الدراسة في السنة السادسة

شي ظريف ..
بس شو هي 19.6 يوم ؟؟

مؤنس : منشان الدقة
الله يعينكم يا سادسة
موووووووووفقين

عن جد ابداع

والله معك حق أكثر شي بيشغل مخ يلي عما يدرس سادسة هو الاختصاص
الله يوفقنا أجمعين باختصاصات منيحة

ياعيني على الرسم
طلعت رسام و مالنا خبر
بس عنجد معبرة

صدقا ضحكت من قلبي

فظيييييييييعة هالصورة

والله هالرسمة معبرة كتير عن حالة الفوتان بالحيط العجيبة التي يعيشها طالب السادسة بهالمرحلة

نحن هالسنة أكلنا مقالب لحتى شبعنا : تغير كل من دكتور العصبية والغدية والجراحة الصدرية

وعاد دكتور القلبية يلي كان بالعسكرية ليشارك في وضع الاسئلة مع دكتورنا القديم وتخطيط القلب مع اللانظميات البالغة الاختصاصية يلي بيطلع شي 400 صفحة وبينعطى عادة بالسادسة ما اخدناه ومع ذلك مطالبين فيه (صرنا تعليم مفتوح )
ودكاترة الاطفال عم يعطوا محاضرات جديدة والعينية بالخامسة عطاها دكتور واحد وطالبنا بمحاضرات , بس بالسادسة بيدخل دكتور تاني عالخط وبيطالبنا بالكتاب (يلي مو فاتحيه )إلى جانب المحاضرات طبعا والجلدية الدكتور يطالب بالكتاب لكن يقال ان الاسئلة من محاضراته ودكتور التوليد عطي محاضرات جميلة جدا وuptodate ولكن يطالبنا بالكتاب الى جانب المحاضرات .
هذا كله كوم والمحاضرات في المشفى يلي صارت لحالها منهاج تاني كوم .

الله يمرق هالفترة على خير .

الله يكون معكم ياسادسة

آآآآآمين... يا رب
أنتم السابقون و نحن اللاحقون..
ولي و الله شي بيرعب!!
لهدرجة!! دورة 1950 !!

may God be with you guys

حلوة كتير..

الله يكون معكم يا سادسة

بس الغرفة كتير مرتبة لا تعكس الواقع المزري (محاضرات فوق الطاولة وتحت الطاولة وفي دروج الطاولة محاضرات فوق الخزانة وتحت التخت وفوق التخت وبالمكتبة وشي لساته بكياسه وشي بالعلب وشي لسا جاية على الطريق !!).
الله يستر وبس !

حضااارة...
الله يجيرنا من يلي جاي...ويكون بهون السادسة هلق...
و شكرا دكتور فرهود

بعون

شكرا

الحق معك، أنا مشكلتي أني بمشي وأنا عم أدرس وما بعرف أقعد ورا طاولة، وغالبا أتمشى من غرفة لغرفة وبدور البيت كله، وهون المشكلة أنو محاضراتي صارت منتشرة بكل البيت، بس أهلي الى الآن عم يتحملوني والحمدلله.
الله ييسر.

والله يا عمي فرهود طلعت متعدد المواهب.....
سيدي... على كل حال منيح اللي خليتني شوف المنظر اللي رح يصير فيه بيتي بعد نحو: 1 يوم 10 ساعات 23 دقيقة 27..26 ..25 ثا....

صورة حلوة
بس لفت نظري 59؟ ولا انا مخربط؟

"بس الغرفة كتير مرتبة لا تعكس الواقع المزري (محاضرات فوق الطاولة وتحت الطاولة وفي دروج الطاولة محاضرات فوق الخزانة وتحت التخت وفوق التخت وبالمكتبة وشي لساته بكياسه وشي بالعلب وشي لسا جاية على الطريق !!).
الله يستر وبس !"

هي تاني مرة بضحك من قلبي بعد قراءة هالموضوع

حاولت مرارا وتكرارا ان أبقي غرفتي مرتبة لكن لا جدوى

انا عندي طاولتين بغرفتي كل وحدة فوقها وتحتها كتب واكياس والخزانة طبعا مليانة من زمان

عم استنى بفارغ الصبر اللحظة يلي بدي اتخلص فيها من هالكراكيب

دورة نيسان1950؟

رهيبة
الله يجيرنا!

-شكراً لكل من مر وأبدى رأيه
-بالنسبة لترتيب الغرفة فهذا سببه ما يلي: هذا الطالب العتيد لساتو بأول يوم بالمادة(شايفين كيف لساتو ما قرأ غير أول كم صفحة بكتاب المادة) ومشان هيك لساتا الغرفة مرتبة, بس لما يمضى كم يوم فما حدا لح يتوقع كيف لح يكون منظر الغرفة من كثر المحاضرات يلي ملحوشة على الأرض وعلى الطاولة وتحت الطاولة... وبالنسبة لمحاضرات بقية المواد فبالتأكيد هي موجودة بغرفة ثانية لأنها كثيرة كثير بحيث لن تتسع لها غرفة الطالب العتيد هذا
-حكيتو عن بعض الأفكار الموجودة بالصورة بس ما حدا حكا عن فكرة كثير هامة(ولعلها الأهم) في هذه الصورة وهي الأفكار الكثيرة التي تجول في فكر طالبنا العتيد(طالب السادسة)والتي تؤرق عليه دراسته وتمنعه من النوم ربما, وهي تبدأ عند بدء الدراسة للامتحان ولا تنتهي عند التخرج
-طبعاً هذه الصورة لا تنطبق على الواقع 100% بس في نسبة منها تنتطبق وهذه النسبة تختلف بين طالب وآخر وبين مادة وأخرى
-طبعاً هذه الصورة فيها شوية تضخيم(19.6 أو 1950...) بس هذا فقط هدفه إيضاح الفكرة وترسيخها لا أكثر

كتيير حلوة الصورة....((شو مبين الكرسي رح ينكسر من تقل الأفكار؟؟؟
الله يكون بعونكن ياسادسة!!!!

الرسمة حلوة كتييييييير

حلو ...
موفقين يا سادسة .....
ياترى هالحالة بس بالسادسة ولا بكل السنوات ...
لأنو أنا هلأ بالتانية وعم عيش نفس المشاعر تقريبا يضاف لها غلاظة المواد "النسج مثلا"...
الله ييسر...

شكراً جميلة وحلوة ...بس بتخوف كمان....

أشاركك الرأي .......الله يعينا أجمعين...

بس كأنو الشوكولا ناقصة

الله يعطيك العافية عنجد حلوة كتير.. وعنجد طلعت رسام ونحنا مو دريانين.. وين كنت مخبي هالمواهب.. الله يحميك يااااا رب..
وهالرسمة عنجد تتكلم عن الواقع الحقيقي اللي عم نمر فيه..
بس المشكلة إنه الواحد فوق كل هالهم تبع الدراسة يجيه هموم تانية عجيبة غريبة تلهيه حتى عن التفكير بهم الدراسة...........

لأ مو مخربط.. النجاح بالسنة السادسة من 60% وليس من 50%.......

ولي والله شئ بيخوف
الله يكون معكن ويوفقكن جميعا
أنتم السابقون ونحن اللاحقون

مرة ثانية ألف شكر لكل ما أبدى رأيه برسمتي المتواضعة

كتير معبرة و حلوة
بس عنجد الله يكون بعونكن طلاب السادسة
ويكون بعوننا كمان لنوصل لمرحلتكن

قال و نحنا عم نقول طلاب السادسة مرتاحين

الله يستر و يعين

ما شاء الله، موهوب يخزي العين عنك.. شو هالطالب المودرن هادا! (مو إنت، قصدي الطالب يلي بالرسمة)

سألوه مرة لغوار الطوشة، ضقت شي الهمبرغر، قلهم، الهم ضايقو، بس البرغر لسا.. هذا حال طالب السادسة

على فكرة هودي بعض الهموم الخاصة فقط بدراسة السادسة والطب، لكن في ناس عندها هموم أبعد من دراسة السادسة وأبعد من الطب حتى..

بس مع الله، ما في شي بيخوف!