إعلان إلى رواد المكتبة ^_____^

الإعلان منطقي جداً..

بالنسبة للفقرة اللتي تتحدث عن التوجه إلى موظف المكتبة في حال مواجهة مشكلة حجز الكراسي فلقد جربتها بالفعل وكان الموظف في غاية الجدية وتمكنت من الحصول على مقعد بسرعة بعد ما كنت عم بتقاتل أنا وطالب قاعد على كرسي وحاجز اثنين لما بعرف لمين
وقد أكد لي رئيس الهيئة الإدارية الحالي الصديق عصام شرف عن جدية الموضوع وقال في حال لم نجد الموظف ستجد عصام نفسه في المكتبة و جاهز لأن يذهب مع الطالب ليحصل له على كرسي من هذه الشلة التافهة المستعمرة للكراسي
صراحة همي تافهين لأنو واحدهم أو واحدتهم بتحجز 3-4 كراسي وشو كلهم راحو على الحمام
شو بدنا نتحمل لنتحمل

اي شباب

حتى اذا ما انوجد مسؤول المكتبة او الزميل عصام ممكن للطالب ان يتوجه للهيئة فورا ويخبر عضو الهيئة المناوب حتى يرافق الطالب عالمكتبة

الحق ما حدا بيزعل منه

سلامات
الله يعطيكن العافية على هالشغل هاد

بس هون فيه فكرة لازم نذكرها
هلأ فيه كراسي محجوزة كتير ما إختلفنا عليها
بس أحيانا الواحد بيضطر يطلع برا المكتبة منشان ياكل مثلا أو يساوي كم شغلة بالكلية....أو أو أو
يعني مو معقول كل ما طلع برا المكتبة شوي يرجع ويدور على كرسي من أول وجديد و يروح كل مرة ويجمع غراضة ووووووو....

بس هالقرار يشمل قاعة المطالعة كمان؟؟
من كم يوم كان عندي فراغ شي نصف ساعة قلت بقعد بالمطالعة بقرأ كم كلمة المهم لقيت كرسي عليه مريول وبس ,قمت أخدتو وبعد دقيقة بتجي لعندي وحدة بتقولي هادا الكرسي محجوز قلتلا أنا مو بقيانة كتير ومو معقول تضلي صافة هالكراسي حواليك عالفاضي!!!!وبعدين شكلا اتصلت برفيقتها وخبرتا أنو كرسيها ذهب مع الريح!!!بعد خمس دقائق بلاقي صاحبة الكرسي عم تقولي:عفواً اذا سمحتي هالكرسي يللي قاعدة عليه كرسيي!!!!!!!!!!!
أنا متعجبة من هالطلاب كل شي بالكلية خاتمينوا باسمن مافي شي اسمه أملاك عامة؟؟؟؟

" إذا أراد الخروج " يعني برا المكتبة مو هيك
يعني إذا الواحد بدو يصلي بالمكتبة ما بيروح الكرسي تبعه

هلأ هي الفكره ممتازه
بس يمهلونا شي 5دقايق (بس للصلاة أو الحمام وبلا الأكل والشرب والحكي عالموبايل)
بس إذا الكل طبقها بصدق فمن المؤكد بأننا حتى بخروجنا ولو لدقائق معدوده
ونحنا داخلين بناخد كرسي بطريقنا
ومن يوم ورايح لا عاد بدي إحجز كرسي ولا أحجز لحدا

اي رهف

اللي بيصير مثلا متل ما صار معك ومتل ماقلت قبل
انتي مثلا بتقولي هلأ معقول انزل عالهيئة وشوف الطالب المناوب او روح لعند مسؤول المكتيبة مشان كرسي
بكون راح وقت الفراغ

لازم الطالب يلي بيقوم ما يخلي شي عالكرسي ابدا
وبس يرجع الا مايلاقي كرسي

طيب معليش حدا يجرب مرة ويخبر الهيئة بس مرة...الشغلة مو تخويف ابدا بس لما تصير مرة الطلاب لحالها بعدين بتصير تعرف وتلتزم

هههههههههه

إي معلش
هلأ ما عاد في كراسي أصلاً الواحد يحجزها

يعني ما عرفوا يعملوا هالشغلة بالعطلة الانتصافية !!!

أو مثلاً ياخدوا نص ويتركوا نص وبعدين يبدلوا !!!

هههههههههه

قرار رائع جدّاً.
وحتى كون إنساني مع زملائي لما لاقي كرسي محجوز بقول للشخص الحاجز لح امهلك 5 دقايق اذا ما رجع رفيقك انا مضطر آخدوا!

كل الشكر للهيئة الادارية على هذا القرار المفيد, ويا رب يلخصوا تنجيد الكراسي بسرعة!

هلق وقت التنجيد !!!!!!!!!!
بكرا في معرض وقت المؤتمر
يحرق ديب هالمكتبة شو بدها تلقى لتلقى

من قال أنها أخذت للتنجيد؟؟!!
كليتنا تنجد كراسي!

إذا رأيت بعيني لا أصدق!

اي يصير في برادة مي بالأول!

هنن أصلاً عملوا هيك مشان يريحونا من هالشغلة كلها ويحلوها من جذورها:cool:
الله يريحهن متل ما ريحونا

عن جد منطقي وحلو
بس مين رح يطبقوا

بل صدق وسنوافيكم بالصور لاحقاً بإذن الله

أحلى الشي قال أنا اليوم قاعد متل الملك و حواليني الطلاب واقفين عم يستنوا عالدور الكراسي اللي طار أكتر من نصا
و لما قمت لدقيقة جوات المكتبة كان كرسيي لح يطير
ملاحظة : هي المرة الأولى اللي بقعد فيها بالمكتبة بالفصل التاني و الله لا يعيدا

كتير حلو القرار
بس متل ما انذكر أنو الواحد ممكن يكون مضظر يطلع شوي لبرا إن كان استراحة قصيرة أو أكل أو أمور طارئة أخرى .
بيرجع و إذ الكرسي طار , و خصوصي هالأيام وقت ما بقيان غير شي 20 كرسي . امبارح مثلاً ضليت تقريباً تلت رباع الساعة للقيت كرسي.
فبرأيي الحل الأمثل:

يا حرام

شفت ناس آعدين عالدرج و ناس آعدين عالطاولات

لهون وصلت الأمور !!

وأنا هاد يلي حعملو...
بس نستنا لحتى ترجع الكراسي مو نتقاتل عكم كرسي(مو محرزين)
لكن معقول اليوم....
وحده حاجزه الكرسي لرفيقتها وكنت مستنيه شي10دقايق قبل ما حاكيها
رحت وطلبت منها قال صاحبتها (هلأ هلأ) طلعت لتحكي عالتليفون وبترجع هلأ
وقدامي أخدت جاكيتها ومريولها وطلعت
وصدقوني مارجعت لبعد (ساعه إلا 3دقايق)

للأسف ، هناك بعض الطلاب الذين ما يزالون يعيشون في مرحلة الإبتدائي .

كلامك صحيح مروان إذا الواحد طلع شوي مشان يقضي حاجة و رجع بسرعة ، لكن المشكلة أن هذا يحتاج لرقابة ذاتية عالية جداً ، و هذا الأمر غير موجود على أرض الواقع للأسف .

على هذه السيرة أود أن أروي لكم هذه القصة الطريفة التي حصلت مرة معي السنة الماضية : دخلت غرفة المطالعة لأجد كرسياً عليه حقيبة ، و كالعادة ذهبت لأضع الحقيبة جانباً و آخذ الكرسي دون أن أنظر لأي أحد على الطاولة ، فوجئت بأن الحقيبة التي كانت شيالاتها طويلة ملفوفة على الكرسي 4 لفات و معقودة ، بدأت أفك اللفات لأتفاجأ بقفل صغير وضع بطريقة لا تسمح بأن تنفصل الحقيبة عن الكرسي ، أخذت الكرسي إلى طاولة أخرى و رميت الحقيبة على الأرض و هي ما تزال متعلقة بالكرسي و جلست أصلي لكي يأتي صاحبها و أهديه علقة ساخنة لا ينساها طوال عمره ، المفاجئة شو
.
.
.
.
.
.
.
.
.
ضليت قاعد قرابة 3 ساعات و جمعت أغراضي و ذهبت دون أن يظهر صاحبها ، فما رأيكم ؟

كنت خدلوا شي كتاب و انتقم
صحي ذكرتني هديك مبارح صار نفس الشي مع واحد بس بدون ما يكون في قفل

لك ياريت ابتدائي...... قول عصور حجرية

اليوم كان يوم غير طبيعي...
المكتبة تحولت إلى صالة أفراح....اجيت لأدخل بس ما كان معي كرت...
طلعت على غرفة المطالعة....حدث ولا حرج...
الطلاب فوق بعضن وجنب بعضن وموجودين في جميع الدراخيش...
فشلت حالي ورحت عالجنينة....
شو مشان الرومنسية زايدة هالأيام...
والوفود السياحية جاي تعمل اصطياف بجنينتنا...
فلم يآويني إلا هالشارع الصغير اللي بين كليتنا والصيدلة اللي فيو الباب الصغير تبع الأسد الجامعي.......

قرار منطقي
شكرا

القرار كتير حلو ...

بس قلولي شو أعمل بحالي مع إني شفت القرار بعيني
بس عم استحي آخد شي كرسي
واسحبه وفيه عليه أغراض أو محجوز..

والكل بقلي موإنت يلي لازم تخجلي
لازم يلي مستعمر الكرسي وحاجزه على فاضي يستحوا من حالهم

بس يعني عم اتركها للذوق بس الظاهر مو صفيان زوق...

وعم اضطر كل ساعات الفراغ روح على مكتبة الصيدلة ويلي غالباً عم يقلعونا منها ..

please قولولي شو لازم قول ليلي حاجز كرسي والله ما بعرف شو بدي قول ...

والاحلى انو عاملين مناوبة
مثلا بالجراحة منجي عنا محاضرة منقول لطالب اذا سمحت في هلأمحاضرة ممكن تعطينا الكرسي (والله حاجزو لطالب تلتة كمان
يعني عم يسلمو الكرسي باليد
منقوم منحمل حالنا ومنتأرأز عالطاولات يلا شوبدنا نساوي كلن تلت اربع ساعات وبيمضو

لاتسألي ابدا بس تشوفي كرسي فاضي دغري اسحبيه فورا بدون ماتسألي

جد الحكي