تصفح
دخول
تسجيل
نسيتها؟

استشارة طبية عاجلة محتار كتير بهالقصة !!


استشارة طبية عاجلة محتار كتير بهالقصة !!

السلام عليكم ورحمة الله وبركاته ..

من فترة سنة تقريباً خالتي عم تعاني من ألم شديد بالركبة بيزداد بالحركة وحركات الانحناء نحوالوحشي ..

انشغلت شوي للأسف عنها ومن فترة شهر وشوي أخذتها عأخصائي جراحة عظمية بعدما عجزت أخذت موعد مبكر مع الدكتورة س.ش .
شافها .. طلب صورة شعاعية بسيطة للمفصل بوضعيةالجلوس .. قال مافي أي مشاكل بالعظم Shocked طيب عدم المؤاخذة أنا سنة رابعة وهالشي مشكلتها غضروفية !! طيب حولنا لنعمل صورة MRI .
اضطريت سافر ولما رجعت انشغلت شوي وامبارح أخذتها عأخصائي تاني رفيقنا وحكى أنه لازم تعمل MRI
المشكلة "وهالشغلة عائلية" Evil كل العيلة عندها دسكات ما شاء الله .
فهي عملت سنة 1993 بألمانيا عملية تركيب صفيحيتن وأربع براغي بالفقرات القطينة الرابعة حتى العجزية الاولى .
الفكرة أني خايف أعملها MRI لأنه الصفايح والبراغي من الستانليس ستيل ودكتورها حذرها من أنه تتعرض للاشعاع . عم حاول أراسل الدكتور هنيك بالايميل أو بالتلفون بس ماعم بحسن ألقطه .
الفكرة أنه هي رافضة تماماً فكرة التنظير لأنه خايفة منها كتير ..

قلت لأستعين بخبرتكم لأنه حسبما شفت أنه مشكلتها "تنكس غضروفي" ولازم نعملها MRI بس كتير قلقان عشغلة الصفائح والتعرض للاشعاع ..

ممكن أستفيد من خبرتكم!
في ضرر طالما العملية من 93 ولا لأ ؟

وشكراً .

لو علِمْتمْ كَيْفَ يُدَبّرُ الرّبُ أمُورَكمْ لذابَتْ قلوبُكمْ مِنْ مَحَبته ♥ .

by

Quote:
عشغلة الصفائح والتعرض للاشعاع ..

المشكلة بالصفائح هو المغناطيس اللي بالMRI
بعتقد ما بيصير ينعمللها MRI

شو قصدك بالاشعاع؟

.b's picture
.b
بعد التخرج


عفواً خربطت ..

طبعاً قصدت المغناطيس

DR-MAK


طيب سواء في نقص بالسائل تبع المفصل أو تنكس أو مناقير أو أي شي المفروض يطلع على صورة شعاعية بسيطة و بسهولة كمان ,بعدين ما في شي اسمو خايف منو طالما أنه ضروري لصحته ....طالما أن هناك وسائل تشخيصية متاحة فلم المخاطرة؟

The Crash's picture
The Crash
طالب دراسات عليا


خلص بلاه الMRI تعمل CT أو الابسط U/S ايكو للركبة بايد خبيرة .
بظن يعني ما داء تنكسي يا مشكلة بالأربطة باعتبار في ألم بالانحناء للوحشي (شو هالحركة!!).

drhanadi's picture
drhanadi
طبيب مقيم


يا مو ما !!

drhanadi's picture
drhanadi
طبيب مقيم


CT... أو ايكو....
حاول تقنعها بالتنظير المفصلي....تشخيصي وعلاجي بنفس الوقت.....

Fouad's picture
Fouad
بعد التخرج


السلام عليكم

بالنسبة للقصة محمد، لازم الدكتور المختص ياخذ قصة كاملة مو مجرد ألم بيزداد عند الانحناء للوحشي. إضافة لهيك لازم الفحص السريري يكون كامل لمفصل الركبة (خصوصاً الحركات والمناورات المعروفة لتقييم الغضروف) ومفاصل الجسم كاملة.

التشخيص التفريقي ما بيشمل بس أمر غضروفي في الركبة. هيدي بعض التشاخيص التفريقية:

1. ألم ناجم عن انضغاط جذور نخاعية، ممكن يصير بهيدي النقطة بس، خصوصاً إنو في قصة سابقة لديسك.
2. ألم ارتدادي من مفصل الورك، إذا كان في مشكلة بالمفصل الوركي ممكن يتظاهر الألم بالركبة فقط.
3. ألم رثوي ناجم عن داء رثوي معين، حتى لو كان الألم مفصلي وحيد هذا ما بينفي أي داء رثوي. لازمها على القليلة صيغة عامة وESR.

أخيراً، بالنسبة لـ MRI الركبة فما بظن بصير تعرض لمكان العملية السابقة على العمود الفقري. يعني هو موضّع. بعدين هلأ الـ MRI بكون فيه إشعاع؟ جهاز الـ MRI لا يصدر إشعاعات. مبدأ عمله ناجم عن تحليل تغيرات الحقل المغنطيسي بذرة الهدروجين بالماء بالجسم. هذا المقال تعريفي عن MRI: http://en.wikipedia.org/wiki/Magnetic_Resonance_Imaging

معافاية ان شاء الله Eye-wink

KMG's picture
KMG
طبيب مقيم
ابق على تواصل مع حكيم!
Google+