تصفح
دخول
تسجيل
نسيتها؟

مشاركة طفلية زغنونة


مشاركة طفلية زغنونة

السلام عليكم
هذه ملاحظات زودنا بها أخونا A.S كخطة لدراسة هذه المادة و مدى صعوبة كل محاضرة أو سهولتها :
1+2--------------- فيصل شعبان ( صعبة ) تدرس أولا 1و2 ثم المحاضرة 20 لوجود أسئلة الدورات فيها
3+5+4+17+18 --------------- تدرس حسب الترتيب:
3-5-4-17-18 ( متوسطة الصعوبة أو السهولة )
8+15+10----------------جهاد قزح + مطيع كرم , بدء الدراسة بجهاد ثم مطيع ( مو صعبة )
6+7+12+13 ---------- تدرس حسب الترتيب 6-7-12-13 ( سهلة )
9+11-------------- متوسطة ( الصعوبة أو السهولة ) تدرس مع الملحق 9
19------------- لا معلومات عندي عنها
14 ------------سهلة جدا
و بالمقابل 16 ------------- صعبة جدا يفضل قراءة الجدول إذا أردت ( و الخيار لك ) أن تحذفها
و للمنتسبين لمكتبة غسان : عليكم بالملاحظات الموجودة في آخر محاضرة ( وصية من a.s )
جزاك الله خيرا a.s
أكرمكم الله بعلامة عالية
و السلام عليكم

AttachmentSize
funny-baby-14.jpg34.07 KB

‏*‏كان خلقه القرآن*___*كان أشد حياء من العذراء في خِدْرها*___*نظره إلى الأرض أطول من نظره إلى السماء*

a.y.s's picture
by
بعد التخرج


شوفو هادا الولد شو مستغرب !!!!
( كلو هاد منشاني --- 20 محاضرة )
والله بتستاهل !!!

لسا في فصل تاني
إنت حبيب القلوب !!! ولو

Eye-wink Eye-wink Eye-wink

a.y.s's picture
a.y.s
بعد التخرج


مشكورين يا معلم

SAS


ألف شكر يا زميل a.y.s

سؤال زغنون يا شباب:

أسئلة الدورات شو وضعها....يعني يتنقرا....أم ما بتنقرا...

مروان's picture
مروان
طبيب مقيم


خطر على بالي فكرة حلوة بتسهل علينا دراسة أرقام هالمادة الفظيعة ...بس إن شاء الله رح حطها المسا ...
ادعولنا ...Eye-wink

A.M

مروان wrote:
أسئلة الدورات شو وضعها....يعني يتنقرا....أم ما بتنقرا...

قالوا ..انو أسئلة الدورات بقسم د.فيصل شعبان ضروري انو نطلع عليها ..
بس أنا شايف انو ما في مشكلة انو نطلع على كل الأسئلة لأنها بتركز الأفكار بالراس ..و خاصة انو الشباب يلي كاتبين المحاضرات حاطينها جاهزة و منقحة بالمحاضرات الأخيرة ( هاد الحكي عند غسان ..و ما بعرف شو وضع بقية المكتبات ) ..
موفقين ..Eye-wink

A.M

Quote:
خطر على بالي فكرة حلوة بتسهل علينا دراسة أرقام هالمادة الفظيعة ...بس إن شاء الله رح حطها المسا ...

عم نستنى أفكارك الإبداعية أبو حميد لأنو باينتها المادة بدها هز كتاف وخصر وووو Cool ذاكرة Cool كتير ..
لازم نركب HARD DISK جديد وسعته كبيرة ..
لأنو اللي عندي مسكين Sad مو متعود على هالكم الهائل من الأرقام Evil ..
في عندي كم مخطط صغار على جدول ماكن Rolling Eyes لمحاضرة الدكتور فيصل شعبان ..
بس اكتبهم عالكمبيوتر وبنزلهم إن شاء الله ..
وبانتظار فكرتك أبوحميد .. لا تقطعنا Rolling Eyes ..
موفقين Eye-wink ..

SAMO's picture
SAMO
السنة الخامسة


بس عجلوا شوي...
لأنو بدنا نولعهاااااااااااا.....

مروان's picture
مروان
طبيب مقيم

Quote:
بس عجلوا شوي...
لأنو بدنا نولعهاااااااااااا.....

لك دكتور و بتدخن Laughing out loud Laughing out loud أما لعيبة آخر زمن

SAS


وااااااع وييييييع Crying or Very sad Crying or Very sad لك شو هااد يا جماعة ..لا توخذوني ..كنت عم ساوي شي يربط الأرقام مع بعضها ..آآم ارتبطت و ما حدا فكني ..صار بدي شي عبقري رياضيات ليفكلي الشيفة تبع الخريطة يلي عملتها ...مشان هيك تنازلت عن فكرتي الفظيعة ..و رجعت للحلول التقليدية...و بقترح فيها ..انو نجمع كل الأرقام ضمن جداول ..واحد خاص بالأيام و واحد بالأسابيع و وواحد بالأشهر و واحد بالسنوات ...و كا ما طلع معنا شي جديد منضيو عليه ...لحد ليلة الامتحان ...و وقتها بكون خلص ..و على هالحالة منكون درسنا الأرقام بطريقتين : وحدة من المحاضرات و وحدة من الجداول ..مشان نكون أكثر قدرة على التعامل معهم أثناء الامتحان ...و أنا بلشت بهالشي ..و عملت جدول لكل شغلة ( تتضمن محاضرات الدكتور جهاد قزح و فيصل شعبان ..بس التانية تبع الدكتور شعبان بدها إعادة بأسلوب تاني و أنا حطيتها هون بس مشان يكمل الجدول و إلا ما كتير ما شي الحال هون) ...فكل واحد بطلع معو أرقام بقترح انو يسجلها وفق هالترتيب الموجود في الجداول و ينزلها كرد..و بآخر النهار منضيفها عالجدول ..( أو كل واحد بنزل الجدول عندو و بضيف عليه المعلومات بشرط ألا تتكرر و بعدين بحملو مرة تانية )...شو رأيكم ...
https://www.hakeem-sy.com/main/files/الأيام.doc

https://www.hakeem-sy.com/main/files/الأسابيع.doc

https://www.hakeem-sy.com/main/files/الأشهر.doc

https://www.hakeem-sy.com/main/files/السنوات 1.doc

https://www.hakeem-sy.com/main/files/السنوات 2.doc

A.M

A.M wrote:
منضيفو عليه ....doc

لا تواخذوني على كتر الأخطاء الإملائية بس ..شي بجنن..

A.M

SAMO wrote:
Quote:
خطر على بالي فكرة حلوة بتسهل علينا دراسة أرقام هالمادة الفظيعة ...بس إن شاء الله رح حطها المسا ...

في عندي كم مخطط صغار على جدول ماكن Rolling Eyes لمحاضرة الدكتور فيصل شعبان ..
بس اكتبهم عالكمبيوتر وبنزلهم إن شاء الله ..
Rolling Eyes ..
موفقين Eye-wink ..

أبو السيم ..شو هنن تبع محاضرة شعبان التانية ...؟؟لأنو قرأتها و ما استفدت شي ..مشان هيك بدي لخصها بشي طريقة ما شي حالها ...فإذا بكون الجدول تبعك كافي و مريح ..بتكون وفرت علي وقت كتير ..Eye-wink

A.M


في عندي اقتراح بعد إذنكنEmbarrased

الفكرة هي أنو كل واحد منا بنزل ملاحظات علمية امتحانية ، شو يعني هالحكي
يعني أي شي منوه عليه بالمحاضرات أو مقارنات ، متشابهات ، متعاكسات ، معلومة معتة لقالها طريقة خنفشارية لتنحفظ (هي الطريقة مهمة كتير بالأرقام اللي عنا )أو أي شي وارد أن يكون كجزء من سؤال فحص ينزلو كملاحظة .

و الملاحظات لازم تكون تامة بمعناها بحيث الطالب الغريب يقرأ الملاحظة و يفهم شو مكتوب مشان الاستفادة تعم الجميع مو بس اللي عم يدرس المحاضرات .

طبعا هالملاحظات ليست ملخص لكنها نقاط مضيئة في المحاضرات و الشي المهم أنها مابتاكل وقت منا و بصير أي طالب يقدر يشارك ولو بسطر واحد فقط .

ممكن أن نشتغل بشكل عشوائي يعني كل واحد بينزل اللي بدو ياه و طريقة تانية أفضل هي التنظيم بحيث كل واحد منا ياخدلو محاضرة أو محاضرتين و ينزل أهم النقاط المضيئة في هذه المحاضرات و إن شاء الله بجهد فردي صغير لكل واحد لح نطلع بعمل جماعي كبير و مميز .

بس بهالمادة فقطconfused كل واحد منا أي شي بيمر معو بأي محاضرة و بيقدر يلاقيلو طريقة سهلة ، بايخة ، مريخية ...بس عملية وتساعد عالحفظ المديد يضيفها و لا يتردد أبدا و الله الموفق .

فما رأيكم دام فضلكم

SAS


السلام عليكم
هذه مشاركة للدكتور Kaka-22 بعنوان التطورالروحي و الحركي للطفل ، نشكر له هذا العمل الرائع . و هي حتما مفيدة :

هذه المحاضرة يعطيها د.سمير بقلة وهي من المواضيع الهامة في طب الاطفال ولها 5-6 اسئلة بالامتحان
لكن الدكتور في السنة الماضية ذكر سلسلة المتواليات بالاسابيع مع التفصيل الواسع
وفي الامتحان جاءت الاسئلة بالاشهر!!!!
لذلك احببت ان اضع امامكم تبسيطا للمحاضرة اضافة لذكر الامورالمهمة باللون الاحمر
راجيا منكم تصويب الخطأ و اتمام النقص
ملاحظة: اتجاه التطور من الاعلى للاسفل - من الداني للقاصي -من الانسي للوحشي
اولا: متوالية الحركات الكبيرة
يجب معرفة المدى الوسطي والاقصى لكل حركة كبيرة للحكم على تأخر تطور الطفل
1-وضعية الحمل البطني:
الوليد: يهبط الراس للاسفل
شهر:يرفع راسه لثوان ثم يهبط الراس
شهرين:يرفع راسه على مستوى جذعه
3 أشهر:يرفع راسه فوق مستوى جذعه
-
2-وضعية الاضطجاع البطني:
الوليد:يميل راسه الى احد الجانبين وفخذيه معطوين تحت بطنه
شهر: يرفع راسه 45 درجة
2-3 اشهر:يرفع صدره ويرتكز على الساعدين بشكل كامل
5 اشهر:يرفع صدره و جزء من بطنه ويرتكز جزئيا على الساعدين
6 اشهر:يرفع صدره و بطنه ويرتكز على يديه(يستطيع القلب من الوضعية البطنية الى الظهرية)
7 اشهر:يستطيع القلب من الوضعيةالظهرية الى البطنية

9اشهر:يرفع يديه ورجليه ويبدأ بالارتكاز عليهما(يستطيع الزحف)
ملاحظة :
الزحف ليس حركة تطورية مهمة (اطفال كثيرون لايزحفون)
3-السحب لاجل الجلوس: الطفل مستلق على ظهره نمسكه بيديه ونحاول سحبه لاعلى من اجل اجلاسه
الوليد:يبقى الراس في حالة ميلان للخلف والاسفل
شهرين:يرفع راسه حتى مستوى الجذع
3 اشهر:يرفع راسه فوق مستوى الجذع لفترة قصيرة
4-5 اشهر:يرفع راسه ويحاول الجلوس دون المسك باليدين
ملاحظة :
اهم حركة لتقييم طفل في الشهر الثالث هي رفع راسه فوق مستوى جذعه
الجلوس:

4اشهر: يستطيع تثبيت راسه
7 اشهر: يستطيع تثبيت جذعه
7،5 شهر: يجلس دون مساعدة
11 شهر: يجلس و يتلفت يمين و يسار دون ان يقع ويستطيع الجلوس لوحده من وضعية الانبطاح البطني
ملاحظة: المدى الاقصى للجلوس 9 اشهر
الوقوف والمشي والركض:
6 اشهر: تستطيع الرجلان حمل ثقل الجسم
9 اشهر:يستطيع تثيبت ظهره و جذعه بشكل كامل
10 اشهر:يقف بالمساعدة
11 شهر: يمشي متمسكا بكلتا يديه بالكرسي او باليدين
12 شهر: يمشي متمسكا بيد واحدة
13 شهر: يستطيع المشي لوحده
2سنة : يركض متل الغزال
2،5 سنة : يقفز وينط على رجل واحدة
ملاحظة: المدى الاقصى للمشي 18 شهرصعود الدرج:
1،5 سنة: يزحف على الدرج
2 سنة:يطلع وينزل درجة درجة( يضع رجله على الدرجة ثم الاخرى على نفس الدرجة)
3 سنة:يطلع بشكل عادي وينزل درجة درجة
4 سنة:يطلع وينزل بشكل عادي
ثانيا :متوالية الحركات الصغيرة(حركات اليد)
الوليد : منعكس الاطباق
3 اشهر:غياب منعكس الاطباق ( لا يستطيع البدء بالمسك حتى يغيب منعكس الاطباق)
4-5 اشهر: يمسك باليدين معا
6 اشهر: يمسك بيد واحدة وينقل من يد لاخرى
7-10 اشهر: يبدا المسك بالناحية الزندية ثم بالراحةكلها ثم بالسبابة والابهام
الكتابة:
1،5 سنة : يستطيع مسك القلم والخربشة
2 سنة : يرسم خط مستقيم عمودي ومائل منحني
2،5 سنة: يرسم خط مستقيم افقي
3 سنة : يرسم صليب(يصالب الخط العمودي والافقي) و دائرة ويرسم الرجل( راس وتخرج منه اليدين والرجلين )
4 سنة : يرسم مربع و يرسم الرجل ( راس ورجلين تخرجان من اليدين )
5 سنة : يرسم مثلث و يرسم الرجل (راس و جذع واطراف)
6 سنة : يرسم معين وشبه منحرف
ثالثا :متوالية النطق3
3اشهر:مكاغاة
6-7 اشهر: با ، ما ، دا ..
9 اشهر : بابا، ماما ، دادا ..(الكلمة الاولى تقال بالشهر التاسع)
1 سنة:7-8 كلمات دون ترابط
1،5 سنة : يربط الكلمات بالمعاني (يعرف معنى الكلام)
2 سنة : جملة من 2-3 كلمة
4 سنة : جملة مفيدة من 5 كلمات
ملاحظة: يتدخل في حال عدم النطق للتحري عن مشاكل سمعية في:
1- بعمر سنة ولم يصدر صوت
2- بعمر سنتين ولم يتكلم ولا كلمة
3-بعمر 2،5 سنة ولم يقل جملة من كلمتين
رابعا : متوالية ضبط المصرات
الرضيع: تبول وتغوط لا ارادي
يبدا الفعل الارادي في الشهر 15 كحد ادنى
تسلسل الضبط : شرجية نهارا --> بولية نهارا --> شرجية ليلا--> بوليةليلا
ملاحظة : 10% يحدث لديهم سلس بولي بعد ال 5 سنوات وهو حالة مرضية
خامسا : متوالية الرؤية
أ-عند الوليد : المنعكس الحدقي_ منعكس الاغماض_منعكس مراقبة اليد( يغيب بالشهر 6) _ منعكس عين اللعبة(اول 10 ايام)
ب- المتابعة:
الوليد : يتابع 45 درجة
1 شهر : 90 درجة
3 شهر: 180 درجة
سنة : كل الاتجاهات
ملاحظة : حالات الحول طبيعية حتى الشهر السادس
سادسا: متوالية السمع

الوليد : ارتكاسات (يغمض عينيه_ اذا كان يبكي يسكت_ تسرع قلب)
3 اشهر: يدير راسه جهة الصوت
4 اشهر: يدير راسه جهة الصوت والعينان تنظران لنفس جهة الصوت
5 اشهر: يدير راسه جهة الصوت والعينان تنظران للاسفل
6 اشهر: يدير راسه جهة الصوت والعينان تنظران للاعلى
7 اشهر:يميز صوت امه
9 اشهر:يرتكس لاسمه عند مناداته
1،5 سنة:يعرف الاشياء باسمائها ويستجيب للاوامر(اعطني اللعبة..)
التطور الروحي:
الوليد:يبتسم وهو نائم فقط
2 شهر:يبتسم وهو صاح
3 اشهر:يضحك ويعرف امه ويفرح عند رؤيتها (اول علامة روحية)
4 اشهر:يضحك بصوت عال
7 اشهر: يعرف اباه
6-8 اشهر:تعلق كبير بامه ويبكي اذا تركته
8 اشهر : يميز اهل البيت ويميز الغرباء ويبكي اذا حملوه
9 اشهر : يؤشر بابهامه ويلوح بيده(Bye Bye)

تم النقل من الموضوع الأصلي
https://www.hakeem-sy.com/main/node/16255

SAS


يا جماعة أنا عملت الجدول العجيب (هو بخص المشاشات وما مشاشات) تبعي بس بدل ما بكون مساعد حسيته صار بخوف ..
ولما عملته بإيدس طلع أحلى ..
على كل حال بس ارجع من الجامعة بحاول عيد تنسيقه وبنزله واللي بيعجبه يستفيد منه Cool ..
ومشان الأفكتار أنا برايي نطبق الفكرتين ..
فكرة AM وفكرة SAS ..
نشتغل عالحبلين .. لأنو هالمادة شغلتها شغلة ..
مع هيك كل شي شفته عم يقلي انو سهلة وبتجيب فيها معدل بلا وانت مو دارس شي Eye-wink (ونفس الشي قالولي بالتشريح المرضي Rolling Eyes )..
إن شاء الله ..

موفقين Eye-wink ..

SAMO's picture
SAMO
السنة الخامسة


سلام الله عليكم يا قوم ..... كيف المعركة Evil, Sad ,Rolling Eyes , Question

~~

قلبية , د.سرور Very Happy :

شوية روابط بريتي فلاورية Embarrased لتسهيل الحفظ :::::::

* الدسام الأبهري

كيف بنعرف إنه متضايق confused - متضيق Cool - ؟

ج: إصغاء النفخة بالبؤرة الأبهرية الورب الثاني أيمن قص Idea

طيب إذا كان تضيق تحت أبهري أو قصور أبهري وبالمعية تضيق تحت رئوي -- Rolling Eyes --> بننزل لـ تحت شوي عند منتصف القلب (ورب ثالث - رابع).

~~~

الملك اللي فوق راسه تاج لازم يكون ملك بفعله و يضل ثابت بمكانه مهما طرأ عليه ظروف صعبة وتغيرات مو هيك Eye-wink ؟

طيب تذكروا إنه : البؤرة التاجية

كمان هيك Eye-wink Eye-wink

مهما تضيقت MS أو قصّرت MI ------> بنضل نسمعها بمكانها الثابت
( Idea صدمة القمة Idea )

طبعاً لا تنسوا إنه صدمة القمة عند طفل بتكون :

* ورب رابع تحت الأربعة أعوام .

أو

* ورب خامس فوق الأربعة أعوام .

هلأ لما بدها تكبر المشكلة التاجية فرح تنتشر في حالة القصور Arrow

لخارج القصر الملكي Eye-wink

و بيسمعوا فيها البؤر الإبطية Idea

~~~

عنا :

فتحة بين أذينتين ---> بنسمعها فوق عند البؤرة الرئوية .

تحتها فتحة بين بطينين صح ؟ ----> بنسمعها تحت عند منتصف القلب Idea .. وكذلك حال اعتلال القلب الضخامي Arrow

* بالمناسبة بالبؤرة الرئوية رح نسمع مشاكل الصمام الرئوي
( تضيق , قصور ) Arrow Arrow

~~~

طيب البؤرة الظهرية ( مابين لوحي الكتف ) شو رح نسمع فيها Rolling Eyes Question

تضيق
برزخ
أبهر

~~~

وشو منشان نفخة القناة الشريانية المفتوحة ( التي تعتبر آفة غيييييير مزرقة ) ؟ وين بنسمعها ؟

بؤرة

تحت

ترقوة

يسرى Arrow

~~~

تذكر إنه لما تكون الآفة الولادية آفة مزرقة يعني ( ثلاثي فاللو , رباعي فاللو , انقلاب موضع أوعية كبيرة )

فرح يتأثر طووووووووول الطفل Sad أكتر من وزنه !

تمام Eye-wink !

~~~

* الهرير thrill أكتر من 3 على 6 Arrow

________

انتظروا المزيد قريباً في الحلقة القادمة من المسلسل الكرتوني الشيق : مغامرات طالب طب سنة رابعة Eye-wink

وذكروني قلكم بالفاصل الإعلاني نكتة البنت أم تلات شعرات براسها Laughing out loud
........للي ما بيعرفها Cool Eye-wink

وادعولي لأنه علي .... Sad .... لسه كتيييييير .

prettyflower's picture
prettyflower
بعد التخرج


صحيح قبل ما انسى :

جزاك الله خيراًDr.SAS و Dr.Kaka-22

سبقتني كنت فايتة نزلها Surprised

~~~~~~

وشو منشان إنه بدنا Idea نولعها Idea ----> لشعلة أولمبياد الأطفال مو شي تاني Cool اكييد Cool

يالله فرجونا همتكم يا شباب و يا صبايا .....Very Happy

prettyflower's picture
prettyflower
بعد التخرج

Quote:
وشو منشان إنه بدنا نولعها ----> لشعلة أولمبياد الأطفال مو شي تاني اكييد

والله انا كنت ناوي ولعها....
بس محاضرة التطور الحركي....طفت لي كل شي...

عالحذف....مع شديد الأسف....

مروان's picture
مروان
طبيب مقيم


السلام عليكم :

بس سؤال SAS ..شو بتفرق مشاركة التطور الروحي الحركي هي ...عن محاضرتنا .أو بلأحرى عن الجدول الموجود فيها ؟؟

تاني شي :
طلب صغير يا كفوين :
يلي دارس محاضرة المناعة تبع مجيب ملحم ..فيا ريت يحطلنا كم ملاحظة هامين و كاملين منها ...لأنو مشي الحال ...في طريقها للحذف ( مع العديد من أخواتها ) ...فكم ملاحظة صغيرة بتدفع بالفحص إن شاء الله بلاوي كبيرة Sad

A.M


ياشباب في 18 محاضرة غير هدول التنتين الغليظات خلونا نشتغل فيهم

وإذا بدكم نقسم هالمحاضرتين بين بعضنا متل ما عملنا بالتشريح المرضي فما عندي مانع .... لسه في وقت و بيتلحقوا Razz Idea

يعني كل واحد عليه قراءة كم فقرة و وضع أهم النقاط فيهم

وصدقاً بيمشوا وبينزاحوا عن قلبنا .... فشو قلتوا Rolling Eyes Question

~~~~~~~~~~

حالة حلوة Eye-wink :

أم مرضع لاحظت على ابنها باليوم الثالث بعد الولادة إنه لونه صاير على صفار ..

جابته لعندك Razz خايفة عليه Sad و سألتك ما فيها ترضعه Question

شو حتقلها معه ؟ وشو رأيك هل ترضعه أم لا ؟

و بفرض طلبت تحليل دم للرضيع ؟ أديش حتلاقي قيمة البيليروبين فيه ؟ على حساب المباشر أم غير المباشر ؟مين حيجاوب Eye-wink

prettyflower's picture
prettyflower
بعد التخرج


مرحبا ..
هي الجدول المخيف اللي وعدتكم فيه ..

شو رأيكم بفيلم الرعب ؟؟ Cool Cool
ملاحظة :
1- بالنسب للألوان فلها معناها بالخط الأفقي (الصف) .. الدرجة المخالفة للون اسم العظم تعني انغلاق المشاشات .. والموافق يعني ظهور المشاشة ..
2- حاولوا تربطوا بين الصور الشعاعية التي نطلبها .. وسبب طلبنا لها من خلال الانغلاق أو ظهور المشاشات .. وبالتالي الحكم على العمر ..
3- أنا لهلأ ما قدرت احفظهم Eye-wink ..

المخطط الصغير التالي إن شاء الله يكون مساعد في حفظ الأوزان وتضاعفها (×) ..
وتحته جدول يظهر مقدار الزيادة الشهرية في الوزن خلال السنة الأولى ..

وما تواخذنا على هالأفلام .. بس وعدناكم بها .. ولازم ننزلها ..
Embarrased Embarrased

Quote:
أم مرضع لاحظت على ابنها باليوم الثالث بعد الولادة إنه لونه صاير على صفار ..

جابته لعندك خايفة عليه و سألتك ما فيها ترضعه

شو حتقلها معه ؟ وشو رأيك هل ترضعه أم لا ؟

و بفرض طلبت تحليل دم للرضيع ؟ أديش حتلاقي قيمة البيليروبين فيه ؟ على حساب المباشر أم غير المباشر ؟مين حيجاوب

قبل شوي قرأتها Laughing out loud ..
يرقان فيزيولوجي، وترضعه وتاخد راحتها مفيش أي مشكلة .. وحقلها كمان ما تخفيش .. يومين ثلاثة وبتروح الحالة (اليوم الخامس للسابع) ..
البيليروبين بين 6 إلى 8 وما بيطلع أكتر من 12 (خطر)، والبيليروبين غير المباشر هو المرتفع لعدة أسباب أهمها ضعف الغلوكورونيل ترانسفيراز ..

موفقين Eye-wink ..
ودعولنا ..

SAMO's picture
SAMO
السنة الخامسة


يا ما شاء الله SAMO! رائع!

KMG's picture
KMG
طبيب مقيم


ولي على هالغلطة ..
نزلت المخطط التحتاني فيه غلط بزيادة الوزن بالسنة التانية من العمر ..
هي بعد التعديل ..
ما تواخذونا ..

علماً أن الدكتور قال إنو عنا بسورية .. الزيادة تقدر بـ1 إلى 1 ونصف كيلوغرام ..
أما الرقم المذكور فهو أجنبي ..

موفقين Eye-wink ..

SAMO's picture
SAMO
السنة الخامسة


في أثناء المعارك الطاحنة مع الأطفال ..و قبل أن ألقى حتفي بقليل طلع معي هالنهفة لحفظ أول قسم من محاضرة شعبان التانية ؟؟أنا كتير ولفت عليهم ..فيلي بلاقيهم مفيدين يستفيد منهم ...

سنبدأ أول شي بالتحام المشاشات :

لدينا مجموعتان :

أولاً : مجموعة بين سن 18-20 سنة : و تضم :

أ‌- من الطرف السفلي : ما حول الركبة --> مشاشة سفلية للفخذ مع جسمه + مشاشة علوية لكل من الشظية و الظنبوب بأجسامها .
ب‌- من الطرف العلوي : النهايات القاصية ( يعني الذراع من تحت ) --> مشاشة كل من الكعبرة و الزند السفلية بأجسامها .
ت‌- النتوء الأخرمي بعظم اللوح .
ث‌- كمان من الطرف العلوي : الناتئ فوق البكرة بالبكرة ( يدبل على نهاية البلوغ ) ..بس هي : بين 19-20 سنة . (هام)
ج‌- الناتئ الأنسي للترقوة بجسمها بين 20-22 سنة . (هام)

ثانياً : هلأ خلصنا من السهلين :
بقي لدينا :

1- من الطرف السفلي :

أ – التحام عظم الورك مع العانة : 7 سنوات .
ب- التحام المدور الكبير للفخذ بعنق الفخذ : 15-17 سنة .

هلأ هدون شلون بدنا نحفظهم : ( لاحظ عدد أحرف الكلمات المذكورة و احفظ الكلمة الملونة بالضبط )
أ‌- ورك عانة = 7 .
ب‌- مدور كبير بعنق فخذ = 15 .

2- من الطرف العلوي : هلأ بدنا نساوي المرفق ( ساوينا الركبة فوق بالمجموعة أولاً )

أ- العضد :

من فوق : التحام رأس العضد و الحدبة الكبيرة بجسمه : 6 سنوات .

من تحت : التحام بكرة العضد بمشاشة العضد السفلية : 12 سنة .( و هي أول جزء من المرفق )
و هدون بدنا نحفظهم كمايلي :
من فوق : رأس جسم = 6 .
من تحت : بكرة عضد مشاشة = 12 .

ب - تتمة المرفق :
مشاشة الكعبرة العلوية بجسمها : 15 –17 سنة .
النتوء المرفقي للزند ( مشاشة الزند العلوية بجسمها ) : 14 سنة .

و هدون بدنا نحفظهم كما يلي :
مشاشة كعبرة علوية = 15 .
نتوء مرفقي للزند = 14 . (هام)

ج – مشاشات الأمشاط بجسمها : 16-18 سنة .

مشاشات أمشاط جسمها = 16 (هام)

إذاً : ما يتعلق بأولاً مذكور أعلاه ، و ما يتعلق بثانياً :
ورك عانة = 7 .
مدور كبير بعنق فخذ = 15 .
بكرة عضد مشاشة = 12
رأس جسم = 6 .
مشاشة كعبرة علوية = 15 .
نتوء مرفقي للزند = 14 . (هام)
مشاشات أمشاط جسمها = 16 (هام)

و بعد ما خلصنا من التحام المشاشات ...بدنا ننتقل لظهور النوى العظمية :
و هي بدنا نقسمها لثلاث مجموعات :
أولاً : عند الولادة : ركبة --> فخذ سفلية + ظنبوب علوية . ( لاحظو ما دخل الشظية)

ثانياً : خلال السنة الأولى : النهايات القريبة و البعيدة للذراع + الفخذ من الأعلى -->
نواتين بالمعصم ( وحدة بالشهر 6 و وحدة بآخر السنة) + كعبرة سفلية + عضد علوية + فخذ علوية . ( لاحظو ما دخل الزند)

ثالثاً : بعد السنة الأولى : و هون المصيبة ….
و رح نقسمهم لثلاثة أقسام : هي :

1- الطرف السفلي : ( خلصنا بأول سنة من كل الشغلات الكبيرة ..و هلأ زاد …الصغار )

أ- المدوّر الكبير للفخذ : 2.5 – 4.5 سنة ( هي احفظوها متل ما هيه ..سهلة)
ب- المدوّر الصغير للفخذ : 9-12 سنة .
ج – الرضفة : 3- 6 سنة .
و هدون بدنا نحفظهم كما يلي :
مدوّر صغير = 9 ( لا تنسو الشدة منعتبرها حرف هون )
رضف = 3 .

2- الطرف العلوي : (خلصنا بأول سنة بس من الكعبرة السفلية …مشان هيك رح يكونوا كتار هلأ ..)
و هون عندنا 5 شغلات ..أول تلاتة بدنا نطبق عليهم عملية رياضية صغيرة كتير و هي : " طرح 1 " و آخر شغلتين بيبقوا متل ما هنن .

أ- مشاشة الكعبرة العلوية : 3-5 سنة . (هام)
ب- النتوء المرفقي ( مشاشة الزند العلوية ) : 8-10 سنة . ( هام جداً)
ج- الناتئ فوق البكرة : 12-14 سنة .

و مشان نحفظهم : رح نشوف الكلمات الملونة و نطرح من عدد أحرفها 1 :

كعبر = 3
نتوء مرفقي = 8
ناتئ فوق البكرة = 12 .

د- مشاشة الزند السفلية : 5-7 سنة . (هام جداً)
هـ - بكرة العضد : 7-9 سنوات .

و هدون مشان نحفظهم ما رح نساوي شي بس ..منحفظ الكلمات الملونة و منعد حروفها :

زند سفلية = 5 ( أو : الزند سفلية = 5 )
بكرة عضد = 7 .

3- في المعصم : نواة واحدة كل سنة حتى السابعة .

و هيك منكون خلصنا ..بس في فقرة تقدير العمر العظمي عملياً بنفس المحاضرة ...هي سهلة إذا الواحد كان حافظ الأرقام منيح و استنتج منهم ...بس بكليتنا العتيدة لا مكان للاستنتاج و التفكير ..فقط ابصم تربح ..و مشان هيك : هدون منحفظهم كما يلي :

1- عند الولادة : صورة للركبة ( تذكروا ظهور نوى التعظم ..مرحلة عند الولادة )

2- الشهر التالت : 3 شغلات ...أول حرف من كل وحدة بشكلوا كلمة : "كرم" : كتف + ركبة + معصم .

3- الشهر الرابع : 4 شغلات : منضيف حرف " م " عالكلمة السابقة ...يعني " كرم م ) : و منضيف : مفصل حرقفي فخذي .

4- السنة 1-7 : منحذف الـ " ر " تبع " كرم " و منضيف " م " ..بتصير : " كم مم " مشان هيك منحذف " الركبة " و منضيف : " مرفق " .

5- السنة 8-12 : منقص الـ " كم " تبع الكلمة السابقة ..فبتصير " مم " بلا " كم " .. طبعاً الـ "مم" هنن آخر مميتين ضفناهم ..مشان هيك الـ " م " يلي راحت هي تبع المعصم و بيبقى " مرفق + مفصل عجزي حرقفي "

و هيك منكون خلصنا ...موفقين ...
ادعولنا ...و السلام عليكم ...

A.M


صحيح أنا حططيتهم بالتفصيل مشان ما يضطر الواحد يرجع عالمحاضرة ...بس انتو خدوا بس يلي بدكم ياه إذا عجبكم شي ..

A.M


لك شو مشان انو النص التني من المحاضرة 2 ..يلي لازم يكون فهم ..ما أفهم منو شي ( حاسس حالي عم أقرأ قصة قصيرة ما في لا تصنيف و لا ترتيب للأفكار )؟؟؟ يا ترى أنا المحشش و لا هنن مو واضحين Exclamation Rolling Eyes Crying or Very sad

A.M


ماشاء الله شو هاد فكرتكم يئسانين متلي Sad

Quote:
..شو بتفرق مشاركة التطور الروحي الحركي هي ...عن
محاضرتنا .أو بلأحرى عن الجدول الموجود فيها ؟؟

و الله ما بعرف لجيب المحاضرة بقللك Laughing out loud Laughing out loud
ممكن أقل شي تاخد الملون بالأحمر

SAS

Quote:
يا ترى أنا المحشش

صرنا تلاتة

SAS

A.M wrote:
زند سفلية = 5 ( أو : الزند سفلية = 5 )

وجدت خلل ..
و التصحيح ...
فقط كلمة سفلية يجب تلوينها ...أو ( الزند سفلية )

A.M


Idea
أحداث بالأسبوع 24
Idea تعاقب الليل و النهار --> 24 ساعة
و بالتالي الطفل ( يستطيع القلب من الوضعية البطنية الى الظهرية)
Idea أصغر سباح بالعالم سبح لمدة 24 ساعة
بالتالي كمان بيسبح بالتخت تبعو (يرفع صدره و بطنه ويرتكز على يديه المبسوطتين للأمام )
Idea و السباحة بتقوي البدن فبيصير --> (تستطيع الرجلان حمل ثقل الجسم)
Idea و بعد ما يطلع من المسبح بيقربولو كاسة مي مشان يشرب --> (يشرب من الكأس عندما يقرب من فمه )
iIdea ذا سألناه شلون تعلم السباحة بهالعمر بيقلنا بالتقليد -->(يبدأ بالتقليد ، السعال و إخراج اللسان )

انتهى عمر ال 24 أسبوع

هلأ بتعرفوا الحشرة يلي اسمها أم أربع و أربعين Laughing out loud (الأسبوع 44 )

الولد بيزحف متلها -->(يزحف الطفل على يديه و ركبتيه )

انتهى

بما أنا جبنا سيرة الحيوانات فخدوا هالموقف يلي صار معي Embarrased
كنت واقف عالشباك عم بتشمس قمت شفت دب كبير يلي هو جارنا و كان ماسك إيد دب زغير فناديتلو ...شو جاااار مين هالدب الزغير يلي معك . قام رد علي له يا دكتور شو مادريت أنو صار عندي ولدShocked و عمرو سنة و شهر ..-->(مشية الدب بعمر 52 أسبوع = سنة و شهر )

بيتعلم الولد بالحضانة أنو الأربعة رايحة و جاية و الخمسة كعك مدور و الستة بتضرب سلام Laughing out loud ...
اللي بهمنا الخمسة كعك مدور
Idea و بالتالي الناحية القطنية مستديرة عند طفل بعمر 5 أشهر = 20 أسبوع
Idea و على سيرة الكعك بتذكروا شخصية كعكي في افتح يا سمسم كان كل شي يحطو بتمو و بالتالي كل الأشياء إلى فم الطفل بدءا من عمر 5 أشهر .

بيدأالطفل الرسم بعمر 2.5 سنة و عندها يبدأ بمسك قلم رصاص
طبعا أبو ه بيكون مو مصدق أنو ابنو بدو يرسم فيجلب له قلم 2,5 B مو قلم HB تبع Twisted Evil الليرتين

منذكر أن الشهر التالت له نصيب مهم في الامتحان .
استروا ما شفتوا منا

SAS


سلااااااااام...يا ربع

بس سؤال زغير:
منشان الفيتامينات والأملاح...شو وضعها هي السنة...
يعني بيجي منها أسئلة أم حكي الدكتورة علاك...
ويلي بيعرف شلون كانت الأسئلة السنة الماضية عن موضوع التغذية يقول لنا مشكور...
............

مروان's picture
مروان
طبيب مقيم
ابق على تواصل مع حكيم!
Google+