تصفح
دخول
تسجيل
نسيتها؟

Nuclear Transfer - Stem Cells


Nuclear Transfer - Stem Cells

Nuclear Transfer - Stem Cells

Through nuclear transfer, scientists could produce a blastocyst by inserting the nucleus from an adult cell (for example, a skin cell) into an egg without a nucleus.

شكل ترسيمي توضيحي لعملية الازدراع النووي لخلايا جذعية جنينية من خلية بالغة جلدية.

by
السنة الثالثة


أولا .. بحييك أسامة لأنك جد إنسان عظيم بمعنى الكلمة ، يا ريت تستمر على هالمنوال ، ويا ريت نتعلم منك

ثانيا .. عندي سؤال :

هلأ الخلايا الجذعية اللي نتجت عن هالازدراع .. يعني المجموعة الخلوية الي طلعت من البلاستوسايت آخر شي شو نوعها ؟
هلي هي خلايا جذعية جلدية ولا جنينية ؟؟

شكرا سلفا ، وإلى الأمام دائما

Faris Shakir


عفوا خطأ مطبعي .. ليس "البلاستوسايت" وإنما "البلاستوسست"

Faris Shakir


^^^ up ^^^

مشان لا تغيب عن الأنظار فقط

Faris Shakir

Quote:
هلأ الخلايا الجذعية اللي نتجت عن هالازدراع .. يعني المجموعة الخلوية الي طلعت من البلاستوسايت آخر شي شو نوعها ؟
هلي هي خلايا جذعية جلدية ولا جنينية ؟؟

حلو السؤال فارس ....بس عندي فكرة ...
شو رأيكون تدوروا عالجواب ...و تبحبشو عنو ..مشان نستفيد اكتر ...
لأنو إذا بدي جاوب بتنحرق المشاركة ...

Dr.Lacrymosa
السنة الثالثة


up

Dr.Lacrymosa
السنة الثالثة


^^^UP^^^

للأسف .. ووالله بحرقة بقلبي

عما اكتشف انو الحكيماويين ما كتير بيهتموا بالموضوع العلمي

بينما بيتهافتوا على المواضيع العامة

باتمنى نترقى للأحسن .. يوما ما ،،

إلى ذلك الوقت ، أطلب وكلي أمل أن نتعاون -طلاب السنة الأولى- في إبراز مقدرتنا على إغناء المنتدى علميا

Faris Shakir


صحيح .. دخلت لهدف معين ونسيته Mad

بالنسبة لسؤالي اللي طرحته سابقا اكتشفت أن العنوان يجيب على تساؤلي ! Rolling Eyes

واللي هو : ما نوع الخلايا الجذعية الناتجة عن الازدراع النووي ؟

يعني إن الناتج خلايا جذعية جنينية

إن تشكل التويتة والكيس الأصل يعني الشروع في تكون مضغة

هلأ بالاعتماد على الاستنتاج السابق ..

أعتقد والله أعلم والله أعلم وأرجو التصويب في حالة الخطأ

إذا هيأنا أسباب الانقسام المريح لهاد الازدراع وتركناه بعدين ليتابع تقسماته كلها

فممكن نحصل على جنين سوي كامل من هذه العملية (في الأصل : نواة خلية جلدية + هيولى بيضة مخربة النواة)

من ناحية أخرى .. هالشي بيعني شغلة تانية حلوة طبعا هي واضحة من عنوان الصورة اللي كتبه أسامة بس حبيت عيدها لأهميتها : إنو ممكن نوصل للخلايا الجذعية الجنينية بعد بلوغ الفرد بالازدراع

هلأ أنا عالأغلب ما جبت شي جديد ، وممكن كمان يكون فيه خطأ ، بس حبيت ناقش فكرة خطرت ببالي

Faris Shakir


شكراً فارس ... على ما يبدو انو انت الوحيد الكفو بالمناقشات الطبية ...
اتمنى المزيد من المشاركات الموضوع شيق بالفعل ...

بسم الله الرحمن الرحيم
توصلت للنتيجة التالية بعد عدة أبحاث ...

بالنسبة لعملية الازدراع النووي :

أولاً : كتعريف :

هي عملية زرع نواة من خلية متمايزة (( و ليست خلية جذعية بالغة )) في بيضة غير ملقحة و ذلك بعد نزع المادة الوراثية منها (( استخدمت المصطلح لأن النواة تكون غير كاملة بسبب توقف الانقسام المنصف الثاني بسبب عدم حدوث إلقاح )) ...

ثانيا : ما الفائدة من هذه العملية ؟؟

الفائدة : الحصول على فرد كامل يحمل نفس الصفات الوراثية للفرد المأخوذ منه نواة الخلية المتمايزة البالغة ...دون إجراء عمليات إلقاح .. حيث أن البيضة غير ملقحة ... (( و هذا هو جواب السؤال فارس ))

ثالثاً : ماالإجراء المتخذ لإجراء عملية الازدراع النووي ؟؟

لإجراء هذا الازدراع نحن بحاج إلى مؤثر خارجي لإتمام العملية .... حيث يكون المؤثر صدمة كهربائية محكمة الشدة لإتمام العملية ...

رابعاً : مثال على هذه العملية :

النعجة دوللي :
- أخذت نواة خلية متمايزة من خلايا الضرع من نعجة .
- أخذت بيضة غير ملقحة من نعجة أخرى .
- تم حذف المادة الوراثية من البيضة الملقحة .
- تم الازدراع بصدمة كهربائية .
- تزرع البيضة الناتجة في رحم نعجة و نحصل على نعجة مماثلة وراثياً للنعجة التي أعطت الخلية البالغة ...

و هذه صورة للتوضيح :

Dr.Lacrymosa
السنة الثالثة


يعني يلي فهمتو

نواة خلية متمايزة + بيضة غير ملقحة نزعنا منها مادتها الوراثية> صطمة كهربائية > حطيناهم بوسط مغذي متل الرحم
> فيتج لدينا كائن حي
اذا في خطأ صححولي

طيب لنحصل على عضو من الاعضاء و ليس كائن حي كامل شو نساوي ؟؟؟

Dr Goo's picture
Dr Goo
السنة الخامسة


ولو انو مو وقتها بس ليش الويكيبيديا عندي مخربطة و ما بعرف راسي من رجليي فيها
يا ريت تحطولي الرابط تبعكم Eye-wink

Dr Goo's picture
Dr Goo
السنة الخامسة


شكراً بلوو على مشاركتك ....
سؤال جديد ...يلا دوروا بحبشوا ...

Quote:
طيب لنحصل على عضو من الاعضاء و ليس كائن حي كامل شو نساوي ؟؟؟
Dr.Lacrymosa
السنة الثالثة


و الله يا بلال سؤالك معقد جداً ....و الإجابة عنو بدها تروي و بحث كبير ...
بس شدوا الهمة بدنا نجاوب ...يلا وينكون ؟؟؟؟؟؟؟؟؟؟؟!!!!!!!

Dr.Lacrymosa
السنة الثالثة


فعلا بدها بحث كتير..دخت
لي عودة ان شاء الله ...بس أكيد مو اليوم
على كل الأحوال...يا ريت نحدد السؤال....
الحصول على عضو من الأعضاء..عن طريق زراعة الأعضاء ؟؟والا بالخلايا لجذعية حصرا؟؟..
والا التنتين؟؟...
طبعا بكل سؤال لازم ناخد وقت كافي جدا واذا حصلنا على ما يقارب 5 أجوبة معليش
وعدة وجهات نظر كمان معليش...

redsun
السنة الثالثة

Quote:
طبعا بكل سؤال لازم ناخد وقت كافي جدا واذا حصلنا على ما يقارب 5 أجوبة معليش
وعدة وجهات نظر كمان معليش...

على قد ما في أجوبة منقبلها ...Eye-wink
المهم نشارك و نتفاعل ..... و شكراً لمشاركتك أسماء ..

Dr.Lacrymosa
السنة الثالثة

Quote:
تم حذف المادة الوراثية من البيضة الملقحة .

عفواً أعتذر ... البيضة غير الملقحة ..

Dr.Lacrymosa
السنة الثالثة


شكراً جزيلاً ..

قرأت المشاركة مرتين و فهمت ما حدث ..

سلامEye-wink

DR_BJ
السنة الثالثة


لنحصل على عضو من الأعضاء ؟؟

لن تجدوا الكثير عن ذلك سوى الحديث عن الآفاق المستقبلية

من فترة كنت عما اسمع لمحاضر عن الخلايا الجذعية ،، وتكلم عن الخيال المستقبلي لإمكانات الخلايا الجذعية

وذكر منها زراعة الأعضاء بالخلايا الجذعية

ما زال هذا الموضوع قيد البحث والتطوير من علماء الوراثة الخلايا الجذعية

وهو حلم مشروع لمستقبل باهر في الطب

أتمنى من كل قلبي من كل قلبي من قلبي أن يكون للمسلمين دور فيه

وأن يكون لمخرجات سوريا دور في هذه العجلة العلمية الدوارة

Faris Shakir


أوافقك فارس ... آفاق مستقبلية ..
قرأت عالنت أثناء بحثي عن الحصول على قلب ينبض من خلايا جذعية ...لكن غير مكتمل الوظائف ..و كذلك الأمر بالنسبة للكبد ..
أما ما يحصل حالياً ترميم الخلايا الجذعية البالغة للأعضاء المتأذية مثل الكبد و الجلد ...
لذلك أظن أن الموضوع أكبر من ذلك بكثير و معقد جداً ....

Dr.Lacrymosa
السنة الثالثة

New question : What are the tools which are used in this operation " Nuclear Transfer " ??
Dr.Lacrymosa
السنة الثالثة


1- أدوات تشريح مجهري لاستخراج نواة الخلية الجلدية ، ولإزالة نواة البيضة

2- يمكن تخريب البيضة بالأشعة فوق البنفسجية

3- يتم وضع النواة الجلدية في هيولى البيضة اللامنواة بادوات التشريح المجهري

4- صاعق كهربائي محدد الجهد لتنشيط التقسم الخلوي

5- أكيد ما حننسى الوسط الغذائي المناسب والمهيأ لراحة التقسمات

Faris Shakir


شكرا" على هالموضوع لأنو كتير مهم ومعقدEye-wink Eye-wink
أنا بوافقكن الرأي أنو لسا موضوع الخلايا الجذعية قيد البحث والتطوير
العلماء كل يوم عم يكتشفوا شي جديد بهل موضوع وما حدا بيعرف اديش ممكن نستفيد من تطبيقات الخلايا الجذعيةQuestion Question Question يعني المستقبل هو اللي رح يكشف هالشي Exclamation

cute girl's picture
cute girl
السنة الثالثة

cute girl wrote:
يعني المستقبل هو اللي رح يكشف هالشي Exclamation

بس هالمستقبل مو لحالو عما يشتغل يعني إلو قواده

ولازم نكون نحن هم

dr-hassan's picture
dr-hassan
السنة الأولى


هلأ الموضوع واسع كتير ,,,,والأبحاث عميقة جدا....
يعني نحنا كتير عم نسمع عن الخلايا الجذعية وتطبيقاتها العظيمة وبالنسبة لموضوع الحصول على عضومن الأعضاء
المسألة معقدة ...يلي قدرت افهمو أنو:
تؤخذ الخلايا الجذعية التي تعتبر خلايا أم ويتم وضعها في معمل في وسط مغذ مناسب...وفي ظروف معينة تجعلها تسير في طريق التحول لخلية كبدية أو قلب أو كلية مثلا
ثم يتم زراعتها في العضو المصاب بالفشل فتؤدي وظائفه طبعا والخلايا تؤخذ من جسم المرض نفسه
وتحتاج اعادة العملية من فترة لأخرى...
وباختصار :
يتم اعطاء المريض حقنا لتنشيط النخاع لمدة خمس أيام
وفي اليوم السادس يتم فصل الخلايا الجذعية من دم المريض ووضعها في الوسط المغذي لتتكاثر
يؤخذ جزء ويتم حقنه في المريض
ويخزن الجزء الآخر تحت درجة 70م لاستخدامها في جرعات مستقبلية أخرى...
طبعا ويمكننا أخذ الخلايا الجذعية من الحبل السري للجنين
طريقة معقدة أكثر لكن تؤدي خدمات أكثر ونسبة نجاحها أعلى...
**
**يعني الموضوع مقتصر على اعادة الوظيفة للخلايا المصابة بالفشل..
**
أما موضوع الحصول على عضو ف....بدو بحث معمق...مع أنو سمعنا كتير بهيك أبحاث...
****
يللا شدو الهمة...

redsun
السنة الثالثة


يعني باتشكرك كتير
حسستنا انو في حدا عما يشجعنا
اطلعت عالاخبار
والله شي بيشهي الواحد يتخرج بسرعة
الله يوفقنا ويجعلنا ومن المسلمين رواد للعلم

Faris Shakir


يعني جد شكرا للجميع و خاصة Knighty0 شكرا ع المرور والاهتمام.
كان في كم فكرة و هلء وضحوا عندي أكتر (بس لسه في كم فكرة Eye-wink ) .فشكرا.

Quote:
اطلعت عالاخبار
والله شي بيشهي الواحد يتخرج بسرعة
ddkh


شكراً د.فارس على اهتمامك ...

Dr.Lacrymosa
السنة الثالثة


HELLOOO THERE!!!
شو هالنشاط! والله بصراحة شي بيشهي الواحد يرجع سنة أولى بصراحة!
اذا بتسمحولي احكي كلمتين ممكن يساعدوكم بسؤالكم..
قد يكون هالحكي في شي خطأ سواء بزيادة أو نقص.. وأحياناً مشان حاول بسط الفكرة قدر الامكان..

السؤال الأول: لما منحكي عن خلايا جسم أي شخص شو هو الشي الأساسي المشترك بينها كلها؟
فكروا ثواني... ممممم... أها.... الـDNA... يعني الخلايا ما بتخسر الـDNA اللي فيها لما بتصير خلايا كبدية أو دموية أو أي شي.. وكلها أصلها خلية وحدة اللي هي الـZygote وانقسمت وعطتنا كل هالخلايا المختلفة بالظائف وحتى بالشكل كمان!

+ ملاحظة: في شغلات تانية مشتركة:
1. العضيات: ميتوكندريا، رايبوسومات، شبكة انودبلازمية........إلخ.. علماً انو الخلايا بتختلف بين بعضها بكمية هالشغلات ومحتواها حسب وظيفة الخلية وشو بيلزمها منهم! (بس تقرؤوا اللي بعدها بتفهموا شو قصدي منيح)
2. في شي اسمه الـHousekeeping proteins (يعني المسؤولة عن خدمة المنزل من أكل وشرب وتنظيف!).. كل خلية بدها تاكل وبدها تحرق وبدها تعيش حياتها بشكل طبيعي.. يعني متل مافي دكتور ومهندس وسائق و و و و.. هيك خلايا الجسم.. بس كلهم بالآخر بينهم شغلة مشتركة! كلهم بياكلوا وبيشربوا وبناموا و...... فهالبروتينات هي بتعمل هالوظائف الحياتية اللازمة لكل خلية.. ممكن تكون انزيمات استقلاب، بروتينات هيكل خلوي....
طبعاً هي الـHousekeeping proteins مسؤول عنها شي اسمه Housekeeping genes... تمام لهون؟

السؤال التاني: شو فرق الخلية الدموية عن الكبدية عن العصبية عن المعوية اذا هيك؟
"ببساطة".. البروتينات اللي بتحويها كل وحدة منهم! ممكن على شكل انزيمات (بالسيتوبلازما، بالشبكة، بغولجي،.... خلايا بتستقلب الغلوكوز للآخر وخلايا ما بتقدر)، ممكن على شكل مستقبلات على سطح الخلية (خلايا بتتأثر بهرمون وخلايا لأ.. خلايا بتتأثر بنسبة الغلوكوز بالدم وخلايا لأ!....)، ممكن على شكل بروتينات هيكلية (كل خلية ابها شكل وخلايا بتقدر تمشي وخلاي ما بتقدر تمشي!)،.......

هالحكي بينقلنا لـ
السؤال الثالث: شو الشي اللي بخلي الخلية هي تنتج هدا البروتين وبخلي خلية تانية ما تنتجه؟ (وهو سؤالكم)
اذا بتتذكروا.. الخلية فيها نواة والنواة فيها DNA.. ولحتى ننتج بروتين.. مننسخ المعلومات اللي على الـDNA إلى RNA messenger (أو مرسال.. يعني ساعي البريد)... اللي بياخد هالرسالة عالسيتوبلازما وبيعطيها للريبوسومات (ترجمان محلف) واللي بترجم هالرسالة إلى بروتينات!
(بعملية معقدة شوي... إن شاء الله بتدرسوها بالوراثة هدا الفصل!)
طيب شو الفايدة من هالحكي كله لسؤالي!!!!
أنا بقلك.. الفكرة انو الـDNA فيه معلومات بتغطي خلايا الجسم كله وفي كتير فواصل بيناتها (وهي تمثل أغلبية الـDNA.. تخيلوا انو 2% فقط من الجينوم البشري تنسخ إلى RNA وتقريباً 10% من هالـ2% "ما" بيترجموا لبروتينات!) ولو كانت هالمعلومات (قصدي الـ2%) كلها بدها تنسخ وتترجم بكل خلايا الجسم كنا طلعنا ALIENS!! لأنو كل خلية بتقدر تعمل كل شي وعندها كل شي ومنفوخة وراسها كبير وما حدا قدها!
طيب كيف الخلية عم تنتج نوع معين من البروتينات!! الفكرة انو الخلية بحسب المكان اللي عم تقعد فيه عم تنتج بروتينات...
يعني اذا حطيناها بوسط يناسب تشكل خلايا كبدية رح تعطيني خلايا كبدية! وسط خلايا نقوية رح تعطيني خلايا نقوية!
طيب شو دخل الوسط المحيط؟ الوسط المحيط عم يحتوي على مواد كتيرة! منها عوامل النمو!
عامل النمو هدا ممكن يكون له مستقبل هلى سطح الخلية وممكن يكون له مستقبل داخل الخلية... المهم انوا بعدة تفاعلات بيوصل هالعامل أو عوامل تنتج بسببه إلى النواة وبتعمل معقدات نسخ بترتبط مع جزء معين ومعروف بالنسبة "إلها" من الـDNA.. وبتنسخه وبتحوله إلى RNA! يعني النسخ ليس عشوائي وانما من خلال معقدات!
المعقدات ممكن تفعل نسخ جزء معين من الـDNA من خلال اما تشغيل آلية النسخ أو تثبيط آلية كانت عم تثبط النسخ مثلاً!
وهيك الـDNA ما بيتسخ لحتى تجي هالمعقدات وتقله اشتغل!
وهيك كل خلية بتنتج شي بناء على الوسط المحيط فيها!

الموضوع بالتأكيد أعقد وأكبر من هيك بكتير (وإلا كان صار عنا مصانع كبد ومثانة وكلية!) ولكن هي فكرة مبسطة عنه Eye-wink
(ملاحظة -مرة تانية- قد يكون جزء من الحكي اللي قلته غير صحيح 100% ولكنه بسيط وسهل الوصول)
إن شاء الله كون قدرت فيدكم وساعدكم..
والله أعلم!

موفقين Eye-wink

SAMO's picture
SAMO
السنة الخامسة


شكراً جزيلاً دكتور أسامة (( نفس اسمي )) Eye-wink

يعني من شرحك نستنتج :

- نسخ المعلومات على DNA إلى mRNA ثم تترجم التعليمات الوراثية إلى بروتينات (( tRNA يقوم بنقل الحموض الأمينية من الهيولى إلى الـ Ribosomes و تبدأ عملية الترجمة ))

- يتدخل في عملية الترجمة و تشكيل بروتين معين : الوسط المحيط بسبب احتوائه على عوامل النمو أو عوامل تنتج عنها ... هذه العوامل لها مستقبلات على سطح الخلية أو داخل الخلية ...تصل بتفاعلات إلى النواة و تتدخل في نسخ الـ DNA إلى RNA .. و هذا هو التدخل الحاصل من قبل عوامل النمو في الوسط على عملية النسخ ...

يعني كنتيجة : الوسط المحيط هو الذي يتدخل بشكل أساسي في تنوع الخلايا ...

هيك فهمت من الشرح و رجاءً إذا في خطأ بفهمي تصححلي دكتور ...

و شكراً جزيلاً على اهتمامك ...

Dr.Lacrymosa
السنة الثالثة

voilà!
Eye-wink

بس برجع بأكد انو "ممكن" تكون هي الفكرة الأساسية بشكل مبسط!
(وأنا بصراحة ما بعرف كل تفاصيله.. والفكرة اللي عندي عنه جزء منها قاريه وجزء منها سمعانه وجزء ربط من عندي)

موفقين Eye-wink

SAMO's picture
SAMO
السنة الخامسة


شكراً دكتور لمساعدتك ....
عطينا رأيك بمناقشتنا الثانية ... IVF ..
https://www.hakeem-sy.com/main/node/34622

Dr.Lacrymosa
السنة الثالثة
ابق على تواصل مع حكيم!
Google+