إلى طلاب السنة السادسة: كيف تقيّم ستاج الرعاية الصحية الأولية؟ ولماذا؟

ما بعرف !!!

هلأ حسب المركز يلي بيطلع الواحد في
انا كنت بمركز برزة و كان عبارة عن ستاج فاشل بكل المقاييس
بس كان في بعض المراكز احسن
بس ع كل الاحوال بيبقى ستاج خالي من المتعة و مضيعة للوقت

السلام عليكم

ستاجات العيادات الخارجية (متل ستاج الرعاية الصحية) برأيي إلها فائدة للطبيب العام أكتر بكتير من الستاجات يلي عم نناقش فيها مرضى مقيمين بالمشفى ما لح نكون مسؤولين عن حالتهم بعد التخرج، واذا اختصينا لح نتعلم كيف نصير مسؤولين عن حالتهم بالاختصاص.

العيادات الخارجية بالمراكز الصحية وظيفتها محدودة، لهيك الفائدة السريرية محدودة نسبياً، لكنها عم تأدي دور الرعاية الصحية الأولية بشكل جيد.

الأمر بيختلف بين مركز وتاني كمان.

Well,
it varies as the guys have already said, but I want to add something If you would.
It's believed, that there are lots of things should be covered before the graduation rather than the clinical issues.
We should be taught how to run a research, an audit, and how to act properly in ethical problematic cases. In my point of view, its really worth to do that rather than going to theses clinics and just watching.

thanks Amera.

Anas,

يمكن بتختلف حسب المركز.

نحنا بالمركز تبعنا ما كان في عيادات!

كان في عيادة نسائية يشرف عليها قابلات (ما في طبيب نسائية بالمركز) وبالتالي كل دور العيادة كان تقريبا بس إعطاءهم طرق منع الحمل.

لا يوجد عيادة داخلية أبدا ولا عيادة سكري أو شيخوخة.

يعني بالمركز كله كان في طبيب واحد فقط وهو طبيب أطفال وبيجي لعنده الكبير والصغير وغالبا كانت الوصفة جاهزة لكل المرضى، بس بينقصها تعبئة اسم المريض، باعتبار أغلب الحالات كانت التهاب لوزات والتهاب بلعوم.

غرفة اللقاحات كانت شغالة أكتر شي وهي يومين بالأسبوع فقط.

يعني نحنا كنا مجبرين نروح كل يوم من الساعة 8:30 للساعة 11:30، وكان بس تضييع وقت وعلى مدى أسبوعين.
ويلي بيتأخر عن ال 8:30 بيتأخر بالطلعة من المركز بنفس المقدار.

حتى وقت بديت المحاضرات السريرية تبع السادسة بالمواساة، مدير المركز ما رضي يطلعنا بكير مشان نلحق نروح عالمواساة، قلنا فيكم تروحوا نص ساعة بكير اليوم، بتعوضوها بكرة

يعني بالنسبة الي كان أسبوعين من تضييع الوقت لاغير.
طولنا عليكم

الله يبشركم بالخير...

المشكلة بمراكز الرعاية أنو كل شي تعلمناه بالكلية عن أصول الاستجواب والفحص السريري بينتسف وبيصير التشخيص بالاستشعار عن بعد....يا أما بيفحصو لوزات المرضى من على بعد 3 أمتار وبدون بيل.....وبيبين معهم خزيت العين...بأحسن الحالات بيصغو الصدر....يعني لا في تأمل لافي جس لا في قرع ...والمشكلة كمان بعيادة الصحة الانجابية اللي عم يشتغل هنن القابلات ....وهات يا تخبيص...المشكلة مو فيهم المشكلة بالطبيب الموجود واللي معظم وقته برا العيادة....
الشي الحلو هي اجراءات الكشف المبكر عن سرطان الثدي وعنق الرحم لكل مريضة بتزور المركز..وهالشي كتير كان ايجابي ...حتى النتائج كانت ايجابية ...
أنا كنت داوم ساعة بس كل يوم مو أكثر...ما كانت سيئة....يعني تغيير جو عن جو المستشفيات ....

هذه هي العبارة التي تعبر عن واقع الستاج تماماً:
فهو مفيد نظرياً لأننا بحاجة لأن نتعامل مع مريض المراكز الصحية وليس فقط مريض المشفى
وهو غير مفيد على أرض الواقع بسبب أشياء كثيرة

مفيد بالحدود الدنيا ومدته كافية ..نوع من التغيير

حدا بيعرف شو وضع مركز التضامن؟؟؟

أنا كنت بالتضامن. على وقتنا كان كتير صارم، و3 ساعات دوام يوميا من 8 ونص حتى ال 11 ونص، ويلي بيتأخر الصبح بيتأخر بالطلعة، ما في أطباء بالمركز عدا عيادة الأطفال فيها دكتور.

مسموح بيومين غياب.
آخر يوم من ستاجنا كان مدير المركز عم يتبدل وأجى مدير جديد. سمعت أنه المدير الجديد متعاون ومتساهل.

مو كل العيادات ممكن الواحد يستفيد منها , يعني في عيادات الواحد ما بساوي فيها شي غير يمسكله شي محاضرة ويقرا فيها .. خصوصي أنو هادا الشهر الأدوية المجانية خالصة من المركز لهيك عدد المرضى عم يكون قليل على غير العادة ..

كلو بكفة وأنو ننحط غياب بالعطلة الرسمية تبع يوم الخميس , بكفة تانية "قال هي العطلة مو ألنا " .. يعني ليش كل هالتشديد ما عم أفهم !!

ستاج مفيد نظرياً، ولكنه غير مفيد على أرض الواقع