture
Dr.Daaboul
بعد التخرج


https://www.hakeem-sy.com/main/node/37656

http://www.sitamol.net/forum/showthread.php?t=39502

فيك تدخل هون انت واللي بدي يعرف الحقيقة المرة

3ks_alsaer

3ks_alsaer wrote:
https://www.hakeem-sy.com/main/node/37656

http://www.sitamol.net/forum/showthread.php?t=39502

فيك تدخل هون انت واللي بدي يعرف الحقيقة المرة

الحقيقة عشناها و منعرفها و الطلاب يلي عن جد كانوا دارسين رأيهم كان مشابه لما كتبته و أوائل الطلاب بمختلف الجامعات أيضاً
و على كل نحنا بجامعة دمشق رح نناقش الأسئلة مع الطلاب هون و يلي بيحب يشارك من اي جامعة فالموعد رح نحددوا قريباً

Dr.Daaboul's picture
Dr.Daaboul
بعد التخرج


الأسئلة ماكانت مقيمة والموازين انقلبت بالفحص من عدا شوية استثناءات.الأمور واضحة.

يارا..
طالب دراسات عليا
ابق على تواصل مع حكيم!
Google+