تصفح
دخول
تسجيل
نسيتها؟

إلى طلاب السنة السادسة 2009-2010 : تحركوووووووا ... اعتراض على قرار المقابلات بعد كل ستاج ...


إلى طلاب السنة السادسة 2009-2010 : تحركوووووووا ... اعتراض على قرار المقابلات بعد كل ستاج ...

أشد ما أستغربه هو سماعي الرفض القاطع لهذا القرار من معظم طلاب دفعتنا ومع ذلك لا أرى أحد يحرك ساكناً ...
يا جماعة القرار نفسو بزمانو اتطبق بجامعة تشرين والتغى بعد شهر أو شهرين بفضل تحرك الطلاب واعتراضهم عليه ...
ايمتى رح نآمن انو فينا نعمل شي بهالكلية ؟
ايمتى رح نآمن انو النا رأي لازم حدا يسمعو؟
خلونا نعمل شي بهالكلية يبقى ذكرى نتذكروا انو قدرنا نعمل شي وما رضينا تتجرب فينا القرارات ...
يا جماعة الستيبات .. ويلي حاملين مواد ... ويلي رح يحس بالستريس طوووووووول السنة من المقابلات (متلي) : انتو أشد المتضررين من القرار فليش ساكتين ؟؟؟ على علمي تلت رباع دفعتنا عم تدرس ستيبات ؟ وينكن؟؟؟؟؟؟؟؟؟؟؟
المهم يلي بدي قولو انو طلاب السادسة نحنا رح نجتمع نهار الأربعاء بعد بكرا انشالله أمام مشفى التوليد بالبرامكة الساعة 12 , ورح يكون معنا شباب يحكو ... رح نحاكي رئيس الهيئة الإدارية روح يكون معنا من اتحاد الطلبة والهيئة التنفيذية ورح نروح ع رئاسة الجامعة ونحاكي رئيس الجامعة و في حال شاف رئيس الجامعة الرفض الجماعي من الطلاب واقتنع فينا أكيييييد رح يطلع من هالاعتراض شي ورح يلتغى القرار انشالله ....
بس بدي من كل واحد رافض القرار يحضر معنا لأنو كل ما كنا أكتر بيكون أحسن ونص ساعة ما رح تأثر شي مع الواحد فينا فلا تقولوا ما رح يطلع منا شي عالأقل خلونا ناخد موقف ...
الموعد يوم الأربعاء الساعة 12 أمام مشفى التوليد بالبرامكة ....
سلام

by
بعد التخرج


وينكن ؟؟؟؟؟؟
لا حياة لمن تنادي ..

dr.amer
بعد التخرج

dr.amer wrote:
وينكن ؟؟؟؟؟؟
لا حياة لمن تنادي ..

آسف و لكن أنا أؤمن بالمقولة التالية
لا تنادي من لا حياة له

سمعت انو في ناس راحو على رئيس الجامعة فطلب منهون كتابة عريضة ويوقع عليها الطلاب وحسب ما فهمت أنو الشباب بالمدينة كانو مستلمين الموضوع وما بعرف لوين وصلوا...

بس في ملاحظة بسنتكم مميزة يعني شفت كتير سادسة جدد و المعظم كان انهزامي و لا يسعى للمواجهة

بالمقابل كان في نسبة منيحة من الطلاب عاجبها القرار و خصوصا اللي عندهون ستاج نسائية و جلدية آخر شي على حسب قولهم "يحقق الساواة و العدالة"

على كل القرار له ايجابيات و سلبيا و كل له منظوره للموضوع و لكن الأهم وإذا بقي القرار موجود فحاول أن تستغل الايجابيات و ما تبقى تندب طول السنة فالسادسة تعتبر تجربة مميزة بالنهاية

dr-askar
السنة السادسة

Quote:
الموعد يوم الأربعاء الساعة 12 أمام مشفى التوليد بالبرامكة ....

هل مازال الموعد قائماً ؟ .. أم ماذا ؟

Rosemary's picture
Rosemary
بعد التخرج


انا متل مافهمت في ناس مع القرار اول شي شوفوا الاغلبية مع مين
مابيصير اقلية من الطلب مشان مصلحتها الخاصة تحكي باسم كل الطلاب
على فكرة انا غالبا ضد القرار

nightmare
ابق على تواصل مع حكيم!
Google+