متابعة عملي الفيزيولوجيا 2008-2009

السلام عليكم ...

غداً سنخوض أولى تجاربنا الجميلة في الفيزيولوجيا

وبما أنه في عالم كتير وأنا وحدة منهن ما عندهن كتاب عملي

حضرت لنا صديقتي نورمي هذا الملخص عن جلسة الغد ..

فاستمتعوا بقراءته ..

ســـــلام ..

-

المرفق	الحجم
AAAAA AAAA AAAAAAA-1.doc	47.5 كيلوبايت

UP ، شكرا nafartete...

شكراً Nafartete- Normy , انشالله تكون الجلسة سهله

ماشاء الله... يا هيك التلاخيص يا بلا
وباعتبارها صارت وصارت :cool:

شو رأيكن نصير نعمل تحضير أو حتى تلخيص إذا بدكن لكل جلسة

يعني تحضير الفيزيولوجيا مو أقل أهمية من تحضير التشريح

ويفضل المحضر يكون عندو فيزيولوجيا بأول يوم "يوم الثلاثاء يعني" مشان ما يتعطل..

وشغلة تانية...
حكولنا شوي عن مغامراتكن في أول جلسة فيزيولوجيا
في شي ضحايا وخسائر ولا سليمة

والله الجلسة اليوم كانت تحفة!!!
ضفدعنا التعيس .... بعد كل محاولات تنخيعه !!! وبعد اخراج قلبو وتثبيته.... وقف قلبو ومااااات!!! يا حسرتاه ....

للأسف انسعقنا في أول هذه الجلسة بخبر غاية في السوء وهو عدم قدرة المشرفين على تأمين ضفدع لكل طالب ، الذي هدأ من هذه الفرح.. أقصد المصيبة الوعود التي قطعها المشرفون على أنفسهم بتأمين ضفادع بالأعداد المطلوبة في الجلسة القادمة ...
أما عن التجربة ، فمعظم الطلاب استطاع تنخيع الضفدع بنجاح واستطاعوا إخراج القلب وتعليقه في المكان المناسب ولكن ... للأسف الكثيرون من لم يحصلوا على نتائج بسبب جودة الأجهزة المستخدمة
أما عن الضحايا ففي مخبرنا كانت نورمي ونفرتيتي أهم ضحيتين ( حيث دار نقاش هادئ بين نورمي والمشرف انتهى بتصريح نورمي ب.. " بدك تكتبني غياب أكتوب بدك ترسبني رسب بس ما بقرب من الطاولة وبشوف هل الإجرام " .
و في النهاية موفقين جميعاً

شو هاد ! شو هاد ؟ مين عم يحكي علينا
لا أبداً شو ضحايا ؟! كتير كنا مبسوطين اليوم !!!

أنا عندي سؤال وجيه جداً: هل يمكن أن ينجح الإنسان في عملي الفيزيولوجيا دون أن يلمس أو يتعامل مع هالكائنات الكربوجة ؟؟ لأني شايفة الشغلة بالنسبة الي mission impossible !!

أتمنى لكم أسعد الأوقات في هذا المخبر !

انا أويدك تماما"!!!!!
وبالنسبة الي ... لقد وضعت الصفر في نصب عيني (( في علامة تنخيع الضفدع!!! only)) واصبحت شبه متأكدة منه!! مالم تحصل معجزة تحطم هذا الحاجز بيني وبين الضفدع التعيس !!!

هلأ يا جماعة نحنا لا اول ناس بتعمل عملي فيزيولوجيا ولا آخر ناس، ومتل ما كل هالعالم يلي قبلنا مرقوا نحنا إنشالله كمان منمر.

وبعدين لا تدللوا كتير وحمدوا الله أنو جابولكن ضفادع

فئات اليوم عملوا التجارب نظري بسبب نقص الامدادات من الضفادع

بس اطمنوا قالولنا انو إنشالله بكرة جاييتن دفعة جديدة..

شفتو على هالحظ ...
بس يللا إن شاء الله بكرا يعوضونا بضغادع من النخب الأول

بس بدكن الصراحة أنا انبسطت كتير لما قلنا الدكتور انو مافي ضفادع يعني تأجلت جلسة الرعب للأسبوع الجاي

و هي أحلى ضفدع لأحلى تانية~

المرفق	الحجم
Frogee.JPG	27.57 كيلوبايت

الله يسامحك يا ربا صدقيني ما بخاف من الجثث قد نص ما بخاف من الضفادع واذا بكرة ما اجيت عالجامعة بيكون لأني ما نمت بعد هالصورة الرررراااائعة جدددددااااا

كانك شايفة فلم رعب قبل ما تحطي هالصورة؟؟

والله صرت ادعي ليل نهار انو تنقرض الضفادع وقت الفحص ويضطروا يحطوا علامات بدون وجود ضفادع!!

شبكم يا جماعة الخير ... كلياتو شقفة ضفدع

عنجد حلو كتير هالضفدع ... اطلعوا على هالعيون الحالمة

اقتراح : شو رأيكم نفتح منتدى خاص للضغادع ... ونترك هاد المنتدى لمتابعة عملي الفيزيولوجيا

اليوم الجلسة كانت ممتعة (على غير العادة في كليتنا) ولكن كانت بفشل غيرها من جلسات العملي في الكلية
لم نستطع (نحن خمسة كل واحد معو ضفدع ) من تسجيل دقات قلب الضفدع
ببساطة لإنو الجهاز مدري كيف لازم يتوازن بطريقة لم نفهمها

لك لك ربا وحاطة صورة ضفدع
لك ورجينا هالشي على أرض الواقع

طبعاً:cool: :cool:

سلام ما قلتولنا شو رايكن بجلسة الفيزيولوجيا اليوم

أنا اليوم مسكت ضفدع وأخيرا لانو السنة الماضية بالحياة ما دقرتوا هو صحيح مسكته بس ما قدرت نخعه لانو كل ما ينفض بحس انو قلبي نفض لك الله يعين هالحيوانات المسكينة علينا

ما بعرف ليش خايفين؟؟؟؟

والله حلوين هالكائنات اللطيفة وزبط معي التنخيع بس صراحة ارتعبت وقت نفضوا الطرفين السفليين

اطلعوا على هالعيون الحالمة قلتلي عيون حالمة ما ايه الله يسعده ويبعده

اذا سمحتو يا تالتة هلا بالامتحان الضفدع بيكون منخع ولا نحنا بدن نخعه

نحنا فهمنا كيف لازم يتوازن بس ما زبط لانه كان مجبر وقعد يرسملنا خط مستقيم

شو هالظلم ,,,اليوم عطوا ضفدع لكل شخص اما على حظنا عطو ضفدع لكل مجموعة,,مع اني مافرقت معي لان انا يلي نخعتوا ونخعت ابوه كمان,,,عجبتني الشغلة كتير,,
بس اما ضفدع بيطلع بحجم القطة,,,بدون مبالغة,,,

لك له
ليه ما حبيتو...نفرتيتي حبتو ...كتير ظريف ...

على جثتي ..ما بقرب و اللي بدو يصير يصير !!!

له له شو منخع مامنخع بيجيك بشحمه ولحمه وهو عم ينطوط