تصفح
دخول
تسجيل
نسيتها؟

ستب2، مجرد كلمات :)


ستب2، مجرد كلمات :)

لقد وعدت بالكلام وحقيقة لا أدري من أين أبدأ، وصلني عدد من الأسئلة آثرت الإجابة عليها على العام، يقرؤها الجميع فمنكم من يستفيد منها، ومنكم من يزيد عليها ( د.عياد، وبقية شباب الستب).

استطعت التسلل إلى ورشة عمل تقام للطلاب هنا تحدثهم عن الاختصاص والتمتيش مع المشافي للاختصاص، يا إلهي شو بيهتموا بطلابهم (وأكيد وهنن عم يدفعولهم 15 ألف $ بالسنة الوحدة-مو مثلنا 10$).
كان في مشكلة، وهي:
في السنة الماضية تقدم للماتش 200 طالب (وهم عدد طلاب الدفعة، وقد صدر القرار بأن يصبحوا 230 طالب-هنيئاً للقادمين)، واستطاع 188 أن يحصلوا على عقود في مشافي مختلفة، كانت الطامة الكبرى لم خرج 12 من الماتش.
جلس الخبراء هنا وجردوهم من فوق لتحت مع مراجعة كاملة لكل الأوراق التي قدموها .... كانت المشكلة كالتالي:
1- لم يضعوا عدداً كافياً من البرامج ليقوموا بالمقابلة معها.
2- أداء سيء خلال المقابلة.
3- شخصية سيئة.
4- أهداف مهنة غير حقيقية.
5- عدم قبول سماع النصيحة الجيدة (تيوس).

مشان هيك قرر مسؤولوا الطلاب هنا إجراء مقابلة لكل الطلاب قبل بدء المقابلات، وذلك ليعلموك أنك لن تستطيع التمتيش.
أي إن قالوا لك : لن تمتش => لن تمتش.
إن قالوا لك نجحت: ربما تمتش وربما لا (حسب أداءك ، ما حدا ضامن).

--------------------------
يتطلب الدخول للماتش هنا عدة أمور: منها التقييم الدراسي (وهو ليس بالعلامات: ناجح، راسب، ناجح مع شوية تكريم، ناجح كرم مشرف)، ورسائل توصية .... ما علينا.

تحدثوا عن أهمية personal statement ( ليش أنت مهتم بهالاختصاص -مو الطب، بل الاختصاص بحد ذاته-) وأنها المفتاح الذي تتمكن من خلاله من فتح قلب رئيس برنامج الاختصاص للحصول على المقابلة.
وتبين أن لها مجموعة من القواعد والطرق، لدي حالياً عدد كبير من الأمثلة الكاملة ستدهشون إن قرأتم ما يحوون.
أهمية الـCV وطريقة كتابتها ووضعوا مثالاً عن ذلك (أجمل ما في الأمر أنه هذه الأمثلة خاصة بطلاب الطب وليس بالعوام كما في مواقع الانترنت).
سأنسق مع دليل الطالب لتوفير هذه الأمور لكم.

المقابلة، وكيف يجب التصرف فيها كانت أحد أهم الأمور المحددة هل ستقبل أم لا. تبدأ المقابلة منذ وصولك للمدينة ودخولك المشفى، لا تعلم من سيساهم بقبولك عامل التنظيفات الذي نظرت إليه نظرة رديئة، أم رفاق السكن، أم المقيمون الذين قد تكون قابلتهم.
يريدون لاعباً "أخلاقياً" في فريق، لا يكفي أن تكون ذو علامات عالية.

ما أريد أن تعلموه أن الطلاب هنا مرعوبون، رأيت إحداهن تشد شعرها وهي تقول Stressed .. stressed، ومع ذلك لازال طلابنا يحظون بأماكن جيدة، فشدوا من هممكم إن المنافسة قوية.

جاؤوا بمجموعة من الطلاب الذين متشوا السنة الماضية:
1- جلدية (قدم على 102 برنامج، حصل على 15 مقابلة، واستطاع التمتيش بأحدها).
2- جراحة عامة (قدم على 60 مقابلة، حصل على 13 مقابلة، واستطاع التمتيش بأحدها، مع خطيبته -couple match لكن دخلت باطنة، ذكرت هذه المرأة شيئاً عن الخطط الثانوية وبأنها ممكنة التطبيق في حال لم تعتمد ما تريد -باطنة أو جراحة- أو في حال لم تستطع الحصول على ما تريد، كانت تريد الجراحة لكنها غيرت رأيها، لا أذكر السبب الحقيقي، لكنها كانت قد طلبت مقابلات باطنة وأخرى للجراحة -ممكن HHH يفيدنا بهالنقطة كونه بعث لبرامج باطنة وأخرى أطفال).
3- أشعة قدمت على 40 برنامج.
4- عينية قدمت على 60 برنامج.
5- تخدير، واستطاعت التمتيش في جامعتها.
6- نفسي في بيلر ( قدمت على 8 برامج، حصلت على 8 مقابلات، وقبلتها بيلر).

طبعاً كلهم بيحكوا إنكليزي مثل البلبل (لهجة أمريكية)، مبينين مفتحين وهنن نصحوا بمحاولة الذهاب قبل بفترة للمشفى والتعرف على الريزدنتس.
كانوا زعلانين على المصاري الي عم تكلفهم ياها المقابلة 500$ لكل وحدة بين سفر وسكن.
المهم هي الاختصاصات (يمكن ما عدا الأخير) تعتبر شديدة التنافس، لاسيما العينية وهي اهتصاص مطلوب جدا هنا.
ذكر بأن هناك 600 مكان جراحة عظمية لكن واحد فارغ (ما فهمت شو يعني).
ذكر بأن الجراحة العصبية استقلت وصار بدك تقدملها لحالها (ويمكن البولية والعينية نفس القصة).
---------------------------

ننتقل للحديث عن الستبات :
بعد كل هاللعي اللي فوق، وجدوا أن الستبات هي الـBest Equilizer ولاسيما الستب 2، رغم أنهم يدعون أنهم ينظرون إلى الستبين معاً لكنهم الاحصاءات بينت أن الاعتبار يتم على الستب2 (وجد أن الستب1 له دور في جراحة التجميل، الجلدية، الأشعة .... ).

وهذا معناه أن علامة الستب2 لها أولوية كبرى.

كنا نسمع أن الطلاب هنا جدبان، وما بيعرفوا نظري ومن هالحكي.
من بين الـ 200 طالب تبعات السنة الماضية 80 جابوا فوق الـ99 (18 فوق الـ260 للـ 274، و29 من 250-260 ).

-------------------------

هذا كان تقرير مفصل عما حدث في قاعة المؤتمرات، UTMB ، Galveston.
مراسل موقع حكيم
عبدالرحمن مراد.

لننتقل للحديث عن تجربة الستب 2، سأتكلم رأي وتجربتي وأؤيد أن يخالفني أي أحد فلكل عقل ويمكنه الحكم خذوا من هذا وضعوا من ذاك.

سأبدأ بالاستراتيجية التي عملت بها، ثم ما الطريقة المنصوح بها للدراسة.

السؤال الأول:
ستب1 أم ستب2 أولاً؟

كان هذا سؤالي قبل سنة و5 أشهر من الآن، وقضيت ما يعادل الثلاثة أشهر أسأل هذا وأسأل ذاك، معظم الطلاب كانوا قد عملوا ستب1 وبعدها ستب2 (السنة السابعة والسادسة)، لكن قلبي كان أميل لستب2.
كلمت الأصدقاء فعارض معظمهم ولم يكن معي إلا العزيز دادو، بعدها ساندتانا العظيمتان بينكي وحكيم، صرنا أربعة وماعد يلزمنا حدا.
جلسنا مع بعضنا كشلة وعرضت عليهم إيجابيات وسلبيات كل الأمرين من وجهة نظري واستغرق الأمر أسبوعاً حتى وافقوا على القلب لكنني قلت لهم لا علاقة لي بذلك قلبتم عن قناعة، الآن بحمدالله يمكنني أن أقول أنه كان لي دور كبير في هذا.

الإيجابيات لستب 2 قبل ستب 1 (كما تخيلتها قبل سنة):
1- شيء جديد لم يفعله أحد قبلنا أن نقدم الستب 2 في منتصف السادسة (تسجيل رقم قياسي جديد).
2- بنقل مواد من الفصل الثاني للخامسة إلى الفصل الأول أتيح لنا البدء من الفصل الثاني وهو ما وفر لنا وقتاً كبيراً فلم نضعه في الستب1 كما فعل غيرنا ممن لم تكن لديهم هذه الميزة، فنلفتتح الطريق ولنر أنكون عبرة لمن اعتبر أم قدوة لمن بعد (كما فتح غيرنا الطريق بسبل مختلفة، وكتب مختلفة حتى وصلت إلينا كتب الدراسة الأمثل والخطط الأمثل، فلنقدم كما قدموا).
3- عادة يعطى ستب 1 تسعة أشهر ويعطى بعده ستب2 ست لسبعة أشهر، فلم نعط الأهم وقتاً أقل من المهم، قلنعط الستب2 11 شهراً وبعده لا يستحق الستب1 أكثر من 4 أشهر، المهم نكون قضينا الفترة الكبيرة مع السريريات.
4- كان في مشكلة المقابلة بعد كل ستاج، وكان هذا وسيلة لاستعمال معلومات الستب لانقاذ أنفسنا من هذا القرار.
5- دراسة السادسة بعد الستب2 ستكون أسهل وأكثر ضماناً للحصول على العلامات.
6- الستاجات ستكون أكثر إبداعاً مع طلاب ستب2 منها مع طلاب ستب1.
7- الستب2 هو الهم الأكبر، فلننته منه.
8- الواحد شادد شادد فليش ليروح همته بالجبل الصغير، فوت دغري بالكبير ووصل لقمته بعدين بتكون تعبت اطلع على الجبل الصغير (في ناس ممكن ياخذوها بالعكس رودج بالصغير وحمي للكبير).
9- لما نقرأ ستب1 منلاقيه أخلى، ومنطبقه مباشرة على السريريات، ولما نحتاج الستب 1 خلال دراستنا معنا وقت فينا نفتح ونقرأ وهيك مناخذ المعلومة خالصة للفائدة مو لأنه لازم نقرأها.

السلبيات:
1- عدم وجود خبرة الفحوصات الأمريكية مما قد يؤثر على علامة الأهم (الستب2)، ويكون التعويض بالأقل أهمية (الستب1).
2- غياب النصح.
3- ضعفنا بالأساسيات، وكيف سنمضي بالسريريات.
4- عدد كبير من الجامعات يتطلب ستب1 قبل ستب2.

(( أرجو ممن يذكر نقط + أو - طرحت ولم أذكرها أن يذكر مالديه لنناقشه)).

---------------------------
السلبية 1، أنا عملت توفل بنفس المركز وعلى الكمبيوتر المقابل، وبالانكليزي، فحسيته عامل كافي للخبرة، الصراحة ما بعرف فهي بترجع للشخص بحد ذاته، بالنسبة إلي بفحص، لو بقدم عشر فحوص ما بعتقد علامتي كانت لح تزيد، مدري شو بيصرلي بالفحص أو لما واجه سؤال بفكر بطريقة غريبة، مثلاً هون بوحدة من المحاضرات انسألوا 12 سؤال من نمط أسئلة الستب، وبتجاوب عليهم بكبس الزر (مثل الاستعانة بالجمهور بمن سيربح المليون):
2 جاوبتهم غلطط لأني ما عرفتهم.
3- جاوبتهم صح.
8 جاوبتهم غلط مع أني بعرفهم(يعني قول للجنبي الجواب واضح هو كذا)، ولما اكبس على الزر بختار واحد ثاني (بقول بركي في لعبة مو معقول سهل، وبيطلع الأولاني، واللي جنبي بيقلي يا لطيف شو فظيع، المشكلة هي ما بتنحسب بالعلامة، بينجسب اللي اخترته)، يعني أنا شخصياً ما استفدت من الأغلاط اللي عملتها بالفحص بهاليوم، لأنه طريقة تفكيري بالفحص هيك، حتى علامتي اللي كانت تروح بفحوصات العربي كانت بالأسئلة السهلة.
وممكن تجاوز فكرة الخبرة بعمل بروفة للفحص (سأذكرها فيما بعد).

السلبية2- من العقبات اللي واجهناها أنه ما كان في حدا ينصحنا، شباب السابعة سافروا للماتش (وماكانوا فاضيين يحكوا راسهم قبلها كان عندهم ستب2)، وشباب السادسة كان عندهم ستب1، وما بإمكانهم ينصحونا.
فمشينا بالطريق لحالنا، وهالشي ضرنا كثير وضرني (خصوصاً أنا باعتباري قدمت قبل الشباب بشهرين، يعني ماعد في مجال لتصحيح الخطأ): ما درينا بالاختراع المسمى USMLE World المقسم لبعد انتهاء الوش الأول ، ولا بديفيديات الكابلان لنفس الوقت، والحقيقة كانت خسارة كبيرة.
للأسف بهيك طريق لازم الكل يتساعد لازم اللي قدم يروح لعند اللي عم يحضر ويقله شو يعمل، لأن اللي عم يدرس ماله عرفان شو أبعاد الموضوع ولا له عرفان لوين ممكن يوصل، وشو ممكن ياخذ.
باشكر وطاهر وسوسن وHHH وH.O الوحيدين اللي ساعدوني وساعدوا بقية الشباب بشلتنا فعلياً.

أنا عم بحكي كل شي صار معي لتاخذوا العبرة، حقلكم كل الأخطاء اللي وقعت فيها بسبب غياب النصيحة، أو النصيحة الخاطئة.

السلبية 3- غياب الأساسيات تبع الستب1، حقيقة كانت مشكلة نفسية أكثر منها مشكلة علمية، هل أخطأنا بدخول ستب2 قبل ستب1، لأنه ما ضل ظريف بالكلية إلا ونزل فينا خطأ، لك شلون هيك، بكرة لتاكلوا هوا، والأحلى لما نقلهم بلشنا وصرلنا شهر ماشيين كانوا يقولوا: إي شو فيها؟ بتقدر تبدل من بكرة.
والأكثر إزعاجاً لنا (مع أنه كان الأكثر فائدة) هو أننا استطعنا ضم أحد الشباب الي قدموا ستب 1 للشلة وكان يحضر معنا لحل اسئلة تدريبية، وكل ما نطرح سؤال يجاوبه، من وين عرفته يفتح فيرست إيد الستب1 ويورجينا ياه.
الصراحة هذا الشخص قدملنا من الفائدة كثير كثير وولا مرة سمعنا بأنه عملنا غلط بالعكس كان يشرحلنا كل شي، بس نحنا نطلع بعيون بعض ونقول : رحنا فيها.
لكننا لسنا أغبياء، استفسرنا عن اشخاص (من جامعتنا قدموا الستب2 قبل الستب1 وحصل ثلاثتهم على 99 ) صحيح قدموه بعد السادسة بس ما كان معهم ستب 1 Smiling .
فليتطمأن أهل الستب2 لا مشكلة بدون ستب1.

من الناحية العلمية:
بعد الدراسة رجعت ولقيت معظم المعلومات اللي منقلنا ياها الشب والي بتجي بالأسئلة مذكورة بالستب2 0(سواء بالكتب أو ببنوك الأسئلة للي حليناها)، وصدقوني النقطة رقم 3 من السلبيات أنا شخصياً ما لقيتلها طعمة، نحنا ضفنا 4 أشهر على الـ7 اللي كان يدرسوهم طلاب الستب1 وبالتالي صار عندنا فترة كافية لنفتح كتب ستب1 ونقرأ (أنا مثلاً كنت لخص معلومات كل دواء بيمر معي من الفارم كاردس على كتابي، الجراثيم مو مذكور عنهم كثير بالستب2 وبالتالي رجعت قرأت الرديكلس ولخصته مع الميكرو كاردس، هل هالشي ضروري؟ حسب ظني لأ، مثلاً ما عم يجي بالأسئلة غير الجراثيم المكتوبة بكتب الستب2، وبأسئلته يعني بشكل غريب. كأتهم عرفانين شو بيجي وشو ما بيجي (بهالموضوع).

بس لاشك أن الستب 1 قبل الستب 2 عم يعطيك قاعدة رهيبة تركب عليها كل شي.
مثلاً عم يعطيك فيزيولوجية العضو وبعدين فيزيولوجيته المرضية وأعراضه وممكن يلمح للعلاج.

بتجي بعدها للستب2 اللي "بيراجعلك"الشي اللي فوق، وبيضيف عليهم طرق التشخيص والمقاربة والعلاج.

الي عم يفوت بستب2 عم تنلغى كلمة "بيراجعلك" وتصير بيدرسك، فكم المعلومات هائل، وهذا اللي ذبحني قبل الفحص يعين الوش الأخير أخذ شهر وعشر أيام، ومالحقت راجع شي مثل الخلق والعالم، لأني مضطر راجع كل شي (بعكس حماعة الستب1).

السلبية4:
هي ما أعتبرها السلبية الحقيقية.
البدء باكراً (في الفصل الثاني للسنة الخامسة -على قتنا، بيجوز تعتبر متأخرة على وقت الطلاب اللي بعدنا-)، سواء كانت ستب 1 أو ستب2، لها ميزة جيدة وهي أنه بإمكانك إراحة بالك من لبكة الستاجات من بداية طريقك مو بنهايته -وقت فحصك-، والصارحة هي تربينا فيها من طلاب السادسة اللي كثير تلبكوا بستاجاتهم.
السنة الدراسية بأمريكا بتبلش بشهر سبعة وبتخلص ب6 اللي بعده، بيفتحوا التسجيل عادة لللسنة قبل بدايتها ب4-5 أشهر، وهو الي بيكون عادة وقت الحزة واللزة (كلمة شامية، اسألوا عنها) تبع الفحص، ببدأنا بكير معناها بدنا نخلص بشهر 3 اللي جاية، معناها صار فينا نراسل من بداية الفصل الثاني للخامسة (وقت بداية الستب) لآخر السنة الأكاديمية الجاية (3-4-5).
هون في نقطة مهمة : بعثنا كلنا مع بعض ومع طلاب السادسة وقتها، فتقريباً انرفض الكل (المخلوقة وصلها 80 طلب من عندنا Smiling، وقلال اللي انقبلوا).
قسمنا مجموعتنا لقسمين واتفقنا كل قسم يدور على حدة.
قسمنا (لقينا قبول بجامعتين -وحدة منهم لأنه معنا توفل)، والقسم الثاني ما استطاع يلاقي ستاج (وهدول حالياً على الأقل بعتقد أن رأيهم ستب1 قبل ستب2 أحسن بالف مرة)، الحمدلله الله يسرلهم هلق ودبروا حالهم كلهم تقريباً، بس يعني خيارات محدودة ولولا لطف الله عن جد كانت مشكلة، الله ييسرلهم الفيزاأو بالأحرى ييسرلهم الخير وين ما كان.
ما حدا لبعرف تدبير ربنا، قسمنا .. بعثنا أربعة مع بعض، تفرطعنا مثل كرات البلياردو وبشكل غريب، الحمدلله على كل شي.

---------------------------------------------------------
نروح للإيجابيات.
الحمدلله أنا برايي كل الإيجابيات الي طرحتها وقتها، شفتها بعيني هلق.
1- عن جد بيشعر الواحد بأنه عمل شي، ما كان مجرد واحد مشي مثل كل هالناس، لأ فكر وغامر وعمل، وهي بتعطي للشخصية دعم كثير قوي، أنو ما عدت ولد صارت قرارات كبيرة ومصيرية بحياتك عم تتحكم فيها (بإرادة الله عز وجل)، وأنا حالياً باعتقد يمكن أني أبكر واحد بجامعتنا قدم ستب2، إذا حدا بيعرف واحد قبل يخبرني، خصوصاً عندما كنت أشاهد الديفيديات وأعمارهم فيها 27 سنة، كنت قول ولي شو مفوتني هالفوتة وعمري 23 سنة!! وبلا ستب1.

2- باعتقد أننا فتحنا طريق يمكن كانوا كثار ما يجرؤوا على التفكير فيه، حالياً أنا بقدر أقل لكم، لأ الطريق سالك إن شاء الله وآخره نور وبيوصل، ولا تردوا على اللي بيقلكم لح ترسبوا إذا بتفوتوا فيه.

3- شفتها بعيني، مظبوطة100%، مثلاً -رغم أننا بدأنا متأخرين فيهم- ، استطعت مشاهدة ديفيديات الكابلان كاملة والمدستدي وإعادة قسم كبير (نتكلم عن هذا لاحقاً)، بينما عندما كنت أنصح طلاب الستب1 كانوا يقولون نريد اصغر شيء، كابلان هضمية كافي فلا أريد أن أقرأ مدستدي، ديفيديات ما إلهم وقت، دوبه يحل الكيو بنك مرة واليوسملي مرة إذا لحقهم (نحنا حليناهم 3 مرات Smiling ).

4- لغوها على وقتنا، بس لما حضرما ستاجات باطنة، فظعنا صرنا نحكي حكي كبير ما كنا نفكر فيه من قبل، ويمكن القرار يرجع هالسنة؟!.

5- يمكن أنا ما اقدر استفيد كثير، بس الشباب الي يحقدموا ان شاء الله حيستفيدوا (بشهادة ساجيو إتليانو).

6- هي بدي إحكي عليها منيح.
أنا للأسف من ذكائي اخترت ستاج كلية أول واحد، وعينكم تشوق الحالات اللي عم تجينا كلهم MICUو SICU معه ألف علة وارتفع الكرياتينين، ليش؟ واحلى شي أن كلهم interesting Cases, we don't know wat is happening، يعني مو شغلة حصيات وضغط وهالشغلات العادية.
، ما معي غير طالب طب وattending وfellow ، الاثنين مشغولين كثير بالجولة بيشوفوابعضهم وبيعدوا بيحكوا حكي كبارية، الفكرة أني عم بقدر تبع معهم لدرجة ماشي حالها، بهالوضع للأسف ما قدرت بين حالي منوب.
بس أول يومين كان في fellow ثاني وattending مختلف وكان معنا مقيمة: المهم فلجتهم.
يعني كنت عم باستشير المقيمة بشغلة التمتيش هالسنة قلتلها بس معلوماتي مو كثيرة : قالت نعممممم؟؟؟
أنا بس كنت بدي اسألك هالخكي من وين عم تجيبه؟؟
بالعكس فكر ببيلر لتمتش فيها أنت مستواك جيد جداً.
أحلى نهفة الـMedical student اللي كان معي: كان كل ما يشوف واحد يقله هذا Encyclopedia، طبعاً هلق بلش يتغير رأيه لأني بلشت انسى وبلشت خبص لنسيان أو لعدم فهم للسؤال، ولأن لغته أقوى مني (طالب هون).
المهم أنا بعرف مستوى الشاب والصبايا اللي معنا هون، عن جد صاروا مستوى عملاق يعني بيحكوا حكي كبارية، يممكن مو حاسين هالشي، بس بكرة بتتذكروني بإذن الله صار في عندنا 8 أشخاص أنا باتحدى فيهم لمناظرة علمية (انتبهوا منيح مو عملية) مع أقوى جامعة.
ودراستكم للسادسة تبعنا لح تساوي منكم شغلة أكب روأكبر، منهاجنا رهيب بس مو موجه، التوجه موجود عندكم صار وبتعرفوا تقاربوا كل مرض وعندكم فكرة عنه، افتحوا محاضرتنا واقرؤوا كل شي، وثقوا بأنكم ما حتتغلبوا لأن العملية حتكون مجرد إضافة للمعلومات في أماكنها.
لا تصدقوا، في واحد أو اثنين ببالي حيردوا ويقولوا عم تبالغ بس بكرة بتشوفوا ان شاء الله.
إذا الله يسرلكم جوات الفحص، فبتوقع حيكون عندنا علامات منيحة فوق الـ260، وعلامتين فوق الـ270، ووحدة فوق الـ280.

عم نحكي على مجموعة فيها 2 أوائل على سعودية، و2 من الأوائل على سورية، و2 من مكسري الأرقام القياسية بالبلوكات (بالوقت أو بالعلامة)، عن جد لما كنت شوفكم عم تنتناقشوا كنت خاف على حالي قول والله رحت بين الرجلين إذا الستب هيك (هون عفكرة بتحكوا هالحكي اللي كنتوا تحكوه مع fellow وبتحاججوه).
الأبتوديت اللي عم تقرؤوه والمدستدي(بالذات) شغلة رهيبة.
كل ما بتقرؤوا كلمة أكثر اعرفوا أنكم عم تجاوبوا سؤال "لاسيما بالستاج".
حاولوا لما تدرسوا عربي تركزوا على الأعراض والعلامات، كانوا معبيلنا كل شي، وهالنقطة فيها نقس بالستب2 (مع أنها بتتغطى بشكل جيد من الأسئلة).
آخر شغلة للستاجات، حالياً كثير متغلب ما معي طلاب من جامعتنا، وعايش وحيداً في المنزل (مع 17 شخص ثانيين)فما كان في مين يدلني، حاولوا تقعدوا مع شي حدا قبل ما تطلعوا تفهموا منه كيف النظام هون (كله على الكمبيوتر، وفي شغلة اسمها consults، وفي شغلة اسمها الـ follow بتعتمد طريقة اسمها Soap، شغلتهم سهلة بس إذا ما في حدا يدلك، هي معضلة)، في كثار شباب ببيلر بس يرجعوا اقعدوا معهم.
وهون بحب وجه تحية كبيرة لزميلي باول اللي ساعدني بهالأمور.

7- مظبوط هم كبير، ومتى ما انتهى منه الواحد بيرتاح، بس على قولة عدنان الخولي لما حاكيته: لا تخلي هالشي يعطيك طمأنينة كاذبة، هلق عندك هم اسممه الستاج وأوعك تريح أو تخسر الريكمونديشن ( طبعاً بعد مرور أسبوعين ما شفت فيهم المسؤول إلا مرتين على اللأغلب راحت، الله يستر).

8- مظبوطة بشرط:
لا تسمع للي بيقلك أن الستب2 صعب كثير.
ليش؟
لأنهم قالولي هيك، وقالولي لازم اقرأ الهاريسون والسيسل إذا بدي فوت فيه بدون ستب1، وأن بقية الكتب غير كافية، طبعاً مستحيل كان اقرأ كل هالشي، ففتت مرعوب وبلشت بالغدية (كنا هلق دارسينها)، لقيت معظم الحكي منعرفه، وهون فرطت همتي تمام شي منعرفه إي قد ما مهيصت بلحق، ولإيش 11 شهر (مشيت أو 3 أشهر أقرأ ساعتين باليوم).
لو حدا قلي الجملة التالية لكان الأمر مختلف:
الستب 2 مو صعب، بس محتلف، مظبوط أنت بتعرف كثير من المعلومات اللي فيه، بس ما بتعرف تستخدمها وما لها منظمة بذهنك، ومالك حالل اسئلة صح عن هالموضوع (مو أسئلة امتحاناتنا الغبية)، وهالشي بده وقت كثير، ولحتى تعرف كيف تدرس حاول تحل أسئلة قبل لتفهم شلون تدرس.
أسلوب تمهيص وتقرأ قبل بيوم من الفحص بيمشي بالكلية، بس بالستب لأ، لو بتقرأ من الوش الأول بطريقة صح، بتتذكر كل شي بدك ياه وقت تحل الأسئلة من قراءتك للوجه الأول والثاني، لأنك قرأت هالمرة بطريقة صح.
طبعاً كان أسلوب دراستي اختلف تمام، ومشان هيك عم قلكم هالجملة هلق.

9 -انحكى عنها بما فيه الكفاية.
10- 100% مظبوطة، ياجماعة صار الواحد يحس حاله صار دكتور، بيحكي بكل شي، ليش هالدواء مكتوب عليه لا تشربه مع الكحول (الفلاجيل)، شلون بتعالج هي اللي بتخاف تطلع المرتفعات (نزع التحسس)، الاحتشاء والخناقات.
حاجة ضلينا 5 سنين ما نفهم نحكي كلمة بمكانها بالطب.

طريقة الدراسة:
سأقول ما درست: في الفصل الثاني من الخامسة بلشت على الخفيف للسبب المذكور، ادرس ساعتين باليوم، اقرأ شوي بالمدستدي لاقيه سهل وما في شي، افتح الكابلان لاقيه لعب ولاد، وبالتالي يخلص وقت الباطنة عشر أيام: ومالي مخلص غير ثلثين المادة من المدستدي، والكابلان مو داقره، ومالي حالل ولا سؤال ستب نظامي، وهيك خلص الفصل الأول كله ولسا ماشفت الخمجية ولا الدم.

الفصل الثاني بدأت الدراسة الجدية (6 ساعات يومياً)، بقي 8 أشهر حاجة.
أخذ الوش 1 (فعلياً) من منتصف الشهر السابع، إلى بداية الحادي عشر (لم الحق ان أقرأ فيه جراحة أو أطفال).
أحب عادةً أسلوب التلخيص والأسهم ، فكنت أقرأ الموضوع من المدستدي، وأعيده من الكابلان، ثم أعمل ملخصاً للاثنين، ثم أطلع على محاضرات العربي لأضيف منها بعض النقاط الجميلة.
قرأت من محاضرات العربي:
الدم، الهضمية، الرثوية، العصبية، والكلية، والصدرية.
كانوا رهيبين، آخذين علم كثير قوي (بس مو موجه)، المدستدي وجهك، وهنن عطوك معلومات.
الحقيقة قرأتهم بسرعة كبيرة (يعني تصفح)مو دراسة، ما كانت تاخذ الوحدة معي شي 10-20 دقيقة، بعد كل موضوع، وكنت آخذ أفكارهم ونزلهم على أوراقي.

الوجه الثاني بدء من 11 وانتهى بآخر اثنين (اضطررت للتأجيل شهراً لدراسة مواد غير الباطنة -التي كنت أعطي وقتها لأمور أخرى لم يكن لها من داع-)، في هذا الوجه بدأت أسمع للديفيديات جدياً، معدل الدراسة ارتفع لل9 ساعات.

لم يبق معي الكثير من الوقت، فعندما أردت المراجعة كان لدي حل من 2 أن أراجع نصف المواد بشكل جيد، أو أراجعها كاملة بشكل سريع
اخترت الخيار الثاني، ووضعت طريقة جديدة للدراسة:
لكل مادة يومان، أبدأ بحل الأسئلة تبع اليوسملي المخصصة لهذه المادة، ثم أسمع ديدفيدي الكابلان وفوراً مخك بيلاخظ أجوبة الأسئلة وبيبلش يسجلهم، ثم أسمع ديفيديات المدستدي.
معدل الدرساة ارتفع ليشمل معظم اليوم طبعاً.

الديفيديات:
كابلان: سمعت ديفيديات الكابلان باطنة مرتين (تقريباً)، وغير الباطنة مرة (وتمنيت لو أعيدهم).
يمكن أول مرة تحسهم عاديات، بس المرة الثانية بتبلش تسمع منيح وتعرف النقاط اللي عم تنحكى وأنه اسئلة فحص.

ديفيديات المدستدي: ساعدوني بالوش الثالث لأني قررت ما افتح اي كتاب لا الكابلان ولا المدستدي.
بس الديدفيديات والأوراق خاصتي، فناسبني منها من كان يقرأ الكتاب ولا يغفل منه شيئاً، وليس من يشرح افضل.

الغدية، والهضمية، والرثوية (جيد جداً).
الصدرية، والدم، والعصبية (جيد).
الكلية ، القلبية (لا بأس).
تقريباً سمعتهم مرتين.
الخمجية (سيء).
الجنرال، ما لحقت أقرأ الكتاب، سمعت الديفيدي من الشغلات اللي جديدة بس (أمراض المسن، الأخلاقيات، العينية، الأدوية والتداخلات ...) المحاضر لا بأس به، من جامعة واشنطن Smiling.

طريقة الدراسة المنصوح بها:
إذا بدنا نحكي عن الستب، فما بده نص هالشغل، بس الستب مو هو الغاية. الغاية هي تحصيل الماتش هون، وبالتالي دراستك عم تكون للستاج كمان، فادرسوا مدستدي ولا تسمعوا اللي بيقلكم غير مفيد، هذا الكتاب عجبة، مجموعة من الأسئلة مركبة مع بعضها، أحلى شغلة صارت معي أن الدكتور بلش يحكي عن الانحلال العضلي، طبعاً فوراً توقعت أنه بده يسأل عن الكالسيوم إذا منعالج نقصه أو لأ، الشب ما كذب خبر ومافي دقيقة إلا وبلش بالسؤال، وهو عم يحط إشارة الاستفهام،كان الجواب بين إيديه (للأسف هالدكتور إجانا يوم ومشي).

1- الباطنة:
أنصح باتباع الطريقة التالية بالدراسة بيجوز تكون نظرية، بس المهم العبرة (حل يوسملي وورد، ومشاهدة الديفيديات):

كل مادة 11 يوم:
اليوم الأول:
1- حل بلوك USMLE World المتعلق بالمادة أولاً (قبل دراستها):
- لح تلاقي حالك خبصت لشبعت، وبس تقرأ الأجوبة -لاتقرأ الشرح لأنه بدون داعي حالياً-، حتصير تقول، لك ليش هي ؟ مو هي ؟ ليش هالغموض وترتعب شوي وتفكر الأمر صعب- وهو اللي حيكون دافع إلك للدراسة لتحاول تفهم شو صاير).
تقريباً كل مادة عليها بلوكين، حل البلوك بده ساعة.

2- بتسمع ديفيدي الكابلان المخصص للمادة (أكبر باطنة 8 ساعات، والباقيين بين 4-6 ساعات).

هي خلص أول يوم دراسة 6-10 ساعات (حسب المادة).

من ثاني يوم منبلش دراسة حقيقية:
مدستدي + كابلان (دراسة وتنزيل على المد ستدي، أو دراسة فقط وفي الوجه الثاني تنزيل)
-- هي الطريقة المتبعة، بس أنا ما بحب التنزيل ومعتاد لخص كل شي بدرسه وساويه رسمات وأسهم ... ، مشان هيك أنا ساويت ملخص جمعت فيه الاثنين سوا، بحطلكم أمثلة لاحقاً، ما عندي سكانر--.
الطريقة الأولى هي الأسلم.

طبعاً خلال دراستك حاول تفهم كل شي، حط الفارم كاردس بين إيديك، الفوربس -ضرووووري-، ميكرو كاردس -جراثيم-، ما فهمت شغلة اقرئها من الهاريسون مانيوال، إذا عندك بوكت بيسي بيكون كثير مفيد.
طبعاً لا تكتفي بالقراءة أي معلومة مهمة، نزلها على كتابك.

هالكلام بده 9 أيام (بمادة كبيرة- الهضمية، الصدرية، الخمجية، القلبية) و7 بمادة عادية (الدم، العصبية، الغدية، الرثوية، الكلية).

+ يوم أطفال القسم التابع للمادة، وحل الأسئلة من جديد مع قراءة الشرح، هلق البلوك بده ياخذ من 4-5 ساعات.
+ يوم سماع الديفيدي مرة ثانية -هلق صرت فهمان شوفه، ونزل ملاحظات على كتابك.

=> صار بدك وسطياً 11 أيام لكل مادة (*9 = 99 يوم / 30 = 3 أشهر وعشر أيام)، بس طلعت رهيب.

بالوش الثاني للباطنة: حل اليوسملي وورد كمان مرة، اسمع الديفيدي للمرة الثانية (فعلياً)، وراجع ما درست من جمع المدستدي والكابلان.

أسئلة الكيو بنك بالباطنة: حلوة.
أسئلة الفحص بالباطنة: شي 15-20 سؤال من كل باطنة: في 2-3 أسئلة صعبين كثير، 2-3 أسئلة صعبين، القسم الكبير متوسط، قسم سهلين كثير (لكن بستب 2 يجيني تشخيص خناق مستقر !!).
(اللي دارس منيح بيلاقي الصعبين وسط، والصعبين كثير بيلاقيهم صعبين).

- القلبية: حلوة، والكتاب مع الأسئلة كافيين، المدستدي مزودها شوي بالانظميات، بالديفيدي كونراد فيشر حاكي نص ساعة عنهم برايي بيكفوا.
- الدم: اللمفومات اللي بآخر المدستدي الجديد مظبطين، لا حاكيين عليهم بالكابلان ولا بديفيديهم ولا بديفيدي المدستدي، ومن كذا سنة ما إجى سؤال عنهم، فتجرأت وحذفتهم.
- الأورام: أهم شي أول صفحتين، وسرطان البروستات والخصية (بيمروا بأسئلة اليوسملي كمان)، وكيمو مان Smiling تبع كونراد فيشر بديفيدي الدم.
- الهضمية: الاثنين مبدعين فيها والمادة اصلاً روعة.
- الصدرية: يعني أنواع المنفسة مالها داعي، بس المدستدي (على التخبيصات اللي فيه) شغلة، لاسيما أول 8 صفحات.
- الخمجية: تأخرت كثير لدرستها (فصرت مرقها مع مواد الوش الثاني، المدستدي ومزعين الأمراض بكل جهاز بمادته الكابلان لاحشينهم كلهم بالحمجية، يعني لما تدرس ذات رئة مدستدي افتح كابلان خمجية ونزله عندك. مدستدي خمجيةة حاكي على العضويات، وبيكفي تقرأ هدول والإيدز منه (كمان الإيدز حلو بالكابلان وبالديفيدي).
- الكلية: مد ستدي عجبة، مافي داعي acid-base rediculosly ، مرتين قراءة لأول عشر صفحات مدستدي بيكفوا.
- الرثوية: القديم ناقص بس حلو، يقال أن الجديد أكمل، المهم الديفيدي مفصل كثير ظريف.
- الغدية: الديفيدين رهيبين، أسئلة اليوسملي وورد تعليمية أكثر منها سبر (صعبين بس لا تزعلوا، اقرؤوا الشروح وما عد تنسوهم -اللي بيسمع ديفيدي الكابلان بيحل 90% منهم بدون ما يقرأ كلمة وحدة).
- العصبية: اللي مذكور كافي ، بس اقرؤوا شوي عن الأعصاب من ستب1.

-------------

المواد غير الباطنة:

الجراحة: مادة حلوة لاسيما عندما تفهم أشياء العوام بيعرفوها وأنت ما بتعرفها لأ،هم ما درسوك ياها بكليتك (الزايدة).
- الكتاب مؤلف من 60 صفحة (المعلومات)، و140 سفحة (المسائل)، القسم الثاني هو الأهم ، فلا تغروا بانهم 60 صفحة، المادة كبيرة ونحنا بالأصل ما قوايا.
- طريقة دراستي الحقيقة ما بلشت فيها لآخر فترة فصرت كل يومين مرق حلقة كابلان بعدين لخصها على أوراقي ولونها.
- ديدفيدي كبلان: أستاذي كارلوس، يقرأ الكتاب لكن بطريقة حلوة، يحتاج 25 ساعة مشاهدة تقريباً، برأيي يستحق المشاهدة مرة على الأقل (ولو معي وقت لشفته مرة ثانية).
- أسئلة يوسملي وورد: نذلة، وغير كل هالبرنامج، مالها من روح الفحص، بس عم يجي منهم كم سؤال.
- أسئلة الكيو بنك: كوبي بيست من كتاب الجراحة، مع بعض الاضافات (كأنهم مهربهم من الفحص، مع يجي منهم بشهادة اللي قدموا).
- أسئلة الفحص: من روح نوطة كارلوس (كتاب الكيو بنك)، وما حسيتها صعبة مع أني مو متذكر شي منها.
- وقت الدراسة المقدر: لاتمام المادة بشكل ممتاز مع أسئلتها مع اليوسملي وورد مع الديفيديات =10 أيام.

التوليد والنسائية:
من المواد التي كنت أكرهها كثيراً،لأنني قرأت الهايليد مرتين، وكل ما واجه سؤال أقف أمامه عاجزاً، ضربتني بالسنة الرابعة وبالخامسة
وقررت أنها ما تضربني بالفحص ، فصرت أقوم بحل سؤال اليوسملي وورد وأقوم فوراً بقراءته من الهايليد (تعلم مبني على المريض).
عناك 4 بلوكات، كل يومين كنت أخلص بلوك (4 ساعات يومياً-كل بلوك 8 ساعات-)، بس تحسن مستوى فهمي للمادة بشكل كبير، ومع ذلك كان لا يزال قاصراً.
بالوجه الثاني (تبع شهر 11)، دخلت الديفيديات على الموضوع وبالفعل فرقت القصة 100%،بعد ما خلصتهم بلشت حط اختصاص النسائية والتوليد ببالي على قد مو حلو.
- ديفيدي التوليد: مذهل، حاول تنصت لشخص المحاضر وتتابع مخططاته وترسمهم على كتابك وتراجعهم بعد ما تخلص وتطبقهم بكل سؤال بتواجهه، ما بيترك لتحفظهم، بيشرح كل النقط الغامضة اللي موجودة ببالك، يعني اعتمدت على حكيه بس (صفحة وحدة كبيرة) بالسرطانات النسائية لأني ما لحقت اقرأهم من الكتاب (50 صفحة).
تقريباً 15 ساعة.
- ديفيدي النسائية: المعلم سقالا مو مقصر كمان، سلايدات روعة، بيحكي كثير حكي حلو عن الموضوع، وبتفهم ليش في فقرات محطوطة هون وهنيك، وشو جاب هالجملة ورا هديك؟
8 حلقات كل وحدة ساعتين (للأسف الحلقة الثالثة خربانة عند الجميع(دورت عليها ومالقيتها) )، والأولى سرعوها ما كثير مهمة.
هدول الديفيديين من الشغلات اللي زعلت لأني ما لقيت الوقت لعيدهم، رفيقي عادهم.
-كيو بنك: سيء شوي.
-يوسملي وورد: عملاق.
- أسئلة الفحص: مالي متذكرها بس عرفت جاوبها رعم أني ما راجعت المادة من قبل شهرين ونص.
الشباب اللي معنا بالمجموعة حولوا على كتاب الكابلان، وبرأيهم أن الهايليد هو نفسه بعد حذف جمل الفهم، وحالياً ينصحون به، من جهتي لم يكن لدي الوقتوأعتقد أن الهايليد مع الديدفيدي مع يوسملي وود مع نكست ستب (مالحقتها أقرأ منها غير صفحتين) ربما كافي.
بس ليش كل هاللبكة؟

- وقت الدراسة المقدر: لاتمام المادة بشكل ممتاز مع أسئلتها مع اليوسملي وورد مع الديفيديات =10-14أيام.

الأطفال:
أول 80 صفحة من كتاب الأطفال معلومات أطفال، لكن ما سيأتي فيما بعد :
خمجية، ودم، وعصبية، وصدرية .....هي معلومات باطتة بشكل مختصر ومشوه، لاسيما مع النقص الذي سيكون لديك في المعلومات.
فالأفضل أن تكون قد قرأت (وفهمت واستوعبت، وعرفت كيف تقارب) الباطنات في البداية، ثم تقرأ الأطفال فتجدها أسلس وأسهل مروراً.

أو طريقة أخرى هي أن تقرأ كل باطنة وتتبعها بقراءة قسمها من الأطفال (طريقة جيدة وتوفر وقت).

الديفيدي: ماشي حاله، البحث الأول مهم جداً رؤية الديفيدي، وأنا سررت بمتابعته، غير مستوى بقية الديفيديات (بيفتح الكتاب وبيقرأ منه)، بس أحسن من بلا.
- أسئلة اليوسملي وورد: رائعة، للسبر والتعليم.
- أسئلة الكيو بنك: سخيفة وبلاطعمة، شديدة المثالية، كل كلوات المرض بعدين بيسألك، شو التشخيص؟
- أسئلة الفحص: مستواها سهل، بعكس مستوى الكتاب اللي مصعب القصة ومعقدها، بإجماع الكثيرين الكتاب مقرف (مقارنة مع سهولة أسئلة الفحص)، لم أقرأ الوبائيات والعلاك الفاضي (ما بيجي منه بالعادة).
- وقت الدراسة المقدر: لاتمام المادة بشكل ممتاز مع أسئلتها مع اليوسملي وورد مع الديفيديات =10-14 أيام.

النفسي: كان متعتي في الستب.
هايليد + ديفيدي كابلان.
بالأحرى ديفيدي كابلان + إذا بدك اطعل على الهايليد.
قرأته مرة مرة وحدة بالوش الأول، بعدين اعتمدت على الديفيدي فسمعته مرتين وقبل الفحص قرر رد اسمعه للمرة الثالثة (خلصت نصه ومالحقت)، الكتاب ممكن يكون بيم إيديك خلال السمع.
حالياً بعتبر حالي خبير نفسي (صحيح روحت نص اسئلة النفسي بالفحص، بس كانوا غير نمط ومع ذلك بينحلوا، حليتهم برة).
شبه كاملين (منقصة كم بحث بس)، مستوى عالي جداً.
أسئلة اليوسملي وورد: سابرة، وجيدة.
أسئلة الكيو بنك: سهلة كثير.
أسئلة الفحص: بدها شوية تركيز، ومحاولة معرفة الفوارق الدقيقة بين التعاريف، ما أحسست أنه الأساس بالفحص فيها وبأسئلة الأخلاقيات:
لا تختار الجواب المناسب من حيث منطقك لأنه على الأغلب خطأ (يخالف قاعدة صريحة)، خيار آخر قد يكون غير مناسب لكنه هو الصحيح (لأنه يتبع قاعدة منطقية).

مثلاً السؤال التالي (بحب آخذ رأي عياد فيه):
ولد ماعد همه الحياة وبيقول لإيش الحياة؟، عرفت أن أبوه شركه بمسابقة للمتفوقين وما جاب علامة فيها، فأبوه (العالم المعروف) زعل لأن ابنه هيك، والابن زعلان على زعله (وقبل هالشي كان طبيعي ومرح).
1- بتسأله عن الانتحار.
2- بتسأله: بتحب تخرج من المسابقة.
3- بتقول لأهله الولاد ما بيكتأبوا.
أنا اخترت 2 (قل لخالي أسلملك)، بس باعتقد الجواب 1 لأن كل مريض اكتئاب لازم تسأله عن انتحار (والخيار الثالث عم يوجه إله).

سؤال ثاني:
وحدة وقعت على ظهرها، ولما إجت لعندك مشان تكتبلها تقرير لمسؤولي شغلها بالحضانة، فحصتها ولقيت ما فيها شي، المهم قالتلك أنها لح تترك الشغل بالحضانة وهي سجلت بالجامعة، أنت رفضت كتابة التقرير ، ماذا تفعل بالإضافة لذلك؟؟
1- بتعنفها وبتقلها ما بيصير تطلبي مني شارك بهيك عمل.
2- بتعرض عليها تشتغل وتدرس سوا (يعني خيار ما فهمت من وين جابوه).
3- بتعمل صورة ظهر.

منطقياً الخيار الأول، بس في قاعدة بتقول "المتمارض" لا تعنفه، وبالتالي اخترت الثاني.

بستنى جواب هاشم على هالنقطة، الصراحة مالي كثير شاطر فيها.

وقت الدراسة المقدر: لاتمام المادة بشكل ممتاز مع أسئلتها مع اليوسملي وورد مع الديفيديات = 7-10أيام.
الأخلاقيات/ 4 مصادر:
ورقة حامل المسك (لخص فيها كتاب كامل للأخلاقيات)
في ورقة من حلب (كأنها تلخيص الكيو بنك).
في ساعتين حلوين بديفيديات الكابلان (تلخصيهم سهل).
بالمد ستدي في كن كلمة.
بآخر هاييلد النفسي.
أسئبة يوسملي (مع النفسي، في نهفات حلوة)
مشان ما تتغلبوا خلوا واحد يساويهم على كم ورقة وصوروهم بين بعضكم.

الجلدية، العينية، الأذنية (مدستدي، وكابلان).
3 أيان لكل شي بقيان.

يعني تقريباً بـ5 اشهر خلصتوا وش، بس ابن أمه، بعدها مراجعة 3 شهور (صرنا بشهر 12)، وبعده شهرين للوش 3 صرنا بشهر 2.

أنا تأخرت لخلصت (بآخر3) بس بهالوقت اشتغلت مجموعة أبحاث وشاركت بمؤتمر (مع الحبايب)، وبعثنا دراسة للنشر، وأنشأنا القسم العلمي، واشتغلنا بالبانوراما، وحضرت كل الأمسيات الأدبية، وقعدنا مع كل سنوات الكلية نتناقش بالطرق الأمثل.... (وكله بوقت الستب) والشباب هون بيعرفوا، مشان هيك ممكن جداً يخلص الستب2 بشهر 2 (بدراسة جدية)، وللاحتياط الستاج بشهر 3 .(إذا كنت جدي ساويه بشهر 4).

بنوك الأسئلة:
1- يوسملي وورد:
صخرة الستب 2، مفيد جداً لاسيما في فهم المادة، يعطيك في أجوبته تشاخيص تفريقية للمرض ويشرح لك لماذا تم استبعاد كل واحد.
وجود هذا البنك دعم رهيب للست (يأتي منه الكثير من الأسئلة -نفس الأفكار-).
أؤيد حله 3 مرات (مع قراءة الشرح 3 مرات)، أو في المرة الثالثة قراءة تلخيص.
حل مرة وحدة لن يفيد أبداُ.
في المرة الثانية لحله (الباطنة) ساويت ملخص ل4 باطنات، وملخص ناقص لباطنتين ، ولم ألحق 3 باطنات، للأسف لم يكن هناك وقت لقراءتهم سأربطهم مع المشاركة لتحملوهم.
أحد الأصدقاء اتبع الطريقة التالية:
كان يلخص فكرة السؤال على أوراق، ويحملهم في الميكرو ليراجعهم وهو في طريقه إلى الكلية.
تمنيت لو كنت قد لخصتهم بهذه الطريقة (بالوش الآخير لخصتهم هيك بس ما لحقت أقرأهم -بالعشر أيام الأخيرة اللي كانت مخصصة للمراجعة النهائية وتقلصت حتى لم يبق منها سوا ساعتين فضلت قضاءهم على التلفاز).

https://www.hakeem-sy.com/main/files/Hemanotes-2007.doc
https://www.hakeem-sy.com/main/files/RheumatologyNotes-2007_0.doc
https://www.hakeem-sy.com/main/files/Cardionotes-2007.doc
https://www.hakeem-sy.com/main/files/neuronotes-2007_0.doc
https://www.hakeem-sy.com/main/files/Oncologynotes-2007.doc

2- الكيو بنك: جيد يأتي منه الكثير من الأسئلة.
غير مقيم بتاتاً (لأن معظم الأسئلة غير الباطنة سهلة جداً)، الباطنة ماشي حالها فيه.يعني يا أسئلة سهلة الكل بيعرفها يا أسئلة ضعبة بدها لحش ، كنت جيب لما بلشت 8و9 بعدين 6 و7 يعني الوسطي يمكن شي 7 بس مثل قلتلكم مو مقيم.
لازم ينحل كله (أنا مالحقت منه 5 بلوكات)، راجعت 12 بلوك ومالحقت الباقي ، ملخص 17 بلوك بعملهم إرفاق.

3- الكيو بوك: مستواه سهل جداً، بس فيه كم معلومة إضافية خلوا حدا يحطلكم ياهم
حليت منه نفسي وشوية جراحة وأطقال والنسائية، وشي 4 بلوكات باطنة بس ما راجعتهم ولا لخصتهم (يعين ما استفدت منهم).

4- الsimulated: رهيب.
الصراحة حليت أول بلوك (كنت لسا مو دارس ملحقات، ولا جراحة ولا أطفال ، وعلى قدي ببقية المواد -بشهر 12؟!-) فجبت 65.
بعدين قبل الوش 3 (بآخر 2) حطيت يوم خصوصي لحل 8 بلوكات " كتدريب على الفحص" لنلغي الشي الرهيب اللي ناقصنا وهو عامل الخبرة.
تجربة كثير حلوة، ومفيدة بانصحكم جربوها.
لما بلشت فيه انزعجت، طويل كثير، و50 سؤال، تقريباً بكل بلوك رروحت 2 مالحقتهم، كانت علاماتي كتالي:
72 => 76=> 80=> 80=>80=> 82=> 86 (كنت مروح سؤالين بكل بلوك، يعني 4 علامات)، وكملت ببلوك كيو بنك 28 (ماكان إله طعة -سهل-).
طبعاً اللي بيحل هاد بيحس أسئلة الفحص كثير قصيرة قدامه.
يتميز بأنه يعطيك كم دقيقة أخذت بالسؤال وإحصائيات عن أماكن ضعفك ووووو
أشكر الدرة هو الذي دلني عليه.

5- بري تست: حليت شوي من النفسي بس، ما حسيتها موجهة كثير للفحص وأنصح بحلها من لديه وقت (ستب2 حل اسئلة).

6- sample الفحص حليت منه بلوك قبل ما سافر فجبت 44\46، فلقيته سخيف وما كملت البقية.
أسهل من مستوى الفحص، مع ذلك نمط اسئلته هو الأقرب.

لا تفكروا عامل شي فظيع، في غيري حاللهم وملخصهم وحالين معهم الـNBME ومبلشين بالمكساب ... والله يستر عليهم، مو متذكرين Smiling .

حاولوا تلخصوا الأفكار من أول وش، وإذا بتنزلوهم على كتابكم بيكون شي كثير ظريف.

جلسات حل أسئلة ، أهم شي في الستب2، نقوا الأسئلة اللي بدكم ياها شوفوا الطلاب شو عم يحلوا أسئلة، وخذوهم (NBME يوسملي ... اللي يبدكم ياه) بس اقعدوا بالأسبوع قعدتين حلوا فيهم، وكانوا يعيبوا علينا العالم أنوا قعدتنا كانت تاخذ 5 ساعات، معلش ، كل كلمة بتنحكى وبتنكتب بتنحفر بالذاكرة، وقد ماكنت ذكي ودريس إلا ما حدا يحكي كلمة ما تكون منتبه عليها أو يشرح فكرة توضحلك شي ما كنت فهمانه، أو تسمعك معلومة لسا ما درستها ولما تدرسهافوراُ بتنزل بمخك، يا أما أنت بتحكي كلمة وبتشرح نقطة وما بتعود بتنساها.
من أهم الأمور.
خلو الأبتوديت رفيقكم، النقط اللي عم يعالجها هي النقط اللي عليها خلاف وعم تجي عليها الأسئلة، ولما تعروفوا تشتغلوا عليه بسرعة كثير حتستفيدوا هون.

****** شغلة مهمة جداً: حاولوا خلال هالفترة تعطوا انتباهكم لأي معلومة طبية وين ما وردت وكيف ماوردت ووين ما كان المصدر، سواءً على موقع طبي أو فم دكتور أو محاضرة أو حتى إعلانات بالتلفزيون، حاولوا تحلوا اسئلة ثدر المستطاع، تأكدوا أن أي معلومة ممكن تفيدكم، بيجوز شغلة سمعانينها من سنتين تجيكم بالفحص .....

------------------------------

ما قبل الفحص:
1- قبل بأسبوع حاكوا المركز (الأميديست) وتأكدوا أن أسماءكم وصلت لعندهم : 00962658109230
2- احجزوا بفندق الليوان قبل بكم يوم: 00962658568125 (الغرفة المفردة 35، والمزدوجة يمكن 40 دينار)
3- اطبعوا التوكيد اللي مبعوث إيميل والورقة الموجودة بالموقع (ضروري)، + خذوا هويتكم وجوازكم.
4- قبل بيوم (أنا طلعت الساعة 12) ورحت على السومرية التكاسي عم يتقاتلوا على راكب (لا تصدقوا اللي بيقول ماشي ناقصني راكب واحد) كلهم كذابين، فوتوا على الكراج وشوفوا بعيونكم (لا تسلموا جوازكم ولا شنتتكم لحدا): 700 ليرة، والدخولية 880 ليرة.
ممكن تطلعوا من الصبح بالباص (كمان ماشي حاله) 300 ليرة، بس احجزوا قبل بكم يوم والطلعة الساعة 8 الصبح.
5- خذوا معكم من هون شوية شوكولا (أخذت شي 8)، وتمر، وشي وجبة (أنا أخذت بيتزا).
6- الرحلة شي 3 ساعات وممكن أكثر (سواقنا حب يهرب سجاير فعلقنا بالحدود ساعتين)، مشان ما تتوتر -من ضياعة الوقت- خوذ معكم شوية تلاخيص واقرأ على الطريق (لمجرد التسلية)، استغلوا وقفة الحدود لصرف الدنانير، 70 دينار كافيين.
7- بس توصل، بتاخذ تكسي وبتقله: منطقة الصويفية، شارع الوكالات.
أيام التوفل تلبكنا وكان لح يروح لفحص علينا لوصلنا للمركز، فلح حطلكم خريطة مقربة:

عفواً بس ماعندي برامج عربية أرسم عليها.
الفندق بطلعة H.
الشارع اللي بالنص هو شارع الوكالات، فيه مواجه نزلة الفندق درج لتحت، في شارع ثاني مواجهك تماماً في بناء مدحله من على اليمين.
(بجانب بيتزا هت إذا ضعتوا)، الشكلين اللي على اليسار هما كنتاكي، و مسجد.

لا ترد على اللي بيقول لا تطلع لحالك.
لا ترد على اللي بيقول لا تاخذ دواء ما تنام (الطلاب عادة بياخذوا دواء الميدا زولام للنوم).

أنا قررت اطلع لحالي وما آخذ شي، ظبطت نومتي قبل بعشر ايام بحيث نام 10 وفيق 5.
وقبل بيوم من اليوم اللي قبل الفحص نمت متأخر، وفيق حالي بكير باليوم اللي قبل الفحص، يعين وصلت على الفندق الساعة 5 هلكان وبدي نام.
طبعاً ما نمت مشان ما فيق على ال12، ضليت مهيض ومشغل التلفزيون وعم بقرأ لل9، ويا سلام لحتى فرطت.
إجيت بدي نام وغفلت عيني، مالقيت غير طلع صوت أحدهم: مالح تعرف تنااااام، إذا ما بتاخذ الدواااااء، مالح تقدر تنام.فتحوا عينوي مثل البنجكتورات، وبعد شي ساعة ونص سكروا، على الـ2 فقت. وماعد إجاني نوم، بس عرفت ملي وقتي والحمدلله.
أهم شي لا تسمعوا لأي شي سلبي، تأكدوا أن الانسان فينه يساوي كل شي، فينه ينام قبل الفحص مثل ما كل مرة بينام، وفينه يقضي هاليوم لحاله مثل ما قضى كل هالأيام، لاسيما إذا الواحد كان مؤنسه معه لا بيخاف ولا بيضيق خلقه.

صباح اليوم الاتالي رحت على الفطور بكير، في فطور ظريف بالمطعم تبع الفندق- بس بدون تتقيل، وكانوا خاطين شاي ونسكافة وعصير، اخترت العصير الفرش طبعاً.
بعدين ضب الغراض من الغرفة وحطهم بالريسبشن (لا تنسى تاخذ الأكلات، والورقات، والجواز والهوية)، وقول باسم الله واهبط.

خلال الفحص:
1- الوصول للمكز على السبعة ونص، فوراً بتفوتك المسؤولة (كثير حبابة)، وبتقعدك على كمبيوتر، وبلش الفحص (يا سلام عليك يا دام، جاية بلا ساعة).
الفحص 9 ساعات مع 8 ساعات شغل وساعة استراحة بعد كل بلوك كنت آخذ استراحةتغسيل وجه شرب ماء وعودة، بعد ثالث بلوك بلشت أكل الشوكولا والتمر.
هيك لبعد الخامس أكلنا البيتزاية (قطعة)، وبعدين نفس القصة مي وتغسيل وجه وحمام.
بعد السادس صلي الظهر، وارجع.
كثير لقيتها طريقة حلوة، ما في داعي لا بلوكين ورا بعض ولا شي.
ما بتلاقي إلا مرقوا.

إجاني أول بلوكين سهلين كثير كثير يعني بعد البلوك الثاني قلت لح آخذ 290 اليوم، بالبلوك 3 بلشوا النذالة (أنا المشكلة صرت حسن النية كثير واعتبرهم نفس مستوى البلكوين الأول والثاني- اللي خلصتهم قبل بعشرين دقيقة)، وكان هذا سيء.
لو إجاءكم أول شي سهل، فحلوه على أنه سهل، بس لا تحلوا الصعب على أنه سهل.
اللي حيجيه من أول شي الصعب ما يتعقد، ولازم ينبسط لأنه لح يحل بعقله "مو بعيونه" طول الفحص.

ليش استعجلت كثير ، وكبيت أسئلة منيح بلاطعمة؟ بسبب الانطباع اللي أخذته عن الفحص.
1- بالsimulated راح عليي أسئلة بسبب الوقت.
2- واحد من الشطار جدا جدا جدا ومقدم ستب 1 وفلهوي انكليزي كان يلحق البلوكات على آخر لحظة، وفي بلوك مالح ق فيه سؤالين (فأنا شو بدي أعمل بحالي).
3- في شب قدم قبلي صورلي الفحص أنه وحش من وحوش الزمان ما لحق شي، وما عرف شي، وأسئلة غريبة..... ففتت متوقع أغلط ب5 لأعرف الواحد، بأول بلوكين بالعكس، أعرف 5 وأغلط بواحد (وإذا ما غلطت مدري شو صرلي صرت كب الأسئلة، يلا عرفت كثير ليش هيك!!!! زكاة عن البقيانين، كب).
حاولوا تسرعوا، بس مو مثلي ركزوا أكثر بشوي.

مشان هيك عم قول لشلتنا، لا زم ما تروحوا أسئلة بدراستنا لازم تجي فوق ال270، اللي جابوا 270 ما عملوا أكثر من أي حدا فيكم، واللي لقى الفحص غريب فالسبب هو أن دراسته كانت كثير قليلة أمام العمل المعتاد (وتأكدت من هالشي بعدين)، المهم الطريقة اللي مشينا فيها بتضمن 99 بس بيصفى توفيق ربكم بالفحص يا بيرزقه أحسن مما اشتغل يا أما أقل فيحتسبها عنده.
شفت شب وصبية أردنيين بالفحص: الشب مخلص 65% من اليوسملي وورد، والبنت خلصته مرة وحدة والاثنين مو دريانين شو هو الكيو بنك، الحقيقة لما قالولي هيك ارتحت شوي، قلت يا ولد معناها دارس روق.

سألتني بينكي: لقيت حالك غير متوجه بالأسئلة؟؟ الجواب بالسطرين اللي فوق (الكلوات نفسهم والأسئلة نفسهم، في أسئلة صعبة، بس مو أكثر من 100، وهدول بدك تناوري عليهم -وفعلياً هنن اللي عم يحددوا علامتك-)، أسئلة صعبين كثير وما توجهت فيهم كثير مو أكثر من 20).

آخر استراحة فتحت منافس مع الشب الاردني، ففتت متاخر 3 دقائق، قلت ولي راح عليي ، فخلصت على السريع قبل بـ10 دقائق، وقلعتهم قبل قبل ما يطلعوني Smiling.
طبعاً غلط، بالباكالوريا كنت أعمل هيك، وطاروا العلامات بلا طعمة، هدوا وقتكم مافي شي وراكم (على الحالتين لح تستنوا بتكسي الرجعة شي ساعة -10 دنانير-).

إن شاء الله كون قدرت وصلكم صورة الفحص على حقيقته.
---------------------------------

إجتني أسئلة مشان البدء بكير بالستبات.
أنا من أنصار البدء بستب 1 من السنة الأولى.
ومن أنصار البدء بستب2 من السنة الرابعة.
هيك العالم ماشية هون.
وصدقوني اللي بيفوت على الرابعة وهو دارس مواد الستب 1 بيكون عامل شي كثير قوي، الستب 1 ما هو مجرد أساسيات لا علاقة لها بالطب كما منهاجنا، إنما هو الطب بشكل مصغر (معي طالب هون، ماسك الفيرست إيد بإيدو وماشي، ما درسواكلية)، غريبين ججداً.
الطب عندهم 4 سنين:
2 سنة لمواد الستب 1، وبيقدموه بآخر السنة الثانية.
1 سنة لمواد الستب 2، وبيقدموه بآخر السنة الثالثة (سنتهم كلها موجهة للستب كلها دواممثل الرصاص من 7=>5 المسا) يا جرام ما عندهم وقت يدرسوا غير آخر شهر، وبعده بيقدموا على الماتش.
السنة الأخيرة، بتطلع نتائج الماتش بس ما بيروحوا ليتخرجواوبيكونوا عم يعملوا جولات وacting internship ....

فهنيك آخر حجة طلعولي فيها: قال نحنا 6 سنين، معناها مستوايي رزدنت Smiling، مشان هيك بعرف مثل رزدنت (آخ لو يعرفوا الست سنين تبعنا).
المهم: أنا مع أن يندرس ستب1 من السنة الأولى شوفوا الشب اللي قدم ستب1 بالرابعة وافهموا منه شلون اشتغل، ممكن يكون صح (وممكن يكون مو صح)انتبهوا: العلامة ممكن تجي بدون ما تشتغل كثير، بس العلم بده تشتغل كثير ليجي، وهمكم الأول هو العلم.
نحنا وضعنا نهفة: منضيع 4 سنين من عمرنا (بتعرفوا قديش بنضيع وقت)، بعدين منجي بآخر سنة منقول على شو مستعجلين، لازم نمشي بهدوء وروية، ومنكب سنة آخر شي.
أنا ضد هالشي، وهالسنة كان جاي على بالي اكسر القاعدة، الستب 1 اللي باقيلي تقديمه سهل إن شاء الله (مع تحضيري له بالستب 2)، بس لقيت ناقصني شغلات أكثر من ستب 1 و2 ، لغة، خبرة عملية، تواصل، بلياردو، باسكت بول فرق السلة والكرة هون-بس مشان يصير شوية تواصل مع البشر-... ومستحيل كله لحقه بهالسنة و5 أشهر.
مشان هيك بلشوا من السنة الأولى، لغتكم شغلة كثير مهمة، بس تختموها بلشو اسباني (كل يوم في مريضين 3 بيحكوا اسباني).
وقت السادسة ما كثير قدرت داوم بالمشفىـ وهلق بتبين نتيجتها، حاولوا تداوموا ستاجات السادسة.
إذا كنتوا عاملين كل هالشي، فوتوا بعد السادسة هون عم يمتشوا قبل ما يتخرجوا، فليش ما يكون فينا نمتش، ولو مو طالعة وثيقة التخرج (في شب بري-متش هالسنة).

بقي شي؟؟ اللي بده يسأل.
-----------------

هي المشاكرة إهداء .
إهداء للأحباء اللي تحملوني وقت الفحص، وقت الفحص بيحس الواحد حاله مشلول ، وبيصير بيطلب، لاسيما إذا كان سفره بعد الفحص بيوم.
سامحوني أمانة، وشكراً إلكم.
- أخي محمد، هالسنة كوم والسنين كلها كوم.
- شلتنا المحترمة كلهم (مأمون ومروان وغبرة ، الدرة وإيادو وعمر وأسامة، حسان، منال وعلا -يمكن ما بتعرفوا، بس كثير استفدت منكن،شكراً): كثر خيركم كلكم، لا تخيبوا أملنا اتفقنا أقل واحد فيكم فوق الـ265، يا رب.
- الأخت علا الصوص : اللي تحلمت غلاظة الشعي السوري كله وهي عم تعمل ستاجات ببيلر، وقضت وقتها بين هاد وهداك وهدول، ما بعرف شلون أشكرك.
- أفراد القسم العلمي: الختمة اللي عملتولنا ياها (كل اللي مكتوبين بالسطر الثاني)، يمكن كانت من أكثر الدوافع للدراسة عندي بوقتها، منشوفكم عما قريب إن شاء الله.
- كم واحد أسأتلهم بوقت ما بيعرف فيه الواحد شو عم يحكي.
- أنس السلاخ اللي أسأتله سواء وقت التصوير -ما عرفت احفظ جملتين على بعضهم- أو وقت الأكثر شعبية-ما عرفت احكي كلمتين على بعضهم-، بس صدقني محي كان بمكان ثاني.
- هشام جبر، ولؤي الجزائري، ومحمد، واحمدالحلبي، وعبدالرحمن أبو الرز والشباب اللي غطوا عني.
- روان وعامر وانس سعسع ومحمد قبش وبقية الشباب اللي دعولي يوم الفحص.
- وائل الرفاعي "الحكيم الطلياني، بعد تحويله إلى أمريكا"، لمساعدته الشديدة التي قدمها خلال الفحص.
- طارق السيد ومروان (شكر خاص).
- أحمد كيلاني وشلة السابعة.
- عاصم شعيرية بطلي المفضل، وقتيبة المرعي.
- شلة الثامنة من طاهر، خالد، وبقدونس ، وحسين، سوسن، ونسرين وطه.
- جوزيف منصور، وكران كامبل اللي ساعدتني على تأجيل الستاج Smiling
- أهل الأردن الكرام، وهاشم عياد بالذات.
- عمار الجاجة، اللي كان عم يساعدني بدون ما يعرف مني سوى اسمي، شكراً إله.
- أهلي اللي ساعدوني بكل المراحل... يخليلي ياكم.
- حبيبي ومعلمي، محمد -صلى الله عليه وسلم-.
الله يقدرني ردلكم مساعدتكم بالوفت الحرج.

AttachmentSize
lewan.jpg24.27 KB
DAM's picture
by

Quote:
(وهم عدد طلاب الدفعة، وقد صدر القرار بأن يصبحوا 230 طالب-هنيئاً للقادمين)

IMG'S ??????

Quote:
8- الواحد شادد شادد فليش ليروح همته بالجبل الصغير، فوت دغري بالكبير ووصل لقمته بعدين بتكون تعبت اطلع على الجبل الصغير (في ناس ممكن ياخذوها بالعكس رودج بالصغير وحمي للكبير).

لأنو الواحد ممكن بعد الجبل الكبير يتعب و ياخد الجبل الصغير ببساطة و ما يعطيه اهتمام باعتبار فرحان بحالو نفد من الكبير , ديرو بالكم... بتصير فينا بالامتحانات بعد ما نخلص من مادة صعبة منصير منبرد همتنا تجاه بقية المواد !

صراحة حاسة حالي عاملة إنجاز تاريخي لأنو قدرت اقرأ المشاركة كاملة
بس مشكلة هالمشاركة أنو ما بقدر ناقش فيها لأنو كلها ستيب 2

وين تبع الستيب 1 ؟؟

شكراً لك وبالتوفيق بستاجك و الستيب 1

روان's picture
روان
بعد التخرج


الله يعطيك العافية عبد الرحمن.
فعلاً عمل متعوب عليه, فضلاً عن أنه خلاصة تجربة مميزة.
تم حفظ الصفحة, منقراها على مهل, كل الشكر من كل قلبي.

بالتوفيق فيما تبقى من طريقك.

TechnoMan's picture
TechnoMan
طالب دراسات عليا


ما شاء الله عليك ,الله يجزيك الخير
ان شاء لله كل حرف كتبته بهالمشاركة ينعاد عليك بعلامة(لحق اذا بتلحق علاماتEye-wink ) انت وكل الشباب يلي عم يقدموا او يدرسواهلأ..(وخصوصاً الدرة)

mbs2380's picture
mbs2380
بعد التخرج

Quote:
7- بس توصل، بتاخذ تكسي وبتقله: منطقة الصويفية، شارع الوكالات.

جنب Pizza Hut فرع الصويفية أو Ole Jordan الAmideast هناك تماما

كل هدا ب UTMB و هي Below Average فكيف الكبار ؟؟؟؟؟

بالنسبة لاسئلتك عبدالرحمن السؤال الأول asses suicide risk و التاني هو جواب رقم 2 .....

بالنسبة للمنطق لازم يكون منطقك your logic مبني على حقائق هون ممكن تصير تجاوب على Logic and common sense

Quote:
265

اش معنى ؟؟؟؟ Laughing out loud Laughing out loud Eye-wink

هو ستيب 2 هو الاقل سهولة بين ال 3 steps بس انا برأيي انكم مزودينها كتييييييييييييير

take it easy و الله انا ما ضيعت عحالي طلعة و لا فوتة و لا عشا و لا سهرة و لا بسط و درست ريلاكس و خلصت من القصة ....خليكم ريلاكس

عبد ...كتير هيك و الله لو معركة ....انا متأكد انك لو كنت ريلاكس كنت ما ضيعت هديك الاسئلة ؟

اني واي موفق ...علامتك الاربعا الجاي ...المفروض بتبقى بتخبرنا
GOOD LUCK

Dr_Ayyad
بعد التخرج

Quote:
النفسي: كان متعتي في الستب.
هايليد + ديفيدي كابلان.
بالأحرى ديفيدي كابلان + إذا بدك اطعل على الهايليد.
قرأته مرة مرة وحدة بالوش الأول، بعدين اعتمدت على الديفيدي فسمعته مرتين وقبل الفحص قرر رد اسمعه للمرة الثالثة (خلصت نصه ومالحقت)، الكتاب ممكن يكون بيم إيديك خلال السمع.
حالياً بعتبر حالي خبير نفسي (صحيح روحت نص اسئلة النفسي بالفحص، بس كانوا غير نمط ومع ذلك بينحلوا، حليتهم برة).

ديفيديات الكابلان رائعين صرت سمعانهم 3 مرات Laughing out loud Laughing out loud

وسؤال كمان:

حليت شي NBME قبل ما تروح عالفحص؟؟؟

قراية ال Education objective بالمرة التالتة كافية ولا نرجع نقرا الأسئلة كمان

Quote:
- عمار الجاجة، اللي كان عم يساعدني بدون ما يعرف مني سوى اسمي، شكراً إله.

مالي بعرفك من زمان بس حسيت حالي بعرفك من زمااان وبنفس الوقت تمنيت لو بعرفك من زمااان

الله يجزيك الخير وإن شاء الله القادم أهم من اللي راح

moonberg's picture
moonberg
بعد التخرج


الله يجزيك الخير عبد الرحمن....
ان شاء الله العلامة بتيجي متل ما بدك وأكتر....
الله يقويك...

Vince Carter

Quote:
علامتك الاربعا الجاي ...المفروض بتبقى بتخبرنا

إن شاء الله أعلى العلاماتEye-wink

وشكرا كتيير ع المعلومات
Laughing out loud Laughing out loud

Inspector's picture
Inspector
السنة السادسة


عبد الرحمن بس سؤال
لقيت صعوبة بالأسئلة من ناحية اللغة؟
و

Quote:
بعد كل بلوك كنت آخذ استراحةتغسيل وجه شرب ماء وعودة

ليش كل واحد بياخد استراحة لما بدو؟

Inspector's picture
Inspector
السنة السادسة

Quote:
ديفيديات الكابلان رائعين صرت سمعانهم 3 مرات Laughing out loud Laughing out loud

وسؤال كمان:

حليت شي NBME قبل ما تروح عالفحص؟؟؟

قراية ال Education objective بالمرة التالتة كافية ولا نرجع نقرا الأسئلة كمان

انا وصلوني ال dvdS بعد الامتحان باسبوع
و اكتشفت وجود NBME بعده باسبوعين بس
و USMLE world قررت استعمله قبل الامتحان بشهر يعني بعد شهرين و نص دراسة-و كنت اول واحد بيستعمله بالبلد- بس استعملته للتقييم مو للدراسة (اشتركت اشتراك و كنت حل بلوكات ميكسد مع تحديد الوقت ....بس بدون ما اقرا شرح و كنت جيب بحدود 37 من 46 بالبلوك صح و طلع كلو تقريبا 76% )

Dr_Ayyad
بعد التخرج

Quote:
ليش كل واحد بياخد استراحة لما بدو؟

معك ساعة بتقسمهم عراحتك

كل واحد و طريقته

انا بطبيعتي مستعجل فما اخدت دوب ربع ساعة ب 2 و 10 دقايق ب 1
بس يفضل تستهلكها كلها و تكون رايق

Dr_Ayyad
بعد التخرج

Quote:
انا وصلوني ال dvdS بعد الامتحان باسبوع
و اكتشفت وجود NBME بعده باسبوعين بس
و USMLE world قررت استعمله قبل الامتحان بشهر يعني بعد شهرين و نص دراسة-و كنت اول واحد بيستعمله بالبلد- بس استعملته للتقييم مو للدراسة (اشتركت اشتراك و كنت حل بلوكات ميكسد مع تحديد الوقت ....بس بدون ما اقرا شرح و كنت جيب بحدود 37 من 46 بالبلوك صح و طلع كلو تقريبا 76% )

سو لح قدم الفحص بكرا Laughing out loud Laughing out loud Laughing out loud

moonberg's picture
moonberg
بعد التخرج

Quote:
شفت شب وصبية أردنيين بالفحص: الشب مخلص 65% من اليوسملي وورد، والبنت خلصته مرة وحدة والاثنين مو دريانين شو هو الكيو بنك، الحقيقة لما قالولي هيك ارتحت شوي، قلت يا ولد معناها دارس روق

هدوا عاملين انجاز حالين uw انا بنبري لساني و انا بقنع فيهم يحلوه بس عبث ما حدا بيسمع

على فكرة عبد ثانكس عالموضوع خصوصا اسلوبك حلو و سلس انا اللي ما لي خلق عمبقرأ !!!!

Dr_Ayyad
بعد التخرج


معلومة اضافية

The IMG can not match without a valid ECFMG certificate which in turn requires verification of your medical diploma so you can't match without having your diploma issued

US senior medical students applying to the match are not eligible for prematches

Dr_Ayyad
بعد التخرج


شكراً إلكم، باعتذر عن التشتيت اللي فيها، بس كتبتها قبل بيوم وانمحت بكبسة زر بالغلط، مشان هيك كتبتها بشكل أسرع.

Quote:
حليت شي NBME قبل ما تروح عالفحص؟؟؟

لأ، حليت بلوكين لقيته حلو بس المشكلة أن الأجوبة غير موجودة (بالنسخة اللي عندنا)/ فطلعت أجوبة اللي شكيت فيهم من الأبتوديت، وحسيت أن المعلومات اللي قرأتها من الأب توديت فادوا.
لو كان في وقت لحليته وطلعت كل الأجوبة من الأب توديت.
بحسب منتدى اليوسملي: أن 1 سهل كثير وغير مستوى الفحص، 2 قريب من مستوى الفحص، 3 ؟؟ نسيت شو حكوا عنه.
برأيي اللي حل كيو بنك ويوسملي وورد عمل الحد الجيد، الي معه وقت يحل كمان.

Quote:
قراية ال Education objective بالمرة التالتة كافية ولا نرجع نقرا الأسئلة كمان

أنا برأيي ترجع تقرأ الأسئلة كلهم بلوكين قبل كل باطنة (يعني ساعتين)، ولو ملخصهم بترتاح بقرائة الشرح، مو ملخصهم الهدف التعليمي كافي -لأنك أكيد مالح ترجه تقعد 4 ساعات على كل بلوك.

Quote:
IMG'S ??????

لأ، طلابهم.

DAM's picture
DAM


عمل رائع
شكرا جزيلا

baneebal
السنة الخامسة


شكراً هاشم،

Quote:
و USMLE world قررت استعمله قبل الامتحان بشهر يعني بعد شهرين و نص دراسة-و كنت اول واحد بيستعمله بالبلد- بس استعملته للتقييم مو للدراسة (اشتركت اشتراك و كنت حل بلوكات ميكسد مع تحديد الوقت ....بس بدون ما اقرا شرح و كنت جيب بحدود 37 من 46 بالبلوك صح و طلع كلو تقريبا 76% )

الصراحة يا أخي أنت غير شكل، أنا شفقان على طلاب الستاج اللي معك هلق.
أنا لما بلشت كنت طير 18-20 سؤال Embarrased (بعد الوش التمهيدي Embarrased )، نحنا لازم نقرأ الشرح لأنه أحد مصادر دراستنا.
وشغلة ثانية، أنا عم حاول دفش العالم ليقرؤوه من الوش الأول مشان نمط الأسئلة، نحنا يا هاشم بعمرنا، بعمرنا مو حالين حالات سريرية (إلا اللي حالل لحاله ومن حاله).

كل أسئلتنا بالفحص هي عبارة عن سطر وبتطلب معلومة (إذا قرأت المادة كلها باليوم اللي قبل الفحص)، بتجاوب معظم الفحص، مافي أنك تستخدم معلومة لتوصل بالجواب، وهي فكرة الستب.
بالستب: ما بيسأل شو بيصير بفون ولبراند:
1- تطالو زمن النزفBT
2- تطاول PT.
3- تطاول Ptt.

لأ، بيعطي حالة نزف، وبيعطيك كل المعطيات، وأنت بدك تعرف كيف بدك تقارب:
أول شي طلع على نمط النزف، فإذا كان صفيحي => خلل بالصفيحات، انظر إلى عددهم فإذا كان طبيعي=> خلل بوظيفتهم (لأن العدد ليس ناقص)، انظر إلى BT (الذي يعبر عن وظيفتهم)، فإذا كان زايد فوصلت للجواب، وفينك تختار فون ويلبراند (وبتدعم جوابك بتطاول PTT).
شايفين الفرق عن فحوصنا؟
اللي ما حيحل أسئلة بالوش الأول ما حيدرس بهالطريقة، حيدرس بطريقتنا الغبية.

(أنا آسف للحق، يمكن أسئلة الفحص الوحيدة اللي ما إجتنا بهالطريقة هي أسئلة الدم، بس كل المواد الثانية هيك، سطر وهات معلومة).

أنا ساويت بالوش الثالث طريقة لمقاربة كل عرض من الأعراض، كنت تاركها للعشر أيام الأخيرة بس للأسف ما لحقت راجعهم. بركي بكتبهم وببعثلكم ياهم حدا بيستفيد منهم على الأقل.

Quote:
لقيت صعوبة بالأسئلة من ناحية اللغة؟

ما كثير، بس في سؤال ما عرفت شو بدي أعمل فيه لأن كلمة ما فهمتها وعليه وقف السؤال.

اللغة الطبية بتقوى معك لأنك عم تدرس بالانكليزي، وعم تحل أسئلة بالانكليزي، وعم تتفرج على الديفيديات بالانكليزي (هي كثير فادتني، ومرتاح هون بالسمع للعالم أكثر من غيري من الأجانب-مع وجود جزء كبير من لاضعف-).
الفيلو تبعي صيني، الله وكيلكم ما بفهم عليه كلمة لما يحاكيني، بس ببتسم بوجهه.

DAM's picture
DAM

Quote:
شفقان على طلاب الستاج اللي معك هلق

ليش مين قلك اني عم بعمل الكتيف ؟ يا زلمة رح موت من الضحك لاني ساعة افهمت قصدك ...صدقت حالي اني عم بعمل الكتيف ...انا هون في اجازة (سياحة يعني ) و مقضيها بالمطاعم و الاسواق و ال tourist attraction !!!!!

Dr_Ayyad
بعد التخرج


يا سلام عليك، وأنا مفكرك بستاج.

Quote:
وين تبع الستيب 1 ؟؟

أنا آسف روان ما قدمت ستب 1، فما فيني فصل فيه كثير.

Quote:
أنا من أنصار البدء بستب 1 من السنة الأولى.
ومن أنصار البدء بستب2 من السنة الرابعة.

مثلاً السنة الثانية عندنا 4 أشهر و4 مواد بالفصل.
شهر قبل الفحص للفحص.
3 لشهر ل4 مواد.
عطوا كل مادة 3 أسابيع، خصلوها كلها.
الفيزيولوجيا:
من الكتاب العربي (أو من محاضرات السنة الماضية بالمواد المعتمدة على المحاضرات)، واقرؤوا من غايتون اللي بدكم ياه.
حاولوا تسمعوا الديفيديات، وبالآخير تقرؤوا الكابلان وتحلوا الأسئلة، وهيك بكل مادة.
معكم وقت منيح وكافي لهالشي، أكثر شي عائق لهالشي بالعادة أن المحاضرات بتتأخر لتنزل، اعتمدوا على محاضرات السنة الماضية.
واللي بيحب يدرس بجامعة أجنبية، خلص يسمع محاضرات أجنبية بالبيت وياخذها كدرس مع بقية الطلاب الأجانب اللي قاعدين، ويدرس كتبهم كمان.

بالصيف ممكن تراجعوا اللي درستوه وتحلوا الأسئلة مرة ثانية.
إيمتى بدكم تقدموا مو فارقة، بس فوتتكم على السريريات لح تكون مختلفة.

بالرابعة نفس القصة، لكل مادة أسبوعين:
اقرؤوهم من محاضرات العربي-السنة اللي قبلها-، اسمعوا الدييفيديات، اقرؤوهم من كابلان وآخر شي مروا على المدستدي.
دوامنا بالستاجات، بيبلش 9 وبيخلص 11 (مو مثل هون بيلبش 8 وبيخلص 5-على حسب الخدمة في شي بيبلش 5، وفي شي بيخلص 6)، فاستغلوا الوقت الكبير اللي متوافر، واخلصوا من شغلات تنزيل هاد على هاد والإضافات تبع هداك.
ممكن بعد ما تخلصوا كل مادة تطلعوا تداموا بعد الستاج بالعيادات أو بالشعبة تبعها، كثير لح تستفيدوا.
(يعني بعد ما درست الهضمية بأسبوعين، وبلشت بالرثوية، بتصير بتحضر بشعبة الهضمية وعيادة الهضمية وأنت عم تدرس رثوية)، إذا ما عجبك الوضع دورلك على دكتور هضمية واحضر عنده بالعيادة في كثير دكاترة بيقبلوا، إذا اشتغلنا هيك بالرابعة والخامسة وقتها بيصير الستب2 بياخذ 3-4 أشهر بالكثير.
هي نصيحة، حاولوا تستغلوا وقتكم بهالشي.
استغلال الدقيقة حالياً، يوفر الدقيقة بالمستقبل.

DAM's picture
DAM


شكرا جزيلا DAM

Beautiful Mind's picture
Beautiful Mind
السنة السادسة


شكرا عبد الرحمن، للحقيقة موضوع متعوب عليه ..

بالتوفيق للي بعدك، وادعولنا نحنا اللي لسه بأول الطريق.

dr.tabban's picture
dr.tabban


الله يجزيك الخير، عبد الرحمن مو موسوعة بس، دليل متنقّل و"حارق مسافات" بجدارة! ما شاء الله..

منتظرين علامتك يوم الأربعاء إن شاء الله على أحرّ من الجمر منشان نباركلك..

KMG's picture
KMG
طبيب مقيم


كلمة الشكر قليلة كتير بحقك كتور عبد الرحمن
خلاصة التجارب هي أهم وأغلى ما يمكن أن يقدمه للانسان للآخرين .
وبالنسبة لنا نحن يلي لساتنا بأول طريق الستيب متل الحلم انو نلاقي موضوع يقدم خلاصة تجربة مميزة متل تجربتك مع كل هالتفاصيل والملاحظات والنصائح.

شكرا جزيلا لك وان شاء الله الله بيفرحك بعلامة حلوة وبيوفقك بكل أمورك

a.m.a's picture
a.m.a
طبيب مقيم


ألف شكر Eye-wink يعطيك ألف عافية
وفقك الله في طريقك (أحد أصدقائي يستعد لتقديم امتحان الستيب )
(بدي أسألك أديش أخدت معك وقت للكتابة بما أنو الأصلية أخدت 7 ساعات)
أكثر شي عجبني العنوان ...معبر !!
مجرد كلمات !!!!!

Quote:
مثلاً السنة الثانية عندنا 4 أشهر و4 مواد بالفصل.
شهر قبل الفحص للفحص.
3 لشهر ل4 مواد.
عطوا كل مادة 3 أسابيع، خصلوها كلها.
الخ .....

هلق هالكلام مفيد للقادمين الجدد إلى السنة الثانية ..
هل ينطبق نفس المبدأ على سنتنا الثالثة أم أن مشروعاً آخر نبدؤه هذا الصيف أجدى برأيك ؟؟

طريقة دراسة الستيبات ونصائحك لطلاب السنوات الثلاث الاولى -وحتى الرابعة والخامسة- هل تفيد الناس يلي لسا ما حسموا خيار الطلعة على أمريكا -أو ظروفهم ما سمحتلهم لسا باتخاذ هالقرار- ؟؟ أم أن الخيارات الأخرى تسلتزم طريقة أخرى بالدراسة مختلفة تماما ..تقاطعاتها قليلة مع نظام امتحانات الستيب والتحضير لها ؟؟؟

بكلمتين مختصرات .. بشو فينا نستغل وقتنا الحالي إذا لسا خيارات عديدة ما زالت مطروحة من ناحية الاختصاص ومكانه ؟؟

dr.napoleon's picture
dr.napoleon
طالب دراسات عليا


تتمة
أحد أصدقائي يستعد لتقديم امتحان الستيب 2 هاليومين وكنت ناطرو حتى يخلص مشان أقدر اطمأن عليه اولاً وأستفيد من تجربتو ، وحسيت أديش نحنا محظوظين بناس من أمثالك عم ينورولنا الطريق على بكير

dr.napoleon's picture
dr.napoleon
طالب دراسات عليا


شكرا أخ عبدالرحمن، ان شاء الله بالعلامات العالية.
معلومات أكيد كتير مفيدة إلنا.
كم سؤال خطروا ببالي وأنا عم أقرأ مشاركتك:

- بالفصل التاني بالخامسة كم باطنة لحقت؟

- شو الأحسن برأيك أني كمل دراسة ستيب مثلا للشهر الخامس وبعدين ألتفت للفحص أم وقف شي ب 20 شهر 4 وأدرس خمجية ودم ميدستدي +محاضرات؟ (علما أني ما لي فاتحتهم لليومconfused )

- أديش مهم الواحد يكون معه توفل للمراسلة مستقبلا؟ يعني حرزان التعب والشغل عليه ولا مو ضروري كتير؟

كان ببالي أسئلة كمان، نسيتهمSad
شكرا مرة تانية وبالتوفيق.

SINA's picture
SINA
طالب دراسات عليا

Quote:
بالفصل التاني بالخامسة كم باطنة لحقت؟

كلهم ما عدا الدم والخمجية، والنسائية، وقرأت كم صفحة أطفال.
بس بالطريقة اللي عم قلك عليها:

Quote:
شو الأحسن برأيك أني كمل دراسة ستيب مثلا للشهر الخامس وبعدين ألتفت للفحص أم وقف شي ب 20 شهر 4 وأدرس خمجية ودم ميدستدي +محاضرات؟

أنا وقفت دراسة بـ20\4، بس مشان المؤتمر، هيك حتى 7 من شهر 5، ووقتها بلشت دراسة للكلية (لأول مرة).
قرأت شوي لعملي الأشعة وللوقائي (مو أكثر من 3 أيامم)، بعدين عطيت كل الوقت للباطنة ومادرست شي من بقية المواد (حتى الأسبوع الاضافي اللي أخذناه خليته للباطنة -كانت شي 20 يوم، وأؤيد أن يتم دراسة الستب فيهم-.
- بالدم بتمشي معك (الستب والكليّة بينفدوا على بعض سواء بالمعلومات أو المقاربة أو بالأسئلة).
- بس بالخمجية، مادتين مختلفين تماماً:
الكليّة: عضويات (قريبة للمدستدي).
الستب: أجهزة (التهاب شغاف، التهاب سحايا، ذات الرئة، ....).
ونمط أسئلة الخمجية بالكلية كثير سيء وماله علاقة بالعلم.

كل مادة بعدين كنت أدرسها بوقتها، واجت الحمدلله علامات عالية (طلعت من 15 الأوائل)، يعني باختصار:

- المواد اللي عندكم لا تاكلي همهم منوب -باعتبارهم صغار دراستهم خلال السنة أو خلال الفحص نفس الشيء-، بيندرسوا بوقتهم، مع علامة بأواخر الثمانينات - إذا شديت والله يسرلك.

=> الخلاصة:
يعني أؤيد أن تبقي بالستب لأول 5،
بعدين شي 15 يوم لغير مواد (3أيام لكل مادة- بس خذي طلة عليهم-).
بعدين 15 يوم للباطنة (الدم ممكن تمرقيها ستب)، بس الخمجية لا تقربي على الستب، بعدين.

Quote:
- أديش مهم الواحد يكون معه توفل للمراسلة مستقبلا؟

أنا الحقيقة فادني، يعني لو ما طلعلي بالجامعة اللي أنا فيها فلقيت قبول بامعة ثانية (يعني كثير كنت مرتاح لما عم راسل أنه في قبول مأمن).
القسم الثاني ما كان معهم توفل، وبالتالي ما استطاعوا يبعثوا للجامعة اللي عم تقبل.

بس ملاحظة: أنا التوفل اخذته بالفصل الأول من الخامسة وخصيصاً لهذا الغرض، ما أخذت من وقت الستب.
يعين هلق لازم تقارني بين أولوياتك، الستب الستاج ، التوفل.

إذا ما تامن معك ستاج لهلق وما عم تلاقي، وفايتة ستب2 قبل ستب1، ممكن يكون التوفل أولوية.
بدك تشوفي الجامعات التي بتقبل بتوفل، حاولي تبعثيلهم وتطلبي منهم مكان وقوليلهم التوفل بيكون عندكم بعد شهر مثلاً.
ووقتها برأيي خذي التوفل.

حاولي ما تخلصي هالفصل إلا وأمنتي ستاج، بيضيع وقت كثير، بس بالأخير بتوفري وقت منيح (ممكن تسألي الشباب الي معنا، الله ما يسرلهم أول مرة فاضطروا يشتغلوا وبوقت حرج الله يكون بعونهم، ومنيح اللي تيسرت معهم).

لازم الواحد يسأل كثير، لا تحاولي تمشي الطريق من أوله وتدوري، في غيرك عمل هالشي لا تردي ترجعي وتضيعي وقتك.
اسألي، واسألي، ثم اسألي (أهم شي شبكة العلاقات الواسعة).
يعني بعد ما انقبلت بالجامعتين، صحلي ستاج بجامعة ثالثة، وبعد شوي ابنعثتلي جامعة رابعة ما بدها توفل (قلت لحالي حاجة بقا زوق) و2 من رفقاتي قدموا عليها بعدين وانقبلوا.
=> اسألوا منيح.
طبعاً أنا بمجرد ماطلعلي القبول بجامعة فوراً لغيت البقيانين لخلي دور لغيري، وحكيت مع الشباب اللي بيقدروا ياخذوا الأماكن.

إذا لزمك مشان هالكم جامعة ابعثيلي، مالح اقدر حطهم هون مشان ما يصير مثل كل سنة الكل عم يبعث الجدي واللي مو جدي، اللي بلش بالطريق و"محتاج" يطلع هو الأولى.
سينا أنتي لغتك كثير قوية، وأكيد إذا بالنهاية قررتي تاخذي توفل ما لح تتغلبي.

DAM's picture
DAM


هل للتوفل مدة محدودة ولا بقدر آخدو إيمتى ما كان وبنقبل بعد أي سنة ؟

 

ويا ترى بيشترطو مجموع معين بالتوفل ؟؟

 

شكراً

روان's picture
روان
بعد التخرج


مدته سنتين، مشان أحسن شي أخذه بأول الخامسة.

بيشترطوا مجموع معين، كل جامعة شكل.

بس بشكل عام مو كثير، متوسط.

 

DAM's picture
DAM


مبروك دام وعقبال 99

وحكيت مع الشباب اللي بيقدروا ياخذوا الأماكن ؟؟؟ 

إذا لزمك مشان هالكم جامعة ابعثيلي، مالح اقدر حطهم هون مشان ما يصير مثل كل سنة الكل عم يبعث الجدي واللي مو جدي، اللي بلش بالطريق و"محتاج" يطلع هو الأولى.

أنا مو لازمني ... لا تبعتلي ياهن !!!!!!

 

dr.msh's picture
dr.msh
بعد التخرج


كلام يسطر بماء الذهب..

تعس حكيم إن كان سيغفل بيوم من الأيام عن مثل هكذا مشاركات..

لن أدعو لك علنا، لأنني واثق ان الله يعلم انك لم تضع هذا الدليل الطويل العريض الى لوجهه، و صدقني، هو سيشكرك احسن من الجميع ..

موفق أخي عبد الرحمن

Buzz_LightYear
ابق على تواصل مع حكيم!
Google+