من ستاج القلبية.....
الصورة تتكلم - السبت, 2008-11-01 09:18 | ألبوم حكيم › الصورة تتكلم!
من الجميل أن نقبل على العلم والتعلّم ونتسابق على ذلك, لكن من المعيب أن يكون ذلك على حساب هدر كرامة أخونا الإنسان.
لنتعلّم زملائي.... لكن لنحترم أولاً خصوصيّة مرضانا, ولنتخيّل أنفسنا مكانهم قبل أن نقدم على فصحهم وإيذاء نفوسهم.
بالفعل مسخرة ...
بس
الحق مو علينا ...
لا حول ولا قوة إلا بالله
كل هي سماعات !!!
الله يجازي اللي كان السبب
شو الظاهر مقطع من بقعة ضوء
يا رجل كأنو سبيل
الحقيقة مافي ذوق
قال طلاب طب
أنا بصراحة ما بحط الحق على الطلاب ...
أول شي نحنا منسمع كل شي بقوله الأستاذ ...
تعالوا حطوا السماعات مننزل كلنا ومنحط ألف سماعة والأحلى انه ما منسمع شي .
في أحلى من هيك سماعة وحدة على صدر المريض وبتنحط من أدن لادن اذا واحد معه التهاب أذن نقله للكل .
نفس الشي بالأطفال ..
جسوا الطحال...مية يد عالولد !!!
هاد إذا ما آخر شي صار يبكي ..
الحق بشكل أساسي على الأستاذ يلي بيطلب هيك طلب، لكن في حق ثانوي على الطلاب، كيف الطالب بيقبل على حاله يحط سماعته على المريض بهيك منظر؟ إيمونا من أخلاقيات الطب، الأخلاقيات العامة ما بتسمح بهيك شي. إذا صار هيك موقف لازم الطلاب لوحدهم ينظموا حالهم ويطلعوا واحد واحد (أضعف الإيمان كون المريض عم ينفحص إدام 50 طالب)، مو 50 سماعة على صدر المريض!
جسوا الطحال...مية يد عالولد !!!
هاد إذا ما آخر شي صار يبكي ..
غريبة نحنا عنا بالدور وتنظيم راقي جداً واذا المريض حسيناه انو انزعج فوراً منوقف
و استاجنا أطفال
صح..
و نحن عنا بالدور كمانوكمان اذا حسينا انو النريض انزعج منوقف
بأي قاعة انت؟؟
صح وكمان ستاجنا اطفال...
الله لا يوقعني بين ايدين هيك طلاب,,,
و استاجنا أطفال
أكيد مو بالقاعة ..
بالطوابق ..لما يكون في طالب دراسات ..
في مريضين التهاب شغاف تحت حاد ..أكتر من 20 واحد كان بالغرفة لدرجة إنه ما عاد تقدر تاخد أكسيجين ..وكله منشان النفخة ..
عوجا
بالطوابق ..لما يكون في طالب دراسات ..
في مريضين التهاب شغاف تحت حاد ..أكتر من 20 واحد كان بالغرفة لدرجة إنه ما عاد تقدر تاخد أكسيجين ..وكله منشان النفخة ..
بس غرفة بتاخد العقل
ونفخة مثالية جدا
بس طبعا بدون قصد
و نحن عنا بالدور كمانوكمان اذا حسينا انو النريض انزعج منوقف
ونحنا كمان!!
الحق على الطلاب
لو بيستوا ع الدور بيستفيد الكل
الظاهر على مبدأ : تزاحموا تراحموا
طيب ما الحل،
إذا لم تحصل هذه الزحمة و لم تهدر كرامة المريض لن يسمح أحد النفخة، سوى الطالبين في المقدمة.
ما رأيكم؟
كل هي سماعات !!!
الله يجازي اللي كان السبب
كما قيل سابقاً:
الحق الأكبر يقع على عاتق الدكتور..
ولكن هناك حل:
إما أن ينظم الطلاب الواحد تلو الآخر "يعني بالدور"وهناك أحد الدكاترة قام بتطبيق ذلك
أو ينقسم الطلاب مجموعات ويتوزعون في الشعب ويسمعون النفخات كما يريدون
بس مو بهالشكل الفوضوي الواحد بيتعلم
حطوا حالكم مكان المريض وما هو شعوركم وسماعت جميع الطلاب تمتد لفحصكم...
انها الطريقة الابداعية الوحيدة للتعلم في مشافينا
السبب أن طلاب الطب أنانيون
مجرد ما يقول الدكتور في نفخة أو صوت فوراً الكل بيطلع وبيطاحش
لما كنا ببداية الرابعة كنامزوقين و نفكر أن الشغلة بالدور ونقعد ننتظر لما تخف العجأة عالمريض-طبعاً نص الشباب عم تطاحش وميت ايد عالمريض-بيقوم المريض بينزعج وبيقوم وبتروح علينا...لذلك صرت بالسادسة مع جماعة المطاحشين...وصرت حط راسي بين الرؤوس وقول يا قطاع الرؤوس.....لانو ما بتروح غير عالمزوق
لك الله يعين هالعالم يللي عم توقع بين ايدينا
يعني بس لأنو مشفى ببلاش بيشرشحو المريض و بيمسحو بكرامته الأرض
هي صورة وحدة و غيرها كتيييييييييييير عم يتكرر كل يوم
بصراحة هذا ولا شي !
اليوم عملوا vaginal examination على مريضة ادام 6 بنات و15 شب وتكرر الفحص 6 مرات !!
يا محلا السماعات !!
هاد اختراع يسجل لأساتذة الطب في سوريا... شو بفهمكم أنتو - سوري منكم - بس وقت بنحط المريض بهل الموقف بيرتفع ضغط المريض وبصير بتسمعو النفخة بشكل أفضل... يعني هي مناورة متلها متل فالسافا ووو بس هي مع براءة اختراع سورية مية بالمية....بس فعلا شر البلية
اليوم عملوا vaginal examination على مريضة ادام 6 بنات و15 شب وتكرر الفحص 6 مرات !!
يا محلا السماعات !!
شوووووووووووووو؟
الله لا يعطيهم العافية واحد واحد !!!!
shoooooooooo 3m yesawo
كل الحق على الاساتذة لانهم يسمحون لهكذا مهزلةان تحدث امامهم
اذا كان الطلاب يسيؤون التصرف بهذا الشكل فالاساتذة هم القدوة (هيك بيقولوا )فلازم يتصدوا
لهيك موقف مسيء و مهين للانسان.