آراء ومقترحات حول دورة مناقشة الحالات السريرية

السلام عليكم

لو من الممكن يكون في مشاركة أكتر للطلاب المساهمين بتحضير الحالات، كان دورهم قراءة للنصوص فقط تقريباً.

كمان حبذا لو يكون في نقاش ومساهمة أكتر للحضور، كان الدكتور والطلاب المساهمين بس هنن يلي مسموع صوتهم.

لو بتمّ الإعلان عن موضوع حالة اليوم التالي هون على حكيم قبل الحالة بيوم بيكون كتير منيح.

حالة القلبية كانت مفيدة جداً، وتعلمنا فيها أمور حلوة وظريفة.. مشكور الدكتور سامر آغا.. وبانتظار باقي الأيام.

هل نسيت يا عزيزي ما الذي حصل في فريقنا من تغييرات
في البداية اشترك أحدهم ثم قرر أن ينسحب وتخيل أنه حتى لم يرسل رسالة ليعلمنا بانسحابه
ثم اشترك آخر وتقريبا نفس الأمر لكنه لم يراسلنا أو يتصل فقط قالوا فلان معكم
ووصلنا ليوم الخميس وعندما سألنا أبو شحادة إن كانوا أكدوا له الأمر أو نزل إعلان قالا أنه حتى ذلك الوقت لم يصله شئ
وما بعد الخميس إلا الجمعة والسبت وكلاهما عطلة

وعندما سألنا عن آلية المناقشة قالوا أن الحضور سيناقش الحالة معنا وكما رأيتم طوال فترة المناقشو لم نسمع سوى تعليقين أو أقل
و نقول لكم :
قولنا هذا رأي , وهو أحسن ما قدرنا عليه , فمن جاء بأحسن من قولنا هذا , فهو أحق بالصواب منا.

دكتور MR طول بالك نحن هون ماعم نلوم حدا بالعكس حضرتوا حالة حلوة والله يعطيكم العافية وكنتم أول محاولة وأول تجربة وقدمتوا شي كتير حلو .
نحن هون عم نجرب وناخد الاراء ونستفيد وما حدا عم يلوم حدا أو عم يقول انه مقصر والنقد لالي أنا مو لحدا تاني !
واذا صار أي فشل فأنا مسؤولة عنه أما التغيرات فكان سببها اني وزعت الطلاب المستركين حتى يغطوا أكبر عدد من الأيام وبحب خبرك اني أنا استلمت 3 أيام !!
لهيك رجاء روق ومافي داعي للاحتداد والله يعطيكم العافية

بالنسبة ليوم الأربعاء باذن الله سوف يكون هناك نقاش لحالات في الباطنة الهضمية

سلام..
والله الدورة كتير مفيدة وكتير متعوب عليها.. الله يعطيكم العافية..
شكراً كتير هنادي على حالة الرثوية اللي حضرتيها اليوم يعني ذكرتينا بكتيررررررررررر منسيات من الرثوية..
بس ياريت نضل متمسكين بالمناقشة بالإنكليزي متل ما صار بمناقشة الحالة القلبية.. يعني بنستفيد علمياً ولغوياً بنفس الوقت..
شكر لجميع الدكاترة المساهمين معنا والله يجزيهم ألف ألف خير....
وشكر لكل الطلاب المساهمين بتحضير الحالات.. الله يوفقكم جميع...

بصراحة لم أستطع حضور سوى اليوم الأول والذي "على الأقل برأيي" كان متكامل جداً وتدخلات الدكتور سامر كانت بمحلها ورائعة وما حننساها بحياتنا .
الشباب ما قصّروا أبداً وواضح الجهد المبذول في تنظيم الحالة وشرحها.
الدكتورة هنادي الباشا "واللي اشتغلوا معها" الهم فضل كير في نجاح هالدورة وما شاء الله عليكم .
تمنيت لو بامكاني أحضر باقي الدورة ولكن الظروف وقفت ضدي واضطريت سافر.

شكراً من القلب للجميع .

___________

يا ربي كن معهم انصرهم ولا تخذلهم ,, ياربي إنا مظلمون فانتصر