تصفح
دخول
تسجيل
نسيتها؟

EBM PEARLS انطلقنا :)


EBM PEARLS انطلقنا :)

السلام عليكم و رحمة الله تعالى و بركاته:

أولاً: الناس يلي ما حضروا الدورة و ما بيعرفوا شي عن الEBM لا تسكروا الصفحةو لا تخافوا حتفهموا

بعد دورة الEBM اتفقنا أنه حننطلق و نكمل المسيرة صح؟ طيب بهالمشاركة حتكون البداية
الفكرة المبدئية و التي اعتمدناها في آخر يوم للدورة هي تطبيق الPEARLS ما هي PEARLS ؟
Presentations of Evidence Abstracted from Research Literature to Solve real people’s problems
يعني عرض الدليل المستخرج من الأدب الطبي (الأبحاث) لحل المشاكل (الأسئلة البحثية)
شو يعني؟؟؟

يعني الفكرة أنه الطلاب في السنوات السريرية عندما يتعرضون لسؤال وقفوا عنده في الستاج..الدكتور قال منعطي المريض الدواء الفلاني بس أنت كنت قبل بيوم قرأت أنه بينعطى دواء آخر...أو الدكتور قال أنه الخطوة التشخيصية التالية هي كذا مثلاً, بس أنت قبل بيوم كنت حليت case و قالوا شي تاني..
طيب شو بتعمل, لا تقلي أنه هيك مكتوب بالمرجع لأنه المرجع معلوماته بتأخذ وقت لتتجدد, و بالتالي عليك بالأبحاث الجديدة, بس أي بحث بتقرأه بتاخذ فيه؟ لا طبعاً, يجب أن تبحث عن الدليل القوي الذي يجيب عن سؤالك و بعدين بتعرضوه لباقي زملائك...وهي هي الPEARLS

طيب نحنا شو رح نعمل؟؟؟؟

نحن حنكوّن نواة لdatabase كبير في حكيم؟؟؟

كيف؟
كل واحد يخطر بباله سؤال سريري, رح يكتب السؤال في مناقشة مسبوقة بكلمة PEARLS و يحط الرابط مع الموضوع في هذه المناقشة.
بعدين المهتمين بهالموضوع المعين حيفتحوا الرابط و يشوفوا الجواب النهائي للسؤال و كيف وصلناله عن طريق خطوات الEBM

بعدين مع تفاعلكم و مع مرور الزمن, رح نصنف الأسئلة تحت قلبية هضمية أطفال...الخ و يصير بحكيم الdatabase يلي أكيد مو كتيييير كبير بس حيكون فيه الإجابة لعدد كبير من الأسئلة السريرية.

هلأ هل من الممكن أنه يكون فيه خمسة أو عشرة كل واحد طرح سؤال بنفس الوقت؟
الجواب ممكن, بس بعد ما أنزل أول سؤال و نشتغل فيه كلنا و نعرف كيف الشغل, بعدين منبلش ننزل كتير أسئلة و بصير المهتمين بكل موضوع بيشتغلوا فيه و ليس كلنا سوا...

طيب هلأ شو مشان الناس الذين ما بيعرفوا شي و ما حضروا الدورة؟
حيكون هناك بالتوازي مع أول سؤال حأطرحه مناقشة اسمها خطوات الEBM
رح أطرح أول سؤال, و حدد خطوة خطوة و أعطي لكل خطوة يومين, و بالتوازي حتقرؤوا كيفية إجراء الخطوة الحالية في المشاركة تبع خطوات الEBM, بعدين حنجاوب عالخطوة الأولى و ننتقل للتانية و هكذا...

طيب مستعدين؟؟؟؟ بجوز ما عرفتوا بالضبط كيف الشغل و ما فهمتوا علي, بس خلونا نبدأ و حتشوفوا كيف حتفهموا,,

الرجاء عدم التعليق أبداً في هذه المناقشة, و كل ما فيها حيكون روابط الأسئلة فقط....

بالتوفيق

by


لمقترحاتكم و استفساراتكم

https://www.hakeem-sy.com/main/node/35632

dr.dado


خطوات الEBM

https://www.hakeem-sy.com/main/node/35634

dr.dado


الحالة الأولى: التهاب الفاصل التنكسي و جدوى إعطاء الglucosamine

https://www.hakeem-sy.com/main/node/35631

dr.dado


حابب ناقش السؤال التالي : لانو من ضمن رسالة تخرجي:

Otitis media AND antibiotics

BIG BOSS's picture
BIG BOSS
طالب دراسات عليا


شباب بإمكان كل من لديه سؤال بحثي إنشاء مشاركة و وضع الرابط هنا و ستتم مناقشته مع المهتمين و سيحاول البحثي المساعدة ما امكن...

dr.dado


مرحبا يا شباب.. حبيت شارك بهالمناقشة معكم.. اتمنى التواصل والتفاعل
الحالة الثانية: إنعاش الخدج
https://www.hakeem-sy.com/main/node/36120

dr-dark angel's picture
dr-dark angel
السنة السادسة


يا جماعه انا درست ماده طويله عريضه عن EBMوالنتيجه موقع uptodate وبس الاشتراك فيه بمصاري بس مابعرف اذا مشتركين عنا فيه بسوريا (انا عايش برا) بس كل جامعات العالم مشتركين فيه

mustsfa
السنة السادسة


EBM PEARLS: Aortic Stenosis & Diuretics

https://www.hakeem-sy.com/main/node/37179

Dr.TH's picture
Dr.TH
ابق على تواصل مع حكيم!
Google+