تصفح
دخول
تسجيل
نسيتها؟

ما الخطوة التالية في تقييم عسرة البلع dysphagia؟


ما الخطوة التالية في تقييم عسرة البلع dysphagia؟

المعلومة

ما الخطوة التالية (من بين أ، ب) في تقييم مريض يعاني من عسرة بلع يقول أنها كانت على الطعام الصلب ثم تحولت لتصبح على السوائل في كل مما يلي؟ ولماذا؟

1- رجل 25 سنة غير مدخن وغير كحولي فقد 3 كيلو غرام من وزنه في آخر ست أشهر
2- امرأة 60 سنة مدخنة كحولية فقدت 10 كيلو غرام من وزنها في آخر شهرين

أ. Barium esophagography
ب. Upper endoscopy

المرجع

Medstudy 2007-2008

KMG's picture
by
طبيب مقيم


- رجل 25 سنة غير مدخن وغير كحولي فقد 3 كيلو غرام من وزنه في آخر ست أشهر
Barium esophagography
لانو هون احتمال الخباثة قليل ومنفكر بأسباب أخرى متل اضطرابات الحركة وبهالحالة ما بيصير نعمل تنظير قبل الصورة الظليلة خوفا من وجود رتج وانثقابه بالتنظير .

- امرأة 60 سنة مدخنة كحولية فقدت 10 كيلو غرام من وزنها في آخر شهرين

-Upper endoscopy

a.m.a's picture
a.m.a
طبيب مقيم


بمشي مع a.m.a

qusei


شو منشان "يقول أنها كانت على الطعام الصلب ثم تحولت لتصبح على السوائل"؟

KMG's picture
KMG
طبيب مقيم


اوووه يعني كمان 1 تنظير وخزعات Rolling Eyes

qusei

Quote:
شو منشان "يقول أنها كانت على الطعام الصلب ثم تحولت لتصبح على السوائل"؟[url=http

هل هالشي بينفي الاضطرابات الحركية تماما وبيستبعد الحاجة لاجراء الصورة الظليلة ؟

a.m.a's picture
a.m.a
طبيب مقيم


الفكرة كلها تكمن: هل يعتبر تحول عسرة البلع من الصلب إلى السوائل كما يقول المريض alarm sign ممكن ينقلنا للتنظير قبل الباريوم؟

أنا برأيي لا. وبرأيي لازم نعمل الباريوم قبل التنظير. شو رأي الباقي؟

KMG's picture
KMG
طبيب مقيم

Quote:
شو رأي الباقي؟

بمشي كمان الافضل باريوم بعدين تنظير

qusei

Quote:
هل يعتبر تحول عسرة البلع من الصلب إلى السوائل كما يقول المريض alarm sign ممكن ينقلنا للتنظير قبل الباريوم؟

كمان انا رأيي لاء

الاسلم هو التصوير الظليل قبل التنظير

اذا ما طلع معنا شي بالباريوم بنعمل تنظير ,ما بنخسر شي

a.m.a's picture
a.m.a
طبيب مقيم


هلأ عموما القاعدة هي أول INVESIGATION هي الباريوم بس أنا كمان بفكر حسب حالة المريض اذا مريضة مدخنة فقدت 10 كغ من وزنها خلال شهرين عسرة بلع متدرجة فليش لاعمل باريوم ويطلع معي ورم وارجع اعمل تنظير دغري بنظر وباخد خزعات وخلصنا وكمان بعتبر الوضع المالي للمريض ليش لكلفه فحصين وفيني اكتفي بواحد ؟

drhanadi's picture
drhanadi
طبيب مقيم

Quote:
الفكرة كلها تكمن: هل يعتبر تحول عسرة البلع من الصلب إلى السوائل كما يقول المريض alarm sign ممكن ينقلنا للتنظير قبل الباريوم؟

ممممم وأنا كمان معاكم بقول لأ مانها alarming feature (في أمراض حميدة Benign ممكن تعملها كمان متل الـEsophageal Stricture فوجودها لوحدها مو كافي لاعتبارها "علامة انذار بالخطر" برأيي) ..

هلأ في شغلة بالنسبة للـapproach تبع عسرة البلع إنو يمكن أغلب الكتب بتقول إنو باريوم بعدين تنظير ..
بس شوفوا شو قال ابن داود DavidSon بآخر منتجاته:

Davidson's Principles & Practice of Medicine 20E wrote:
Dysphagia implies significant disease and should always be promptly investigated. Endoscopy is the investigation of choice because it facilitates biopsy and dilatation of suspicious strictures. If no abnormality is found, then barium swallow, with videofluoroscopic swallowing assessment, will detect most motility disorders.

ومشان الذمة والضمير والوجدان أنا (خصوصا بهالحالة اللي عم نحكي عنها) ارتحت لفكرته وعجبتني أكتر بكتير (( نتأكد انو مافي شي خطير بعدين ندور عالسليم )) ..

SAMO's picture
SAMO
السنة الخامسة


أنا مو مع البداية بالتنظير لكلا المريضين لأنه ممكن أنا أدخل بالتنظير ولاقي الطريق أمامي مسكر وما إقدر فوت بالمنظار للمنطقة المتضيقة أبداً وهيك ما بستفيد شئ..
لهيك لازم إبدأ بالباريوم وشوف وضع المريض وقطر التضيق وإذا كان في حاجة بعمل التنظير لكن ومن جهة أخرى ممكن شخص المرض اللي عند مريضي وما إحتاج للتنظير من أصله..
دائماً لازم نأخدها قاعدة (إبدأ بالإستقصاءات الغير غازية وفي حال لم تشخص إنتقل للإجراء الغازي....)

ينبوع الأمل's picture
ينبوع الأمل
طبيب مقيم


برأيي الدكتور ABIM ممكن يساعدنا هون ...

ما بعرف بالضبط بس عندي فكرة أنو كلاهما لازم يروحو ع التنظير لأنو بالنهاية ما بقدر إجزم لشوف بعيني ... بس إذا Fist next step or not ماني متأكد.

.

Abu Azeez's picture
Abu Azeez


let me try
in both of them the golden standard for the diagnosis is upper endoscopy
why?
in the first case, we have a young man who has progressive dysphaagia, and wieght loss is always an alarm symptom in spite of him being younger and no-smoker and non-alcoholic, now while we are doing the EGD we can decide whether we should take biopsies if we find a leasion, or we can decide to proceed with manometry if the problem is with esophageal motility.

the second case doesn't really need that discussion, any dysphasia in older person, especially with alcohole and cigarrets, with alarm symptoms like wieght loss = EGD with biopsies.

dr.Omar can elaborate more.

barium studies are fading, if not obsolete ...

dr.tabban's picture
dr.tabban


بعد دراسة الموضوع من أكتر من مقال، غيرت رأيي حول هذا السؤال:

بالحالتين، لازم نعمل باريوم قبل الذهاب للتنظير منشان نكشف الطريق إدامنا.. برأيي الباريوم هي الخطوة الأولى في "كل" شكاوي عسرة البلغ، والتكميل نحو التنظير يجب أنو يتم في "أغلب" الحالات.

KMG's picture
KMG
طبيب مقيم


في طور القراءة شكراً لكم

Dr.TH's picture
Dr.TH
ابق على تواصل مع حكيم!
Google+