تصفح
دخول
تسجيل
نسيتها؟

مشاعر غريبة علمتني إياها كلية الطب البشري...!!!


مشاعر غريبة علمتني إياها كلية الطب البشري...!!!

1. أن أشعر بالسعادة تملأ قلبي عندما أقف أما لوحة الإعلانات لأعرف علامتي في مادة ما فأجد نسبة الرسوب بالمادة عالية والعلامات منخفضة جداً ...
2. أن أفرح عندما أنقل لأحد رفاقي أو أي شخص ما خبر حمله لمادة ما...
3. أن أفرح بتعثر بعض الطلاب المتميزين حتى وإن كنت لا أعرفه ...
4. أن أشعر بضيق شديد في صدري يكاد ينفطر قلبي منه عندما أدخل المدرج بعد العطلة لأرى طلاب سنتنا مجتمعين وكلهم يطلقون أمامك الابتسامات المصطنعة التي لاتزيد القلب إلا ضيقاً وهمّاً ...
5. أن أرى شخصاً لايكلف نفسه بكلمة واحدة يساعدني بها وهو يعلم أنه جزء من مشكلتي....
6. أن أعيش شريعة الغاب على أرض الواقع...
7. أن أقتنع بالنهاية بالمثل القائل " ماحك جلدك غير ظفرك "فلا أحد يشعر بي إلا أنا وبالتالي لا أحد يمكن أن يساعدني إنما أنا الذي أساعد نفسي ...

نحن من نورٍ إلى نورٍ مشينا, مع النجم ذهبنا ومع الفجر أتينا, أينما يدعى ظلاماً يا رفيق الليل أين ...!!!إنّ نور الله في قلبي وهذا كل ما أراه....

الناسك الحزين's picture
by


بصراحة أنا بقدر مشاعرك على الرغم أنها ليست صحيحة وغريبة فعلا واعتقد أن السبب وراء هذه المشاعر هو ربما الظروف السيئة التي مرت بك ...

Quote:
7. أن أقتنع بالنهاية بالمثل القائل " ماحك جلدك غير ظفرك "فلا أحد يشعر بي إلا أنا وبالتالي لا أحد يمكن أن يساعدني إنما أنا الذي أساعد نفسي ...

هي صحيحة نسبيا وكان لازم وقت فتنا عل السنة الأولى نحفر هل العبارة على خشبة ونعلقها على الحيط لمدة ست سنين ...

كائن حي متعدد الخلايا's picture
كائن حي متعدد ا...
السنة الرابعة

Quote:
. أن أقتنع بالنهاية بالمثل القائل " ماحك جلدك غير ظفرك "فلا أحد يشعر بي إلا أنا وبالتالي لا أحد يمكن أن يساعدني إنما أنا الذي أساعد نفسي ...

صدقني حتى ظفرك ما بيوصل لكل جسمك ، الدنيا عنجد صارت غريبة ، الأصدقاء والصداقة والمشاعر الحلوة عم تهر هر ، مثل الغبرة اللي عم تنفضها عن بنطلونك ، بالجملة يا رجل عم ينزلوا ، مشاعر الصداقة والمحبة اللي كانت سابقا وبالطفولة كمان صرت استغرب كيف كنت هيك ، يعني صرت استسخفا كثير ، بس بالمقابل صار عندي مشاعر جديدة ما بعرف شو هي لوة أكثر من المشاعر اللي لازمتني بالطفولة ، صداقة الطفولة اللي كانت مبنية على العفوية انمحت تماما ، هلق صارت صداقة مبنية على شي جديد ، على الانسان اللي بيحترمك أكثر شي ، واللي عقله ببركب على عقلك ، ما عاد في عشوائية أو عفوية بالحب ، صار حب منظم مدروس ، بالأول كنا نحب الواحد بدون ما نشعر ليش ، هلق ما بنحبه لحتى نقرر إنه حبينا فلان ، غريبة الدنيا

د. أبو عماد's picture
د. أبو عماد

Quote:
صداقة الطفولة اللي كانت مبنية على العفوية انمحت تماما ، هلق صارت صداقة مبنية على شي جديد

كم هو مؤسف أن نعرف هذه الحقيقة.. و المؤسف أكتر أن نعيشها..
و لكن صحيح أنها حقيقة وواقع عشته و شفت قدي مانو مؤلم بس مع كل هاد لساتني مصرة أنو أكييد لسا في ناس ما تغيرو أو بالأحرى ما غيرتهم هيي الحقيقة.. بتمنى ما يخيب أملي..

أما بالنسبة لـ:

Quote:
الناسك الحزين:
2. أن أفرح عندما أنقل لأحد رفاقي أو أي شخص ما خبر حمله لمادة ما...
3. أن أفرح بتعثر بعض الطلاب المتميزين حتى وإن كنت لا أعرفه ...

Shocked Shocked فعلا غرييبةShocked
بكل صراحة بتدايق لما أعرف أنو شخص حمل مادة..و عنجد بفرح من كل قلبي و بتمنى للطالب المتميز انو ينجح و بتفّوق ..
عفوا بس ما تشعر به غريب حقا..

White-Foreigner's picture
White-Foreigner


غرييييييييييييييييييبRolling Eyes

Dr.Ghazal's picture
Dr.Ghazal
السنة السادسة

Quote:
أعيش شريعة الغاب على أرض الواقع

مبالغة

ناسك حزين فعلاً في متل بيقول :

إن خليت خربت

جيانا's picture
جيانا
السنة السادسة


و الله يا ناسك بدك تطول بالك ، و لازم ما تنقل كل اللي عم تشعر فيه ، لأنو بعض الناس غير المتفهمين لرأيك و أفكارك الشخصية رح يحقدوا عليك ، و بجوز ما تلاقي حدا بعدين يقللك مرحبا! Laughing out loud

Stranger4ever's picture
Stranger4ever
بعد التخرج


بالنسبة لأول 3 بنود : انتبه يا عزيزي فأنت قد تكون مصاباً بمرض الحسدTwisted Evil لأن عليك أن تتمنى الخير لغيرك دوماً حتى يأتي الخير إليك
وبالنسبة للإبتسامات المصطنعة فأنا معك 100% فالكل يرتدي أقنعة ويتجمل بود مزيف
وبالنسبة ل" ماحك جلدك مثل ظفرك " صحيحة في كليتنا فالكل اللهم إني أسالك نفسي
وبالنسبة لشريعة الغاب فأنا أنصحك أن تذهب للغابة وتعيشها هناك كما تريد...عم بمزح Laughing out loud Laughing out loud Laughing out loud

BIG BOSS's picture
BIG BOSS
طالب دراسات عليا


you are taking it so hard
try not to judge people
loosen up
and you are going to find that there are good people hereEye-wink

snip2007
طالب دراسات عليا

جيانا wrote:
Quote:
أعيش شريعة الغاب على أرض الواقع

مبالغة

أبداً...
هذا هو الواقع.. هذه هي الحياة!

Leo's picture
Leo

الناسك الحزين wrote:
1. أن أشعر بالسعادة تملأ قلبي عندما أقف أما لوحة الإعلانات لأعرف علامتي في مادة ما فأجد نسبة الرسوب بالمادة عالية والعلامات منخفضة جداً ...
2. أن أفرح عندما أنقل لأحد رفاقي أو أي شخص ما خبر حمله لمادة ما...
3. أن أفرح بتعثر بعض الطلاب المتميزين حتى وإن كنت لا أعرفه ...
4. أن أشعر بضيق شديد في صدري يكاد ينفطر قلبي منه عندما أدخل المدرج بعد العطلة لأرى طلاب سنتنا مجتمعين وكلهم يطلقون أمامك الابتسامات المصطنعة التي لاتزيد القلب إلا ضيقاً وهمّاً ...
5. أن أرى شخصاً لايكلف نفسه بكلمة واحدة يساعدني بها وهو يعلم أنه جزء من مشكلتي....
6. أن أعيش شريعة الغاب على أرض الواقع...
7. أن أقتنع بالنهاية بالمثل القائل " ماحك جلدك غير ظفرك "فلا أحد يشعر بي إلا أنا وبالتالي لا أحد يمكن أن يساعدني إنما أنا الذي أساعد نفسي ...

يحرق حريشك كل ما بفتح هالمشاركة بتجلطني ... شلون اجى من قلبك تكتبها؟

BIG BOSS's picture
BIG BOSS
طالب دراسات عليا

Stranger4ever wrote:
و الله يا ناسك بدك تطول بالك ، و لازم ما تنقل كل اللي عم تشعر فيه ، لأنو بعض الناس غير المتفهمين لرأيك و أفكارك الشخصية رح يحقدوا عليك ، و بجوز ما تلاقي حدا بعدين يقللك مرحبا! Laughing out loud
BIG BOSS's picture
BIG BOSS
طالب دراسات عليا


اذا بدنا نطلع من اطار المجاملات والرسميات والمثاليات
كلام الناسك الحزين صحيح
اكتر شي بكرهو بهالكلية وقت شخص بسلم علي بابتسامة مصطنعة
اما عن العلامات اذا بسال شخص عن علامتو بقلي علامة المتيز قبل ان كانت منيحة ولا لاء

LADY HONEY
السنة الثالثة


هلأ لما صديقك يحمل مادة كيف بدك تفرح!!!! هادا شعور غريب
بس لما الطالب المتميز بيحمل مادة أو بينضرب فيها فشعور الجميع بيكون الشماتة -هاد شعور طبيعي على ما أعتقد- ولو أنه شعور خاطئ بس متداول عند الجميع
ومشان الابتسامة المصطنعة ما بتخبي حالها دغري بتعرفها وبتعرف صاحبها من تطليعة وحدة

Dr.a.m.h's picture
Dr.a.m.h
السنة الثانية


هون عليك يا عزيزي لتبقى على قيد الحياة مبتسماً على الأقل

Dr.a.m.h's picture
Dr.a.m.h
السنة الثانية


ما بتتصورا أديش ضحكت لما تزكرت هالمشاركة ...
اسئالله هههههههههههه
يا جماعة أنا كل ما بشوف حالي كيف كانت أفكاري من زمان بيزيد إيماني بالتطور ... تطور أفكاري..
عنجد احساس ولا أروع ...

dr.amer
بعد التخرج


كيف يكون للإنسان أن يشمت بغيره
عليك من نفسك
كما يكبو ذاك الشخص ستكبو يوما ما
لا يكن قلبك حقودا!!!

Ahmed Subeh's picture
Ahmed Subeh
المرحلة الثانوية

Quote:
5. أن أرى شخصاً لايكلف نفسه بكلمة واحدة يساعدني بها وهو يعلم أنه جزء من مشكلتي....

هي عجبتني....

Buzz_LightYear

Quote:
عنجد احساس ولا أروع ...

بصراحة الاحساس يلي ولا أروع هو توقيعك القديم

Quote:
نحن من نورٍ إلى نورٍ مشينا, مع النجم ذهبنا ومع الفجر أتينا, أينما يدعى ظلاماً يا رفيق الليل أين ...!!!إنّ نور الله في قلبي وهذا كل ما أراه....

فعلا احساس ولا أروع
سبحان الله
الله يثبتنا أحسن شي فهو مقلب القلوب ومفرغها من النور إن شاء أو يبث بها النور إن شاء
اللهم اجعل في قلبي نورا يضيئ ولا ينطفئ
ياااااا رب

Nighty Whisper88's picture
Nighty Whisper88
السنة الخامسة

Quote:
اكتر شي بكرهو بهالكلية وقت شخص بسلم علي بابتسامة مصطنعة

طيب مو احسن من انو يعبس..المجاملة ومراعاة مشاعر الاخرين مطلوبة في كتير حالات

Quote:
" ماحك جلدك غير ظفرك "فلا أحد يشعر بي إلا أنا وبالتالي لا أحد يمكن أن يساعدني إنما أنا الذي أساعد نفسي ...

للاسف صحيح just in our college :sad

Dr.ASR's picture
Dr.ASR
السنة الخامسة

Quote:
2. 3. أن أفرح بتعثر بعض الطلاب المتميزين حتى وإن كنت لا أعرفه ...

بصراحة و الله و انا كمان Embarrased Embarrased

helen2's picture
helen2
السنة الثانية

Quote:
2. 3. أن أفرح بتعثر بعض الطلاب المتميزين حتى وإن كنت لا أعرفه ...

بصراحة و الله و انا كمان Embarrased Embarrased

helen2's picture
helen2
السنة الثانية

Quote:
4. أن أشعر بضيق شديد في صدري يكاد ينفطر قلبي منه عندما أدخل المدرج بعد العطلة لأرى طلاب سنتنا مجتمعين وكلهم يطلقون أمامك الابتسامات المصطنعة التي لاتزيد القلب إلا ضيقاً وهمّاً ...

قوية ...... و كتير
بس صحيحة ............... وكتير كتييييييييييييييييييير

sweety's picture
sweety
السنة الخامسة


أنا برأيي طلاب كليتنا كل واحد اللهم إني أسألك نفسي وقلال كتير الي غير هيك
كأنو العلم صار حكر على الفرد وإذا الواحد بدو يحضر شي محاضرة بتلاقي عم يهرب من السؤال( لوين رايح)
وإذا حدا تاني ماسك شي كتاب أو عفوا مرجع بخبي وبقول مستعيره من المكتبة
لإيمتى بدنا نضل هيك لأيمتاااااااااااا والله عيب

Rush
السنة الخامسة


[
4. أن أشعر بضيق شديد في صدري يكاد ينفطر قلبي منه عندما أدخل المدرج بعد العطلة لأرى طلاب سنتنا مجتمعين وكلهم يطلقون أمامك الابتسامات المصطنعة التي لاتزيد القلب إلا ضيقاً وهمّاً ...
مزبوط كلو تمثيل لأنو كل واحد ما شا الله بيدق بضهر التاني ولساتو عايشين بجو صف الابتدائي على قولة والله مو ملحقة وبس تطلع المادة .....80
لك منشان الله ........

Rush
السنة الخامسة


إننا نعاني منها فعلا و لا نستطيع إنكار وجودها بين الطلاب-للأسف-
و لكن مجرد قول:"للأسف".."نعم هذه حقيقة".."هذا واقع الطلاب"...الخ.. ليس هو الحل.
علينا أن نبدأ بالتغيير.. نتغير نحن إن كانت فينا إحدى تلك الصفات, و نعين غيرنا على تغييرها.

اسمحوا لي أن أبدي رأيي بالموضوع:

Quote:
مشاعر غريبة علمتني إياها كلية الطب البشري...!!!

هي مشاعر غريبة .. لكنني لم أتعلمها !!
و لن أتعلمها بإذن الله ..
و لن أسمح لأحد أن يعلمني إياها.

ما أريد قوله هو:
إذا كان غيرك يتعامل بهذه الطريقة فهذا لا يعني أنه الأسلوب المفروض عليك أنت أن تتعامل به..
مو بيقولو: "كل واحد بيعمل بأصلو" ؟
وين مبادئك ؟ إنت بتمشي متل الناس ؟ ليش تكون تابع لهم؟ ليش يفرضوا عليك أسلوب حياتك ؟

وشغلة تانية..كما قالت جيانا:

Quote:
في متل بيقول:إن خليت خربت

يعني مو كل الطلاب هيك متل ما عم تقول..
أنا لقيت ناس رائعين بكل معنى الكلمة بهالكلية و ما عندهم كل يلي قلته .

Quote:
أن أشعر بضيق شديد في صدري يكاد ينفطر قلبي منه عندما أدخل المدرج بعد العطلة لأرى طلاب سنتنا مجتمعين وكلهم يطلقون أمامك الابتسامات المصطنعة التي لاتزيد القلب إلا ضيقاً وهمّاً ...

مو أحسن ما تكون وجوه عابسة ؟؟ عندها هي التي ستزيد القلب ضيقا و هما..
أنا أحيانا بكون مالي خلق اعمل شي أو متضايقة لسبب ما .. و مع هيك بسلم على رفقاتي يلي بقابلهن
و ببتسم..حتى لو مجاملة..
و بيكفيك هذا الحديث الشريف : " تبسمك في وجه أخيك صدقة "..
كمان شغلة: الواحد بيسلم عالناس يلي بيحبهم و علاقته قوية معهم و بس ؟؟ أكيد لأ..
الأحسن يسلم على كل زملاؤه .. حتى مع إبقاء العلاقة رسمية .. سلام مع ابتسامة عادية .. و بس..
و في حديث تاني بما معناه : " ألا أدلكم على شيء إذا فعلتموه تحاببتم؟ أفشوا السلام بينكم "

هلأ نجي للأمور يلي ذكرتها :
الحسد.. الحقد .. الكره .. الشماتة ..الأنانية ..الفضول .. الخ.. Evil
جميعها آفات اجتماعية فتاكة .. أمراض نفسية مستعصية ..
كلها صفات سيئة .. أمور لا يرضى عنها الله عز و جل ولا رسوله الكريم
ولن يقبلها أي إنسان عاقل ضميره حي ..
قال تعالى: " ولا تحاسدوا و لا تباغضوا ... "
و حديث آخر كلنا نعرفه جيدا : " لا يؤمن أحدكم حتى يحب لأخيه ما يحب لنفسه "
يا جماعة .. ليش ما نتمنى الخير لبعض ؟؟ ليش ما نحب انو كل الناس يكونوا بأحسن حال.
كل واحد فينا أكيد عندو ميل للعطاء و البذل.. ليش نخلي هالجانب يموت فينا ؟؟ Sad

بالنسبة لموضوع العلامات:
مشان الله بطلوها هالعادة ( حساب و جمع و طرح العلامات لغيركم من الطلاب )
والله مو حلوة.. خلص كل واحد يلتهى بحالو بقا ! اعملو شي أهم .. يفيدكم و يفيد غيركم.
و بأكد على هالحديث الشريف : " من حسن إسلام المرء تركه ما لا يعنيه"
فعلا.. يلي بيطبقه بيرتاح و بيريح كمان!
Mad

أما موضوع الكذب و اللف و الدوران : كمان ما بدكم مين يقلكم انو الكذب حرام! نحنا مو ولاد صغار!!
خلص كل واحد يحكي الحقيقة.. بصراحة.. بوضوح.. و ما في واح دخلو بواح! كل واحد حر بحالو !
confused

و كل شي إلا الشماتة!! كل واحد يحط حالو مكان الشخص الفلاني يلي شمت فيه لما انضرب بشي مادة!

كلمة أخيرة :
بحب ذكركم بشغلة منغفل عنها كتير من الأحيان : إنو
ما في شي بيضيع عند الله ( حتى لو ضاع عند الناس )! ما حدا بيعمل خير عالفاضي ..
كل شي منيح بيرجعله.. و لو بعد حين .. بالدنيا قبل الآخرة.. وحتى لو بس بالآخرة ..بيكفي!
كل عمل خير بيعمله رح يلاقيه بعدين .. أو بلاقوه أولاده !!
رجاء خلونا نشجع بعض على تغيير هالظواهر السيئة في كليتنا..
و تذكروا : "الخلق عيال الله , و إن أحبكم إلى الله أنفعكم لعياله"حديث شريف.

Eye-wink

Rainy Cloud's picture
Rainy Cloud
السنة الخامسة


السلام عليكم
الحياة دائماً إلها وجهين ......... و على الرغم من إنك هلء عم تشوف الوجه الأسود منها
تأكد إنو لسا في إلها وجه أبيض ........

icebox
السنة الخامسة


الناسك الحزين: هذه المشاعر لاتقتصر عليك وحدك، بل صدقني أنا وأنت ومعظم طلاب كليتنا لديهم نفس هذه المشاعر ، وهذا ليس غريباً فإنه من طبيعة مجتمعنا العربي، و لكن الذي يميزك أنت هو صراحتك و شجاعتك على البوح بها وهذا يستحق التقدير

baggio
السنة الثالثة
ابق على تواصل مع حكيم!
Google+