تصفح
دخول
تسجيل
نسيتها؟

حدّثني عن ستاجك في الخارج .


حدّثني عن ستاجك في الخارج .

حدّثني عن ستاجك في الخارج .تبدأ أنظار غالبية الطلاب بعد السنة الرابعة تتجه إلى الستاج في المشافي في أميركا و بريطانيا و الدول الأوربية .

بدايةً لماذا يتوجه الطالب و هو مازال طالباً للتفكير بستاج برا ، يعني مثلاً هل سيتحول إلى مبدع لمجرد قضاء شهرين في مشفى في الخارج في إحدى الأقسام؟

الشق الثاني من مشاركتي :

ماذا حول تجارب طلابنا الحكيماويين ؟ إلى أين توجهوا ؟ ما الستاج الذي اختاروه ؟ كيف هيؤوا نفسهم لغوياً طبياً نفسياً ؟ متى بدوؤا بالتحضير ؟بعد الرابعة ؟ بعد الخامسة ؟ خلال السادسة؟

طبعاً معظم زملائي الحكيماويين يخفون أمر تجاربهم ، و هذا من حقهم و من خصوصياتهم ، أمّا إن كنت ترغب بإفادتنا فكلّي آذان صاغية .

عالهامش : حدا طلع على ألمانيا بعد الرابعة .

عالهامش : حدا طلع على ألمانيا دون b2 كمستوى ؟

متى استعبدتم النّاس و قد ولدتهم أمهاتهم أحراراً ...............

جيانا's picture
by
السنة السادسة


up

hope1's picture
hope1


رح حاول جاوبك مع اني ماني بدولة اوروبية !!

Quote:
بدايةً لماذا يتوجه الطالب و هو مازال طالباً للتفكير بستاج برا ، يعني مثلاً هل سيتحول إلى مبدع لمجرد قضاء شهرين في مشفى في الخارج في إحدى الأقسام؟

في نوعين من الطلاب : طلاب بياخدو مبادرة الستاج برا وطلاب بيقلددو مبادرة الستاج برا
هلق لحتى نحكي بشكل عام واكيد في استئناءات ولكل حالة وضع خاص ولكل طالب وضع وحالة مادية وحالة علمية ....
طلاب بعد السنة الرابعة بيعملو ستاج لعدة اسباب منها اللغة ومنها تقوية حالهم طبيا والاطلاع على جو المشافي برا ( يعني واحد بدو يعمل شي ببريطانيا بيقوم بيروح بيشوف شو الوضع وشو النظام وهيك قصص)
واكيد طبعا عنا رسائل التوصية اللي بياخدوها من برا وهي عامل كتير اساسي بطلعات الستاجات ...
هلق هدول العوامل الاساسية برأيي وطبعا قلت بتختلف تبعا للشخص واولوياتو وحالتو المادية

Quote:
ماذا حول تجارب طلابنا الحكيماويين ؟ إلى أين توجهوا ؟ ما الستاج الذي اختاروه ؟ كيف هيؤوا نفسهم لغوياً طبياً نفسياً ؟ متى بدوؤا بالتحضير ؟بعد الرابعة ؟ بعد الخامسة ؟ خلال السادسة؟

بالنسبة الي انا رحت على الـ AUH وهية مشفى الجامعة الأميركية ببيروت AUB واخترت ستاج بالمستوصف تبع المشفى يعني internal medicine ... مانو ستاج واحد هو مجموعة ستاجات مع بعض
يعني بيفوت المريض وبيكون عندو مليون قصة شي سكري شي ضغط شي رثياني شي وجع ادن يعني من مجميعو .. ماحضرت حالي لغويا لأنو لغتي ماشي حالها( هيك كنت مفكر Rolling Eyes بعدين اكتشفت قديه لغتي سيئة لما اجيت لهون Laughing out loud Laughing out loud ) اما طبيا فجبت معي كم كتاب فقط لا غير وكل ما بشوف حالة بشوفها على الانترنت او بالكتاب وبرجع بتذكر شو آخد عنا بالكلية وشو قاري عنها بالمراجع ... نفسيا ما استعديت لأنو بيروت ما بدها استعداد Laughing out loud ساعتين بكون ببيتنا Laughing out loud Laughing out loud
هلق بلشت بالتحضير من بداية السنة الرابعة لأنو الـ OPD ( الستاج اللي انا آخدو ) كتير تنافسي وبيمتلو المحلات فيه بسرعة لهيك راسلت بكير ...
بالنسبة للتوقيت انا رح قلك وجهة نظري : اول شي انا رح اطلع بعد الرابعة لأنو بين الخامسة والسادسة رح كون عم ادرس ستيب وعم حضر بعد الستيب للـ CS وهيك قصص بقا يعني بين الرابعة والخامسة منيحة بالنسبة لمخططاتي ...وطبعا كل مرحلة الها ستاجاتها.
أخيراً اللي بدو يطلع ستاج لازم يقارن بين الفائدة وبين التكلفة لأنو كتير مهمة القصة وخاصة انو معظمنا من الطبقة الوسطى، بالستاج رح تسفيدو من اللغة والاختصارات الطبية واللغة الطبية بشكل كتير قوي ورح تستفيدو علميا من آخر المستجدات وطبعا السفر بيقوي الشخصية وبيخلي الانسان ناضج أكتر واكتر اعتمادا على نفسو وفي كتير محاسن للستاجات ولكن كلها بتوقف عند التكلفة ...
اكيد شهر ببيروت لا يماثل شهر باميركا من ناحية التكلفة بس شهر بأميركا يماثل شهرين ببيروت مارح احكي عن الناحية العلمية لأنو اكيد في مشافي ببريطانيا الواحد بيتمنى يقعد فيها اسبوع وبأميركا كمان، الوضع بالـ AUH جيد بالنسبة للطالب اللي بدو يستفيد ...
هدول بالنسبة للستاجات اللي مانهم ضروريين جداً ( يعني مو متل ستاجات الخبرة الاميركية us clinical experience ).
هدول مبدئيا اجوبة على استفساراتك ... اذا طلع معك اسئلة تانية اسئلي ونحنا جاهزين نجاوب ..

jemeni_boy's picture
jemeni_boy
السنة السادسة


شكرا لك أخي العزيز

طيب :

Quote:
ماحضرت حالي لغويا لأنو لغتي ماشي حالها( هيك كنت مفكر بعدين اكتشفت قديه لغتي سيئة لما اجيت لهون

ليش في الجامعة الأميريكية ببيروت يتحدثون الانكليزية؟؟

كمان سؤال : كيف كانت التكلفة ببروت؟ أقصد تكلفة الجامعة .

جيانا's picture
جيانا
السنة السادسة


I'll write about my elective in USA later inshallah, when I'll be in Syria ( end of Sept )

my elective: General Surgery & Vascular Surgery

Dr.mTm's picture
Dr.mTm
بعد التخرج

Quote:
ليش في الجامعة الأميريكية ببيروت يتحدثون الانكليزية؟؟

كمان سؤال : كيف كانت التكلفة ببروت؟ أقصد تكلفة الجامعة .

شو يتحدوثون الانكليزية !!! اي احسن من الأميركان والله !!!!!
والدكتور هون لما بيشرح شي بيحكي انكليزي وبس والطالب بيقدم الحالة بالانكليزي والتشارت تبع المريض بالانكليزي وكلشييييييي انكليزي .. ما بتحكو عربي غير مع المريض .

التكلفة والله مو كتير يعني اللي بدو يضب ايدو بيقدر .. رح تكاليف تقريبة :
السكن يبدأ من 270 دولار للشهر بدورم الجامعة للغرفة المشتركة ( انا قعدت بدورم الجامعة مع رفيقي طالعين انا وياه من سوريا ودفعت 270$ ).
وفي عندك اوتيلات بتستأجرو فيها الغرفة لمدة شهر وعندك فنادق بتبلش من 400 دولار تقريبا ولحد 800 دولار .
وسطيا السكن 400 دولار .
الاكل ... كتير غالي الاكل ببيروت جدا يعني منقوشة زعتر حقها 60 ليرة ! بس كبيرة يعني بتطلع 2 منقوشة من اللي عنا .
بس بيقدر الواحد يدبر حالو بـ 500 ليرة سورية يوميا بالنسبة للأكل ( اكيد نحنا شباب يعني مناكل ضعفين البنت واحيانا اكتر ) ...
طبعا في سوبر ماركت قريب عالجامعة بتقدري تجيبي منو كل المستلزمات الاولية اللي بتحتاجيها وبتقدري توفري بأنك تجيبي شوية غراض من سورية ( دوا غسيل يقديكي لشهر - زعتر - قنينة زيت قلي - معجنات مفرزة ...إلخ ..)
طبعا بالعطل ممكن تطلعو برات بيروت والطلعات ماكتير بتكلف ...
بالمجمل مو أكتر من 50 ألف سوري ... قابل للضغط لحتى يوصل لـ 35 الف ... وقابل لأنو يزيد حسب شو بيصرف الشخص هون ، يعني بيعيش الواحد هون بـ 100 ليرة وبيعيش بـ 1000 ليرة وبيعيش بمليون ...
بس وسطيا 50 الف سوري قابلة للضغط.

jemeni_boy's picture
jemeni_boy
السنة السادسة


Eye-wink

dr.napoleon's picture
dr.napoleon
طالب دراسات عليا

Dr.mTm wrote:
I'll write about my elective in USA later inshallah, when I'll be in Syria ( end of Sept )

my elective: General Surgery & Vascular Surgery

بانتظارك تحكيلنا عن تجربتك .

جيانا's picture
جيانا
السنة السادسة


يعني إذا بدنا نعمل ستاج بالAUB الصيف القادم لازم نراسل من هلق؟؟

hope1's picture
hope1


فيك تبلش مراسلة بشهر 11 ، او 12 يعني قبل 6 شهور تقريبا ...
بس في للاختصاصات اللي ماعليها عجقة كتير فيك تراسل قبل 3 شهور ...
بتحتاج صورتين وكشف علامات و40 دولار وبتعبي الطلب اللي بتقدر تلاقيه على الويب سايت تبع الجامعة وبتخلي المراسلات تكملك الطلب وتوقعو من العميد وتختمو وبعدين بتبعتو ...
بيردولك خبر على الايميل انو تم قبولك والفترة اللي انقبلت فيها.

jemeni_boy's picture
jemeni_boy
السنة السادسة


ليس للحكيمات نصيب من ستاجات و مغامرات؟

جيانا's picture
جيانا
السنة السادسة


بما أنو بدأ الجد فلازم نرجع لهي المشاركة Surprised
مشكورة زميلتي جيانا عالفكرة ومشكور دكتور jemeni_boy على المعلومات وعلى التفاعل بما أنو يلي تفاعلوا كتار كتير Shocked فعنجد لك شكر خاص جداً
عندي كم سؤال صغار إذا في مجال:

Quote:
بس في للاختصاصات اللي ماعليها عجقة كتير

طيب شو هي الإختصاصات يلي عليها عجقة وشو يلي ما عليها؟

وكطالب رابعة طالع عالخامسة شو بتنصحونا نعمل ستاج بمعنى آخر شو أكتر ستاج ممكن نفهم فيه ونستفيد أقصى فائدة؟

شكراً جزيلاًEmbarrased

Pink-Foreigner's picture
Pink-Foreigner
السنة السادسة

Quote:
وتوقعو من العميد وتختمو وبعدين بتبعتو .

ببعتو بالبريد؟
و كيف بلاقي عنوان البريد؟

.............

سؤال تاني : ممكن غستفيد كطالب رابعة إذا عملت ستاج غدّية؟؟

...
شكراjemeni_boy

h a r m o n y's picture
h a r m o n y


واجبي ساعدكم Very Happy

بالنسبة للأسئلة :

Quote:
طيب شو هي الإختصاصات يلي عليها عجقة وشو يلي ما عليها؟

الاختصاصات اللي ما عليها عجقة مثلاً : دموية و oncology و family medicine وrehmatology
الاختصاصات اللي عليها عجقة هي مواد الرابعة يعني هضمية وقلبية وصدرية و ENT والأطفال ...
بس لما بقول عجقة يعني لما بتقدمو بشهر 3 وانتو بدكم تطلعو بشهر 7 فغالباً مارح تلاقو محل ...

Quote:
وكطالب رابعة طالع عالخامسة شو بتنصحونا نعمل ستاج بمعنى آخر شو أكتر ستاج ممكن نفهم فيه ونستفيد أقصى فائدة؟

الفائدة نسبية لأنو متل هون بفرد شكل ... الواحد لازم يتعب على حالو لحتى يستفيد
يعني الواحد اذا اشتغل على حالو وحاول يجرب كلشي وحاول يشوف كلشي فأكيد بيستفيد شو ما كان ستاجو
ولكن من تجربتي ... انا اخدت OPD Internal Medicine يعني مستوصف الطب الباطني ... شفت فيه كلشي باطنة وحتى احيانا شفت شغلات عينية بالأمراض المفصلية وشفت كمان شغلات ادنية .. والمحاضرات اللي بيعطوها الدكاترة بالمستوصف جدا رائعة ...
في عالم عملت family medicine وكل ماكان عنا محاضرة بالقسم يجو لعنا ويحضروا معنا لهيك استفادو كتير ... وعالم داومت بالـ ER كمان اتعلمو شغلات ...
في رفيقي كان ستاجو oncology وكتير استفاد ... وفي عالم ستاجاتهم هضمية وقلبية وصدرية منهم مين استفاد ومنهم مين ما استفاد ...
بس بنصحك من تجربتي وتجربة رفقاتي اللي كانو معي انو تختاري واحد من الستاجات التالية :
OPD internal او pediatrics أو endocrinology (لاحقا بجاوب على سؤال ستاج الغدية) ...
pulmonary و family medicine ...
والأفضل OPD هو الأفضل بحكم تجربتي الشخصية لأنو بيمر معك كل الباطنة بيجيكون حالات مهضومة لإن كانت حالات جديدة أو متابعة.. الأسوء هي الجراحة (إلا اذا كنتو مهووسين بأنو تحضرو عمليات !!!! ) ...

Quote:
ببعتو بالبريد؟
و كيف بلاقي عنوان البريد؟

اي بتبعتوه بالبريد أو بتسلموه باليد ( في عالم حاولت تبعت بالفيدكس أو الـ DHL بس نظراً لوجود المبلغ المادي ماقدروا يبعتلو ) وبتلاقي العنوان على الابلكيشن .
مرة أنا سألتو للمسؤول عن شؤون الطلاب انو ممكن حول المبلغ كحوالة أو بالويسترن يونيون وجاوبني انو ممكن .. لهيك صارت الخطة كالتالي :
منبعت الطلب والمصاري عن طريق البريد ...
منسلم الطلب والمصاري باليد ...
منبعت الطلب بالبريد ... ومنسلم المصاري على شكل حوالة ...
بالنسبة ألي انا طلعت سلمتو باليد .. يعني عملت رحلة نهار واتسليت أنا ورفيقي وعلمت سياحة Cool

Quote:
سؤال تاني : ممكن غستفيد كطالب رابعة إذا عملت ستاج غدّية؟؟

والله متل ما قلت سابقا الاستفادة نسبية ... الغدية حلوة وبتمرق معك شغلات حلوة بس بدك تحضرلها ... في شغلات كتير بالغدية وخاصة الأورام تبع الغدد والقزامة والعملقة وانقطاعات الطمث البدئية والثانوية هنن حالات تعتبر شائعة لهيك بدو الواحد يحضر منيح قبل ما يطلع منشان يستفيد الاستفادة العظمى ... الستاج ما بتتعلم فيه مادة جديدة .. الستاج بتتعلم فيه معلومات جديدة عن شغلة انت بتعرفها سابقاً ...

ملاحظة عجنب : نصيحة مني لا تفكروا بمدة طويلة بالـ AUB يعني مو اكتر من شهر ...
لأنو اذا كنت من العالم اللي بتصرف كتير يعني رح تحط بالشهر حوالي 1000 دولار يعني بالشهرين 2000 دولار ... ( نحنا حكينا عالتكلفة وانو ممكن تنضغط)
لهيك كلفة شهرين بالـ AUB بتطلعك شهر على بريطانيا !!!!!!!!!!!!
يعني اذا بدها تكلفك طلعة AUB بين 75 إلى 90 الف ... لا طلاع شهر على بريطانيا ...
وهاد رأيي الشخصي ...

يلي بحاجة لمساعدة بتعباية الطلب انا بساعدو .. وانا جاهز لأي استفسارات تانية ...
موفقين ...

jemeni_boy's picture
jemeni_boy
السنة السادسة

Quote:
بدايةً لماذا يتوجه الطالب و هو مازال طالباً للتفكير بستاج برا

برأيي أن من أهم الأسباب هو أن تعرف ما هو الستاج (الستاج اللي منعملو بالمشفى عنا مو ستاج Shocked )

Quote:
يعني مثلاً هل سيتحول إلى مبدع لمجرد قضاء شهرين في مشفى في الخارج في إحدى الأقسام؟

هذا يعتمد بشكل رئيسي على مجهودك الشخصي وعلى مدى تحضيرك للستاج

Quote:
إلى أين توجهوا ؟ ما الستاج الذي اختاروه ؟

قمت بعمل ستاج هضمية وستاج صدرية في بريطانيا في مدينة ليفربول

Quote:
كيف هيؤوا نفسهم لغوياً طبياً نفسياً ؟

لغويا: قمت بعمل عدة دورات لغة إنجليزية وقمت بقراءة بعض المواد أو بعض المواضيع باللغة الإنجليزية على مدى السنوات السابقة
طبيا: هذه تحتاج للكثير من العمل، فللأسف يوجد لدينا ضعف في كثير من الأساسيات، لذا جعلت من أولوياتي التغلب على أكبر عدد ممكن من نقاط الضعف لدينا، نقاط الضعف الموجودة لدى معظمنا:
1- أخذ القصة المرضية بشكل منهجي ومرتب مع عدم إغفال أي نقطة
2- الفحص السريري بشكل منهجي (مع التركيز على الجزء المتعلق بالستاج)
3- معرفة أساسيات الفيزيولوجيا والتشريح والفيزيولوجيا المرضية للجهاز المتعلق بالستاج
4- معرفة الأدوية التي قد تمر عليك في الستاج (يكفي معرفة المجموعة التي ينتمي لها الدواء وآلية عمله)
5- إتقان قراءة الصور الشعاعية وخاصة صورة الصدر البسيطة
طبعا لم أقم بكل هذه الأمور لضيق الوقت، ولكن برأيي أن هذه الأمور أهم بكثير من القراءة عن الحالات السريرية التي قد تمر معك بالستاج من ناحية تشخيصها وعلاجها ...
نفسيا: عندما تحضر نفسك لغويا وطبيا تكون قد حضرت نفسك نفسيا أيضا، بالإضافة لذلك يفضل أن تسأل من سبقوك بعمل ستاجات في الخارج عن كل ما قد يخطر على بالك مهما كان صغيرا وسخيفا، فكلما عرفت أكثر كلما ارتحت أكثر

Quote:
حدا طلع على ألمانيا بعد الرابعة

أعرف اثنين من دفعتنا ممن ذهبوا إلى ألمانيا بعد الرابعة

Dr. Agha
بعد التخرج


لي عودة مفصلة ان شاء الله في وقت لاحق

DR-MAK


عندما يعود لابتوبي من العناية المركزة إن شاء الله Crying or Very sad

Inspector's picture
Inspector
السنة السادسة


تحياتي لكم جميعا، كنت قد وعدت بالتحدث عن تجربتي بالولايات المتحدة عن ستاجات الجراحة بعد عودتي وأتأسف عن تأخري بالرد ولكن لم أكن أجد الوقت وأيضا وجود مشاكل بالاتصال بالانترنت من المنزل لدي ساهم في ذلك :

Quote:
بدايةً لماذا يتوجه الطالب و هو مازال طالباً للتفكير بستاج برا ، يعني مثلاً هل سيتحول إلى مبدع لمجرد قضاء شهرين في مشفى في الخارج في إحدى الأقسام؟

يختلف هدف الطلاب عادة بين عدة أمور لاتخرج عادة عن : أخذ نظرة عن قرب على نظام الدولة التي ينوي الاختصاص بها ومعرفة المعلومات عن قرب وعن طرق مقاربة المريض لديهم وما إلى ذلك، أو لتسهيل طريق الاختصاص وهو الهدف الأهم عادة والأشيع، وقد يكون الهدف هو اللغة مع السياحة والحصول على نظرة عن قرب، وقد يكون من باب الموضة لا أكثر وطبعا كل الأهداف برأيي مقبولة حتى الموضة منها لأنها تساهم بصقل شخصية الطبيب وتوسعة مداركه لما فيها من اطلاع على الغير وطرقهم في أخذ الأمور.

أما فكرة سيتحول إلى مبدع فهي ليست دقيقة لأنه لاقضاء شهر ولاشهرين ولاسنة كفيلة باعطاء الخبرة الكاملة في أي مجال ولكنها من المؤكد سوف تجعل الطالب يطلع على أمور لم يكن ليراها داخل بلده.

ولكن فكرة الستاج بحد ذاتها مهمة جدا وكطلاب أمريكان عادة ما يقومون بأداء ستاجات في ولايات غير ولاياتهم وأيضا الطلاب البريطانيين من المطلوب لديهم أن يقوموا بنفس الأمر، وفي الولايات المتحدة خصوصا سوف تجد في الستاج طلابا من كل أنحاء العالم ومنهم من لايفكر أبدا بالاختصاص في الولايات المتحدة أصلا.

Quote:
ماذا حول تجارب طلابنا الحكيماويين ؟

جاييكي بالحكي .

Quote:
إلى أين توجهوا ؟

USA-Michigan-Detroit

Quote:
ما الستاج الذي اختاروه ؟

General Surgery - Cardiovascular Surgery

Quote:
كيف هيؤوا نفسهم لغوياً طبياً نفسياً ؟

لغويا: بالدورات والأهم من ذلك هو المسلسلات والأفلام الأمريكية وخاصة الطبية والتي تتحدث عن الحياة الأمريكية بشكل عام.
طبيا : يجب أن تقرأ المادة التي تريدها باللغة الانجليزية. وفي الجراحة يجب أن تجهز نفسك تشريحيا بشكل جيد وأيضا أن تقرأ من كتاب يقدم الأسئلة الدارجة في كل عملية جراحية.
نفسيا: التحضير لغويا وطبيا هو الذي يجعلك نفسيا جاهزا وبصراحة السفر للولايات الأمريكية له شغفه وله رهبته وخاصة أول مرة، فبصراحة كنت خائفا قليلا قبل السفر وخاصة عما يحكى عن نفسيات الجراحين وأنا من القلائل الذين ذهبوا في ستاج جراحة في أمريكا ولم أجد أحدا لأستنير منه عن طبيعة العمل ولكن الله سهل والحمدلله.

Quote:
متى بدوؤا بالتحضير ؟بعد الرابعة ؟

التحضير للستاج والمراسلة كانت منذ أول السنة الرابعة تقريبا ولكن طبعا قراءة الكتب باللغة الإنجليزية بدأ قبل ذلك بكثير .

--------------------
سوف أتحدث عن الجراحة بشكل مفصل بشكل أكبر لأنه لم يكتب من قبل عن ستاج الجراحة في موقع حكيم :

بداية ستاج الجراحة يتميز عن باقي الستاجات بعدة أمور يجب أن تؤخذ بعين الاعتبار وخاصة لمن ينوي الاختصاص بالجراحة :

1- يتكون اليوم الجراحي من ( الجولة الصباحية ) ثم ( conference ) ثم ( عمليات ) ثم ( surgical leaning center ) ثم ( الجولة المسائية ) وقد يختلف هذا الترتيب إن كان في البرنامج ( trauma ) كما حدث معي، فكان من نصيب الفريق الذي كنت معه في الشهر الأول الحالات الجراحية الاسعافية والرضوض.

2- دوام الجراحة طويل ويختلف من مشفى لمشفى بحسب ضخامته وفي المشفى الذي كنت به وهو تقريبا الأكبر بالولاية كان الدوام من الـ 5 والنصف صباحا حتى الـ 7 والنصف ليلا أي 14 ساعة يوميا وقد تزداد على حسب الحالات الجراحية الاسعافية المفاجئة.

3- عمل عمل عمل: وجتى وجبة الغداء تكون لمناقشة حالات بعض المرضى الذين تعرضوا لحالة طوارئ فلا راحة لدى شباب وبنات الجراحة.

4- في الـ conference : مدته ساعة يوميا يختلف من يوم إلى يوم: فهي إما ( مناقشة حالات سريرية مميزة كانت في المشفى - research - محاضرة عن موضوع معين - quiz بحيث نقسم بحسب السنوات وتحدث مسابقة بيننا والأسئلة عادة نظرية مختلفة المحتوى - anatomy lap ونقوم به بتطبيق العملية على جثة حقيقية - عيادات جراحية - مراجعة عمليات ناحية معينة - محاضرة من جهة أخرى من المشفى - وهناك أمور أخرى نسيتها )

5- surgical leaning center : مركز متطور جدا نقوم به بتطبيق العمليات على دمى وأيضا القيام بالتدريب على المهارات السريرية المختلفة - التدريب على عمليات التنظير Endoscopy - وعلى عمليات المنظار Laparoscopy - وعلى المهارات الجراحية المختلفة كالخياطة والربط بيد واحدة أو اثنتين أو اللبس أو تعقيم الأيدي أو الأدوات الجراحية المختلفة والمناورات المختلفة ) وهناك أمور مختصة باختصاصات معينة لم نراها وخاصة بالجراحة العصبية والأوعية والتجميلية والقلبية.

6- لايوجد تقديم حالات في الجولات كما كنا نسمع عما يحدث في ستاجات الباطنة وانما الجولات لها نظام مختلف تماما.

7- عادة ما يكون في المشفى عدة فرق جراحية تسمى بالألوان ( الفريق الأخضر - الأصفر .. ) ويتكون كل فريق من attending + 2 Junior + 2 Senior + 2 Med Student 3rd&4th ويختلف عدد الأشخاص بحسب المهام المناطة به وصعوبتها وعددها.

التحضير :
في الجراحة يجب أن يكون تحضيرك مضاعف فأنت تحتاج لقراءة الموضوع نظريا من أي كتاب جراحي وأيضا لكتاب يقدم لك الأسئلة الشائعة التي يسألونها داخل الـ OR ولهذه المهمة كتاب Surgical Recall كافي ووافي.

الفائدة :
تختلف الفائدة بحسب الفريق الذي تنتمي اليه وشخصيات الأطباء كما هنا تماما فمنهم من لديه شغف التعليم ومنهم من تحتاج أنت لتسأله ليعلمك ولكن عادة هم أشخاص يحبون التعليم.
وأيضا عامل اللغة له دوره الأساسي بالستاج وأيضا مدى اجتماعيتك وحب الناس لك داخل المشفى وخاصة فريقك وأيضا مدى دراستك قبل الاستاج وأحيانا قد تتوفر كل هذه العوامل تجتمع ولكن نظام المشفى ليس جيدا تعليميا.

المراسلة :
عندما تفكر بستاج في الولايات المتحدة فيجب أن تضع في ذهنك أن تكون قد قدمت Step 1 وإلا فالخيارات أمامك جدا ضيقة.

فكما بريطانيا أنت Observer فقط، فالولايات المتحدة الأمريكية لها نفس النظام مادمت لاتملك Step1 أو أنك في السنة الأخيرة من كلية الطب، فقليل هي الجامعات التي تمنحك ستاج من نوع Elective وأنت لاتملك الشرطين السابقين.

وان كنت تملك أحدا من داخل الوسط الطبي حتى لو لم يكن في نفس المشفى فعادة ما يكون له القدرة على تأمين ستاج فالواسطة أو التوصية من أحد الأطباء لها دور كبير في تغيير أكبر الشروط الموضوعة لأي جامعة أو مشفى.

وضعنا مقارنة معهم:
نظريا في الجولات أو بالعمليات أو بالـ Quiz فنحن متقاربين أو قد نتفوق عليهم بالناحية النظرية.
عمليا على أرض المشفى نحن لسنا طلاب طب أصلا مقارنة معهم، فنحن لم تعودنا جامعتنا على أن نستلم مريض من طقطق إلى السلام عليكم وهذا ما تقوم به جامعتهم.

المسموح والممنوع:

كنظام فأنت ممنوع حتى من استجواب المريض ولكن هذا لايحدث أبدا، فهم يريدونك أن تستجوب وأن تفحص وتقوم بكل شيء كالطالب الأمريكي.
في أول اسبوع عادة الطلاب والأطباء يمشون على القوانين، لاحقا وعندما يكتشفون أننا نحب العلم ولدينا ذخيرة علمية لابأس بها ونحضر دائما على الوقت فعادة ما يدعونك تفعل كالطالب الأمريكي وأكثر أحيانا وخاصة إن كنت ممن يتقنون الخياطة الجراحية من سوريا وبعد أن تسأل الدكتور ويعطيك الموافقة ومنهم من لايريد كل وجع الرأس ويطلب منك الوقوف على الساحة الجراحية فقط. لذلك دائما كن كما يريدونك وأبدي الاهتمام فهم يقدسون من يحب العلم إلى أبعد الحدود.

التكلفة :
تختلف من ولاية إلى أخرى ومن فترة إلى أخرى ومن وضع إلى آخر.
فإن كنت في نيويورك فأنت تحتاج على الأقل 1000 دولار للمعيشة + 700 وسطيا للسكن.
أنا كنت في مشيغن ويكفي 500 دولار إن كنت ممن يصرفون بشكل كبير مثلي + لاحقا استأجرت غرفة مع أحد الأشخاص بالقرب من المشفى ووسطيا تكلف بين الـ 300 والـ 700 .
الصيف دائما أغلى من الشتاء.
إن كنت تستخدم النقل الداخلي أو تريد أن تستأجر سيارة أيضا يختلف الأمر.
تذكرة الطائرة تختلف من الصيف إلى الشتاء بالسعر إلى النصف ومن شركة إلى أخرى.
ولكن عادة في الزيارة الثانية سوف تحتاج إلى مبلغ أقل من الأولى لأنك عرفت كيف تجد الأرخص والأفضل.
أنا شخصيا كلفتني 2000 دولار + 1400 تذكرة طيران على الفرنسية. شملت الـ 2000 دولار تذكرتين طيران داخل أمريكا ومشتريات وهدايا وسياحة بحدود الـ 800 دولار.

هذا الكلام قد يختلف بين المشافي المختلفة وهذا ما لمسته مع أحد أصدقائي الذي كان في مشفى في مدينة مجاورة وأيضا ستاجه جراحة وذكر لي أمورا تختلف عن وضعنا في المشفى.
المشفى الذي كنت به من المشافي التي لاتقبل طلاب أجانب إلا عن طريق كفالة أحد الأطباء أو من الـ CEO

أتمنى كون عطيت فكرة كاملة وشاملة عن ستاج الجراحة في الولايات المتحدة الأمريكية as observer
وبالتوفيق للجميع وأي سؤال أنا جاهز

Dr.mTm's picture
Dr.mTm
بعد التخرج


شكرا كتييييييييييير عبد الله ........

mbs2380's picture
mbs2380
بعد التخرج


مشكور دكتور

Pink-Foreigner's picture
Pink-Foreigner
السنة السادسة


شكرا جزيلا عالقوس تربيع ..

جيانا's picture
جيانا
السنة السادسة


حلو ..
رح حاول حط تجربتي قريبا إن شاء الله

موفقين

horizons's picture
horizons
السنة الخامسة


حلو ..
رح حاول حط تجربتي قريبا إن شاء الله

موفقين

horizons's picture
horizons
السنة الخامسة


لسه ما خلصت تجربتي لأكتبها بس بأقرب وقت رح أكتبلكم بالتفصيل عن رأيي وتجربتي

DR-MAK


السلام عليكم !

بالبداية بعتذر عن التأخير بكتابة تجربتي عن الستاج بس كنت نسيان الموضوع ومن فترة ذكرني أحد الأصدقاء ..

Quote:
بدايةً لماذا يتوجه الطالب و هو مازال طالباً للتفكير بستاج برا ، يعني مثلاً هل سيتحول إلى مبدع لمجرد قضاء شهرين في مشفى في الخارج في إحدى الأقسام؟

أهداف الستاج في الخارج عديدة جداً تختلف حسب توجهات كل طالب ولكن أستطيع إجمالها بخمسة نقاط : التعرف على النظام الطبي ونمط المعيشة في البلد الذي تنوي الاختصاص به أو بشكل عام البلاد الغربية , الممارسة الفعلية للستاج الذي تدربت عليه مسبقاً, ممارسة اللغة الانكليزية بشكل أكبر, الحصول على رسالة توصية جيدة, وأخيراً السياحة وشمّ الهوا "أكييييد" Surprised
ولا يخفى على أحد أهمية السفر الذي يعطي للإنسان الخبرة والصقل الاجتماعي والنظرة الأبعد للمجتمعات الأخرى والتعرف على أنماط حياة مختلفة وطرق تفكير مختلفة.
أما أنك ستتحول إلى مبدع بقضاء شهرين بالخارج فهذا بالطبع كما تفضل غيري يعتمد على تحضيرك المسبق للستاج ومدى انخراطك بالتيم تبعك ومدى محبتك للستاج اللي عم تعملوا .

Quote:
ماذا حول تجارب طلابنا الحكيماويين ؟ إلى أين توجهوا ؟ ما الستاج الذي اختاروه ؟ كيف هيؤوا نفسهم لغوياً طبياً نفسياً ؟ متى بدوؤا بالتحضير ؟بعد الرابعة ؟ بعد الخامسة ؟ خلال السادسة؟

ستاجي كان في بريطانيا في لندن, ستاج هضمية بجامعة St.George's ست أسابيع تقريباً مع Dr.Daniel Forton , Consultant Gastroenterologist أخصائي كبد وطرق صفراوية .

التحضير يعتمد على توجهاتك العلمية , ولكن يجب التحضير جيداً للستاج في الخارج خصوصاً أن الفائدة بالنهاية تعود لك , لن تجد من يهتم بك أو يعتمد عليك ما لم تكن ملماً وعندك المعلومات والخبرة الكافية لتحكي بجرأة وثقة بالشي اللي عندك ياه وتصير عضو فعال بالتيم اللي عم تشتغل معه .
لغوياً : قمت كذلك بعمل عدة دورات لغة انكليزية وقمت بدراسة موادنا باللغة الانكليزية . ويجب الاهتمام بشكل جيد باللفظ الصحيح للمصطلحات والكلمات الطبية "Stedman" .
لدينا مشكلة حقيقية بالسريريات , الطب ممارسة وليس معلومات تدرس من الكتب فقط . ستجد أن الكثير من الأمور هناك غير مطلوبة منك تعرفها وتستطيع الحصول عليها بأسهل الطرق "انترنت, كتب كفية, PDA"
ولكن بنفس الوقت من المعيب بحقك أو بحق أي طالب طب سنة رابعة أو خامسة ما يعرف يقيس ضخامة كبد أو ما يعرف يسمع أصوات قلب أو ما بعرف مثلاً يساعد بعملية بزل حبن, أو على الأقل يأخذ قصة مرضية مفصلة بوقت قياسي مع فحص سريري كامل. هي الأمور هي أ ب الطب ولازم نتقنها هلأ قبل بعدين ..
ناهيك عن الأمور الأساسية اللي الحمد لله صار في شوية اهتمام فيها بالفترة الأخيرة : تتعلم تشتغل كل الشغل اللي بيتشغلوه الممرضات وطلاب الـ F1 وبهالنقطة في كتير عالم بجوز تختلف معي !

رح أحكي بشكل مختصر وسريع عن يومي الروتيني اللي بالمشفى وسأترك التفاصيل للمهتمين بشكل جدّي لوقت لاحق .

عندك team بتشتغل معهم مكون من أربعة أو خمس دكاترة مع طالب أو اتنين أو حتى تلاتة "حسب فترة ستاجك"
كان يومي يبدأ الساعة التاسعة صباحاً كنت أطلع عالشعبة ward تبعي وكنت آخذ نسخة باسمي جدول لأسماء المرضى وأرقام ملفاتهم, التشخيص المبدئي, الخطوط الحمراء العريضة لمرضه, وشو ناويين نعملو.
كنا كل يوم نبلش ونتقاسم المهام كان كل واحد يستلم عدة مرضى يقرأ ملفاتهم وويشوف تطورات مرضهم بعدين نشوف عالكمبيوتر آخر نتائجهم FBC, LFTs, Crea, Urea, ... etc
وكنا نسجل الـ OBS تبعهم على ملفات المرضى قبلما نفوت لعندهم. منحضر الملف بعدما نكتب آخر المستجدات على Histroy Cheet تبعهم .
بعدين تبلش جولة نقسم حالنا أو أحياناً نمشي فيها كلنا عكل المرضى نقابلهم واحد واحد ونعمل فحص سريع ونركز على مرضهم بالتأكيد, نقرأ الـ Bed Folder تبعه ونتأكد من كل الأمور بعدين منروح عالمريض التاني وهكذا, نسجل كل الملاحظات والـ Jobs to do على أوراقنا وعملفات المرضى مشان نرجع نشتغلهم بعدما نخلص الجولة.
كنا نخلص جولتنا على حدود الساعة 1 أو 1 وربع وبعدها كنت روح مع التيم تبعي نتغدى سوا أو أحياناً نجيب أكل ونأكل بنفس الشعبة للساعة 2 تقريباً ..
بعدين نرجع نتقاسم المهام مرة تانية وهون انت وشطارتك لتشتغل بايدك. شي مميز وما شفتو قبل هالمرة وحابب تشتغلوا : اطلب الاذن بطريقة مؤدبة وتعلمها أول مرة وما حيصدقوا على الله يعملوها شغلتك تروح وتجي وبتصير مع الوقت تأخد كل هالأمور وتعملها عنهم Eye-wink بأول أسبوع صرت حاول أتعلم شوف وأتعلم أكببر عدد ممكن من الاجراءات اللي كانوا يعملوها : سحب دم, بزل حبن, فحص عصبي, كتابة تقارير, صور شعاعية, مهاتفة الـ GP لتأخد معلومات مفصلة أكتر عن المريض, تحويل عشعب تانية, تأخد المريض عالـCT أو MRI ..... الخ

ومع الوقت بتحس حالك صرت جزء من التيم وممكن يعطوك بيجر خاص فيك لما يلاقوا اهتمام جيد وانخراط على جميع الأصعدة "وحتى الاجتماعي منها" انتبه على كلمة انخراط وليس انحدار !!

كان يخلص دوامنا عالسعة خمسة أو خمسة ونص وأرجع عالبيت Very Happy

هلأ دكتوري كان الو جولتين بالأسبوع : الثلاثاء والجمعة : كانت تبدأ جولة كبيرة من الساعة تسعة الصبح نحضر فيها كل ملفات المرضى وبكون التيم مستنفر تماماً ومحضّر تقريباً كل كلامو ومستني التوجيهات ببعض النقاط من الـ CONSULTANT .
كان لازم نقدم بالجولة كل الحالات بوقت مختصر مع اعطاء تفاصيل عن آخر الفحوص والتطورات مع المريض .
كان مطلوب مني قدّم حالتين بكل جولة للدكتور, كنت أجي بكير أو حضرها قبل بيوم وقدمها خلال ثلاث دقايق مع اعطاء الـ suggestions تبعك وشو ناوي تعمل ! وهون لازم تثبت جدارتك وتعطي انطباعك الصحيح, وطبعاً مو غريب تغلط أبداً وبقللك الدكتور لأ بفضل نعمل هيك لأنو انت طالب وبالنهاية جاية تمارس وتتعلم .

كان عندي يوم الثلاثاء والأربعاء عيادة مع دكتوري بعد الغداء عالساعة 2 يعني عملياً خلّص من الجولة الصباحية وأتغدى وروح دغري عالعيادة معه وهون بكون ملعبك بأنك تحكي معو وهو يعرفك أكتر وتأخد وتعطي وتعرف عن نظامهم الصحي وطريقة تفكيرهم الطبية ومو غلط أبداً تفتح معو نقاشات بأي مجال خارج الطب وتطلب منو يعطيك المجال تأخد القصة وتناقش المريض الجاية .

كنت كل يوم خميس أطلع عالتنظير مع دكتوري من الساعة 8 الصبح للساعة 2 الظهر أحضر معو ومع الريجسترار الموجود حوالي ست عمليات تنظير مختلفة : تنظير علوي, سفلي, ERCP , .... الخ
بآخر أسبوع كان الريجسترار يعلمني كيف أشتغل بالقبضة لحالي براة المريض طبعاً وأكتب تقرير كامل عن المشاهدات والانطباع واقتراحاتك وطبعاً كنت فرجيه كل شي قبلما وقّعوا باسمي كطالب طب .

هي تقرير سريع مطول نوعاً ما عن ستاجي .. في كتير تفاصيل لن تجد متعتها حتى تعيشها ومو حلو ينشرح كل شي قبل وقتو مشان يكون عندك تجربتك الخاصة وتعيشها وتتعلم منها بنفسك Eye-wink

أي سؤال أو استفسار أنا بالخدمة وبحب بالنهاية أشكر كل الشباب اللي ساعدونا لوصلنا لهنيك وأشكر كل مين ساعدنا هنيك كمان : بشكر أنس وهبه "بطلي المفضل" Eye-wink , هشام جبر "ابن البلد" Laughing out loud , ياسر شحرور, خالد شعباني, أنس سليمان.... وشباب الخامسة كلهم عكل اللحظات الحلوة اللي قضيناها هنيك وبتمنى للجميع كل التوفيق والسلام عليكم ورحمة الله وبركاته .

DR-MAK


مشكور DR-MAK ..

بالتوفيق للجميع .

جيانا's picture
جيانا
السنة السادسة


عقبالنا Very Happy

DR_BJ
السنة الثالثة

Quote:
عقبالنا
Dr.Lacrymosa
السنة الثالثة
ابق على تواصل مع حكيم!
Google+