تصفح
دخول
تسجيل
نسيتها؟

الزرق Glaucoma


الزرق Glaucoma

المعلومة

الزرق Glaucoma : النموذج الأكثر شيوعاً هو الزرق مفتوح الزاوية البدئي والمعالجة الأكثر شيوعاً هي حاصرات بيتا التي تنقص بشكل كبير الضغط داخل العين عن طريق إنقاص إنتاج الخلط المائي .

لماذا سمي بالزرق مفتوح الزاوية ؟

المرجع

MedStudy

Dr.Hiba's picture
by
طالب دراسات عليا


الزاوية صايرة بين القزحيةiris والقرنية cornea بالبيت الأمامي و هي الزاوية بمر فيها 90% من الخلط المائي وهادا الطريق بسموه trabecular route ... فهون بتكون الزاوية مفتوحة بس الرشح عبر الترابيق" الترابيق أنسجة متل المصافي وبتنظم رشح الخلط" بكون سيء...
هلأ في حالات بس نادرة بتكون الأعراض لزرق مفتوح الزاوية بس الزاوية بتكون مسكرة.... هي مالنا فيها نحنا الطلاب..
المشكلة "العويصة" بالزرق البدئي مفتوح الزاويةأنو غير عرضي حتى يوصل المرض لمراحل متقدمة ....ساعتها بتبلش الاعراض ... بس بتكون الرؤيا بالعين ادهورت.
اهم علامة لكشفه الباكر هوو ارتفاع ضغط العين.
العلاج الأساسي متل ماذكرت الاخت هبة هوو حصارات بيتا ...أما مشتقات البروستاغلاندين فهي من الأدوية يلي بتنعطى أول مابتتشخص الحالة وهي بتزيد رشح الخلط المائي بالطريق التاني يلي مافيه ترابيق ويلي بصررف 10 % للخلط المائي و يلي بسموه uveoscleral route ..

bigmind's picture
bigmind
طالب دراسات عليا


شكراً كتيــــــر عالتوضيح ..

Dr.Hiba's picture
Dr.Hiba
طالب دراسات عليا


أذكر أن لمشابهات نظير الودي دوراً ، فهي تقبض الحدقة => انفتاح الزاوية.

DAM's picture
DAM

Quote:
أذكر أن لمشابهات نظير الودي دوراً ، فهي تقبض الحدقة => انفتاح الزاوية

بالضبط , وحتى المشابهات الأدرينرجية ألها دور كمان ويمكن أنو نستخدمها لأنها بالبداية بتنقص إنتاج الخلط المائي لأنها بتضيق أوعية الجسم الهدبي وبالتالي بتنقص الرشح ..

Dr.Hiba's picture
Dr.Hiba
طالب دراسات عليا


صح عبد ومن الأدوية المستخدمة هي pilocarpine...
بس الفكرة انو لما تتقبض الحدقة بتأثير ال pilocarpine بتلتغى المطابقة و بتضعف الرؤيا كتير عند المصابين بالسادcataract. والتأثيرات الجانبية إلها تعتبر الاكتر بين الأدوية المتوفرة للمعالجة "حاصرات بيتا" مشان هيك نــــادراً ما منستخدم مشابهات نظير الودي بمعالجة الزرق البدئي مفتوح الزاوية.

bigmind's picture
bigmind
طالب دراسات عليا


معلومات ظريفة لطلاب الخامسة عن الغلوكوما مشروحة بطريقة الفلاش اختاروا start tutorial ..

http://www.nlm.nih.gov/medlineplus/tutorials/glaucoma/htm/_no_50_no_0.htm

bigmind's picture
bigmind
طالب دراسات عليا
ابق على تواصل مع حكيم!
Google+