المكان الأفضل لتمثيل المسلسلات التلفزيونية

إيمتى هالحكي؟؟؟؟؟
يعني انشالله حتتسكر المكتبة كمان مشان شقفة مسلسل سوري مو معروف أصله من فصله ؟؟

أحلا شي شلون اقتحموا المكتبة وانبحتت الأضوية والكراكيب
هدول رشدي في منون بكفرون؟

لاء في منون بداريا

يمكن يمكن يمكن بدهن يعملوا مسلسل اسمه باب المكتبة

مسخرة

يا جماعة أنا أوقح من هدول الجماعة ما شفت ..

يعني فايتين على مكتبة لطلاب الطب البشري ، و بعز الامتحانات ..

أقل ما يمكن أنو واحد من هدول المساطيل المساطيج اللي عم يشتغلوا و على راسهن وائل رمضان يفوت يعتذر بكلمتين و يقول :

نحنا آسفين ، عم نعطلكم ، لا تواخذونا !!

لعمة ..

فاتوا لا إحم و لا دستور ، و كأنهن فايتين على بايكة ..

بصراحة ، قمة قلة الأدب و انعدام الذوق ..

أنا وقت شفتهن هيك ، بصراحة ما عاد اتحملني بدني ، حملت حالي و مشيت فورا ..

مو ناقضها المكتبة غير جماعة التلفزيون حتى تكمل

أنا دايما بسمي مكتبتنا:
المكتبة العجيبة

من اول السنة وانا عبشوف التلفزيون عنا بالكلية شي امام المخابر ومرة امام بناء المدرجات ....ولهلق ما كان يخلص هالمسلسل ...لو مسلسل مكسيكي او تركي كان خلص تصوير

لأيمت المسلسل رح يضل؟؟؟ بركي منلحق شي دور حتى لو كومبارس بدال هالكلية المعتة.....

راحت عليكي

معك حق......
أصلا ما بعرف ليش كليتنا من غير الكليات يلي بتحلى بعيونهم

و أنا طريقة فوتتهن ضربت على عصبي!
يعني هيك و كأنو المكتبه مكتبتن و نحنا يللي متطفلين و كل واحد ضارب بوز شبرين و لا بيعتذرو و لا شي.

بس أحلى شي أني خليتن يعيدو تصوير مشهد برا وقت كانو عم يصوروا ادام المخابر قبل ما يفوتو عالمكتبه.
عم أحكي عالموبايل و ما منتبه و واقف تماماً بوش الكاميرا ما بلاقي المخرج غير نط من الكرسي و صار قدامي و عم يعيط (يا ألو لك يا ألو بعّد)

إي و ليش محملينها كل هالقد

أنا برأيي أنو شغلة حلوة ولزيزة