الامتحان الوطني الموحد لطلاب السنة السادسة

مرة وحدة بالسنة ... شو رجعنا بكالوريا

التخبيص شغال وما بياكلها غير طلابنا الأعزاء

شكراً ..
عسى خيراً ..
على الأقل بلش يصير في شي رسمي و واضح
بالتوفيق يا سادسة

كيف امتحان موحد والمقابلات كل واحد بمحل
يعني شو وضع المقابلات بالضبط

فيما يلي نص القرار الذي صدر يوم الاثنين 12/4/2010
الجمهورية العربية السورية
مجلس التعليم العالي
القرار رقم/274/
رئيس مجلس التعليم العالي
بناءً على أحكام قانون تنظيم الجامعات رقم (6) لعام 2006 ولائحته التنفيذية.
وعلى ما أقره مجلس التعليم العالي في جلسته رقم/17/ تاريخ 10/4/2010
يقرر ما يلي:
المادة1- يجرى امتحان طلاب السنة السادسة في كليات الطب في الجامعات السورية (الحكومية والخاصة) وفق الآتي:
أولاً- امتحان وطني كتابي ويخصص له 70٪ وفق الأسس الآتية:
1- يجرى الامتحان في يوم واحد وفي وقت واحد في الجامعات الحكومية، وبإشراف لجنة يسميها وزير التعليم العالي.
2- يجرى الامتحان مرتين في العام ويحدد موعد الامتحان الأول للعام الدراسي 2009/2010 في الأسبوع الأخير من شهر تموز 2010.
3- يجرى الامتحان على مرحلتين صباحية ومسائية تمتد كل منها على مدى ساعتين وتتضمن المرحلة الصباحية جلسة الأمراض الباطنة وجلسة الأطفال والمرحلة المسائية جلسة الجراحة وجلسة أمراض النساء والتوليد وجلسة الأمراض العينية والأذنية
4- تحدد مواعيد الامتحان ومكانه بقرار من وزير التعليم العالي.
5- يحدد عدد الأسئلة بـ /240/ سؤالاً (مع مراعاة أن تكون الأسئلة سريرية أو مرتبطة بالسريريات وتوازي جلسات السنة السادسة في كلية الطب، وهي من نموذج الخيار الوحيد من البدائل الخمسة), توزع بالتساوي على المرحلتين الصباحية (120 سؤال) والمسائية (120 سؤال)، ويتم توزيع الأسئلة حسب أمثال جلسات السنة السادسة وبمعدل /12/ سؤالاً لكل مثل، وفق الآتي:
‌أ- جلسة الأمراض الباطنة: /7/ أمثال (84 سؤالاً) تشمل الباطنة والجلدية والمخبر.
‌ب- جلسة الأطفال: /3/ أمثال (36 سؤالاً).
‌ج- جلسة الأمراض النسائية والتوليد: /4/ أمثال (48 سؤالاً).
‌د- جلسة الجراحة: /4/ أمثال (48 سؤالاً)، والعينية مثل واحد (12 سؤالاً) والأذنية مثل واحد (12 سؤالاً).
6- يحتفظ الطالب بعلامة الامتحان الكتابي إذا حصل على معدل لا يقل عن 60٪ في هذا الامتحان.
ثانياً- الامتحانات السريرية (المقابلات السريرية) ويخصص لها 30٪ تحسب مع مراعاة توزيع الأمثال في الجلسات السريرية:
تجرى الامتحانات السريرية من قبل لجان يؤلفها مجلس الكلية المختص وفق الأسس المعتمدة في الامتحانات السريرية سابقاً مع مراعاة الآتي:
1- للطالب الاحتفاظ بعلامة الامتحانات السريرية بأكملها إذا حصل على علامة 10 من 30 على الأقل، أو حصوله على 60٪ من علامة أي مقابلة سريرية وذلك لدورتين امتحانيتين متتاليتين فقط.
2- للطالب التقدم بطلب تحسين علامة امتحان إحدى المقابلات السريرية إذا تقدم بطلب رسمي إلى عمادة الكلية قبل شهر على الأقل من تاريخ امتحان المقابلة في الدورة الامتحانية التالية.
المادة2- أ- يشترط لدخول الطالب الامتحان الكتابي حصوله على علامة لا تقل عن 10 من 30 في الامتحانات السريرية بأكملها.
ب- لا يحق للطالب التقدم للامتحان الكتابي إذا تغيب عن امتحان إحدى المقابلات السريرية.
المادة3- يشترط للنجاح في امتحان السنة السادسة حصول الطالب على 60٪ من مجموع درجات الامتحان الكتابي والامتحانات السريرية.
المادة4- يحسب معدل السنة السادسة على أساس معدل الامتحان الكتابي والامتحانات السريرية.
المادة5- تطبق القواعد المذكورة أعلاه على طلاب السنة السادسة الذين لم يتقدموا إلى امتحانات السنة السادسة في كليات الطب.
المادة6- يخضع الطلاب القدامى الذين تقدموا لامتحانات السنة السادسة سابقاً للنظام الذي كان مطبقاً عليهم قبل صدور هذا القرار.
المادة7- يبلغ هذا القرار من يلزم لتنفيذه.
دمشق في 12/4/2010
رئيس مجلس التعليم العالي
وزير التعليم العالي
الدكتور غياث بركات

إنا لله وإنا إليه راجعون

طيب هلأ بس فهوما كيف صار يحسب المعدل؟؟؟
يعني الفحص الوطي هوه نفسو معدل السة السادسة؟؟
ولا الفحص الوطني كما سمعنا الو 47% من المعدل العام؟؟

tayeb mn waein lazem ndross

العوض بسلمتكن يا شباب!!

تخبيييييييص

على كلن بالتوفيق لجماعة السادسة وعوضكن على الله

اليوم ذكر لي أحد الأساتذة في جامعتنا : إن موضوع علامات المقابلات بجامعة حلب وصلت للقيادة وسوف أو تم تشكيل لجنة للتحقيق بالموضوع وأول خطوة تم اقتراحها ووافق على ما يبدو عليها الوزير ولكن بانتظار موافقة رئاسة مجلس التعليم العالي هي : لن تحسب هذه السنة علامات المقابلات في أي جامعة من الجامعات ( لسا ما مبين شو الآلية هل هي إن الجميع سوف تكون علامته 30 أو شي طريقة تانية، الله أعلم )

بهاليومين القادمين ببين إذا وافقوا على الموضوع والا لاء.

وقلي الاستاذ حاولوا من يوم ورايح أي شيء بصير معكم تكتبوه بسيريا نيوز وبعض الجرايد المحلية لأسباب عديدة ذكرها لي. حتى موضوع اختلاف المعدلات بين الجامعات وهالامور قلي خلوا حدا من الصحفيين يعمل تقرير عن الموضوع.

بالتوفيق.

التعى قلبا جريدة الثورة و هي تحكي بالموضوع ..

بالأخير عملو مقابلة مع د.نزار الضاهر و د.صالح داود و كان عنوان المقابلة بالخط العريض فيما أذكر:

أجوبة د.الضاهر تثلج الصدور و تهدئ النفوس

أيا صحافة يا زلمة ... وين عايش أنت ...

"وعندما يغتسل قلبي ...أذكرك .."
"تنظرين إلى الأشياء .. فأراها ..."

وإذا بتلتغى علامات المقابلات ... بتكون مهزلة المهازل .... و إذا بتطبق علامات جامعة حلب بوضعها الحالي ... بتكون لسا مهزلة أكبر ...

تخبيص تخبيص تخبيص ...

"وعندما يغتسل قلبي ...أذكرك .."
"تنظرين إلى الأشياء .. فأراها ..."

يعني وجع القلب بالمقابلات بدو ينكب عالأراضي والاكتشافات الصاروخية يللي طلعنا رح تنكب ...........؟؟؟؟؟؟؟؟؟مالي زعلانة عالمقابلة بحد ذاتها بس عالوضع الرائع يللي عشناه على مدى اسبوعين ...والله بعدها ما عدت عرفت ادرس كلمة .........
.

تمام بس مو شي بيزعل انو بحلب دعموا طلابهم مشان يفوتوا مروقين عالفحوصات وما خافوا من حدا ؟؟؟؟؟؟؟بينما عنا صاروا يتسابقوا مين بيكسر بالطلاب أكتر .....؟؟؟؟؟؟

مرحبا شباب :
انا طالب من جامعة حلب ....
انتو عبتظلمونا كتييير
ما حدث بالعينية يكاد لا يؤثر او يحدث اي فارق بيننا وبينكم ....(كل ماعليها 1.5 من 30)
وبالمناسبة هذا وضعها كل سنه وليس السنة خصوصا (من اجل الوطني ...) دائما نطالب ب200 سلايد
يأتي 15 سلايد بصورة وصفية ...

لماذا لاتنظرون إلى علامات الداخلية والأطفال .. هناك كثير من علامات الفردية ( 6 ,و8 , 10 ,15..) من 30
في لجان بالجراحة أعلى علامة 22 مهما اجبت !!!!

لماذا هذا الهجوم قبل ان تتأكدوا .....
اصلا بالمقارنة بين الجامعات الاربعة لرأيتم ان نسبة المعدل اكثر جامعة متضرره بها هي جامعه حلب وقد نكون متشاركين في الخسارة ..(اذكر في السنة الثانية العاشر كان معدله 80.66 ... وكما لم يتجاوز الأول عندنا 90 في خمس سنوات على ما اذكر ...
في حين أشقاؤنا بالجامعات العاشر فوق 90 ...

عندما صدر قرار الوطني كنا او المظلومين لسبب بسيط ...
يوجد اختلاف واضح في المقررات بين الجامعات
انتم لديكم اقوى المناهج (قد تحميكم في الفحص ) وجمعة تشرين والبعث لديهم أعلى المعدلات ..

بالأخير قل لايصيبنا إلا ماكتب الله لنا

والله ييسر لكل منا طموحه واختصاصه

يا شباب كله إلا حذف علامات المقابلات لأنو قد ماكانت محصلتها انشالله لو 20 رح تدعم علامة الفحص الوطني . بعدين عفنا حالنا طول السنة بالمقابلات وآخر شي ينحذفوا.. والله حرام.. إذا بتريدوا لا بقا حدا يرفع شكاوى على شي لأنو أي قرار عم يطلع طلاب جامعة دمشق فقط عم يتأذوا بسببه ..
ومشان الزميل من حلب أخي انتوا على راسنا بس مستعد أحلفلك بشومابدك انو ماحدا حينظلم قد طلاب جامعة دمشق ..
وأخي سومر : كلمة مهزلة تعتبر مدح منك لهيك تخبيص .. حطلك شي مسبة أكبر..

ملاحظة: في ناس ممكن تكون راسبة بالفحص الوطني وتنجحها المقابلات وتتخرج . ومو كل الناس بدها دراسات سفلى . في ناس بدها بطيخ صحة ..
انا رح سكر حكيم لأني اذا بدي اكتب رح جيب معدل ناس كتير .. انشالله يارب اليونسكو تسحب اعترافها بجامعة دمشق

البعث من أعلى المعدلات؟؟؟؟.................... شي بضحك. نحن الأولى عنا بال 80 . بنحلم نشم ريحة شي قريب عل90

يعني نزلت نتائج الامتحان الوطني ؟ ؟
يا ريت اللي بيعرف يخبرنا لأنه ما عم يفتح النت عندي عالكمبيوتر .

تم رفض اقتراح حذف علامات المقابلات من قبل رئيس الجامعة على ما أذكر.

وتم اقتراح اقتراحين بديلين بس الاثنين أضرب من بعضهم.

بهالكم يوم ببين إذا رح يعملوا شي.

زملائي في جامعة دمشق
ومن قال ان طلاب البعث لم يذوقو الأمرين في الفحص الوطني
ولمن يرغب فبإمكانه أن يتأكد بنفسه
http://dna-sy.com/board/viewtopic.php?f=213&t=9718

أرجو من الإدارة عدم حذف الرابط وهنا أتمنى على سفير حمص في جامعة دمشق الأخ عبد الله الرفاعي أن يولي الموضوع اهتماما
ولكم جزيل الشكر

أخي الكريم، ما حدا قال من جامعة دمشق إن البعث من أعلى المعدلات وأنا كنت بالبعث وبعرف إن في سنوات البعث بتكون عادية بالمعدلات ( متل الشام ) وفي سنوات بتكون أكتر من الشام مع الأخذ بعين الاعتبار فرق المناهج المعروف بين الجامعتين، لذلك ما بدنا نفوت بهالموضوع.

اللي قال هالحكي فوق هو أحد الشباب من جامعة حلب (CR9).

تحياتي الك ولجميع الشباب بحمص.

الخريجين القدامى يعني دورة 2003 بيحقلهن يتقدموا عالإمتحان الوطني