ماراثون الركض وراء الدكتور !

والله أنا ما عم لبك حالي ولا شي..

رحت يومين تلاتة بهذا الستاج الماضي، كل ما روح ندور على الدكتور وما نلاقيه، بعدين صرت إحكي تلفون مع رفقاتي بعد الضهر ويقولولي نفس الشي، في مرة إجا الدكتور وفات معه واحد من رفقاتنا على غرفة ولما طلع الدكتور من الغرفة حاول الطالب يلحقه بس الدكتور اختفى! بالتالي ما حضرت شي من هذا الستاج (15 يوم)، يا أما بضل نايم يا أما بنزل بدرسلي كلمتين بالمكتبة.

حضرت أول ستاج كان جيد وانبسطت فيه، تاني ستاج كان جولة مع أحد الأطباء وكانت الفائدة وسط، التالت الآن ما شفنا الدكتور أصلاً. الرابع عندي رعاية وهو ببلش بكرة.

تاري الوضع اخو بعضه ..هههه نحن هون بمشفى الاسد "الجامعي"
"جامعة تشرين "أو ع قولتك هيك بيقولو "جامعي" عنا نفس الماراتون اذا ما اضرب بس كنت مفكرة انه بالشام الوضع انظم ااااه عوجا
لذلك ما تتاسفي يا دكتورة هي لا سلبية ولا شي هي واقعية الله بيعين

ولسا ملشفتي شي ..

ستاجات السادسة قمة الإثارة والمتعة.......

عنجد مش حتقدر تغمض عينيك

آآآخ، منيح أنتو عم تشوفوا دكتور، نحنا بالجراحة لا منعرف الدكاترة ولا بيعرفونا، ولا منشوفهم ولا بيشوفونا. ونحنا عم نشتغل ونداوم جراحة وما عم نعوض شي معها لأن ما عم نلحق شغل غير للجراحة.

بداية كان عنا ستاج جراحة عصبية: أتى الأستاذ وشافنا نحنا طلاب السادسة بالشعبة، قام قال أنتو ما بتجوا غير مشان الميم ومو مشان الفائدة. والتفت على طالب دراسات وقله لازم تربطوهن بالعامود مشان ما يهربوا!!! وما بتفلتوهم قبل الساعة 12!

تاني ستاج جراحة قلب، قبضناها جد وداومناها كلها وشفنا مرضى وأصغينا وفرحانين بحالنا وساوينا مشاهدات ورحنا لعند الدكتور:
أول حالة: مريضة رباعي فاللو، حسب كلام الأم وقت كانت صغيرة ساوولها إغلاق للفتحة والآن بعد 12 سنة بدهم يوسعوا الرئوي، سؤال الدكتور: ليش صار عودة تضيق بالرئوي؟؟
نحنا: أستاذ قال الأم ما وسعوه أول مرة.
الدكتور: وليش ما وسعوه؟؟؟
وقت ما كان عنا جواب تقلعنا، وقال هاد اسمه شبل ورفع عتب وما رضي يوقع.

طبعا ما يئسنا وبدا تالت ستاج: جراحة أطفال.
كالعادة اشتغلنا بضمير وشفنا وفحصنا مرضى وحضرنا مشاهدات ورحنا لعند الدكتور:
الدكتور: شو الحالة؟؟
نحنا: انغلاف أمعاء.
الدكتور: شو العمر المفضل للانغلاف؟؟
أحدنا (مراجع المحاضرة حديثا): 4-8 أشهر.
الدكتور: لأ، العمر المفضل هو 8 أشهر. روحوا ادرسوا منيح، نزل كتاب جراحة أطفال جديد روحوا جيبوه واقرؤوه!!!

أنا هيك ما بوقع!!!

ببداية الأسبوع القادم رح يبدا ستاج جراحة جديد، بس ياترى نحنا رح نضل مكملين هيك بضمير، لأ، بصراحة ملينا من البهدلة وتضييع الوقت ، طول الستاج ما عم نشوف دكتور ولا حدا بيتعرف علينا إلا وقت التوقيع.
ووقتها عم يترفعوا أنهم يوقعولنا مشاهدة.
للأسف نظام الستاجات عنا عم يفرض علينا أنو ما نشتغل ويكون هدفنا هو ال"م" وفقط ال "م".

من فترة قريت مقال وحدة كاتبته عال medscape لقيت الحمدلله أنا عايشة بنعمة:المقال هو Does Med School Have To Be Torture?

http://medscape.typepad.com/thedifferential/2008/08/does-med-school.html

عرفتو لهاد الدكتور يلي عم تحكي عنّو
يا لطيف شو حبااااااااب

حمدي ربّك يلي خلّاكي تحضري بعد ما تأخرتِ..نحنا يلي كان يتأخر خمس دقايق، كان يقلّو ( روح على بيتك ورجاع بكرة )..هيك بكل بساطة..لأنو أوقات العالم وتضييعا آآآآآآآخر شي ممكن يعملولو قيمة أو حتى يجربو يفكرو فيه
والأنكى من هيك إنو لما ننوي نحضر،ونروح نفرجيه حالنا الصبح كان يقلّنا: خلص مشي الحال طلعو عالإقامة بدوووووووون ما يكلّف خاطرو ويسألنا عن أسماءنا أو يسجلون عندو..علماً إنو على طوووووول في حدا من الشباب غايب..بس أنو واحد وعلى أنو أساس رح يسجل هالحضور..ما بعرف
يعني حتّى إذا نوى يسجلنا حضور يوماً ما..مستحيييييييل يتذكرنا أو يتذكر مين كان عم يغيب منّا كل مرة..خصوصي إنو مجموعتي عبارة عن: أنا+ تلت شباب أسماؤن متشابهة ، كللللون إسمون (باسل)..
فيبدولي شغلة الحضور وتسجيلو شغلة فائسة، والشطارة بس بإظهار فنون البهدلة والشرشحة يلي لازم يستعرضا كل دكتور إدّام كل واحد متأخر!!!
فالأحسن للطالب يداوم محل ما عم يلائي حالو مستفيد...هادا إذا حسن يلائي هيك محل

ستاج الجراحة العصبية الدكتور ضرب رقم قياسي في هروبه من الطلاب .
أول شي كان يشوفنا بالممشى يساوي حاله ما شايفنا ,بس نحن ما نعيفه بحاله ونروح نقتحم عليه غرفته ونفرجيه حالنا ويا حرام شو يصير فيه تقولواو كانو عنده فوبيا من شي اسمه طلاب الطب ,اول ما يشوفنا ينادي لواحد من المقيمين يا فلان تعا خدهم !!!

اول يوم فكرنا انو ما فاضي او هيك شي ,بعدين تكررت القصة واكتشفنا انو ما هذا السبب ,بيجوز السبب حبه الزائد للطلاب !!!!!

what you are talking about is really sad,I am dowind reiht now my rotation in Germany ,and stay in the Hospital about 9 hours a day...every other daay..I have to assist in an Operation ...It is very usefull and the th system is wonderfull ...here the Student in thier sixth year are payed...so they have to concentrate on the Work It is really a work and not time consuming ...

Unfortunately majority of so called university doctors/professors were never taught to teach and more importantly many of them do not understand the word "respect" .May be they are projecting the system the created their presence to start with. It's like students will still have to live with the complexes and deficiencies that the docotos used to suffer from since the beginning of previous century

Is this vicious cycle going to stop ever!

ستاج الباطنة غير شكل...بالمواساة طبعاً......
الدكاترة ما حدا بيعرف ايمت بيجوا..... وطلاب الدراسات ما حدا فاضي..... اذا سألت حدا بيقلك "روح افحص واستجوب واستنى لحتى تصير الجولة" طبعاً الجولة الله بيعلم ايمت بتصير....
من يومين ضلينا منتظرين على الدرج شي ساعة ونص لحتى مرت الدكتورة وقالت..... كتبوا اسماءكم على ورقة والحقوني فيها... وطبعاً كان أفيد شي بهداك اليوم التعرف على الطالعين والنازلين على درج المشفى......
بس بيضل ستاج الباطنة أرحم من أي ستاج تاني على اللي سمعته من الشباب.......

Loooooooooooooooooooooooooooooollllllllllllll

أنا كنت سميها الإقامة الجبرية..