'
رسمة "مهنة المستقبل" عندما كنت في الصف السادس !!
pearls-2 - الجمعة, 2008-10-24 22:12 | ألبوم حكيم
من عادتي أنني أحب أن أحتفظ بذكريات قديمة...(دفاتر، مذكرات، صور...)
وبينما كنت أرتب خزانتي وجدت فيها دفتر رسم لي من الصف السادس الابتدائي...
تصفحته، وإذ برسمة: مهنة المستقبل، أو ماذا تريد أن تكون تكون في المستقبل...!!
تراها ستكون متطابقة ؟؟
صورة جميلة.
وأجمل ما فيها: الرّجاء عدم التدخين.
جميل هذا الوعي وفي الصف السادس.
ليش المريض عمينزف؟
صورة جميلة.
وأخيراً نزّلتيها!!
يا ستّي بإذن الله رح يتحقق الحلم.. بس يمكن تكون "ثريّة" عيادتك غير.. يللي مركّبتيها هلأ مو عالموضة!ّ"وش فارط من الضحك"
Plus: السهاذات لازمها إعادة ترتيب.
الشهادات
كتير حلوة...يلي لفت نظري شهادات بورد ال8 يلي معلقتيهم "وش عم يضحك".....
تريّا بالعيادة! إي شو هالعز
حلوة كتير.. ما شالله..
عنجد فظيعة...
وخاصة المريض يلي عمينزف...
لذيذة كتير ..ماشاء الله عنك.. شو كم شهادة معلقة عالحيط
انشالله منشوفك أحسن دكتورة يا رب..
صورة جميلة جدا حقيقة
انا وقت كنت بالصف السادس و لحتى الحادي عشر
ما رسمت بحياتي غير منظر طبيعي و حرب تشرين
سلام
من السادس LCD ..و الله بتذكر كانت ضرب من الخيال تلك الأيام ..
لأ و لمين للسكرتيرة..
وأم الطفل( المريض) يلي بالزاوية تحت؟؟
:lol:
كأنه في قمل على راسها!!
فعلاً كثير حلوة الصورة
والله حلوة ..
ان شاء الله منشوفك أكبر دكتورة بالدنيا وتحققي كل أحلامك
حلوة كتيييييير
دائما الذكريات بتخلينا نحس بنعمة الله علينا
الشهادات
فعلا هي لفتت نظري أكتر شي
ذكريات..... رائعة...
حلوة كتير ...واكتر شي لفتلي نظري
لافتة ممنوع التدخين .....والشهادات ...!!
شكراً لمروركم...
أول ماشفتها يالطيف شو ضحكت على حالي...
"يلي لفت نظري شهادات بورد ال8 يلي معلقتيهم "
لأ والنهفة بالموضوع، أنو إذا كبرتوا الصورة شوي، ولاحظتو الشهادات شو مكتوب عليهن، وحدة أمريكا، ووحدة ألمانيا، ووحدة النمسا، ووحدة فرنسا...
ياسلاااااام...مو مخلية بلد مو آخدة منو شهادة...بس بأنو واحد الاختصاص الله أعلم....
"ليش المريض عمينزف؟"
لكن ليش جاية لعندي !!
"الثريا يللي مركّبتيها هلأ مو عالموضة!"
شلون مو عالموضة، مو موضة الـpurple هالسنة...؟؟ شفتي كيف عالموضة "وجه عم يغمز"
"من السادس LCD ..و الله بتذكر كانت ضرب من الخيال تلك الأيام .."
الكمبيوتر كلو كان ضرب من الخيال بهديك الأيام...شلون خطرلي حطو مابعرف...
"وأم الطفل( المريض) يلي بالزاوية تحت؟؟
كأنه في قمل على راسها!! "
لا يا ذكية، هذا شعرها عاملتلو خصل "هاي لايت" بلون تاني "وجه كووووول"
..................................................
لأ والآنسة من كل عقلها حاطتلي ممتاز !!
جميلة جدا
و الأجمل أنك بدأت بالسير في سبيل تحقيقها
لأ وشوفو الخزانة اللي معباية قوارير مواد كيميائية كلها أدوية للخلط
ولي تذكرت توم وقت بيخلط حليب لجيري بالقبو
واااااو شو حلوة ..وفعلا" معبرة
إي بتقوم بتصير قوية بدل ما تموت
إي بتقوم بتصير قوية بدل ما تموت
إي هون انشالله ما يصير بالعكس
رسمة ابداعية
أيام.... حيصير للمشاركة سنة.....
بس في تعليق نسيت الرد عليه سابقاً::
كأنه في قمل على راسها!! "
لا يا ذكية، هذا شعرها عاملتلو خصل "هاي لايت" بلون تاني "وجه كووووول"
أنا بعرف أنه البنت يلي بتعمل "هاي لايت" بيكون شعرها أسود أو غامق... وبتعمل تفتيح لشعرها: خصل شقراء(يعني من اسمها highlight),,,, وليس العكس كما في الصورة
هاد اسمو lowlight
اللي عم تحكيه صح منطقياً..بس اللي عم يصير عند كتير من السيدات إنو بيخصلوا معظم شعرهن بالأشقر وما بيصفي غير كم شعرة غامقين
بس اللي لفتني كمان إنو هالمريض شو مسكين..شكلو خالص عالآاااااخر..
كتير طفولية وحلوة..ماشاء الله عنك..بكرا بعد سنين بإذن الله بتشوفيها وانشالله بتكوني حققتي كل اللي ببالك يارب..
أولاً ما شاء الله شو هالشهادات اللي معلقتيهن كام شهادة ؟؟
يعني شهادة السادس والتاسع والباكالوريا والاجامعة والماجستير والدكتوراه وكمان اختصاصي ثانيين
وكمان الباب اللي مكتوب عليه غرفة الانتظار وسهم يعني كيف هيك؟؟ يعني بيكونوا المرضى بالعيادة وفي سهم بيدلهن على غرفة الانتظار بعد ما يخلصوا المعاينة
ثالث شغلة بتوقع إنو في أمور تغيرت ... الحجاب مثلاً
....................................................
طبعا تعليقاتي كانت على بنت صف سادس .. فلا تاخذيها بجدية
عم أمزح .. بالتوفيق وإن شاء الله تصيري أحسن من الصورة .. ونشوفك صاحبة مشفى
خيال واسع، لكنه تجاوز حد الخيال لتحوليه واقعاُ .. إنه الطموح.
بالتوفيق لك في كل خيالاتك وطموحاتك.
حلوة
و من قلبو كمان
ـــــــــــــــــــــــــــــــــــــــــــــــ
تذكرت صباي و الأحلام البريئة !
موفقة بحياتك و مهنتك دكتورة