عــام .... مــضــى!!!!

بالنسبة لي أجمل الأشياء هي صداقاتي التي كونتها في هذا العام
وأتعس يوم كان آخر يوم حيث الوراثة من جهة ومفارقة الأصدقاء من جهة أخرى كلٌ مسافرٌ إلى أرض حتى لم نستطع أن نبقى معاً ولو لساعات قليلة بعد فراغنا من المتحان
وختاماً ما تعلمت أن الهمة العالية والروح المرحة الطواقة للعلياء هما - بعد إرادة الله ورضا الوالدين- أساس النجاح وتحقيق الأماني

اول يوم دخلت فيه الى الجامعة كنت خائفة جدا- خصوصاانني لم اعتد ان اعيش بعيدة عن عائلتي ولو لساعة واحدة ودخلت في دوامة بين التخصص الذي طالما حلمت به وبين شوقي لاهلي ولكن والحمد لله وفقت بصديقات كانت لكل منهن ميزة ولكن ما جمعهن هو روح الاصرار والتحدي مع الدعابة والمرح كن حقا بمثابة الاخوات
بس اخر يوم كان اكبر ((فقسة)) لاني ما قدرت ابقى مع رفقاتي ولو نص ساعة بعد فحص الوراثة لاني بكرة كنت مسافرة وإنشاء الله تكون السنة القادمة سنة خير على الجميع:razz:

بالنسبة لي فقد مررت بنفس ما مررتن به صديقاتي.
دخلت إلى الجامعة ,و مازالت فكرة بعدي عن أهلي و مفارقتي لهم فكرة صعبة .و لم استطع ان اتقبلها حتى أصبحت الأيام تأخذ بيدي و تشدني إلى حياة و بيئة و مجتمع جديد . لقد كان كل ما أراه جديد .و لا أنكر الصعوبة التي واجهتها .
ولكن و الحمدلله ما بعد الصبر إلا الفرج. فقد و فقني الله بصديقات استطعنا معا أن نقف مع بعضنا البعض و خاصة أننا جميعا نواجه نفس الصعوبات .
عنجد في كتيير ناس طيبين و بحبوا الخير لغيرن عنا بالجامعة .(مع انو اول ما دخلت قلت لحالي الوضع كتيير صعب و ما رح لاقي ناس خيرين).
و لكن ما أزعجني هوي الفقسة آخر يوم.
خصوصا اني اطلعت من الجامعة و ما معي غير ( موبايلي) .
قصة طويلي بس الحمدلله مضت عخير.
و بتمنى للكل التوفيق و انشلله السنة الجاي بتكون أحسن من السنة و من كون كلنا اكتسبنا و لو شوية خبرة

يا حرام الشوم...

.
منيح ما حطيتي الموبايل كمان بالشنتة

وأنتم حكماء شاركونا بأجمل المواقف التي علقت في ذاكرتكم من هذا العام؟ وأكثرها تأثيراً في أنفسكم؟

كنت ناوي نزل موضوع مشابه بعد علامات الوراثة لحتى تكون السنة الأولى خلصت تمام ...والتقييم شامل ...
بعد الوراثة منرجع إن شاء الله

أهلاً بكم في حكيم ...بكل ألوانكم (كم لون أنتو ؟؟؟ في تشكيلة ؟؟ وفي قيلسات أكبر ؟؟؟يعني سنوات أعلى )

موضوع جميل !!

أحلى شي كان بهي السنة معرض web it syria
كان فظيع يعني بغض النظر عن النجاح اللي حققوا حكيم فيه
كانت فرصة كبيرة بالنسبة الي لحتى قرب من ناس كانت معرفتي فيهم سطحية
موضوع جميل شكرا

كل يوم عن يوم بتزيد خبرتك بالحياة ..

فما بالكم بسنة كاملة .. عام انصرم !!

تذكر كيف كنت وكيف أصبحت .. تفكيرك .. خطواتك .. كل حركة وهمسة فيك ! ألم تتغير ؟

كانت أيامي الأولى بالكلية تعيسة جداً ولكن رويداً رويداً تعرفت على أصدقاء العمر - العمر بكل معنى الكلمة - وعرفت أنه في ناس اكيد مهما تزاعلت معهم وفهمتهم وفهموك غلط بس رح ترجعلهم ويرجعولك مهما طال الزمن ورح تعرف انه الزمن القاسي علمك كتير عنهم .. في هذه السنة انقلبت شخصيتي - ان شاء الله - 180 درجة ..

بالتوفيق ! بس سؤال عابر : ليش اتفرفدتوا وتبعثرتم هيك ؟ ما بكفي فروين جروب - بالعربي قال يعني -

لأنو بصراحة هلأ كل وحدة فينا ببلد فلازم يكون لكل وحدة عضويتها إلي تعبر فيها عن آرائها

ما شاء الله حلو كتير ..

الغربة كتير صعبة .. الغربة هي الغربة عن الأهل أكتر من الغربة عن الوطن .. الله يرجع كل واحد فينا لأهله سالم غانم والله آكل هم سفر الأهل من هلأ ..

لا حول ولا قوة الا بالله

بالنسبة إلي أول يوم بالجامعة كان كتير صعب وخصوصاإني راح كون بعيدة عن أهلي ومن وقتها حعتمد على نفسي بس عنجد الحمد لله يلي جمعني من أول يوم ببنت بجد مثال للقدوة وبعدها ببنات كانت حالتهم من حالي تماما يمكن لأول فترة تأقلمنا مع بعض بسبب الوضع المشترك بس هلأ كلنا متفاهمين مو بسبب الوضع بالعكس صرنا متل السفينة الوحدة يلي إذا ضربها موج يا أما كلها بتغرق أو كلها بتنجو بس للأسف أخر يوم كان فاقس ما قدرنا نكون مع بعض
بس حبيت قول شي لا يعني إذا كل وحدة صار لها إسم يعني إفترقنا المحبة ما بينحكم عليها بالأسماء

فيا ترى ما أجمل أحداث هذا العام؟ وما أكثرها تأثيراً فينا؟وماذا تعلمنا منه؟

مرحبا .. انا جديدة بحكيم بس بتابع حكيم من أول السنة

ما تعودنا و نحنا بالبكلوريا على الطلعات و الفوتات لأنو الدراسة كانت شاغلة كل تفكيرنا
بعد ما بلشت الكلية اتسعت آفاقنا و بلشنا نفكر بوعي أكتر

هالشي كان لأنو معارفنا توسعت و صار تعاملنا مع الناس بشكل اوسع من البكلوريا بكتير

لكن للأسف هالخروج المفاجئ من انغلاق البكلوريا لانفتاح الكلية عَدَم اي حدث جميل خلال السنة الاولى و الكل بيعرف كم حادث مزعج صار معنا بهالسنة و كم دكتور مارس هواية التعذيب فينا

اكيد كل هالاحداث السيئة ما رح نسمح انها تمرق بدون تعليق ، رح نحاول اد ما فينا نوصل صوتنا للادارة و اكيد رح نتعلم منها

وصولنا للسنة التانية انجاز كتير كبير ، منحمد الله و منأمل انو السنة التانية تكون افضل

نا احلى الشي كان المعسكر الصيفية الماضية
بقية السنة للاسف كانت عذاب و مرار
يعني اسوأ سنة بحياتي
الله يجيرنا من شي اعظم

[=blue]
اول شي مرحبا ....
انا جديد هنا معاكم في حكيم..
[=green]
السنة الاولى كانت جدا صعبة و بنفس الوقت سهلة ...
((مو لغز اطمنوا))..
[=red]
كانت صعبة من جهة البعد عن الاهل ..و سهلة شوي من جهة الدراسة ..
احلى شي تعلمتوا في سنتي الاولى هو كيف اختار اصحابي ..
واللي اخترتهم كانوا احلى شي مر معي في الجامعة ..
و ازنخ شي كان احمد عثمان ..((مع اعتذاري بس من العذاب اللي شفته منه))..
________________________________________________
حابب اشكر ليو و ماك على جهدهم في الموقع........

اهلا و سهلا فيك ع حكيم

لا لا لا هيك عيب

وبعد ست أعوام "هكذا ستقرأ هذه الفقرة "

وها قد أنتهت الست أعوام ...

ووجدتن أنفسكن أيضاً على طريق السفر عائدين لأهاليكم ... إلى منازلكم القديمة

بعد أن ودعتن أهاليكم أول مرة وحزن الكون يملأكن والخوف من المجهول الذي ينتظركن ...

وها أنتم الآن عائدون بعد أن صار هذا الذي كان مجهولاً كل حياتكن وانشغالكن ...

يا لها من أعوام حاسمة في مشوارنا الطويل في هذه الدنيا... لقد غيرت فينا كل شئ ...

اكتشفتن أنفسكن ومكنوناتها التي كانت خفية حتى بالنسبة لكن ... تغير كل شئ ،

النظرة للحياة وللعالم بأسره ... حتى الاحلام والاماني كلها تغيرت ،

إن أحداث هذا الاعوام تساوي تقريبا بل هي أكثر ربما من أحداث أعوامكن الثمانية عشر التي عشتوها قبلاً .

ختاماً ومني : أتمنى لكن كل التوفيق والنجاح وبأعلى المراتب إن شاء الله ، وأن يجمعني بكن بأقرب وقت