إعلان
|
|||||||
لحظة من فضلك!
مشاريع
هدية كل رجل يموت، لكن ليس كل رجل يحيا الفعاليات القادمة
استطلاع الرأي إلى أي مدى تعتبر أنّ الدراسة النظريّة للطبّ في كليتنا ستخدمك سريرياً في المستقبل؟ أعتبر أنّ الفائدة معدومة في ظل النظام التدريسيّ الحالي. 28% الفائدة كبيرة جداً، وهي أساس التميز العملي. 6% الأمر نسبي، يختلف من طالب لآخر، ومن مادة لأخرى. 66% عدد الأصوات: 344 أهلاً بك ! تفضل الإبحار |
 
4-3-2-1 ----> هلأ دور 5 |+_+| نصـــــائحـــــكــــم |+_+|
|
||||||
)
المشاركات: 1264
ممممممم
بتعرفي.......
كنت ناوي حط نفس الموضوع
بس سبقتيني........
نرجو من جميع طلاب السادسة تقديم النصح والفائدة:cool:
وخاصة دوام الستاجات
السنة السادسة
المشاركات: 3442
السلام عليكم
أولاً: من ناحية النظري
الفصل الأول من أثقل الفصول علمياً في كلية الطب، 7 مواد أغلبها ضخمة (بينهم باطنتين). برأيي يجب إفراد شهر ونصف على الأقل قبل تاريخ أول امتحان لحتى يقدر الواحد يجيب علامات مُرضية.
الفصل الثاني فارغ بكل معنى الكلمة، قد يكفي 20 يوم فقط قبل الامتحان للتحضير.
طبيعة المواد متعارف عليها وغير مخالفة لطبيعة أي مادة أخرى بالكلية. الأسئلة حصراً من المحاضرات وهي أسئلة ذاكرة فقط.
ثانياً: من ناحية الستاجات
ستاجات السنة الخامسة أسوأ من ستاجات السنة الرابعة. الفائدة المرجوة منها أقل من ستاجات السنة الرابعة بشكل عام.
نصيحة: لا تنجرّوا نحو التفاصيل وتفوتو على عمليات التوليد والتجريف وما بعرف شو، ولا تعملو وسايط لتفوتو على غرفة الجراحة العصبية. تعلّموا كيفية أخذ القصة المرضية والفحص السريري وهذا كاف. ضروري الواحد لما يطلع من الخامسة يكون متقن لهودي الأمرين وبس.
ثالثاً: التخصص
الفصل الثاني من السنة الخامسة هو البداية الجدية لمشروع التخصص في أمريكا لمن كان مهتماً، لذلك يلي حاطط ببالو هذا المشروع من الضروري يبلش تخطيط ببداية السنة منشان ما يروح الفصل التاني على تفكير قبل الدراسة. مبدئياً فيك تعتبر حالك حرّ من الالتزامات الدراسية القديمة بالكلية بدءاً من نهاية امتحان الفصل الأول تقريباً.
باقي الأمور بظن صار عنكم خبرة فيها بدراسة السنة الرابعة.
بالتوفيق جميعاً
الله الله الله...
السنة السادسة
المشاركات: 3477
وبشكل عام...ستاجات الأسد أفضل بكتير من المواساة...وستاجات الباطنة أفضل من الباقي.....
عقمت أم الزمان فلم تلد.......ولن تلد الأيام مثل محمد
Pic & Case
السنة السادسة
المشاركات: 291
ستجدون معلومات كثيرة مفصلة في دليل حكيم
وإن شاء الله بكون الدليل جاهز قبل بداية الدوام
ما كان في ماضي الزمان محرما للناس في هذا الزمان مباح
صاغوا نعوت فضائل لعيوبهم فتعذر التمييز والإصلاح
فالفتك فن والخداع سياسة وغنى اللصوص براعة ونجاح
والعري ظرف والفساد تمدن والكذب لطف والرياء صلاح
السنة السادسة
المشاركات: 4147
بالنسبة لمواد الفصل الأول :
باستثناء المفصلية بالأسد أوعى تغيبوا يوم حتى احضروا مع غير فئات هذا الستاج الوحيد اللي حسيت حالي فيه عم اتعلم .
عصبية أنا من جهتي قرأت essential ولاقيته كتير حلو واكتفيت فيه ولكن العصبية تشريح لهيك كتاب هايلد neuroanatomy مفيد جدا قبل ما تبدوا عصبية .
الكلية فيزيولوجيا اذا الفيزيوجيا عندكم مش ولابد لازم تحاولوا تجبروا هالكسر أنا قريت كتاب واحد هو كتيب صغير عن الشوارد والحماض والقلاء وكنت قبل ما اقرا المحاضرة اقرا الروبينز .
غدية وتغذية سهلة وأنا ما قريت غير غدية وتركت نوظة التغذية العظيمة للامتحان ودرستها دورات .
النفسي قريت هايلد مع الكتاب ...حسيت هايلد بلخص كل مرض وعلى شو واحد لازم يركز في ناس حضروا واستفادوا من جهتي ما حضرت شي ولسا ما قدمت المادة !
التخدير بقولوا دورات بس لا كتير تعتمدول على المقولة هي لأنه الحملة ما اجت الأسئلة دورات وحظ دفعتكم ما ببيض الوجه !
عينية أنا استمتعت بالمادة لاقيت الواحد لما يقرا ويفهم كتير بيستفيد المادة ضخمة بس سهلة ومعدل وحلو الواحد يسطر الدورات على الكتاب .
النسائية مادة سهلة وحلوة اللي بحب يقرا مرجع في ترجمة عربية لهاكر أند مور وأنا عم اقراها حاليا وهي روعة أو فيكم تقروا BRS أو هايلد المختصر .
الجراحة أنا السنة كرهت الجراحة بكافة اقسامها ...العصبية والاطفال نصيحة مني اقروها دورات وادرسوا بس البولية ولا تتركوها لآخر الفصل لأنها بتجنن
بالنسبة للستاجات أنا ما استفدت من اي ستاج غير الجلدية الباقي شي بقرف ومافي شي مفيد
موفقين .
المشاركات: 1264
طيب أنا اول ستاج عندي
توليد
وراح يكون برمضان......
شو أوضاع هالستاج خبرونا !
السنة السادسة
المشاركات: 4147
ستاج التوليد اللي برمضان برأي ما تحضر لأنه رح تفطر
وضع المشفى مقررررررررررف الا اذا اجى الدكتور كردي وعطاكم وقتها لا تفوتوا درسه في كمان الدكتورة أسماء عبد السلام والدكتورة سوزان الباقي بصراحة وأعتذر عن هالكلمة "علاك مصدي "
السنة السادسة
المشاركات: 457
بالنسبة للمواد ...متل ما قال KMG
بس إذا درستو منيح بتلاقو العلامات أحسن بالفصل الأول من التاني
الدراسة للامتحان ...المحاضرات كافية تماماً
الباطنة:العصبية دراستها سهلة نسبياً وأسئلتها سهلة
الكلية حسب الدكتور (بدها فهم وبصم غالباً)
الغدد والتغذية سهلة
الجراحة :عصبية وأطفال دورات حصراً....البولية دراسة محاضرات
العينية: دراسة الكتاب سهلة مع الدورات
النسائية: سهلة وبتكفي المحاضرات
النفسي: أنا شفتها مادة مقتة وبدها دراسة منيح....بتفيد الدورات للتعرف على نمط الأسئلة الغريبة
التخدير :سهلة ماعدا الأدوية (بدها حفظ منيح)
الدورات يمكن تظبط يمكن لأ
بالنسبة للستاجات الحضور على راحتكم والفائدة محدودة ....بس الجلدية والعينية لازم تحضرو
حضور الستاجات أكبر خطأ عملتو لأنو ضيعلي وقتي
ها أنتم هؤلاء حاججتم فيما لكم به علم فلِمَ تحاجّون فيما ليس لكم به علم والله يعلم وأنتم لا تعلمون
المشاركات: 1264
صحي ذكرتوني !
شو صار بالطلاب يلي إنحذفت علامات الجراحة بتاعهم !!!
رجعت إنشالله ؟
معناتها بلاه.....منحضر شي جمعة بعد العيد .....بيكفي إنشالله
أصلا انا مستحيل إختص توليد !
السنة الخامسة
المشاركات: 2143
يسلم إيديكم
وإن شاء الله بكون الدليل جاهز قبل بداية الدوام
جزاكم الله كل خير
صراحة الدليل اللي عملتولنا ياه للسنة الرابعة كان مفيداً جداً
وإن شاء الله يكون دليل الخامسة على غراره
فنحن بحاجة لتفاصيل كثيرة
جزيتم خيراً مجدداً
المشاركات: 1264
شو وين طلاب الخامسة الجدد ما عم يبينوا ؟
خلينا نشوفكون زملاء !